Iu Mien Bible (Non-Drama) ℗ Mien Christian Mission Fellowship, 2021.

Iu Mien Ging-Sou Waac

<div class="version vid233 iso6393ium" data-vid="233" data-iso6393="ium">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Apc^laa^ham Nyei Zeiv-Fun</div><div class="r">(Beiv mangc 1 Zunh Doic Douh 1:32-33)</div><div class="p"> 1Apc^laa^ham aengx longc dauh auv, mbuox heuc Ke^tu^laa. 2Ke^tu^laa yungz duqv camv-dauh dorn bun ninh. Maaih Simx^laan, Yokv^saan, Me^ndaan, Mi^ndien, Itc^mbaakc caux Quwaa. 3Yokv^saan nyei dorn nyei mbuox heuc Qe^mbaa caux Nde^ndaan. Nde^ndaan nyei dorn bun njiec benx Atc^su^lim, Le^tu^sim caux Le^um^mim Mienh. 4Mi^ndien nyei dorn heuc E^faa, Efe, Haanokv, Aa^mbi^ndaa caux En^ndaa^aa. Naaiv deix yietc zungv zoux Ke^tu^laa nyei zeiv-fun.</div><div class="p"> 5Apc^laa^ham jiu ninh nyei jaa-dingh yietc zungv ga'naaiv bun ninh nyei dorn, I^sakc, nzipc nzengc. 6Mv baac Apc^laa^ham maiv gaengh guei seix wuov zanc ninh bun zingh nyeic ninh nyei auv-dorn nyei dorn mbuo. Nqa'haav ziouc heuc ninh mbuo leih nqoi I^sakc mingh yiem dong bung maengx nyei deic-bung,</div><div class="s">Apc^laa^ham Guei Seix</div><div class="p"> 7Apc^laa^ham nyei hnyangx-jeiv ziangh duqv yietc baeqv cietv ziepc hmz hnyangx. 8Ninh ziangh duqv siouc nyuonh ndaauv, benx mienh gox mienh ziouc dangx qiex, guei seix mi'aqv.#25:8 Faan zaqc Hipv^lu waac gorngv &#8220;guei seix, mingh caux ninh nyei mienh yiem.&#8221; Eix leiz se daic mi'aqv. 9Ninh nyei dorn, I^sakc caux I^saa^maa^en, dorh ninh mingh zangx nitv Mamle wuov norm Makv^be^laa mbaengx-kuotv. Naaiv norm mbaengx-kuotv yiem Hitv^tai Mienh, So^haax nyei dorn, E^fo^lon, nyei ndeic. 10Se Apc^laa^ham tengx Hitv^tai Mienh maaiz nyei ndeic.#Tin Deic Douh 23:3-16 Apc^laa^ham caux ninh nyei auv, Saalaa, ziouc zangx jienv wuov aqv. 11Apc^laa^ham guei seix liuz, Tin-Hungh ceix fuqv bun ninh nyei dorn, I^sakc. I^sakc yiem nitv Mbe^e Laa^hai Loi.#25:11 Beiv mangc Tin Deic Douh 16:14.</div><div class="s">I^saa^maa^en Nyei Zeiv-Fun</div><div class="r">(Beiv mangc 1 Zunh Doic Douh 1:28-31)</div><div class="p"> 12Ih zanc gorngv Apc^laa^ham nyei dorn, I^saa^maa^en, nyei zeiv-fun, dongh Saalaa nyei nouh beiz, I^yipv Mienh, Haagaa, yungz bun Apc^laa^ham wuov dauh dorn nyei zeiv-fun.</div><div class="p"> 13Yiem naaiv mingh gorngv I^saa^maa^en nyei dorn nyei mbuox zueih hlo taux faix. Dorn-hlo heuc Ne^mbaa^yotv. Aengx maaih Ke^ndaa, Atc^mbe^en, Mipv^samx,#1 Zunh Doic Douh 1:29-31 14Mitv^maa, Ndumaa, Matv^saa, 15Haa^ndatc, Temaa, Yetu, Naafitv, caux Ke^nde^maa. 16Naaiv se I^saa^maa^en nyei dorn nyei mbuox. Ninh bun njiec zoux ziepc nyeic fingx nyei bieiv zeiv. Ninh mbuo liepc nyei laangz caux corng ndopv-liuh nyei dorngx gan ninh mbuo ganh nyei mbuox heuc. 17I^saa^maa^en nyei hnyangx-jeiv ziangh duqv yietc baeqv faah ziepc cietv hnyangx, ninh dangx qiex, guei seix mi'aqv.#25:17 Beiv mangc Tin Deic Douh 25:8. 18I^saa^maa^en nyei zeiv-fun mbuo yiem Haa^wi^laa caux Suwaa mbu'ndongx, yaac yiem nitv I^yipv Deic-Bung nyei gapv-jaaix,#25:18 Maaih deix sou gorngv &#8220;yiem I^yipv Deic-Bung nyei doix-ngaanc.&#8221; Maaih deix gorngv &#8220;yiem I^yipv Deic-Bung nyei dong bung maengx&#8221;. mingh Atc^si^lie Deic-Bung#25:18 Maaih deix sou gorngv Atc^su. wuov diuh jauv. Ninh mbuo nyei zeiv-fun maiv caux Apc^laa^ham nyei ganh deix zeiv-fun yiem.#25:18 Fai &#8220;zanc-zanc caux Apc^laa^ham nyei wuov deix zeiv-fun maiv horpc&#8221;.</div><div class="s">Esaau Caux Yaakopv Cuotv Seix</div><div class="p"> 19Yiem naaiv mingh gorngv Apc^laa^ham nyei dorn, I^sakc, nyei jauv-louc.#25:19 Hipv^lu waac gorngv zeiv-fun.</div><div class="p">Apc^laa^ham zoux I^sakc nyei die. 20I^sakc longc Le^mbe^kaa zoux auv wuov zanc ninh duqv feix ziepc hnyangx. Le^mbe^kaa zoux Mbe^tu^en nyei sieqv. Mbe^tu^en se Aalam Mienh, yiem Batc^ndaan Aalam.#25:20 Batc^ndaan Aalam se Me^so^bo^de^mie Deic-Bung nyei baqv bung caux fai bung mbu'ndongx. Le^mbe^kaa yaac zoux Aalam Mienh, Laa^mbaan nyei muoc.</div><div class="p"> 21Le^mbe^kaa maiv maaih fu'jueiv, I^sakc ziouc weic ninh nyei auv daux gaux tov Ziouv bun ninh nyei auv maaih fu'jueiv. Ziouv ei I^sakc tov nyei waac zoux, Le^mbe^kaa ziouc maaih gu'nguaaz aqv. 22Maaih sung-gu'nguaaz. Gu'nguaaz yiem maa nyei ga'sie borngz jaax. Le^mbe^kaa gorngv, &#8220;Yie weic haaix diuc ndongc naaiv kouv?&#8221;#25:22 Hipv^lu waac se maiv nangc mengh. Maaih deix sou faan daaih gorngv &#8220;Se gorngv hnangv naaiv yie weic haaix diuc ziangh jienv?&#8221; Ninh ziouc mingh naaic Ziouv. </div><div class="p"> 23 Ziouv gorngv mbuox ninh,</div><div class="q1">&#8220;Maaih i fingx mienh yiem meih nyei ga'sie gu'nyuoz.</div><div class="q2">Meih yungz cuotv naaiv deix i fingx,</div><div class="q2">yietc fingx caux yietc fingx oix bun nqoi.</div><div class="q1">Naaiv fingx oix gauh henv wuov fingx.</div><div class="q2">Gorx yaac oix zuqc fu-sux youz.&#8221;#Lomaa 9:12</div><div class="p"> 24Taux yungz nyei ziangh hoc ninh ziouc yungz duqv sung-gu'nguaaz-dorn. 25Yungz cuotv ndaangc wuov dauh, sin siqv nyei, ziangh sin cuotv biei suqv-suqv wuov, hnangv maaih biei nyei ndopv-lui nor. Ninh mbuo ziouc cuotv mbuox heuc Esaau.#25:25 Esaau nyei eix leiz se biei suqv. Ninh aengx maaih ganh norm mbuox heuc E^ndom. Eix leiz se siqv. 26Nqa'haav yungz wuov dauh nanv jienv ninh nyei gorx, Esaau, nyei zaux-nqo cuotv.#Ho^se^yaa 12:3 Ninh mbuo ziouc cuotv mbuox heuc Yaakopv.#25:26 Yaakopv nyei eix leiz se nanv zaux-nqo fai ninh nduov. Le^mbe^kaa yungz naaiv deix i dauh dorn wuov zanc, I^sakc duqv luoqc ziepc hnyangx.</div><div class="s">Esaau Maaic Ninh Zoux Gorx Duqv Sung-Gouv Nyei Leiz</div><div class="p"> 27Naaiv deix i dauh dorn hlo daaih. Esaau zoux dauh buonv orv henv haic nyei mienh. Haaix zanc yaac oix mingh gemh buonv orv. Yaakopv aeqv, waac zoqc, hnyouv ndo nyei mienh. Ninh oix yiem biauv gauh camv. 28I^sakc gauh hnamv Esaau, weic zuqc ninh duqv nyanc Esaau buonv daaih nyei orv. Mv baac Le^mbe^kaa gauh hnamv Yaakopv.</div><div class="p"> 29Maaih hnoi nor, Yaakopv wuonh jienv dopc siqv, Esaau mingh gemh nzuonx daaih, hnyouv za'gengh! sie haic. 30Ninh gorngv mbuox Yaakopv, &#8220;Yie hnyouv sie, oix daic haic aqv. Bun deix wuov nyungc ga'naaiv-siqv yie naqv gaax.&#8221; (Weic naaiv mienh cuotv mbuox heuc ninh zoux E^ndom.)#25:30 E^ndom nyei eix leiz se siqv.</div><div class="p"> 31Yaakopv gorngv, &#8220;Maaic meih zoux dorn-hlo duqv sung-gouv nyei leiz bun yie ndaangc maah!&#8221;</div><div class="p"> 32Esaau dau, &#8220;Mangc maah! Yie oix daic haic aqv. Zoux gorx duqv sung-gouv nyei leiz weic yie maaih haaix nyungc maaih lamh longc?&#8221;</div><div class="p"> 33Yaakopv gorngv, &#8220;Mv baac meih oix zuqc houv maaic bun yie ndaangc.&#8221;#Hipv^lu 12:16 </div><div class="p">Esaau houv liuz ziouc maaic ninh zoux dorn-hlo duqv sung-gouv nyei leiz bun Yaakopv mi'aqv. 34Yaakopv ziouc zorqv deix njuov caux dopc bun Esaau nyanc. Nyanc liuz hopv liuz, Esaau ziouc jiez sin mingh mi'aqv. Maiv korv-fiqv#25:34 Fai mangc piex. ninh zoux dorn-hlo duqv sung-gouv nyei leiz.</div>
 </div>
 </div>
</div>

ฉบับอักษรโรมันใหม่ © Thailand Bible Society, 2007.

Apc^laa^ham aengx longc dauh auv, mbuox heuc Ke^tu^laa. Ke^tu^laa yungz duqv camv-dauh dorn bun ninh. Maaih Simx^laan, Yokv^saan, Me^ndaan, Mi^ndien, Itc^mbaakc caux Quwaa. Yokv^saan nyei dorn nyei mbuox heuc Qe^mbaa caux Nde^ndaan. Nde^ndaan nyei dorn bun njiec benx Atc^su^lim, Le^tu^sim caux Le^um^mim Mienh. Mi^ndien nyei dorn heuc E^faa, Efe, Haanokv, Aa^mbi^ndaa caux En^ndaa^aa. Naaiv deix yietc zungv zoux Ke^tu^laa nyei zeiv-fun.
Apc^laa^ham jiu ninh nyei jaa-dingh yietc zungv ga'naaiv bun ninh nyei dorn, I^sakc, nzipc nzengc. Mv baac Apc^laa^ham maiv gaengh guei seix wuov zanc ninh bun zingh nyeic ninh nyei auv-dorn nyei dorn mbuo. Nqa'haav ziouc heuc ninh mbuo leih nqoi I^sakc mingh yiem dong bung maengx nyei deic-bung,

Apc^laa^ham nyei hnyangx-jeiv ziangh duqv yietc baeqv cietv ziepc hmz hnyangx. Ninh ziangh duqv siouc nyuonh ndaauv, benx mienh gox mienh ziouc dangx qiex, guei seix mi'aqv. Ninh nyei dorn, I^sakc caux I^saa^maa^en, dorh ninh mingh zangx nitv Mamle wuov norm Makv^be^laa mbaengx-kuotv. Naaiv norm mbaengx-kuotv yiem Hitv^tai Mienh, So^haax nyei dorn, E^fo^lon, nyei ndeic. Se Apc^laa^ham tengx Hitv^tai Mienh maaiz nyei ndeic. Apc^laa^ham caux ninh nyei auv, Saalaa, ziouc zangx jienv wuov aqv. Apc^laa^ham guei seix liuz, Tin-Hungh ceix fuqv bun ninh nyei dorn, I^sakc. I^sakc yiem nitv Mbe^e Laa^hai Loi.


Ih zanc gorngv Apc^laa^ham nyei dorn, I^saa^maa^en, nyei zeiv-fun, dongh Saalaa nyei nouh beiz, I^yipv Mienh, Haagaa, yungz bun Apc^laa^ham wuov dauh dorn nyei zeiv-fun.
Yiem naaiv mingh gorngv I^saa^maa^en nyei dorn nyei mbuox zueih hlo taux faix. Dorn-hlo heuc Ne^mbaa^yotv. Aengx maaih Ke^ndaa, Atc^mbe^en, Mipv^samx, Mitv^maa, Ndumaa, Matv^saa, Haa^ndatc, Temaa, Yetu, Naafitv, caux Ke^nde^maa. Naaiv se I^saa^maa^en nyei dorn nyei mbuox. Ninh bun njiec zoux ziepc nyeic fingx nyei bieiv zeiv. Ninh mbuo liepc nyei laangz caux corng ndopv-liuh nyei dorngx gan ninh mbuo ganh nyei mbuox heuc. I^saa^maa^en nyei hnyangx-jeiv ziangh duqv yietc baeqv faah ziepc cietv hnyangx, ninh dangx qiex, guei seix mi'aqv. I^saa^maa^en nyei zeiv-fun mbuo yiem Haa^wi^laa caux Suwaa mbu'ndongx, yaac yiem nitv I^yipv Deic-Bung nyei gapv-jaaix, mingh Atc^si^lie Deic-Bung wuov diuh jauv. Ninh mbuo nyei zeiv-fun maiv caux Apc^laa^ham nyei ganh deix zeiv-fun yiem.

Yiem naaiv mingh gorngv Apc^laa^ham nyei dorn, I^sakc, nyei jauv-louc.
Apc^laa^ham zoux I^sakc nyei die. I^sakc longc Le^mbe^kaa zoux auv wuov zanc ninh duqv feix ziepc hnyangx. Le^mbe^kaa zoux Mbe^tu^en nyei sieqv. Mbe^tu^en se Aalam Mienh, yiem Batc^ndaan Aalam. Le^mbe^kaa yaac zoux Aalam Mienh, Laa^mbaan nyei muoc.
Le^mbe^kaa maiv maaih fu'jueiv, I^sakc ziouc weic ninh nyei auv daux gaux tov ZIOUV bun ninh nyei auv maaih fu'jueiv. ZIOUV ei I^sakc tov nyei waac zoux, Le^mbe^kaa ziouc maaih gu'nguaaz aqv. Maaih sung-gu'nguaaz. Gu'nguaaz yiem maa nyei ga'sie borngz jaax. Le^mbe^kaa gorngv, “Yie weic haaix diuc ndongc naaiv kouv?” Ninh ziouc mingh naaic ZIOUV.
ZIOUV gorngv mbuox ninh,
“Maaih i fingx mienh yiem meih nyei ga'sie gu'nyuoz.
Meih yungz cuotv naaiv deix i fingx,
yietc fingx caux yietc fingx oix bun nqoi.
Naaiv fingx oix gauh henv wuov fingx.
Gorx yaac oix zuqc fu-sux youz.”
Taux yungz nyei ziangh hoc ninh ziouc yungz duqv sung-gu'nguaaz-dorn. Yungz cuotv ndaangc wuov dauh, sin siqv nyei, ziangh sin cuotv biei suqv-suqv wuov, hnangv maaih biei nyei ndopv-lui nor. Ninh mbuo ziouc cuotv mbuox heuc Esaau. Nqa'haav yungz wuov dauh nanv jienv ninh nyei gorx, Esaau, nyei zaux-nqo cuotv. Ninh mbuo ziouc cuotv mbuox heuc Yaakopv. Le^mbe^kaa yungz naaiv deix i dauh dorn wuov zanc, I^sakc duqv luoqc ziepc hnyangx.

Naaiv deix i dauh dorn hlo daaih. Esaau zoux dauh buonv orv henv haic nyei mienh. Haaix zanc yaac oix mingh gemh buonv orv. Yaakopv aeqv, waac zoqc, hnyouv ndo nyei mienh. Ninh oix yiem biauv gauh camv. I^sakc gauh hnamv Esaau, weic zuqc ninh duqv nyanc Esaau buonv daaih nyei orv. Mv baac Le^mbe^kaa gauh hnamv Yaakopv.
Maaih hnoi nor, Yaakopv wuonh jienv dopc siqv, Esaau mingh gemh nzuonx daaih, hnyouv za'gengh! sie haic. Ninh gorngv mbuox Yaakopv, “Yie hnyouv sie, oix daic haic aqv. Bun deix wuov nyungc ga'naaiv-siqv yie naqv gaax.” (Weic naaiv mienh cuotv mbuox heuc ninh zoux E^ndom.)
Yaakopv gorngv, “Maaic meih zoux dorn-hlo duqv sung-gouv nyei leiz bun yie ndaangc maah!”
Esaau dau, “Mangc maah! Yie oix daic haic aqv. Zoux gorx duqv sung-gouv nyei leiz weic yie maaih haaix nyungc maaih lamh longc?”
Yaakopv gorngv, “Mv baac meih oix zuqc houv maaic bun yie ndaangc.”
Esaau houv liuz ziouc maaic ninh zoux dorn-hlo duqv sung-gouv nyei leiz bun Yaakopv mi'aqv. Yaakopv ziouc zorqv deix njuov caux dopc bun Esaau nyanc. Nyanc liuz hopv liuz, Esaau ziouc jiez sin mingh mi'aqv. Maiv korv-fiqv ninh zoux dorn-hlo duqv sung-gouv nyei leiz.

Слухайте Tin Deic Douh 25