<div class="version vid1219 iso6393plt" data-vid="1219" data-iso6393="plt">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s1">Ny nitsaran&#8217;i Pilato an&#8217;i Jesosy</div><div class="r">Mat 27.2, 11-14; Mar 15.1-5; Jao 18.28, 33-38</div><div class="p"> 1Ary nitsangana ny olona rehetra ka nitondra an&#8217;i Jesosy tany amin&#8217;i Pilato.</div><div class="p"> 2Dia nanomboka niampanga Azy izy ireo hoe: Izy ity hitanay nampiodina ny firenenay sady nandrara tsy handoa hetra ho an&#8217;i Kaisara ary nilaza ny tenany ho Kristy* Mpanjaka. 3Ary nanontany Azy i Pilato hoe: Ianao va no Mpanjakan&#8217;ny Jiosy*? Dia namaly azy Izy hoe: Voalazanao. 4Hoy i Pilato tamin&#8217;ireo lehiben&#8217;ny mpisorona sy ny vahoaka: Tsy hitako izay helok&#8217;ity Lehilahy ity. 5Fa vao mainka nanizingizina ireo hoe: Nampiodina ny olona Izy sady nampianatra manerana an&#8217;i Jodia* rehetra, nanomboka hatrany Galilia ka hatrat&#7923;.</div><div class="s1">Jesosy teo anatrehan&#8217;i Heroda</div><div class="p"> 6Raha nandre izany i Pilato dia nanontany raha olona avy any Galilia Jesosy. 7Rehefa fantany fa avy tamin&#8217;ny tany tapahin&#8217;i Heroda Izy dia nampanateriny tany aminy, fa tany Jerosalema koa i Heroda tamin&#8217;izany andro izany.</div><div class="p"> 8Faly dia faly i Heroda raha nahita an&#8217;i Jesosy; fa efa ela no naniriany hahita Azy satria efa nandre ny Aminy sy nanantena hahita Azy hanao famantarana izy. 9Nametraka fanontaniana maro Taminy izy; nefa tsy namaly teny azy akory Jesosy. 10Ary ireo lehiben&#8217;ny mpisorona sy ny mpanoradal&#224;na nijanona teo dia nitompo teny fantatra hiampanga Azy. 11Ary namingavinga Azy i Heroda sy ny miaramilany ka nanao Azy ho fihomehezana, dia nampiakanjo Azy akanjo marevaka ka namerina Azy tany amin&#8217;i Pilato. 12Ary nanjary mpinamana i Heroda sy i Pilato tamin&#8217;izany andro izany; kanefa nifankahala izy roa lahy taloha.</div><div class="s1">Ny nanamelohana an&#8217;i Jesosy ho faty</div><div class="r">Mat 27.11-26; Mar 15.11-15; Jao 18.39&#8211;19.16</div><div class="p"> 13Rehefa nasain&#8217;i Pilato novorina ireo lehiben&#8217;ny mpisorona sy ireo manampahefana ary ny vahoaka 14dia hoy izy tamin&#8217;izy ireo: Noentinareo at&#7923; amiko ity Lehilahy ity fa hoe nampiodina ny vahoaka; ary indro, efa nanadina Azy teto anatrehanareo aho, nefa tsy hitako izay helok&#8217;ity Lehilahy ity amin&#8217;izay iampanganareo Azy; 15na dia i Heroda koa aza dia tsy nahita, fa namerina Azy ho at&#7923; amintsika izy; ary indro, tsy nisy zavatra nataony izay tokony hahafaty Azy; 16koa hofaiziko Izy dia halefako. 17Fa tsy maintsy manafaka olona iray ho an&#8217;ny vahoaka izy amin&#8217;ny andro firavoravoana.</div><div class="p"> 18Fa izy rehetra dia niantso mafy indray miredona hoe: Vonoy Io ka i Barabasy no alefaso ho anay! 19Io Barabasy io dia natao tao an-tranomaizina noho ny fikomiana tao an-tan&#224;na sy noho ny vonoan&#8217;olona. 20Ary satria tian&#8217;i Pilato hafahana Jesosy dia nifandahatra tamin&#8217;ireo indray izy. 21Fa ny olona kosa dia niantsoantso hoe: Homboy, homboy amin&#8217;ny hazofijaliana Izy! 22Dia niteny tamin&#8217;izy ireo fanintelony izy hoe: Inona ary no ratsy nataony? Tsy hitako izay helony tokony hahafaty Azy; koa hofaiziko Izy dia halefako. 23Fa mbola niantsoantso tamin&#8217;ny feo mahery ihany ny olona ka nangataka ny hanomboana an&#8217;i Jesosy amin&#8217;ny hazofijaliana. Ary nihanahery ny feon&#8217;ny olona.</div><div class="p"> 24Dia nanapa-kevitra hanaiky izay nangatahin&#8217;izy ireo i Pilato. 25Koa nanafaka ilay natao tao an-tranomaizina noho ny fikomiana sy ny vonoan&#8217;olona izy satria io no nangatahin&#8217;ny olona; fa Jesosy kosa natolony araka ny sitrapon&#8217;ireo.</div><div class="s1">Ny nanomboana an&#8217;i Jesosy teo amin&#8217;ny hazofijaliana</div><div class="r">Mat 27.31-44; Mar 15.20-32; Jao 19.17-24</div><div class="p"> 26Raha nitondra an&#8217;i Jesosy izy ireo dia nisambotra lehilahy kireniana iray atao hoe Simona, izay vao avy any an-tsaha, ka nampitondra azy ny hazofijaliana tao aorianan&#8217;i Jesosy.</div><div class="p"> 27Dia nisy vahoaka betsaka nanaraka Azy ary nisy koa vehivavy maro izay niteha-tratra sady nitomany Azy. 28Fa Jesosy nitodika tamin&#8217;izy ireo ka niteny hoe: Ry zanakavavin&#8217;i Jerosalema, aza mitomany Ahy fa mitomania ny tenanareo sy ny zanakareo. 29Fa indro, ho avy ny andro izay hilazana hoe: Sambatra ny momba sy ny kibo izay tsy nitoeran-jaza ary ny nono izay tsy ninonoan-jaza. 30Dia hilaza amin&#8217;ny tendrombohitra ny olona hoe: &#171;Mianjer&#224; aminay; ary amin&#8217;ny havoana hoe: Sar&#242;ny izahay&#187; (Hos 10.8). 31Fa raha ataony amin&#8217;ny hazo maitso izao, inona no hanjo ny hazo maina?</div><div class="p"> 32Ary nisy koa olon-dratsy roa lahy noentina hiaraka hovonoina Aminy. 33Rehefa tonga teo amin&#8217;ny toerana atao hoe Ikarandoha izy ireo dia teo no nanomboany an&#8217;i Jesosy sy ireo olon-dratsy ireo, ny iray dia teo ankavanany ary ny iray dia teo ankaviany. 34Ary hoy Jesosy: Raiko &#244;, mamel&#224; ny helony fa tsy fantany izay ataony. Dia nanaovany antsapaka no fizara ny fitafiany.</div><div class="p"> 35Nijanona teo ny olona ka nijery. Ireo loholona koa dia nandatsa hoe: Namonjy ny sasany Izy; aoka hovonjeny koa ny tenany, raha Izy no Kristin&#8217;Andriamanitra, dia Ilay voafidy. 36Ary nihomehy Azy koa ny miaramila, dia nanatona ka nanome Azy vinaingitra 37sady niteny hoe: Raha Ianao no Mpanjakan&#8217;ny Jiosy*, vonjeo ny tenanao. 38Ary nisy soratra koa teo amboniny hoe:</div><div class="q"> ity no mpanjakan&#8217;ny jiosy.</div><div class="p"> 39Ny iray tamin&#8217;ireo olon-dratsy nahantona teo dia niteny ratsy Azy hoe: Tsy Ianao va no Kristy*? Vonjeo ny tenanao sy izahay. 40Fa niteny kosa ilay iray sady nananatra ny namany hoe: Moa tsy mba matahotra an&#8217;Andriamanitra va ianao na dia ianao voaheloka izao koa aza? 41Marina ny anamelohana antsika satria mandray ny valin&#8217;ny nataontsika isika; fa ity Lehilahy ity kosa, tsy mba nanao ratsy na dia kely akory aza. 42Ary hoy izy: Jesosy &#244;, tsarovy aho, rehefa tonga any amin&#8217;ny fanjakanao Ianao. 43Dia hoy Jesosy taminy: Lazaiko aminao marina tokoa: Anio no hiarahanao Amiko any Paradisa*.</div><div class="s1">Ny nahafatesan&#8217;i Jesosy</div><div class="r">Mat 27.46-56; Mar 15.33-41; Jao 19.28-30</div><div class="p"> 44Rehefa tokony ho tamin&#8217;ny ora fahenina dia nisy haizina nandrakotra ny tany manontolo ka naharitra hatramin&#8217;ny ora fahasivy izany 45satria nihamaizina ny masoandro, ary triatra misasaka ny efitra lamba tao amin&#8217;ny tempoly. 46Dia niantso tamin&#8217;ny feo mahery Jesosy hoe: &#171;Ray &#244;, eo an-tananao no atolotro ny fanahiko&#187; (Sal 31.5); rehefa niteny izany Izy dia afaka ny ainy.</div><div class="p"> 47Raha nahita izay zava-nitranga teo ny kapiteny dia nankalaza an&#8217;Andriamanitra hoe: Tena olona marina tokoa io Lehilahy io. 48Ary ny vahoaka rehetra dia niara-nirohotra mba hijery izay niseho, ary raha nahita ny zava-nitranga ireo dia niverina sady niteha-tratra.</div><div class="p"> 49Fa ny olom-pantany rehetra sy ny vehivavy izay nanaraka Azy avy tany Galilia kosa dia nijanona teny lavidavitra teny nijery izany zavatra izany.</div><div class="s1">Ny nandevenana an&#8217;i Jesosy</div><div class="r">Mat 27.57-61; Mar 15.42-47; Jao 19.38-42</div><div class="p"> 50Ary indro, nisy lehilahy antsoina hoe Josefa, izay isan&#8217;ny mpanolotsaina tao amin&#8217;ny Sinedriona, lehilahy tsara fanahy sady marina. 51Izany lehilahy izany dia tsy mba nanaiky ny hevitra sy ny zavatra nataon&#8217;ny sasany; avy tany Arimatia tan&#224;nan&#8217;ny Jiosy* izy sady niandry ny fanjakan&#8217;Andriamanitra. 52Nankao amin&#8217;i Pilato izy ka nangataka ny fatin&#8217;i Jesosy. 53Dia nampidininy ny faty ka nofonosiny lamba hariry madinika, dia naleviny tao amin&#8217;ny fasana voalavaka tao amin&#8217;ny vatolampy, izay tsy mbola nandevenana olona. 54Andro fiomanana izany andro izany, fa efa antomotra ny Sabata*. 55Ary ny vehivavy, izay niaraka Taminy hatrany Galilia, dia nanaraka tao aoriana ka nahita ny fasana sy izay fomba nametrahany ny faty. 56Ary niverina ireo ka nanomana zavamanitra sy menaka manitra. Ary tamin&#8217;ny Sabata dia nitsahatra ihany izy ireo araka ny lal&#224;na.</div>
 </div>
 </div>
</div>

Ary nitsangana ny olona rehetra ka nitondra an’i Jesosy tany amin’i Pilato.
Dia nanomboka niampanga Azy izy ireo hoe: Izy ity hitanay nampiodina ny firenenay sady nandrara tsy handoa hetra ho an’i Kaisara ary nilaza ny tenany ho Kristy* Mpanjaka. Ary nanontany Azy i Pilato hoe: Ianao va no Mpanjakan’ny Jiosy*? Dia namaly azy Izy hoe: Voalazanao. Hoy i Pilato tamin’ireo lehiben’ny mpisorona sy ny vahoaka: Tsy hitako izay helok’ity Lehilahy ity. Fa vao mainka nanizingizina ireo hoe: Nampiodina ny olona Izy sady nampianatra manerana an’i Jodia* rehetra, nanomboka hatrany Galilia ka hatratỳ.

Raha nandre izany i Pilato dia nanontany raha olona avy any Galilia Jesosy. Rehefa fantany fa avy tamin’ny tany tapahin’i Heroda Izy dia nampanateriny tany aminy, fa tany Jerosalema koa i Heroda tamin’izany andro izany.
Faly dia faly i Heroda raha nahita an’i Jesosy; fa efa ela no naniriany hahita Azy satria efa nandre ny Aminy sy nanantena hahita Azy hanao famantarana izy. Nametraka fanontaniana maro Taminy izy; nefa tsy namaly teny azy akory Jesosy. Ary ireo lehiben’ny mpisorona sy ny mpanoradalàna nijanona teo dia nitompo teny fantatra hiampanga Azy. Ary namingavinga Azy i Heroda sy ny miaramilany ka nanao Azy ho fihomehezana, dia nampiakanjo Azy akanjo marevaka ka namerina Azy tany amin’i Pilato. Ary nanjary mpinamana i Heroda sy i Pilato tamin’izany andro izany; kanefa nifankahala izy roa lahy taloha.


Rehefa nasain’i Pilato novorina ireo lehiben’ny mpisorona sy ireo manampahefana ary ny vahoaka dia hoy izy tamin’izy ireo: Noentinareo atỳ amiko ity Lehilahy ity fa hoe nampiodina ny vahoaka; ary indro, efa nanadina Azy teto anatrehanareo aho, nefa tsy hitako izay helok’ity Lehilahy ity amin’izay iampanganareo Azy; na dia i Heroda koa aza dia tsy nahita, fa namerina Azy ho atỳ amintsika izy; ary indro, tsy nisy zavatra nataony izay tokony hahafaty Azy; koa hofaiziko Izy dia halefako. Fa tsy maintsy manafaka olona iray ho an’ny vahoaka izy amin’ny andro firavoravoana.
Fa izy rehetra dia niantso mafy indray miredona hoe: Vonoy Io ka i Barabasy no alefaso ho anay! Io Barabasy io dia natao tao an-tranomaizina noho ny fikomiana tao an-tanàna sy noho ny vonoan’olona. Ary satria tian’i Pilato hafahana Jesosy dia nifandahatra tamin’ireo indray izy. Fa ny olona kosa dia niantsoantso hoe: Homboy, homboy amin’ny hazofijaliana Izy! Dia niteny tamin’izy ireo fanintelony izy hoe: Inona ary no ratsy nataony? Tsy hitako izay helony tokony hahafaty Azy; koa hofaiziko Izy dia halefako. Fa mbola niantsoantso tamin’ny feo mahery ihany ny olona ka nangataka ny hanomboana an’i Jesosy amin’ny hazofijaliana. Ary nihanahery ny feon’ny olona.
Dia nanapa-kevitra hanaiky izay nangatahin’izy ireo i Pilato. Koa nanafaka ilay natao tao an-tranomaizina noho ny fikomiana sy ny vonoan’olona izy satria io no nangatahin’ny olona; fa Jesosy kosa natolony araka ny sitrapon’ireo.


Raha nitondra an’i Jesosy izy ireo dia nisambotra lehilahy kireniana iray atao hoe Simona, izay vao avy any an-tsaha, ka nampitondra azy ny hazofijaliana tao aorianan’i Jesosy.
Dia nisy vahoaka betsaka nanaraka Azy ary nisy koa vehivavy maro izay niteha-tratra sady nitomany Azy. Fa Jesosy nitodika tamin’izy ireo ka niteny hoe: Ry zanakavavin’i Jerosalema, aza mitomany Ahy fa mitomania ny tenanareo sy ny zanakareo. Fa indro, ho avy ny andro izay hilazana hoe: Sambatra ny momba sy ny kibo izay tsy nitoeran-jaza ary ny nono izay tsy ninonoan-jaza. Dia hilaza amin’ny tendrombohitra ny olona hoe: «Mianjerà aminay; ary amin’ny havoana hoe: Saròny izahay» (Hos 10.8). Fa raha ataony amin’ny hazo maitso izao, inona no hanjo ny hazo maina?
Ary nisy koa olon-dratsy roa lahy noentina hiaraka hovonoina Aminy. Rehefa tonga teo amin’ny toerana atao hoe Ikarandoha izy ireo dia teo no nanomboany an’i Jesosy sy ireo olon-dratsy ireo, ny iray dia teo ankavanany ary ny iray dia teo ankaviany. Ary hoy Jesosy: Raiko ô, mamelà ny helony fa tsy fantany izay ataony. Dia nanaovany antsapaka no fizara ny fitafiany.
Nijanona teo ny olona ka nijery. Ireo loholona koa dia nandatsa hoe: Namonjy ny sasany Izy; aoka hovonjeny koa ny tenany, raha Izy no Kristin’Andriamanitra, dia Ilay voafidy. Ary nihomehy Azy koa ny miaramila, dia nanatona ka nanome Azy vinaingitra sady niteny hoe: Raha Ianao no Mpanjakan’ny Jiosy*, vonjeo ny tenanao. Ary nisy soratra koa teo amboniny hoe:
ITY NO MPANJAKAN’NY JIOSY.
Ny iray tamin’ireo olon-dratsy nahantona teo dia niteny ratsy Azy hoe: Tsy Ianao va no Kristy*? Vonjeo ny tenanao sy izahay. Fa niteny kosa ilay iray sady nananatra ny namany hoe: Moa tsy mba matahotra an’Andriamanitra va ianao na dia ianao voaheloka izao koa aza? Marina ny anamelohana antsika satria mandray ny valin’ny nataontsika isika; fa ity Lehilahy ity kosa, tsy mba nanao ratsy na dia kely akory aza. Ary hoy izy: Jesosy ô, tsarovy aho, rehefa tonga any amin’ny fanjakanao Ianao. Dia hoy Jesosy taminy: Lazaiko aminao marina tokoa: Anio no hiarahanao Amiko any Paradisa*.


Rehefa tokony ho tamin’ny ora fahenina dia nisy haizina nandrakotra ny tany manontolo ka naharitra hatramin’ny ora fahasivy izany satria nihamaizina ny masoandro, ary triatra misasaka ny efitra lamba tao amin’ny tempoly. Dia niantso tamin’ny feo mahery Jesosy hoe: «Ray ô, eo an-tananao no atolotro ny fanahiko» (Sal 31.5); rehefa niteny izany Izy dia afaka ny ainy.
Raha nahita izay zava-nitranga teo ny kapiteny dia nankalaza an’Andriamanitra hoe: Tena olona marina tokoa io Lehilahy io. Ary ny vahoaka rehetra dia niara-nirohotra mba hijery izay niseho, ary raha nahita ny zava-nitranga ireo dia niverina sady niteha-tratra.
Fa ny olom-pantany rehetra sy ny vehivavy izay nanaraka Azy avy tany Galilia kosa dia nijanona teny lavidavitra teny nijery izany zavatra izany.


Ary indro, nisy lehilahy antsoina hoe Josefa, izay isan’ny mpanolotsaina tao amin’ny Sinedriona, lehilahy tsara fanahy sady marina. Izany lehilahy izany dia tsy mba nanaiky ny hevitra sy ny zavatra nataon’ny sasany; avy tany Arimatia tanànan’ny Jiosy* izy sady niandry ny fanjakan’Andriamanitra. Nankao amin’i Pilato izy ka nangataka ny fatin’i Jesosy. Dia nampidininy ny faty ka nofonosiny lamba hariry madinika, dia naleviny tao amin’ny fasana voalavaka tao amin’ny vatolampy, izay tsy mbola nandevenana olona. Andro fiomanana izany andro izany, fa efa antomotra ny Sabata*. Ary ny vehivavy, izay niaraka Taminy hatrany Galilia, dia nanaraka tao aoriana ka nahita ny fasana sy izay fomba nametrahany ny faty. Ary niverina ireo ka nanomana zavamanitra sy menaka manitra. Ary tamin’ny Sabata dia nitsahatra ihany izy ireo araka ny lalàna.

Слухайте Lioka 23