The Zaramo New Testament

<div class="version vid2373 iso6393zaj" data-vid="2373" data-iso6393="zaj">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">Yesu na Mtwanzi wa Kisamalia</div><div class="p"> 1Mafalisayo wahulika kamba Yesu kowapata na kuwabatiza wanahina bwando kum'banza Yohana. 2Ila Yesu mwenyego ham'batize munhu yoyose, ila wanahina zake wawo wabatize. 3Yesu viyahulike gano, kasegela muisi ya Yudea kabwela muisi ya Galilaya, 4kabita nzila ibitile muisi ya Samalia.</div><div class="p"> 5Kavika mkiwambo kimwe muisi ya Samalia kikemigwa Sikali, behi na mgunda wa Yakobo uyakalile yaamgwelele mwanage, Usufu. 6Haja kukala na sima da Yakobo, na Yesu, avija viyadonhile na umwanza, kakala hasi hamgwazo wa idisima. Ikala saa sita imisi.</div><div class="p"> 7Mtwanzi wa Kisamalia keza kudeha mazi, na Yesu kamulongela, &#8220;Nigwelele mazi ning'we.&#8221; 8Wanahina zake wakala wacholile kukiwambo kugula mandia.</div><div class="p"> 9Ija imtwanzi kamulongela, &#8220;Gweye kwa Muyahudi na nie na mtwanzi wa Kisamalia, konipulaze nie mazi ga kung'wa?&#8221; Kwavija Wayahudi hawasangilaga vinhu na Wasamalia.</div><div class="p"> 10Yesu kedika, &#8220;Kamba uhaimanyile nhunza ya Mulungu na uhammanyile ayo yokupula mazi ga kung'wa, uhampulile heyo na yahakugwelele mazi golava ugima.&#8221;</div><div class="p"> 11Ija imtwanzi kalonga, &#8220;Mndewa, kia cha kudehela kwabule na sima digidila, kwahi kondaugapate mazi higo gali na ugima? 12Gweye kwa mkulu kum'banza muhenga wetu Yakobo yatugwelele sima dino, na heyo mwenyego na wanage na madale gake ga ng'hondolo wose wang'wa mazi ga sima dino?&#8221;</div><div class="p"> 13Yesu kamulongela, &#8220;Wanhu wose wong'wa mazi gano wokona ng'hilu kabili, 14ila munhu yoyose yondayang'we mazi gondanimgwelele nie honda yone ng'hilu kabili. Mazi gondanimgwelele nie gogaluka nzokwe mgati yake, gondagamgwelele ugima wa digunge.&#8221;</div><div class="p"> 15Ija imtwanzi kalonga, &#8220;Mndewa, ngwelela mazi higo! Giladi sambinyone ng'hilu kabili, na sambinize hano kudeha mazi.&#8221;</div><div class="p"> 16Yesu kamulongela, &#8220;Genda kamkeme mbigalo wako, abaho, ubwele.&#8221;</div><div class="p"> 17Ija imtwanzi kedika, &#8220;Nabule mbigalo.&#8221;</div><div class="p">Yesu kamulongela, &#8220;Kulonga goya avija vuulonga kwabule mbigalo. 18Kwavija kusoligwa na wambigalo watano, na mbigalo yuukala nayo sambi sio mbigalo wako. Kunongela ikweli.&#8221;</div><div class="p"> 19Ija imtwanzi kalonga, &#8220;Mndewa, nokona gweye kwa muhokozi. 20Wahenga zetu wakala wotambika mkigongo kino, ila mweye mogong'ondeza kamba Yelusalemu baho hanhu ha kutambikila.&#8221;</div><div class="p"> 21Yesu kamulongela ija imtwanzi, &#8220;Nhegeleza nie, go mtwanzi, kipigiti chokwiza wanhu hawamtambikila Tata mkigongo kino ama kuja Yelusalemu. 22Mweye motambikila kija hamkitangile, ila tweye tukitanga kija itukitambikila, kwavija ukombola wolawa mwa Wayahudi. 23Ila kipigiti chokwiza na tena kipigiti kivika, watambika wa ikweli womtambikila Tata muloho na muikweli, kwavija Tata kowazahila wanhu wondawamtambikile kamba vino. 24Mulungu iyo Loho, avo awo womtambikila wolondigwa wamtambikile muloho na muikweli.&#8221;</div><div class="p"> 25Ija imtwanzi kamulongela, &#8220;Nivitanga kamba Kilisto kokwiza, na yeheza, kotulongela kila kinhu.&#8221;</div><div class="p"> 26Yesu kamulongela, &#8220;Nie, inilonga nagwe, iyo Kilisto.&#8221;</div><div class="p"> 27Kipigiti kikija wanahina zake wabwela, wakanganya ng'hani viwam'vikile yolongelela na mtwanzi. Ila haduhu hata imwe mmwanza wao yamulongele, &#8220;Kolonda choni?&#8221; ama kumuuza Yesu, &#8220;Habali ulonga na mtwanzi ino?&#8221;</div><div class="p"> 28Abaho, ija imtwanzi kaleka nongo yake ya mazi, kabweleganya kukiwambo na kuwalongela wanhu wakalile haja. 29Yolonga, &#8220;Izoni mmulole munhu yanongele kila kinhu kinhendile. Havidahika munhu ino kuwa iyo Kilisto?&#8221; 30Avo wasegela haja hakiwambo wachola kuyali Yesu.</div><div class="p"> 31Kipigiti kikija wanahina zake wamuyalalila Yesu wolonga, &#8220;Mkulufunzi, uje mandia.&#8221;</div><div class="p"> 32Ila heyo kawalongela, &#8220;Nie nnago mandia ago mweye hamgamanyile.&#8221;</div><div class="p"> 33Avo waja wanahina wasonga kukiiuza wenyego kwa wenyego, &#8220;Hana munhu yamgalile mandia?&#8221;</div><div class="p"> 34Yesu kawalongela, &#8220;Mandia gangu nie gago gano, kugatenda gaja gamnogele ayo yanhumile na kuimambukiza sang'hano yake. 35Mnawo ulonzi ulonga, &#8216;Isigala milenge mine mulao ulawe.&#8217; Ila nie nowalongela, loleni mmigunda, vakuja vipa visha avo volondigwa kuhunigwa. 36Muhuna vakuja kogendelela kulihigwa hata sambi, na heyo kokunzanya ivakuja yavike muugima wa digunge, avo yahandile na ayo yohuna wodeng'ha hamoja. 37Kamba ulonzi uno vuulonga, &#8216;Imwe kohanda, iyagwe kohuna.&#8217; 38Niwagala kuhuna vakuja mumgunda hamuulimile. Wanhu wayagwe iwo wasang'hanike, na mweye mpata fong'ha kulawa msang'hano yao.&#8221;</div><div class="p"> 39Wasamalia bwando kulawa mkiwambo kija wamtogola Yesu, sama ya gaja gayalongile ija imtwanzi, &#8220;Kanongela kila kinhu kinhendile.&#8221; 40Avo waja Wasamalia viwamwizile, wamuyalalila yakale na hewo, avo Yesu kakala haja mazua mabili.</div><div class="p"> 41Wanhu wayagwe bwando wamtogola sama ya mbuli zake, 42na wamulongela ija imtwanzi, &#8220;Tutogola si kwavija gweye kutulongela, ila kwavija tumuhulika tweye wenyego, na tuvitanga kamba heyo iyo Mkombola wa ulumwengu.&#8221;</div><div class="s1">Yesu Komuhonya Mwana wa Mkulu wa Silikali</div><div class="p"> 43Vigabitile mazua mabili, Yesu kasegela haja kachola kuisi ya Galilaya. 44Kwavija heyo mwenyego kalonga, &#8220;Muhokozi hahishimilwa muisi yake mwenyego.&#8221; 45Viyavikile Galilaya wanhu wa haja wam'bokela, kwavija wavona vinhu vose viyatendile Yelusalemu, kipigiti cha Ulusona lwa Pasaka, kwavija na hewo wakala wacholile kuna ulusona.</div><div class="p"> 46Abaho, Yesu kabweleganya kuna ikiwambo cha Kana muisi ya Galilaya, ako kuyagalule mazi kuwa divai. Haja kukala na mkulu imwe wa silikali yakalile na mwanage mtamu ako Kapenaumu. 47Viyahulike kamba Yesu keza kulawa Yudea kwiza Galilaya, kamgendela na kumuyalalila yachole Kapenaumu yakamuhonye mwanage yakalile behi na kudanganhika. 48Yesu kamulongela, &#8220;Kamba hamonile vilaguso na mikanganyo, hamtogola.&#8221;</div><div class="p"> 49Ija imkulu wa silikali kamulongela, &#8220;Mndewa, izo kipigiti mwanangu hanadanganhika.&#8221;</div><div class="p"> 50Yesu kamulongela, &#8220;Genda ukae yako, na mwanago kohona.&#8221;</div><div class="p">Ija imkulu wa silikali kazitogola mbuli za Yesu, avo kachola. 51Viyakalile yobwela ukae, mnzila kaiting'hana na nyakadala zake, wamulongela, &#8220;Mwanago kahona.&#8221;</div><div class="p"> 52Kawauza kipigiti kilihi mwanage chayahonile, wamulongela, &#8220;Ikala saa saba imisi mayo homa imsegela.&#8221; 53Avo ija tata wa imwana kakumbukila kamba kikala kipigiti kikija Yesu chayamulongele, &#8220;Mwanago kohona.&#8221; Avo heyo na mulango wake wose wamtogola Yesu.</div><div class="p"> 54Uno ukala mzonza wa ikabili waatendile Yesu viyalawile Yudea kuchola Galilaya.</div>
 </div>
 </div>
</div>

Zaramo Bible Translation Project: © 2023 Pioneer Bible Translators  New Testament is a revision of: Zaramo New Testament: © 2020 The Word for the World International and © 2020 Pioneer Bible Translators

Mafalisayo wahulika kamba Yesu kowapata na kuwabatiza wanahina bwando kum'banza Yohana. Ila Yesu mwenyego ham'batize munhu yoyose, ila wanahina zake wawo wabatize. Yesu viyahulike gano, kasegela muisi ya Yudea kabwela muisi ya Galilaya, kabita nzila ibitile muisi ya Samalia.
Kavika mkiwambo kimwe muisi ya Samalia kikemigwa Sikali, behi na mgunda wa Yakobo uyakalile yaamgwelele mwanage, Usufu. Haja kukala na sima da Yakobo, na Yesu, avija viyadonhile na umwanza, kakala hasi hamgwazo wa idisima. Ikala saa sita imisi.
Mtwanzi wa Kisamalia keza kudeha mazi, na Yesu kamulongela, “Nigwelele mazi ning'we.” Wanahina zake wakala wacholile kukiwambo kugula mandia.
Ija imtwanzi kamulongela, “Gweye kwa Muyahudi na nie na mtwanzi wa Kisamalia, konipulaze nie mazi ga kung'wa?” Kwavija Wayahudi hawasangilaga vinhu na Wasamalia.
Yesu kedika, “Kamba uhaimanyile nhunza ya Mulungu na uhammanyile ayo yokupula mazi ga kung'wa, uhampulile heyo na yahakugwelele mazi golava ugima.”
Ija imtwanzi kalonga, “Mndewa, kia cha kudehela kwabule na sima digidila, kwahi kondaugapate mazi higo gali na ugima? Gweye kwa mkulu kum'banza muhenga wetu Yakobo yatugwelele sima dino, na heyo mwenyego na wanage na madale gake ga ng'hondolo wose wang'wa mazi ga sima dino?”
Yesu kamulongela, “Wanhu wose wong'wa mazi gano wokona ng'hilu kabili, ila munhu yoyose yondayang'we mazi gondanimgwelele nie honda yone ng'hilu kabili. Mazi gondanimgwelele nie gogaluka nzokwe mgati yake, gondagamgwelele ugima wa digunge.”
Ija imtwanzi kalonga, “Mndewa, ngwelela mazi higo! Giladi sambinyone ng'hilu kabili, na sambinize hano kudeha mazi.”
Yesu kamulongela, “Genda kamkeme mbigalo wako, abaho, ubwele.”
Ija imtwanzi kedika, “Nabule mbigalo.”
Yesu kamulongela, “Kulonga goya avija vuulonga kwabule mbigalo. Kwavija kusoligwa na wambigalo watano, na mbigalo yuukala nayo sambi sio mbigalo wako. Kunongela ikweli.”
Ija imtwanzi kalonga, “Mndewa, nokona gweye kwa muhokozi. Wahenga zetu wakala wotambika mkigongo kino, ila mweye mogong'ondeza kamba Yelusalemu baho hanhu ha kutambikila.”
Yesu kamulongela ija imtwanzi, “Nhegeleza nie, go mtwanzi, kipigiti chokwiza wanhu hawamtambikila Tata mkigongo kino ama kuja Yelusalemu. Mweye motambikila kija hamkitangile, ila tweye tukitanga kija itukitambikila, kwavija ukombola wolawa mwa Wayahudi. Ila kipigiti chokwiza na tena kipigiti kivika, watambika wa ikweli womtambikila Tata muloho na muikweli, kwavija Tata kowazahila wanhu wondawamtambikile kamba vino. Mulungu iyo Loho, avo awo womtambikila wolondigwa wamtambikile muloho na muikweli.”
Ija imtwanzi kamulongela, “Nivitanga kamba Kilisto kokwiza, na yeheza, kotulongela kila kinhu.”
Yesu kamulongela, “Nie, inilonga nagwe, iyo Kilisto.”
Kipigiti kikija wanahina zake wabwela, wakanganya ng'hani viwam'vikile yolongelela na mtwanzi. Ila haduhu hata imwe mmwanza wao yamulongele, “Kolonda choni?” ama kumuuza Yesu, “Habali ulonga na mtwanzi ino?”
Abaho, ija imtwanzi kaleka nongo yake ya mazi, kabweleganya kukiwambo na kuwalongela wanhu wakalile haja. Yolonga, “Izoni mmulole munhu yanongele kila kinhu kinhendile. Havidahika munhu ino kuwa iyo Kilisto?” Avo wasegela haja hakiwambo wachola kuyali Yesu.
Kipigiti kikija wanahina zake wamuyalalila Yesu wolonga, “Mkulufunzi, uje mandia.”
Ila heyo kawalongela, “Nie nnago mandia ago mweye hamgamanyile.”
Avo waja wanahina wasonga kukiiuza wenyego kwa wenyego, “Hana munhu yamgalile mandia?”
Yesu kawalongela, “Mandia gangu nie gago gano, kugatenda gaja gamnogele ayo yanhumile na kuimambukiza sang'hano yake. Mnawo ulonzi ulonga, ‘Isigala milenge mine mulao ulawe.’ Ila nie nowalongela, loleni mmigunda, vakuja vipa visha avo volondigwa kuhunigwa. Muhuna vakuja kogendelela kulihigwa hata sambi, na heyo kokunzanya ivakuja yavike muugima wa digunge, avo yahandile na ayo yohuna wodeng'ha hamoja. Kamba ulonzi uno vuulonga, ‘Imwe kohanda, iyagwe kohuna.’ Niwagala kuhuna vakuja mumgunda hamuulimile. Wanhu wayagwe iwo wasang'hanike, na mweye mpata fong'ha kulawa msang'hano yao.”
Wasamalia bwando kulawa mkiwambo kija wamtogola Yesu, sama ya gaja gayalongile ija imtwanzi, “Kanongela kila kinhu kinhendile.” Avo waja Wasamalia viwamwizile, wamuyalalila yakale na hewo, avo Yesu kakala haja mazua mabili.
Wanhu wayagwe bwando wamtogola sama ya mbuli zake, na wamulongela ija imtwanzi, “Tutogola si kwavija gweye kutulongela, ila kwavija tumuhulika tweye wenyego, na tuvitanga kamba heyo iyo Mkombola wa ulumwengu.”

Vigabitile mazua mabili, Yesu kasegela haja kachola kuisi ya Galilaya. Kwavija heyo mwenyego kalonga, “Muhokozi hahishimilwa muisi yake mwenyego.” Viyavikile Galilaya wanhu wa haja wam'bokela, kwavija wavona vinhu vose viyatendile Yelusalemu, kipigiti cha Ulusona lwa Pasaka, kwavija na hewo wakala wacholile kuna ulusona.
Abaho, Yesu kabweleganya kuna ikiwambo cha Kana muisi ya Galilaya, ako kuyagalule mazi kuwa divai. Haja kukala na mkulu imwe wa silikali yakalile na mwanage mtamu ako Kapenaumu. Viyahulike kamba Yesu keza kulawa Yudea kwiza Galilaya, kamgendela na kumuyalalila yachole Kapenaumu yakamuhonye mwanage yakalile behi na kudanganhika. Yesu kamulongela, “Kamba hamonile vilaguso na mikanganyo, hamtogola.”
Ija imkulu wa silikali kamulongela, “Mndewa, izo kipigiti mwanangu hanadanganhika.”
Yesu kamulongela, “Genda ukae yako, na mwanago kohona.”
Ija imkulu wa silikali kazitogola mbuli za Yesu, avo kachola. Viyakalile yobwela ukae, mnzila kaiting'hana na nyakadala zake, wamulongela, “Mwanago kahona.”
Kawauza kipigiti kilihi mwanage chayahonile, wamulongela, “Ikala saa saba imisi mayo homa imsegela.” Avo ija tata wa imwana kakumbukila kamba kikala kipigiti kikija Yesu chayamulongele, “Mwanago kohona.” Avo heyo na mulango wake wose wamtogola Yesu.
Uno ukala mzonza wa ikabili waatendile Yesu viyalawile Yudea kuchola Galilaya.

Слухайте YOHANA 4