If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Jesu mbwaakabuka kuzwa kubafu</div><div class="r">(Mateyo 28.1-10; Maako 16.1-8; Joni 20.1-10)</div><div class="p"> 1Cifumo-fumo kapati mubuzuba butaanzi bwamvwiki bakaintu bakainka kucuumbwe kabayumwide mafuta atununkilizyo ntobakabambidwe. 2Bakaakujana kuti bbwe lyakasinkide acuumbwe lili kunkulisidwe. 3Aboobo bakanjila mukati kacuumbwe, pele bakajana kuti mutumba wa Jesu tuumo pe. 4Kabacikatazigwa aceeci cakacitika, mpoonya baalumi bobilo bakaima. Baalumi aabo bakasamide zisani zimweka. 5Bakaintu aaba, kabayoowede kapati, bakakotama akulanga ansi, ciindi baalumi aabo niibakababuzya kuti, &#8220;Nkaambo nzi ncomuyandaula muntu muumi akati kabafu? 6Tamo muno pe, wabuka! Amuyeeye ncaakamwaambila naakacili mucisi ca Galilii naakati, 7&#8216;Mwanaa Muntu uleelede kwaabwa mumaanza aabantu babi, akuti akankaminwe aciingano akubusigwa kuzwa kubafu mubuzuba bwatatu?&#8217;&#8221;</div><div class="p"> 8Mpoonya bakaintu bakayeeya majwi aa Jesu, 9eelyo bakapiluka kuzwa kucuumbwe, akuyooambila basikwiiya bali kkumi aumwi makani aaya, akuli bamwi baccilili bakwe. 10Aabo bakaintu bakali Maliya waku Magadala, Jowana, a Maliya banyina Jemusi. Aaba abakaintunyina bamwi, mbabakaambila batumwa ba Jesu makani aaya. 11Pele batumwa bakayeeya kuti cakaamba bakaintu cakali cabufuba-fuba buyo, taakwe nibakabazuminina. 12Pele Pita wakanyamuka akuzuzaanina kucuumbwe. Naakaakusondela wakabona buyo zisani mwakavungailidwe mufu. Mpoonya wakabweeda kumunzi kakatazidwe mumoyo akaambo kacintu cakacitika.</div><div class="s">Jesu mbwaakeenda lweendo lwakumunzi wa Emeyusi</div><div class="r">(Maako 16.12-13)</div><div class="p"> 13Mubuzuba oobo mbubonya basikwiiya bobilo, bakali kuya bweenda kuya kumunzi wa Emeyusi. Kuzwa ku Emeyusi kusikila ku Jelusalemu kakali kasinzo, 14nibakali kuya bweenda bakali kuya bwaambaula makani aazintu zyakacitikide. 15Kabacaambaula akukazyanya makani aaya, Jesu lwakwe mwini wakasika akutalika kweenda ambabo. 16Bakamubona, pele tiibakamuziba pe. 17Mpoonya Jesu wakababuzya wati, &#8220;Ino makani nzi ngomuya bwaambaula?&#8221;</div><div class="p">Balo bakaima, kabalangika kuti baluuside. 18Eelyo umwi wabo wakali kutegwa Kiliyopasi wakabuzya kuti, &#8220;Sena yebo uli mweenzu mu Jelusalemu, ootazi zyakacitika mazuba aaya ngoonya?&#8221;</div><div class="p"> 19Walo wakabuzya kuti, &#8220;Ino nzintu nzi?&#8221;</div><div class="p">Bakaingula kuti, &#8220;Zintu zyakacitika kuli Jesu waku Nazaleta. Ooyu muntu wakali musinsimi mupati, wakali kugambya mumilimo amukwiisya kwakwe, alimwi wakali kulemekwa a Leza abantu boonse. 20Pele bapaizi basilutwe abapati bamwi bakamwaaba kuti apegwe mulandu walufu, eelyo wakankaminwa aciingano. 21Pele swebo twakali kuyeeya kuti ngonguwe uuti kanunune Isilayeli! Ono sunu kwiindide mazuba otatwe eeci kacicitikide. 22Lino bakaintu bamwi bankamu yesu batugambya. Balifumide kucuumbwe kakucisiya-siya ansi 23pele tiibuujana mutumba wakwe mucuumbwe pe. Nibaboola baamba kuti babona buyo bangelo baamba kuti muumi. 24Alimwi bamwi beenzuma bainkide kucuumbwe, bajana mbubonya mbuli bwaambide bakaintu pele walo tabamubwene pe.&#8221;</div><div class="p"> 25Mpoonya Jesu wakati kulimbabo, &#8220;Muli bafuba-fuba, ha! Tamufwambaani kuzumina zintu zyoonse nzobakaamba basinsimi! 26Sena tiicakeelede kuti zicitwe zintu eezi ku Munanike wa Leza kutegwa anjile mubulemu bwakwe?&#8221; 27Mpoonya Jesu wakabapandulwida zyoonse zilembedwe mu Malembe zyaamba nguwe, kutalikila kumabbuku ngaakalemba Mozesi mane do kuli zeezyo nzyobakalemba basinsimi.</div><div class="p"> 28Nibakasika aafwiifwi amunzi nkubakali kuya, Jesu wakatiindilile, 29pele balo bakamukasya bati, &#8220;Kkala aswebo, nkaambo bona, kwasiya kale, zuba lyabbila.&#8221; Mpoonya wakanjila abalo mu&#331;anda. 30Naakasengela ambabo, wakabweza cinkwa, wakomba, mpoonya wacikomona wacipa kulimbabo. 31Eelyo meso aabo akajaluka, bakamuziba, mpoonya aawo wakazimaana tiibakacimubwene limbi. 32Mpawo bakatalika kulyaambauzya bati, &#8220;Sena majwi aakwe taali kutuyasa ciindi naali kukanana andiswe munzila katupandulwida Malembe?&#8221;</div><div class="p"> 33Mpoonya bakanyamuka akubweeda ku Jelusalemu ooko nkubakaakujana basikwiiya bali kkumi aumwi balibungene antoomwe abantu bamwi, 34baambaula makani aakuti, &#8220;Mwami wabuka ncobeni! Mane Saimoni wamubona!&#8221;</div><div class="p"> 35Lino abalo basikwiiya bobilo baya bakatalika kubalungulwida cakacitika munzila, ambobakamuziba naakakomona cinkwa.</div><div class="s">Jesu mbwaakalibonya kuli basikwiiya bakwe</div><div class="r">(Mateyo 28.16-20; Maako 16.14-18; Joni 20.19-23; Milimo 1.6-8)</div><div class="p"> 36Nibakacili kubaambila makani aaya, Jesu lwakwe wakalibonya cakuyusuka akati kabo akubaambila kuti, &#8220;Amube aaluumuno.&#8221;</div><div class="p"> 37Pele bakayoowa kapati akuntuntuma, nkaambo bakayeeya kuti babona musangu. 38Walo wakati kulimbabo, &#8220;Ino mukatazigwa nzi? Nkaambo nzi ncomuzumbauzya? 39Amulange maanza amaulu aangu, muzibe kuti ndime ncobeni. Amundijataate mumvwe, nkaambo musangu tajisi mubili, azifuwa mbuli mbwendijisi mebo.&#8221;</div><div class="p"> 40Naakali kwaamba boobo, wakabatondezya maanza amaulu aakwe. 41Nikubaboobo taakwe nibakazumina nkaambo bakazwide kutangala akugambwa, aboobo wakababuzya kuti, &#8220;Sena kuli cakulya ncomujisi aano?&#8221; 42Eelyo bakamupa cibeela canswi yakayokedwe. 43Wakacibweza, wacilya kabalangilide.</div><div class="p"> 44Mpoonya wakati kulimbabo, &#8220;Eezi nzenzizyo nzindakali kumwaambila eliya nindakacili aandinywe, nkaambo zyoonse zilembedwe zyaamba ndime mu Mulawo wa Mozesi, amumalembe aabasinsimi, amu Ntembauzyo, zileelede kuti zicitike ncobeni.&#8221;</div><div class="p"> 45Aboobo wakabagwasya kuti baamvwisye Malembe ncaamba. 46Wakati kulimbabo, &#8220;Eeci ncecilembedwe, kuti Munanike wa Leza uleelede kupenga akubuka kuzwa kubafu mubuzuba bwatatu, 47akuti muzina lyakwe makani aakambaukwe kubantu bamisyobo yoonse kutalikila ku Jelusalemu, kuti beempe, eelyo Leza nati balekelele. 48Nkaako nywebo ndinywe bakamboni bazintu eezi. 49Nkabela mebo ndiyoomutumina cipego Taata ncaakasyomezya, pele muleelede kuti kamukkede mumunzi muno mane kusikila mukatambule nguzu zizwa kujulu.&#8221;</div><div class="s">Jesu mbwaakatolwa kujulu</div><div class="r">(Maako 16.19-20; Milimo 1.9-11)</div><div class="p"> 50Eelyo wakabasolweda kuya kumunzi wa Betani, nibakaakusika ooko, Jesu wakanyamuna maanza aakwe, wabaleleka. 51Kacibaleleka boobo, wakaandaana ambabo wabasiya, watolwa kujulu. 52Balo bakamukomba, bakabweeda ku Jelusalemu kabatangede kapati mumyoyo. 53Ciindi coonse bakali mu&#331;anda ya Leza kabalumbaizya Leza.</div>
 </div>
 </div>
</div>

Tonga Bible © United Bible Societies, 1994. 

Cifumo-fumo kapati mubuzuba butaanzi bwamvwiki bakaintu bakainka kucuumbwe kabayumwide mafuta atununkilizyo ntobakabambidwe. Bakaakujana kuti bbwe lyakasinkide acuumbwe lili kunkulisidwe. Aboobo bakanjila mukati kacuumbwe, pele bakajana kuti mutumba wa Jesu tuumo pe. Kabacikatazigwa aceeci cakacitika, mpoonya baalumi bobilo bakaima. Baalumi aabo bakasamide zisani zimweka. Bakaintu aaba, kabayoowede kapati, bakakotama akulanga ansi, ciindi baalumi aabo niibakababuzya kuti, “Nkaambo nzi ncomuyandaula muntu muumi akati kabafu? Tamo muno pe, wabuka! Amuyeeye ncaakamwaambila naakacili mucisi ca Galilii naakati, ‘Mwanaa Muntu uleelede kwaabwa mumaanza aabantu babi, akuti akankaminwe aciingano akubusigwa kuzwa kubafu mubuzuba bwatatu?’”
Mpoonya bakaintu bakayeeya majwi aa Jesu, eelyo bakapiluka kuzwa kucuumbwe, akuyooambila basikwiiya bali kkumi aumwi makani aaya, akuli bamwi baccilili bakwe. Aabo bakaintu bakali Maliya waku Magadala, Jowana, a Maliya banyina Jemusi. Aaba abakaintunyina bamwi, mbabakaambila batumwa ba Jesu makani aaya. Pele batumwa bakayeeya kuti cakaamba bakaintu cakali cabufuba-fuba buyo, taakwe nibakabazuminina. Pele Pita wakanyamuka akuzuzaanina kucuumbwe. Naakaakusondela wakabona buyo zisani mwakavungailidwe mufu. Mpoonya wakabweeda kumunzi kakatazidwe mumoyo akaambo kacintu cakacitika.


Mubuzuba oobo mbubonya basikwiiya bobilo, bakali kuya bweenda kuya kumunzi wa Emeyusi. Kuzwa ku Emeyusi kusikila ku Jelusalemu kakali kasinzo, nibakali kuya bweenda bakali kuya bwaambaula makani aazintu zyakacitikide. Kabacaambaula akukazyanya makani aaya, Jesu lwakwe mwini wakasika akutalika kweenda ambabo. Bakamubona, pele tiibakamuziba pe. Mpoonya Jesu wakababuzya wati, “Ino makani nzi ngomuya bwaambaula?”
Balo bakaima, kabalangika kuti baluuside. Eelyo umwi wabo wakali kutegwa Kiliyopasi wakabuzya kuti, “Sena yebo uli mweenzu mu Jelusalemu, ootazi zyakacitika mazuba aaya ngoonya?”
Walo wakabuzya kuti, “Ino nzintu nzi?”
Bakaingula kuti, “Zintu zyakacitika kuli Jesu waku Nazaleta. Ooyu muntu wakali musinsimi mupati, wakali kugambya mumilimo amukwiisya kwakwe, alimwi wakali kulemekwa a Leza abantu boonse. Pele bapaizi basilutwe abapati bamwi bakamwaaba kuti apegwe mulandu walufu, eelyo wakankaminwa aciingano. Pele swebo twakali kuyeeya kuti ngonguwe uuti kanunune Isilayeli! Ono sunu kwiindide mazuba otatwe eeci kacicitikide. Lino bakaintu bamwi bankamu yesu batugambya. Balifumide kucuumbwe kakucisiya-siya ansi pele tiibuujana mutumba wakwe mucuumbwe pe. Nibaboola baamba kuti babona buyo bangelo baamba kuti muumi. Alimwi bamwi beenzuma bainkide kucuumbwe, bajana mbubonya mbuli bwaambide bakaintu pele walo tabamubwene pe.”
Mpoonya Jesu wakati kulimbabo, “Muli bafuba-fuba, ha! Tamufwambaani kuzumina zintu zyoonse nzobakaamba basinsimi! Sena tiicakeelede kuti zicitwe zintu eezi ku Munanike wa Leza kutegwa anjile mubulemu bwakwe?” Mpoonya Jesu wakabapandulwida zyoonse zilembedwe mu Malembe zyaamba nguwe, kutalikila kumabbuku ngaakalemba Mozesi mane do kuli zeezyo nzyobakalemba basinsimi.
Nibakasika aafwiifwi amunzi nkubakali kuya, Jesu wakatiindilile, pele balo bakamukasya bati, “Kkala aswebo, nkaambo bona, kwasiya kale, zuba lyabbila.” Mpoonya wakanjila abalo muŋanda. Naakasengela ambabo, wakabweza cinkwa, wakomba, mpoonya wacikomona wacipa kulimbabo. Eelyo meso aabo akajaluka, bakamuziba, mpoonya aawo wakazimaana tiibakacimubwene limbi. Mpawo bakatalika kulyaambauzya bati, “Sena majwi aakwe taali kutuyasa ciindi naali kukanana andiswe munzila katupandulwida Malembe?”
Mpoonya bakanyamuka akubweeda ku Jelusalemu ooko nkubakaakujana basikwiiya bali kkumi aumwi balibungene antoomwe abantu bamwi, baambaula makani aakuti, “Mwami wabuka ncobeni! Mane Saimoni wamubona!”
Lino abalo basikwiiya bobilo baya bakatalika kubalungulwida cakacitika munzila, ambobakamuziba naakakomona cinkwa.


Nibakacili kubaambila makani aaya, Jesu lwakwe wakalibonya cakuyusuka akati kabo akubaambila kuti, “Amube aaluumuno.”
Pele bakayoowa kapati akuntuntuma, nkaambo bakayeeya kuti babona musangu. Walo wakati kulimbabo, “Ino mukatazigwa nzi? Nkaambo nzi ncomuzumbauzya? Amulange maanza amaulu aangu, muzibe kuti ndime ncobeni. Amundijataate mumvwe, nkaambo musangu tajisi mubili, azifuwa mbuli mbwendijisi mebo.”
Naakali kwaamba boobo, wakabatondezya maanza amaulu aakwe. Nikubaboobo taakwe nibakazumina nkaambo bakazwide kutangala akugambwa, aboobo wakababuzya kuti, “Sena kuli cakulya ncomujisi aano?” Eelyo bakamupa cibeela canswi yakayokedwe. Wakacibweza, wacilya kabalangilide.
Mpoonya wakati kulimbabo, “Eezi nzenzizyo nzindakali kumwaambila eliya nindakacili aandinywe, nkaambo zyoonse zilembedwe zyaamba ndime mu Mulawo wa Mozesi, amumalembe aabasinsimi, amu Ntembauzyo, zileelede kuti zicitike ncobeni.”
Aboobo wakabagwasya kuti baamvwisye Malembe ncaamba. Wakati kulimbabo, “Eeci ncecilembedwe, kuti Munanike wa Leza uleelede kupenga akubuka kuzwa kubafu mubuzuba bwatatu, akuti muzina lyakwe makani aakambaukwe kubantu bamisyobo yoonse kutalikila ku Jelusalemu, kuti beempe, eelyo Leza nati balekelele. Nkaako nywebo ndinywe bakamboni bazintu eezi. Nkabela mebo ndiyoomutumina cipego Taata ncaakasyomezya, pele muleelede kuti kamukkede mumunzi muno mane kusikila mukatambule nguzu zizwa kujulu.”


Eelyo wakabasolweda kuya kumunzi wa Betani, nibakaakusika ooko, Jesu wakanyamuna maanza aakwe, wabaleleka. Kacibaleleka boobo, wakaandaana ambabo wabasiya, watolwa kujulu. Balo bakamukomba, bakabweeda ku Jelusalemu kabatangede kapati mumyoyo. Ciindi coonse bakali muŋanda ya Leza kabalumbaizya Leza.

Слухайте Luka 24