<div class="version vid3035 iso6393iyx" data-vid="3035" data-iso6393="iyx">
 <div class="book bkMAT">
 <div class="chapter ch1" data-usfm="MAT.1">
 <div class="label">1</div><div class="s1">Bakaa ba Yiisu</div><div class="p"> 1Ma ni makuumbu ma bakaa ba Yiisu Kristo, mwaana a Daavidi, mwaana a Abraami.</div><div class="p"> 2Isaki mwaana a Abraami; Yaakobi mwaana a Isaki; Yuuda na baana banguu ba nde, baana ba Yaakobi. 3Peresi na Zeera baana ba Yuuda. Nguu a bo ali Tamare; Eseroni mwaana a Peresi, na Laama mwaana a Eseroni. 4Aminadabi mwaana a Laama; Nasoni mwaana a Aminadabi, Salamoni mwaana a Nasoni. 5Booze mwaana a Salamoni; na Laabi ali nguu a Booze. Obedi mwaana a Booze, na nguu a Obedi ali Luuta. Yeese mwaana a Obedi. 6Mutini Daavidi mwaana a Yeese.</div><div class="p">Salomo mwaana a Daavidi. Nguu a nde ali mukari a Uuli. 7Loboami mwaana a Salomo; Abia mwaana a Loboami; Asafi mwaana a Abia; 8Yosafate mwaana a Asafi; Yorami mwaana a Yosafate; Oziyase mwaana a Yorami; 9Yotami mwaana Oziyase; Akazi mwaana a Yotami; Ezekiyase mwaana a Akazi; 10Manase mwaana a Ezekiyase; Amoni mwaana a Manase; Yosiya mwaana a Amoni; 11Yekoniyase na baana ba nguu ba nde, baana ba Yosiya, mu taanga di babiti baana ba Iseraeli mu bukori ku ngaanda a Babilooni.</div><div class="p"> 12Nha mbisi a nha babiti baana ba Iseraeli mu bukori ku ngaanda a Babilooni, Selatieli mwaana a Yekoniya, na Zorobabeeli mwaana a Salatieeli. 13Abiyudi mwaana a Zorobabeeli; Eliyakimi mwaana a Abiyudi; Azori mwaana a Eliyakimi. 14Sadoki mwaana a Azori; Akimi mwaana a Sadoki; Eliyudi mwaana a Akimi. 15Eleazari mwaana a Eliyudi; Matani mwaana a Eleazari; Yaakobi mwaana a Matani. 16Yoosefi mwaana a Yaakobi; ni Yoosefi me wuu, mulumi a Mari, wuli nguu a Yiisu wu bali mu uta Kristo.</div><div class="p"> 17Litaanga la bisieende bioosi, umatuu mu Abraami natee mu taanga dia Daavidi ali kuumi na bina. Tumake, kuumi na bina umatuu mu taanga dia Daavidi, natee bu babiti baana ba Iseraeli mu bukori ku Babilooni. Na kuumi na bina, umatuu bu babiti baana ba Iseraeli ku Babilooni natee mu taanga dia mbutili a Kristo.</div><div class="s1">Mbutili a Yiisu</div><div class="r">(Luka 2.1-7)</div><div class="p"> 18Mono bwali mbutili a Yiisu Kristo. Mari, nguu a nde, ali na lilasina la makweele na Yoosefi. Ka tswaamini ti bo budiaala itwaari, Mari abayi yimi mu litu la Muheebili wa Ngira. 19Yoosefi wali mulumi a nde, ali muutu wasuungunu. Na bu nde ali a atoono pe umweese Mari tsionyi nha kulu a baata, Yoosefi aholi kesili ya ukabuu na nde mu tsweeyi. 20Bu nde akitsimi ndaa yii, tumu a Pfumu wamumonii mu nziori, wamuleeli: &#171;Yoosefi, mwaana a Daavidi, a ba na boomo mu ukweele Mari pe, mundaa ti mu litu la Muheebili wa Ngira nde abayi yimi lii. 21Mari sa abutu mwaana wa baala, wu we kaaha kuumbu Yiisu, ka mwaana wuu sa avuusu baata ba nde mu masumu ma bo.&#187;</div><div class="p"> 22Maa moosi mayilimi, paa ti maleeli Pfumu mu mubili, mayene tsitsi:</div><div class="q1"> 23&#171;Mono, nduumbu#1.23 Nduumbu wu keni a avuutu nyutu na baala pe. sa abaa yimi,</div><div class="q1">na sa abutu mwaana wa baala,</div><div class="q1">wu bakaata Emanweeli.&#187;</div><div class="m">Mbiindila kuumbu yii: &#171;Nziaambi li na bisi&#187;.</div><div class="p"> 24Yoosefi bu asiimbii, ayilii weti bwamutumi tumu a Pfumu, na nde aholi Mari mu uba mukari a nde. 25Ka nde a avuuti mbuu na mukari pe, natee bu Mari abuti mwaana a nde wa baala, wu Yoosefi ahi kuumbu Yiisu.</div>
 </div>
 </div>
</div>

Ma ni makuumbu ma bakaa ba Yiisu Kristo, mwaana a Daavidi, mwaana a Abraami.
Isaki mwaana a Abraami; Yaakobi mwaana a Isaki; Yuuda na baana banguu ba nde, baana ba Yaakobi. Peresi na Zeera baana ba Yuuda. Nguu a bo ali Tamare; Eseroni mwaana a Peresi, na Laama mwaana a Eseroni. Aminadabi mwaana a Laama; Nasoni mwaana a Aminadabi, Salamoni mwaana a Nasoni. Booze mwaana a Salamoni; na Laabi ali nguu a Booze. Obedi mwaana a Booze, na nguu a Obedi ali Luuta. Yeese mwaana a Obedi. Mutini Daavidi mwaana a Yeese.
Salomo mwaana a Daavidi. Nguu a nde ali mukari a Uuli. Loboami mwaana a Salomo; Abia mwaana a Loboami; Asafi mwaana a Abia; Yosafate mwaana a Asafi; Yorami mwaana a Yosafate; Oziyase mwaana a Yorami; Yotami mwaana Oziyase; Akazi mwaana a Yotami; Ezekiyase mwaana a Akazi; Manase mwaana a Ezekiyase; Amoni mwaana a Manase; Yosiya mwaana a Amoni; Yekoniyase na baana ba nguu ba nde, baana ba Yosiya, mu taanga di babiti baana ba Iseraeli mu bukori ku ngaanda a Babilooni.
Nha mbisi a nha babiti baana ba Iseraeli mu bukori ku ngaanda a Babilooni, Selatieli mwaana a Yekoniya, na Zorobabeeli mwaana a Salatieeli. Abiyudi mwaana a Zorobabeeli; Eliyakimi mwaana a Abiyudi; Azori mwaana a Eliyakimi. Sadoki mwaana a Azori; Akimi mwaana a Sadoki; Eliyudi mwaana a Akimi. Eleazari mwaana a Eliyudi; Matani mwaana a Eleazari; Yaakobi mwaana a Matani. Yoosefi mwaana a Yaakobi; ni Yoosefi me wuu, mulumi a Mari, wuli nguu a Yiisu wu bali mu uta Kristo.
Litaanga la bisieende bioosi, umatuu mu Abraami natee mu taanga dia Daavidi ali kuumi na bina. Tumake, kuumi na bina umatuu mu taanga dia Daavidi, natee bu babiti baana ba Iseraeli mu bukori ku Babilooni. Na kuumi na bina, umatuu bu babiti baana ba Iseraeli ku Babilooni natee mu taanga dia mbutili a Kristo.


Mono bwali mbutili a Yiisu Kristo. Mari, nguu a nde, ali na lilasina la makweele na Yoosefi. Ka tswaamini ti bo budiaala itwaari, Mari abayi yimi mu litu la Muheebili wa Ngira. Yoosefi wali mulumi a nde, ali muutu wasuungunu. Na bu nde ali a atoono pe umweese Mari tsionyi nha kulu a baata, Yoosefi aholi kesili ya ukabuu na nde mu tsweeyi. Bu nde akitsimi ndaa yii, tumu a Pfumu wamumonii mu nziori, wamuleeli: «Yoosefi, mwaana a Daavidi, a ba na boomo mu ukweele Mari pe, mundaa ti mu litu la Muheebili wa Ngira nde abayi yimi lii. Mari sa abutu mwaana wa baala, wu we kaaha kuumbu Yiisu, ka mwaana wuu sa avuusu baata ba nde mu masumu ma bo.»
Maa moosi mayilimi, paa ti maleeli Pfumu mu mubili, mayene tsitsi:
«Mono, nduumbu sa abaa yimi,
na sa abutu mwaana wa baala,
wu bakaata Emanweeli.»
Mbiindila kuumbu yii: «Nziaambi li na bisi».
Yoosefi bu asiimbii, ayilii weti bwamutumi tumu a Pfumu, na nde aholi Mari mu uba mukari a nde. Ka nde a avuuti mbuu na mukari pe, natee bu Mari abuti mwaana a nde wa baala, wu Yoosefi ahi kuumbu Yiisu.

Слухайте Mataayi 1