&copy; 1999 The Bible Society of Tanzania; ℗ 2010 Hosanna

Kihehe - 1999 Edition (NT)

<div class="version vid1815 iso6393heh" data-vid="1815" data-iso6393="heh">
    <div class="book bkMAT">
        <div class="chapter ch2" data-usfm="MAT.2">
            <div class="label">2</div><div class="s"><span class="heading">Avagenzi Ukuhuma Kumihago</span></div><div class="p"><span class="content">  </span><span class="verse v1" data-usfm="MAT.2.1"><span class="label">1</span><span class="content">Neke Yesu pe awonike ku Betelehemu, iya ku Yudaya, pa imisika ija Helode Umutwa, ndawe vasige ku Yelusalemu avanu avasisele ing'eng'esi ukuhuma kumihago vitigila, </span></span><span class="verse v2" data-usfm="MAT.2.2"><span class="label">2</span><span class="content">&#8220;Kumbi alikwi yeawonike Umutwa va Avayudaya? Pakuva tuyiwene ing'eng'esi yakwe kumihago, ino tusile tumusunyalile.&#8221; </span></span><span class="verse v3" data-usfm="MAT.2.3"><span class="label">3</span><span class="content">Neke Helode umutwa peapulike ulu ahuguve, na vanu mbevali mu Yelusalemu. </span></span><span class="verse v4" data-usfm="MAT.2.4"><span class="label">4</span><span class="content">Neke, akong'ase avatambisi avavina mbevali, na avigisi va indagilo, ndawe avawusige, &#8220;Kwekwiyaga kwe awoneka Kilisito?&#8221; </span></span><span class="verse v5" data-usfm="MAT.2.5"><span class="label">5</span><span class="content">Ndawe vamulongelige, &#8220;ku Betelehemu ya ku Yudaya; pakuva lwandike na umuvisi:</span></span></div><div class="q"><span class="verse v5" data-usfm="MAT.2.5"><span class="content">  </span></span><span class="verse v6" data-usfm="MAT.2.6"><span class="label">6</span><span class="content">&#8216;Nayuveve ve Betelehemu mung'i ya mu Yudaya,</span></span></div><div class="q"><span class="verse v6" data-usfm="MAT.2.6"><span class="content">siwimudodo nda muvatambule va mu Yudaya;</span></span></div><div class="q"><span class="verse v6" data-usfm="MAT.2.6"><span class="content">pakuva ukuhuma kwa veve</span></span></div><div class="q"><span class="verse v6" data-usfm="MAT.2.6"><span class="content">awoneka Mutwa</span></span></div><div class="q"><span class="verse v6" data-usfm="MAT.2.6"><span class="content">yeavakwamila avanu vangu Isilaeli.&#8217;&#8221;</span></span></div><div class="p"><span class="verse v6" data-usfm="MAT.2.6"><span class="content">  </span></span><span class="verse v7" data-usfm="MAT.2.7"><span class="label">7</span><span class="content">Ndawe, Helode avakemelige kinyele avanyaluhala avasisele ing'eng'esi swe akuvawusa wunofu, panili ing'eng'esi peyikawonike. </span></span><span class="verse v8" data-usfm="MAT.2.8"><span class="label">8</span><span class="content">Ndawe avatumige ku Betelehemu, itigila, &#8220;Mubite mukawuse wunofu ulwa umwana uyo. Nape mumuwene musage mundongele sambi nayinene mbite ngamusunyalile.&#8221; </span></span><span class="verse v9" data-usfm="MAT.2.9"><span class="label">9</span><span class="content">Peye vamupulikise umutwa, vawukite swe vibitaga. Swe Ing'eng'esi yevayiwonige kumihago yikuvalongolela, nape yifisile apono pala sweno yikwima peepwali Umwana. </span></span><span class="verse v10" data-usfm="MAT.2.10"><span class="label">10</span><span class="content">Vave viwona ing'eng'esi yila yimile vahekelye hilo. </span></span><span class="verse v11" data-usfm="MAT.2.11"><span class="label">11</span><span class="content">Nape vinje mukaye, vamuwene Umwana nayuyuve Maliya; swe vifugama, neke vamusunyalile. Sweno viwopola ififundo fyawo, swe vakumupela ifipelwa: isahabu, Uwufumba na imanemane.</span></span></div><div class="p"><span class="verse v11" data-usfm="MAT.2.11"><span class="content">  </span></span><span class="verse v12" data-usfm="MAT.2.12"><span class="label">12</span><span class="content">Neke peviwuya ukwawo vakwete ing'asi yingi pakuva vevafunde na Nguluvi mumaloto gawo ulwa valakola kwa Helode.</span></span></div><div class="s"><span class="heading">Yosefu na Maliya vikimbilila ku Misili</span></div><div class="p"><span class="verse v12" data-usfm="MAT.2.12"><span class="content">  </span></span><span class="verse v13" data-usfm="MAT.2.13"><span class="label">13</span><span class="content">Avagenzi vala pevahesile, ndawe munyivaha amusilige Yosefu mumaloto neke amutigile, &#8220;Wuke uvategule Umwana na yuyuve, mukimbilile ku Misili. Mukikale kuko mbaka pesandivalongela, pakuva Helode ahele isaka ukumuwulaga Umwana.&#8221; </span></span><span class="verse v14" data-usfm="MAT.2.14"><span class="label">14</span><span class="content">Ndawe alamukige nu kumutegula Umwana na yuyuve kikilo kicho, ndawe vabitige ku Misili. </span></span><span class="verse v15" data-usfm="MAT.2.15"><span class="label">15</span><span class="content">Ndawe vikalige kuko mbaka Helode pe afwe. Sambi lukwile ulukani ulwa lonzilwe na Umutwa nu mulomo gwa umuvisi: &#8220;Ndamukemelye mwanangu ukuhuma ku Misili.&#8221;</span></span></div><div class="s"><span class="heading">Ukuwulaga avana</span></div><div class="p"><span class="verse v15" data-usfm="MAT.2.15"><span class="content">  </span></span><span class="verse v16" data-usfm="MAT.2.16"><span class="label">16</span><span class="content">Nave Helode pe alukagwe ukutigila avagenzi avahuma kumihago vamusanzile, avifile hilo. Ndawe alagilige ukuta avana avakwamisi mbevali ku Betelehemu na muwipi avali ni myaka givili na ukupiluka kumbele vawulagwagwe, apigite ulu ndawe eapulike uluhuma kuvagenzi avakumihago. </span></span><span class="verse v17" data-usfm="MAT.2.17"><span class="label">17</span><span class="content">Wesave pakukwila ing'ani isalindoge numulomo gwa umuvisi Yelemiya.</span></span></div><div class="q"><span class="verse v17" data-usfm="MAT.2.17"><span class="content">  </span></span><span class="verse v18" data-usfm="MAT.2.18"><span class="label">18</span><span class="content">&#8220;Iliswi lyapulise uluhuma ku Lama,</span></span></div><div class="q"><span class="verse v18" data-usfm="MAT.2.18"><span class="content">Iliswi lya ingoolo ya ikivembo.</span></span></div><div class="q"><span class="verse v18" data-usfm="MAT.2.18"><span class="content">Laheli ivembela avanakwe; alema ukuleka</span></span></div><div class="q"><span class="verse v18" data-usfm="MAT.2.18"><span class="content">vamukatuse, pakuva avanakwe vafwe.&#8221;</span></span></div><div class="s"><span class="heading">Vipiluka uluhuma ku Misili</span></div><div class="p"><span class="verse v18" data-usfm="MAT.2.18"><span class="content">  </span></span><span class="verse v19" data-usfm="MAT.2.19"><span class="label">19</span><span class="content">Neke pe afwe Helode, ndawe munyivaha va Umutwa aasile kwa Yosefu mumaloto ku Misili neke amutigilage, </span></span><span class="verse v20" data-usfm="MAT.2.20"><span class="label">20</span><span class="content">&#8220;Wuke! Mutegule Umwana na yuyuve, mubite kangi kung'i ya Isilaeli, pakuva vala avakasakige vamuwulage umwana yevakafwe.&#8221; </span></span><span class="verse v21" data-usfm="MAT.2.21"><span class="label">21</span><span class="content">Ndawe awukige, neke amutegule umwana na yuyuve neke vabite kung'i iya ku Isilaeli.</span></span></div><div class="p"><span class="verse v21" data-usfm="MAT.2.21"><span class="content">  </span></span><span class="verse v22" data-usfm="MAT.2.22"><span class="label">22</span><span class="content">Lino Yosefu peapulike ulwa Alikelao umwana va Helode atemite mu Yudaya, ogwipe ukubita uko, pakuva ye e mufunde mumaloto, swe ibita ku Galilaya, </span></span><span class="verse v23" data-usfm="MAT.2.23"><span class="label">23</span><span class="content">ndawe abitige nu kwikala muboma iyatambuligwe Nasaleti. Sambi lukwile, lwelwelulonge na umuvisi, &#8220;Saatambulwa Munasalene.&#8221;</span></span></div>
        </div>
    </div>
</div>

Kihehe New Testament © Bible Society of Tanzania, 2004.

Neke Yesu pe awonike ku Betelehemu, iya ku Yudaya, pa imisika ija Helode Umutwa, ndawe vasige ku Yelusalemu avanu avasisele ing'eng'esi ukuhuma kumihago vitigila, “Kumbi alikwi yeawonike Umutwa va Avayudaya? Pakuva tuyiwene ing'eng'esi yakwe kumihago, ino tusile tumusunyalile.” Neke Helode umutwa peapulike ulu ahuguve, na vanu mbevali mu Yelusalemu. Neke, akong'ase avatambisi avavina mbevali, na avigisi va indagilo, ndawe avawusige, “Kwekwiyaga kwe awoneka Kilisito?” Ndawe vamulongelige, “ku Betelehemu ya ku Yudaya; pakuva lwandike na umuvisi:
‘Nayuveve ve Betelehemu mung'i ya mu Yudaya,
siwimudodo nda muvatambule va mu Yudaya;
pakuva ukuhuma kwa veve
awoneka Mutwa
yeavakwamila avanu vangu Isilaeli.’”
Ndawe, Helode avakemelige kinyele avanyaluhala avasisele ing'eng'esi swe akuvawusa wunofu, panili ing'eng'esi peyikawonike. Ndawe avatumige ku Betelehemu, itigila, “Mubite mukawuse wunofu ulwa umwana uyo. Nape mumuwene musage mundongele sambi nayinene mbite ngamusunyalile.” Peye vamupulikise umutwa, vawukite swe vibitaga. Swe Ing'eng'esi yevayiwonige kumihago yikuvalongolela, nape yifisile apono pala sweno yikwima peepwali Umwana. Vave viwona ing'eng'esi yila yimile vahekelye hilo. Nape vinje mukaye, vamuwene Umwana nayuyuve Maliya; swe vifugama, neke vamusunyalile. Sweno viwopola ififundo fyawo, swe vakumupela ifipelwa: isahabu, Uwufumba na imanemane.
Neke peviwuya ukwawo vakwete ing'asi yingi pakuva vevafunde na Nguluvi mumaloto gawo ulwa valakola kwa Helode.

Avagenzi vala pevahesile, ndawe munyivaha amusilige Yosefu mumaloto neke amutigile, “Wuke uvategule Umwana na yuyuve, mukimbilile ku Misili. Mukikale kuko mbaka pesandivalongela, pakuva Helode ahele isaka ukumuwulaga Umwana.” Ndawe alamukige nu kumutegula Umwana na yuyuve kikilo kicho, ndawe vabitige ku Misili. Ndawe vikalige kuko mbaka Helode pe afwe. Sambi lukwile ulukani ulwa lonzilwe na Umutwa nu mulomo gwa umuvisi: “Ndamukemelye mwanangu ukuhuma ku Misili.”

Nave Helode pe alukagwe ukutigila avagenzi avahuma kumihago vamusanzile, avifile hilo. Ndawe alagilige ukuta avana avakwamisi mbevali ku Betelehemu na muwipi avali ni myaka givili na ukupiluka kumbele vawulagwagwe, apigite ulu ndawe eapulike uluhuma kuvagenzi avakumihago. Wesave pakukwila ing'ani isalindoge numulomo gwa umuvisi Yelemiya.
“Iliswi lyapulise uluhuma ku Lama,
Iliswi lya ingoolo ya ikivembo.
Laheli ivembela avanakwe; alema ukuleka
vamukatuse, pakuva avanakwe vafwe.”

Neke pe afwe Helode, ndawe munyivaha va Umutwa aasile kwa Yosefu mumaloto ku Misili neke amutigilage, “Wuke! Mutegule Umwana na yuyuve, mubite kangi kung'i ya Isilaeli, pakuva vala avakasakige vamuwulage umwana yevakafwe.” Ndawe awukige, neke amutegule umwana na yuyuve neke vabite kung'i iya ku Isilaeli.
Lino Yosefu peapulike ulwa Alikelao umwana va Helode atemite mu Yudaya, ogwipe ukubita uko, pakuva ye e mufunde mumaloto, swe ibita ku Galilaya, ndawe abitige nu kwikala muboma iyatambuligwe Nasaleti. Sambi lukwile, lwelwelulonge na umuvisi, “Saatambulwa Munasalene.”

Слухайте Matayo 2