Ketengban - WBT (NT) Non Drama

Ketengban - WBT (NT) Drama

<div class="version vid3486 iso6393xte" data-vid="3486" data-iso6393="xte">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesus gam buku upu</div><div class="p"> 1Sun yuma damapra kunmaiyanen, Sabat tumi#24:1 Sabat tumi &#8211; Yahudi yala nengdi, Sabat tumi perami ngeda, nun ukutaru nengdi, hari Sabtu penupe. Atep, sundi Yesus nong peipi gel imir tamupra bei tumida, hari Minggu ipna taru bei. konum kupkopda, Maria Magdalena cap, Yakobus er nin Maria cap, Yohana cap, aweneri nerapu nintong telep keca ketenepra deipmaiya dopra, &#8216;Yesus er nong deiki dikra likeipkup&#8217; tenen, dopra bei. 2Minggu tumi ipna bereng tamna di, aweneri nerapu Yesus peipmauai bena, &#8216;Nintong telep keca, er nong deiki dikra likeipkup&#8217; tenen, Yesus peipmau gel imir dam bei. Bei dingeda, erepra dindeipa, gel imir buplan dekmau ila pala gelda, konum gamuptapmauapu epi. 3Epidi, gel imir pumbon yana wekidi, dipetepi dinin, Yesus er nong men epi.</div><div class="p"> 4Men epidi, &#8216;Yesus er nong dan do?&#8217; tenen, tenimtonmai taruda, kaber neng butene perenglang pepredi, dirine weike kuramretopu, pio kurun opkal keprap, dato-dato di tengyarei. 5Ukupreipa, anerapu epidi, lukdaidi kware weik kupka tep, genepdongopra tekmai. Kware weik kupu dinin, anengdi anerapu tep peprei. &#8220;Deramenge nesala pein damai, &#8216;Yesus akunmar do?&#8217; tenen, dipetepmarumada, ware keca deiyo tep do?</div><div class="p"> 6Er aca men kunmare. Er konum gam bukmare. Sun Yesus cap, Galilea mutu neitamai kikiman kuramrum taru peiamseu upuda, tupa tenipmarum do, gum do? Moupra tenipso. Yesusdi peipseu upu ake. 7&#8216;Neda, Nimi Mi Sisa Utopu Ngebo doprapnengedi, mali kun neng karepnengepa, sengdin co deiki popnengopda, depmanyanen, weneri tumi konum kupyopda, tamupra gam bukamne,&#8217; Yesusdi peipseu.&#8221; Abutene nengdi peprei. 8Upeprei pangeda, anerapudi, &#8216;Yesus peipu upuda ake&#8217; tenen, ka di ton cap tenepi.</div><div class="p"> 9Tenepidi, agel imir dam tapra banmaiyanen, sun Yesusdi wepra deiamu neng, 11 neng#24:9 Yesus wepra deipu neng, 11 neng &#8211; Acada 11 neng sekmupkada deiyo ake. Ada Yudas Iskariot konum popdaua cadi, Yesusdi wepra deiamu nengda ataruda 11 nengpu tupa kunmai. kunmaiyai beidi, akupu keca yuma tep, lape pepipa, aneng 11 neng cap, sun cap, yuk neng cap, kikiman kunmai neng cap, gekepi. 10Aupu lap perbei nerapu sida, ake. Ada, Maria Magdalena mutu ner cap, Yohana cap, Yakobus er nin Maria cap, sun kikiman dirbei nerapu cap, aupu lap pepi. 11Lap pepipa, Yesusdi, &#8216;Ne upu dopra peterembenkameng&#8217; tenen, wepra deiamu neng, aupu konum gekepi dinin, teka men tenepi. Anerapudi lap penmai upuda, &#8216;Tali mutana nengdi peramengtopu penmasenge,&#8217; tenepi. Utenepmaiya cadi, teka men tenepi. 12Sun yuma teka men tenepi dinin, Peteruspuda, Yesus peipmai gel imir dam sepdaro dirbeu. Beu dingeda, nong geipdongopudi, gel imir pumbon moupra dipetepudi, Yusupdi boun opkal getepra peipmaungepu akapmaupa epu. Epudi, er kange neitamai dipu, &#8216;Ware kupmar do?&#8217; tenen, tenimtonmaudi banmau.</div><div class="s">Emaus mutu ban bisi neitamai kupupa eprei keca upu</div><div class="p"> 13Atumipu dinin, Yesus er wepra deiamu neng, butene neng, &#8216;Emaus mutu benkunem&#8217; tenen, bisi banmarei. Yerusalem mutu di Emaus mutu bisi bana kareneda, tenpu tumi neitamai bisi baramengtopu, sebelas kilometer kwamu. 14Sun bisi neitamai banmarei taruda, akeca yuma kupupa, epreinge cap, gekepreinge cap tep, upu talepdanen banmarei. 15Sun upu talepdanen banmareipane, Yesus sun men tenepmarei bisi di yakaupa eprei. Epreidi, sun cap, Yesus cap banmai. 16Yesus yaupa, sun cap wisipra banmai dinin, &#8216;Ne yanpa konum kael kepnererunge,&#8217; tenepudi, sun kange tenenange inipka tep, sundi Yesus er urasin eprei dinin, &#8216;Ada Yesus&#8217; tenen, men kael keprei.</div><div class="p"> 17Sun banmaiyanen, bisi neitamaida, Yesusdi abutene neng tep, asipetepu. &#8220;Sun bisi banmarerumdi, ware upu talepbanmarerum do?&#8221; pepra asipetepu. Asipetepupa, sun butene neng atengbereidi, &#8216;Uo&#8217; tenen, genepdongopra tuai dinmarei. 18Ukupra dinamareidi, tenpu ngebo Keleopasdi, Yesus tep pepu. &#8220;Ortumi kunmau keca yumada, nun Yerusalem mutu neitamai kunup neng yuma epra kael kepmap dinin, kan tenpu ngebo puda, epra men kael kemum do? Kanda ukupua Yerusalem mutu damai yanmarema tep, men kael kepmarem do?&#8221; pepu. 19Upepupa, Yesusdi tamupra, &#8220;Ware keca kupmaua tep pepmanerem do?&#8221; pepra asipetepu. Asipetepu pangeda, sun butene nengdi tamupra peprei.</div><div class="p">Gume Nasaret nengdi deiami ngebo, er si Yesus tep pepneme. Yesusda tali ngebo gume. Erda Allah upu lap peramu ngebo, nabi kuramu. Tonda, Allahdi angebo wepra deiamupane, Yesusdi peramu upu cap, pel doramunge capda, ila puto deiki di kuramu. Nimi yumadi akeca yuma diramepudi, &#8216;Angeboda puto weik ngebo,&#8217; tenen, kael keamepu.</div><div class="p"> 20Nun Yahudi yala deiyo neng cap, Allah karena tep ila deiyo neng capdi, &#8216;Yuk nengdi popkameng&#8217; tenen, Yesus dopra karepipa, sengdin co deiki popi. 21Uo, nunda, &#8216;Yesusdi, Roma mutu neng amutara kuramnupai di loptapseredi, Israel nesala yuma lyepra talepseredi, nun Ila Deiyo Ngebo erpu kunkamsere,&#8217; teneramupu dinin, sun anengdi Yesus popi. Tonda, sundi Yesus popipa, weneri tumi konum kupre.</div><div class="p"> 22-23Tonda, angepu gume. Nun tara nerapudi upu pepmasungupa, gekepmapdi, lukdanmape. Ada, ipnada, Yesus gel imir peipmaiyai dirbenmangu dinin, Yesus er nong men epmangu. Men epmangudi, nun damai aupu peryanmasunge. &#8220;Ken mana utopu deiki di malaikat epmappa, &#8216;Yesus konum gam bukmare,&#8217; peipmasenge,&#8221; pepmasunge. 24Upepmasungupa, nun kayapu neng ton, Yesus peipmai gel imir dam dirbenmangudi, anerapu pepmangutopu kupmaupa, epmangu dinin, Yesus er nong men epmangue. Abutene nengdi, Yesus tep peprei.</div><div class="p"> 25Upepreipa, Yesusdi tamupra aneng tep pepu. &#8220;Sun walwal neng kurum adano. Sun Allah upu lap perami neng, nabi-nabi nengdi sekami upuda, teka men teneprumdi, sika di kael kemrume. 26Nesala weik lyepredi, sun dipru talenkamre ngebo, Kristusda, er tep Allahdi uteneamu. Ada, &#8216;Sun mali nengdi er nong deiki ikin keca weik deipmengepa, donmaryanen depredi, gam bukra pio telep dirinai im deiki welepkamre,&#8217; teneamu ngeda, men tenipmarerumdi penmarerum do?&#8221; pepu. 27Upepu dingeda, Musa cap, Allah upu jenek lap perami neng, nabi-nabi neng capdi, er Yesus tep sekami upuda, aupu di gonga kepra, Allah upu neitamai kure upu yumadi, er Yesus tep sengami upu dopra, Yesusdi abutene neng tep, katuai di lap pepra banmau.</div><div class="p"> 28Lap pepudi, sun bisi banmaiyanen, sun benkurei ati dam bai taruda, &#8216;Er yuk bisi benkura tepa, tenepkunerunga&#8217; tenen, Yesusdi gonga kepra bau. 29Yuk bisi bendeupa, sun upu puto di peprei. &#8220;Gume, konum ipbanmara cadi, kanda nun cap mapkupe,&#8221; peprei. Upepreiya cadi, er cap ati wekra kikiman kunmai. 30Ati kunmaidi jen keca jepkoi taruda, Yesusdi roti dopropudi, Allah tep, &#8220;Telepe,&#8221; pepu dingeda, toprapudi aneng tep gonga kepra karenmau. 31Roti kwaneng karenmau taruda, &#8216;Yesus adano,&#8217; men tenepmareia tep, Allahdi, &#8216;Yesus kael kepkureng&#8217; tenen, sun kange pakaeipudi, sun asuru telep kupra deipupa, Yesus nong kael keprei. Kael keprei pangeda, Yesus adipapu dimpepupa, ton cap men eprei.</div><div class="p"> 32Dim pepu pangeda, sun butene nengpu upu talepdarei. &#8220;Gume, ambutumi er cap bisi neitamai banmapu taruda, Musa sekeiamu upu cap, nabi-nabi nengdi sengami upu cap, yuk Allah upu buku cap, katuai di lap penmaseupa, nun dipru merenmaseu ngeda, deiyo konum tenepnem. Ada tek sisi Yesus er pua tenepneme,&#8221; peprei.</div><div class="p"> 33Uteneprei dingeda, adipapu amutu tapra, Yerusalem mutu tamupra berei. Berei dingeda, Yesus wepra deiamu neng 11 neng cap, sun kikiman kunmai neng cap, sun bulupra kunmai ati bena wekreidi epdai. 34Wekrei pangeda, akati kunmai nengdi aupu lap penmai. &#8220;Anengo, sun anerapu pepmasungu upuda, tek sisipu kurure. Nun nai bo Yesus konum gam bukudi, Simon damai tengyaupa, epu,&#8221; pepi.</div><div class="p"> 35Upepipa, abutene nengdi, sun bisi neitamai banamrei taru kupu keca cap, Yesusdi roti topra karepupa, er nong kael kepreinge cap, lap pepra banmarei.</div><div class="s">Yesusdi er wepra deiamu neng kan-kan belepra teku upu</div><div class="p"> 36Sun yumadi aupu tupa penmai taruda, Yesus dato-dato di sun neitamai belepra tengyaudi, aneng yuma tep aupu pepu. &#8220;Allahdi telep kupra deipserepa, sun telep kange doupra kunkamrume,&#8221; pepu. 37Upepu pangeda, sundi, &#8216;Uo, depi neng sambala epmepe,&#8217; tenepidi, sun kware weik kupu. 38Kware kupu pangeda, Yesusdi aneng yuma tep pepu. &#8220;Warya tep, mambul kange doupra kange bongtonmaserdi, &#8216;Yesus do, gum do?&#8217; tenen, tenimtonmanerumdi, kware kupmaser do? 39Ne buru tang cap, ne yane cap, dila dipterepneso. Ne akunman adano. Ne yo cap, tu cap, kwapmanerpa epmaneruma tep, sundi talepterepneso. Nimi deramenge neng sambalada, akeca tupa men kurure,&#8221; pepu.</div><div class="p"> 40Upepu dingeda, er buru tang cap, er yane cap benbenepudi, aneng tep peterepupa epi. 41Peterepupa, epidi, ila kange deipra, pingpinga kunmaidi, pio lolomaiya cadi, yambulanun ton tup kange bongtonmau. Ukunmaua tep, Yesusdi aneng tep asipetepu. &#8220;Jen kecada, sun ton akupmaser do?&#8221; pepra moropu. 42-43Moropupa, sun ukudi dapmai mekina karepipa, dopropudi, sun dinmai taru dipu jepu. 44Yesus amekina jepu dingeda, aupu pepu. &#8220;Ne cap, sun kikiman kuramupudi, peramsisi upuda, ton cap pepkusene. Ware upu do yuma, Musa sekeiamu upu cap, Allah upu jenek lap perami neng, nabi-nabi sekami upu cap, Mazmur neitamai sekami upuda, ne tep sekeiamneitopu tek sisi kupkamre,&#8221; pepu.</div><div class="p"> 45Upepudi, er tep Allah upu sekaminge yumada, &#8216;Betapra kael kepkung&#8217; tenen, sun dipru kange tenenange karepu. 46Tonda, aupu pepu. &#8220;Allah upu neitamai ne tep sekamnei ngeda, ake. Ada nesala weik lyepredi, sun dipru talenkamre ngebo Kristusda, er nong deiki ikin keca weik deipmengepa, dounmareanen, depredi, mana weneri mapmarya, gam bukamre. 47Gam bukre pangeda, er si deiki di aupu butene lap pepra peterep embankamenge. Ada, nesala yuma sun mali tenenge keca cap, mali kunge keca cap tapra, amnyo karengdongona cap, tonda, Allahdi nesala, sun mali kun keca kaukepredi, gum kupra deipkamrenge upu capda, aupu dopra nesala ban-ban yuma tep, peterep embankamenge. Ada, Yerusalem mutu di gonga kepra, dana-dana mutu yuma peterep embankamenge. Aupu yumada, ne si Yesus deiki di peterem benkamenge.&#8221;</div><div class="p"> 48&#8220;Apepmasen keca yumada, konum kuprepa dirum neng cadi, akecada nimi gekenai tep, &#8216;Tek sisi konum kwamre,&#8217; pepra pedinkamrume. 49Ne nai Allahdi, &#8216;Ne Lek Sambala karepkamsene,&#8217; pediramutopu, ne im deiki di dokotepkamsene. Dokotepsenepa, sun dipru neitamai wekseredi, puto weik kunkamser dinin, Allah er Lek Sambaladi puto weik kapul men kupmasere taruda, Yerusalem ati neitamaipu kunkamarume.&#8221; Yesusdi pepu.</div><div class="s">Yesus erepdaro im deiki welepu upu</div><div class="p"> 50Yesusdi aupu pepu dingeda, Yerusalem mutu tapra, er menmena baupane, er nyapu yuma amenda bisi banmai. Banmaiyanen, Betania mutu damai bei dingeda, &#8216;Allahdi aneng telep kupra deipkamre&#8217; tenen, Yesus er buru erepudi, Allah tep moropu. 51Yesusdi Allah tup moronmau taruda, Allahdi Yesus er nong erepdaro, im deiki debaudi, aneng acapu tapu. 52Konum im deiki beu pangeda, aneng yumadi Yesus tep, gispal donmaidi, er si eremai. Eremaidi, kange pio deipidi, Yerusalem mutu tamupra bei. 53Yerusalem mutu bei dingeda, dakuramidi, Allah karerbarami ati damai, pio tupa-tupa wengbaramidi, Allah si eremami.</div><div class="p">Telepe, ne Lukasdi aupu konum sekra deipsene.</div>
 </div>
 </div>
</div>

Sun yuma damapra kunmaiyanen, Sabat tumi konum kupkopda, Maria Magdalena cap, Yakobus er nin Maria cap, Yohana cap, aweneri nerapu nintong telep keca ketenepra deipmaiya dopra, ‘Yesus er nong deiki dikra likeipkup’ tenen, dopra bei. Minggu tumi ipna bereng tamna di, aweneri nerapu Yesus peipmauai bena, ‘Nintong telep keca, er nong deiki dikra likeipkup’ tenen, Yesus peipmau gel imir dam bei. Bei dingeda, erepra dindeipa, gel imir buplan dekmau ila pala gelda, konum gamuptapmauapu epi. Epidi, gel imir pumbon yana wekidi, dipetepi dinin, Yesus er nong men epi.
Men epidi, ‘Yesus er nong dan do?’ tenen, tenimtonmai taruda, kaber neng butene perenglang pepredi, dirine weike kuramretopu, pio kurun opkal keprap, dato-dato di tengyarei. Ukupreipa, anerapu epidi, lukdaidi kware weik kupka tep, genepdongopra tekmai. Kware weik kupu dinin, anengdi anerapu tep peprei. “Deramenge nesala pein damai, ‘Yesus akunmar do?’ tenen, dipetepmarumada, ware keca deiyo tep do?
Er aca men kunmare. Er konum gam bukmare. Sun Yesus cap, Galilea mutu neitamai kikiman kuramrum taru peiamseu upuda, tupa tenipmarum do, gum do? Moupra tenipso. Yesusdi peipseu upu ake. ‘Neda, Nimi Mi Sisa Utopu Ngebo doprapnengedi, mali kun neng karepnengepa, sengdin co deiki popnengopda, depmanyanen, weneri tumi konum kupyopda, tamupra gam bukamne,’ Yesusdi peipseu.” Abutene nengdi peprei. Upeprei pangeda, anerapudi, ‘Yesus peipu upuda ake’ tenen, ka di ton cap tenepi.
Tenepidi, agel imir dam tapra banmaiyanen, sun Yesusdi wepra deiamu neng, 11 neng kunmaiyai beidi, akupu keca yuma tep, lape pepipa, aneng 11 neng cap, sun cap, yuk neng cap, kikiman kunmai neng cap, gekepi. Aupu lap perbei nerapu sida, ake. Ada, Maria Magdalena mutu ner cap, Yohana cap, Yakobus er nin Maria cap, sun kikiman dirbei nerapu cap, aupu lap pepi. Lap pepipa, Yesusdi, ‘Ne upu dopra peterembenkameng’ tenen, wepra deiamu neng, aupu konum gekepi dinin, teka men tenepi. Anerapudi lap penmai upuda, ‘Tali mutana nengdi peramengtopu penmasenge,’ tenepi. Utenepmaiya cadi, teka men tenepi. Sun yuma teka men tenepi dinin, Peteruspuda, Yesus peipmai gel imir dam sepdaro dirbeu. Beu dingeda, nong geipdongopudi, gel imir pumbon moupra dipetepudi, Yusupdi boun opkal getepra peipmaungepu akapmaupa epu. Epudi, er kange neitamai dipu, ‘Ware kupmar do?’ tenen, tenimtonmaudi banmau.

Atumipu dinin, Yesus er wepra deiamu neng, butene neng, ‘Emaus mutu benkunem’ tenen, bisi banmarei. Yerusalem mutu di Emaus mutu bisi bana kareneda, tenpu tumi neitamai bisi baramengtopu, sebelas kilometer kwamu. Sun bisi neitamai banmarei taruda, akeca yuma kupupa, epreinge cap, gekepreinge cap tep, upu talepdanen banmarei. Sun upu talepdanen banmareipane, Yesus sun men tenepmarei bisi di yakaupa eprei. Epreidi, sun cap, Yesus cap banmai. Yesus yaupa, sun cap wisipra banmai dinin, ‘Ne yanpa konum kael kepnererunge,’ tenepudi, sun kange tenenange inipka tep, sundi Yesus er urasin eprei dinin, ‘Ada Yesus’ tenen, men kael keprei.
Sun banmaiyanen, bisi neitamaida, Yesusdi abutene neng tep, asipetepu. “Sun bisi banmarerumdi, ware upu talepbanmarerum do?” pepra asipetepu. Asipetepupa, sun butene neng atengbereidi, ‘Uo’ tenen, genepdongopra tuai dinmarei. Ukupra dinamareidi, tenpu ngebo Keleopasdi, Yesus tep pepu. “Ortumi kunmau keca yumada, nun Yerusalem mutu neitamai kunup neng yuma epra kael kepmap dinin, kan tenpu ngebo puda, epra men kael kemum do? Kanda ukupua Yerusalem mutu damai yanmarema tep, men kael kepmarem do?” pepu. Upepupa, Yesusdi tamupra, “Ware keca kupmaua tep pepmanerem do?” pepra asipetepu. Asipetepu pangeda, sun butene nengdi tamupra peprei.
Gume Nasaret nengdi deiami ngebo, er si Yesus tep pepneme. Yesusda tali ngebo gume. Erda Allah upu lap peramu ngebo, nabi kuramu. Tonda, Allahdi angebo wepra deiamupane, Yesusdi peramu upu cap, pel doramunge capda, ila puto deiki di kuramu. Nimi yumadi akeca yuma diramepudi, ‘Angeboda puto weik ngebo,’ tenen, kael keamepu.
Nun Yahudi yala deiyo neng cap, Allah karena tep ila deiyo neng capdi, ‘Yuk nengdi popkameng’ tenen, Yesus dopra karepipa, sengdin co deiki popi. Uo, nunda, ‘Yesusdi, Roma mutu neng amutara kuramnupai di loptapseredi, Israel nesala yuma lyepra talepseredi, nun Ila Deiyo Ngebo erpu kunkamsere,’ teneramupu dinin, sun anengdi Yesus popi. Tonda, sundi Yesus popipa, weneri tumi konum kupre.
Tonda, angepu gume. Nun tara nerapudi upu pepmasungupa, gekepmapdi, lukdanmape. Ada, ipnada, Yesus gel imir peipmaiyai dirbenmangu dinin, Yesus er nong men epmangu. Men epmangudi, nun damai aupu peryanmasunge. “Ken mana utopu deiki di malaikat epmappa, ‘Yesus konum gam bukmare,’ peipmasenge,” pepmasunge. Upepmasungupa, nun kayapu neng ton, Yesus peipmai gel imir dam dirbenmangudi, anerapu pepmangutopu kupmaupa, epmangu dinin, Yesus er nong men epmangue. Abutene nengdi, Yesus tep peprei.
Upepreipa, Yesusdi tamupra aneng tep pepu. “Sun walwal neng kurum adano. Sun Allah upu lap perami neng, nabi-nabi nengdi sekami upuda, teka men teneprumdi, sika di kael kemrume. Nesala weik lyepredi, sun dipru talenkamre ngebo, Kristusda, er tep Allahdi uteneamu. Ada, ‘Sun mali nengdi er nong deiki ikin keca weik deipmengepa, donmaryanen depredi, gam bukra pio telep dirinai im deiki welepkamre,’ teneamu ngeda, men tenipmarerumdi penmarerum do?” pepu. Upepu dingeda, Musa cap, Allah upu jenek lap perami neng, nabi-nabi neng capdi, er Yesus tep sekami upuda, aupu di gonga kepra, Allah upu neitamai kure upu yumadi, er Yesus tep sengami upu dopra, Yesusdi abutene neng tep, katuai di lap pepra banmau.
Lap pepudi, sun bisi banmaiyanen, sun benkurei ati dam bai taruda, ‘Er yuk bisi benkura tepa, tenepkunerunga’ tenen, Yesusdi gonga kepra bau. Yuk bisi bendeupa, sun upu puto di peprei. “Gume, konum ipbanmara cadi, kanda nun cap mapkupe,” peprei. Upepreiya cadi, er cap ati wekra kikiman kunmai. Ati kunmaidi jen keca jepkoi taruda, Yesusdi roti dopropudi, Allah tep, “Telepe,” pepu dingeda, toprapudi aneng tep gonga kepra karenmau. Roti kwaneng karenmau taruda, ‘Yesus adano,’ men tenepmareia tep, Allahdi, ‘Yesus kael kepkureng’ tenen, sun kange pakaeipudi, sun asuru telep kupra deipupa, Yesus nong kael keprei. Kael keprei pangeda, Yesus adipapu dimpepupa, ton cap men eprei.
Dim pepu pangeda, sun butene nengpu upu talepdarei. “Gume, ambutumi er cap bisi neitamai banmapu taruda, Musa sekeiamu upu cap, nabi-nabi nengdi sengami upu cap, yuk Allah upu buku cap, katuai di lap penmaseupa, nun dipru merenmaseu ngeda, deiyo konum tenepnem. Ada tek sisi Yesus er pua tenepneme,” peprei.
Uteneprei dingeda, adipapu amutu tapra, Yerusalem mutu tamupra berei. Berei dingeda, Yesus wepra deiamu neng 11 neng cap, sun kikiman kunmai neng cap, sun bulupra kunmai ati bena wekreidi epdai. Wekrei pangeda, akati kunmai nengdi aupu lap penmai. “Anengo, sun anerapu pepmasungu upuda, tek sisipu kurure. Nun nai bo Yesus konum gam bukudi, Simon damai tengyaupa, epu,” pepi.
Upepipa, abutene nengdi, sun bisi neitamai banamrei taru kupu keca cap, Yesusdi roti topra karepupa, er nong kael kepreinge cap, lap pepra banmarei.

Sun yumadi aupu tupa penmai taruda, Yesus dato-dato di sun neitamai belepra tengyaudi, aneng yuma tep aupu pepu. “Allahdi telep kupra deipserepa, sun telep kange doupra kunkamrume,” pepu. Upepu pangeda, sundi, ‘Uo, depi neng sambala epmepe,’ tenepidi, sun kware weik kupu. Kware kupu pangeda, Yesusdi aneng yuma tep pepu. “Warya tep, mambul kange doupra kange bongtonmaserdi, ‘Yesus do, gum do?’ tenen, tenimtonmanerumdi, kware kupmaser do? Ne buru tang cap, ne yane cap, dila dipterepneso. Ne akunman adano. Ne yo cap, tu cap, kwapmanerpa epmaneruma tep, sundi talepterepneso. Nimi deramenge neng sambalada, akeca tupa men kurure,” pepu.
Upepu dingeda, er buru tang cap, er yane cap benbenepudi, aneng tep peterepupa epi. Peterepupa, epidi, ila kange deipra, pingpinga kunmaidi, pio lolomaiya cadi, yambulanun ton tup kange bongtonmau. Ukunmaua tep, Yesusdi aneng tep asipetepu. “Jen kecada, sun ton akupmaser do?” pepra moropu. Moropupa, sun ukudi dapmai mekina karepipa, dopropudi, sun dinmai taru dipu jepu. Yesus amekina jepu dingeda, aupu pepu. “Ne cap, sun kikiman kuramupudi, peramsisi upuda, ton cap pepkusene. Ware upu do yuma, Musa sekeiamu upu cap, Allah upu jenek lap perami neng, nabi-nabi sekami upu cap, Mazmur neitamai sekami upuda, ne tep sekeiamneitopu tek sisi kupkamre,” pepu.
Upepudi, er tep Allah upu sekaminge yumada, ‘Betapra kael kepkung’ tenen, sun dipru kange tenenange karepu. Tonda, aupu pepu. “Allah upu neitamai ne tep sekamnei ngeda, ake. Ada nesala weik lyepredi, sun dipru talenkamre ngebo Kristusda, er nong deiki ikin keca weik deipmengepa, dounmareanen, depredi, mana weneri mapmarya, gam bukamre. Gam bukre pangeda, er si deiki di aupu butene lap pepra peterep embankamenge. Ada, nesala yuma sun mali tenenge keca cap, mali kunge keca cap tapra, amnyo karengdongona cap, tonda, Allahdi nesala, sun mali kun keca kaukepredi, gum kupra deipkamrenge upu capda, aupu dopra nesala ban-ban yuma tep, peterep embankamenge. Ada, Yerusalem mutu di gonga kepra, dana-dana mutu yuma peterep embankamenge. Aupu yumada, ne si Yesus deiki di peterem benkamenge.”
“Apepmasen keca yumada, konum kuprepa dirum neng cadi, akecada nimi gekenai tep, ‘Tek sisi konum kwamre,’ pepra pedinkamrume. Ne nai Allahdi, ‘Ne Lek Sambala karepkamsene,’ pediramutopu, ne im deiki di dokotepkamsene. Dokotepsenepa, sun dipru neitamai wekseredi, puto weik kunkamser dinin, Allah er Lek Sambaladi puto weik kapul men kupmasere taruda, Yerusalem ati neitamaipu kunkamarume.” Yesusdi pepu.

Yesusdi aupu pepu dingeda, Yerusalem mutu tapra, er menmena baupane, er nyapu yuma amenda bisi banmai. Banmaiyanen, Betania mutu damai bei dingeda, ‘Allahdi aneng telep kupra deipkamre’ tenen, Yesus er buru erepudi, Allah tep moropu. Yesusdi Allah tup moronmau taruda, Allahdi Yesus er nong erepdaro, im deiki debaudi, aneng acapu tapu. Konum im deiki beu pangeda, aneng yumadi Yesus tep, gispal donmaidi, er si eremai. Eremaidi, kange pio deipidi, Yerusalem mutu tamupra bei. Yerusalem mutu bei dingeda, dakuramidi, Allah karerbarami ati damai, pio tupa-tupa wengbaramidi, Allah si eremami.
Telepe, ne Lukasdi aupu konum sekra deipsene.

Слухайте Lukas 24