<div class="version vid3740 iso6393kkl" data-vid="3740" data-iso6393="kkl">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">Yohanesti mome tobogne sembe tibin nenerop yubu palilamap</span></div><div class="ip"><span class="content">Yohanes ponekona, Yesusti yubu ka'ero neleptopne nhon wamog. Mome eneag whingag sip nimi nhon si Yohanes maghag pelengehiropne poneko sembe mome toro pibog aghana, eldamne sembe ambatsiog kom. Mome toro pibogne Yohanesna nhon, maghag pelengehiropne Yohanesna nhon a'ero wamdek. Mome toro pibogne ponekori eldamne si leptaog kom aghana, &#8220;Yesusti o'ona senelamneogne,&#8221; aro eldamne sembe mome toro pibog </span><span class="bk"><span class="content">(Yohanes 13:23; 19:26; 20:2; 21:7,20)</span></span><span class="content">.</span></div><div class="ip"><span class="content">Yohanesti mome toro pibog yubu eneko, &#8220;Yubu Walinge Tomne,&#8221; alamangpa, Matiusap Markusap Lukasapti mome toro pibek yubu saog uro wamla. Sin wilindi nangdi mome toro palilamek nena, &#8220;Allahri samenag Israel nimiag salag pibogne Yesus pere agha sunup taog,&#8221; aro uro yabiogha ambatto yubu walinge el nembahiek. Wene aro ambatsiek aghana, Yohanesti seneraglamog nena, &#8220;Yubu ene ambarelamsine andarina, sin mome kemero yubu ka'elamik nimiri Allah Elme Yesusag wana palilamikne toman taulbahileba, kamag wamukang,&#8221; aro Yohanesti mome toro pibog </span><span class="bk"><span class="content">(20:31)</span></span><span class="content">. Mome alnirobag tolamogti, &#8220;Yesusna Allahri ya'ag urop Yubu wamlange sembe nimiri sik senelamukang,&#8221; aro pibog. &#8220;Allah Yubu wamla aghana, mog so'oag nimi taogne nunag lag taog,&#8221; aro ambatsiog.</span></div><div class="ip"><span class="content">Yohanesti mome toro pibog yubu ene pogtoba phende saog wamla. Mome whingag sipna </span><span class="bk"><span class="content">(2:1&#8212;11:44)</span></span><span class="content">, Yesusti Allah yubu ambarelamsiogne sembe Yohanesti wilnibaogti, saekpare nenero pibog. Yahudi nimiri seneraglamek nena, &#8220;Allahri imap so'oap sunulamogti, saek sum uro yabin taneogna komobaog saog uro, a'iliroba saekne anam tan komag komoban koma wamla,&#8221; aro seneraglamekpa, sin sembe a'iliroba saekpare aneko nubunge wamla. Ane sembe Yohanesti yubu eneko sunsunum nenelamogti, &#8220;Yesus Allah Elme wamla,&#8221; aro elag mikiba pibogne kekneba saekpare sembe mome toro pibog </span><span class="bk"><span class="content">(2:1-11; 4:43-54; 5:1-9; 6:1-15; 6:16-25; 9:1-12; 11:38-44)</span></span><span class="content">. Yesusag mikiba pibogne kekneba saekpare uro yabiogne toman agha, &#8220;Allahri nunag undo-undo lag nembatsiog,&#8221; aro Yohanesti el nenero mome toro pibog. Allahri Yesus sembe lag nembatsiogne haingdi ibek nimiri sik sembaheng aghana, kembaek nimi tanekori a'ep tangom agha nenneri sik senelamekpa, nenneri sik senelamek komne sembe babe Yohanesti mome toro pibog.</span></div><div class="ip"><span class="content">Mome wailag sip yubuna </span><span class="bk"><span class="content">(11:45&#8212;21:25)</span></span><span class="content">, Yesus tebanep sum peram talamogpa, elap eldi yubu ka'ero neleptop nimiap yubu lero ulamekne sembe babe, Yesusag uro yabiogne sembe babe Yohanesti mome toro pibog. Yesusti likiptop yubuag agha eldamne sembe tibin nembarelamsiogti, maghap </span><span class="bk"><span class="content">(4:13-14)</span></span><span class="content">, kwaneng rotiap </span><span class="bk"><span class="content">(6:48-51)</span></span><span class="content">, ina sereknaap </span><span class="bk"><span class="content">(10:7-9)</span></span><span class="content">, haing anggur kal tamap </span><span class="bk"><span class="content">(15:1-6)</span></span><span class="content">, yogneap tanekoag sunuro eldamne sembe ambatsiogpa, Yohanesti nunag tipto mome toro pibog. Yohanesti ni mome toro pibog yubu eneko toman agha, &#8220;Allahri wepto poghogne Yesusag wana palilamik nimi taulbahileba, kamag wamukang,&#8221; aro mome toro pibog.</span></div><div class="iot"><span class="content">Yohanesti mome tobog yubu lomag wamlange</span></div><div class="io1"><span class="content">  </span><span class="bdit"><span class="content">1:1-51</span></span><span class="content"> - Yesus Allah Yubu ya'ag uropne wamlange sembe</span></div><div class="io1"><span class="content">  </span><span class="bdit"><span class="content">2:1&#8212;11:44</span></span><span class="content"> - Allahri mikiba Yesusag pibogpa, kekneba saekpare ulamogha</span></div><div class="io1"><span class="content">  </span><span class="bdit"><span class="content">11:45&#8212;19:42</span></span><span class="content"> - Yesus tebanep sum peram talamogpa, as Yerusalem peramag wamogha</span></div><div class="io1"><span class="content">  </span><span class="bdit"><span class="content">20:1-31</span></span><span class="content"> - Teptop nimiag agha Yesus kamag nembaogpa, nimi whingag lag taogha</span></div><div class="io1"><span class="content">  </span><span class="bdit"><span class="content">21:1-25</span></span><span class="content"> - Galilea so'oag eldi yubu ka'ero neleptop nimi whingag Yesus lag taogha</span></div>
      </div>
   </div>
</div>

Yohanesti mome tobogne sembe tibin nenerop yubu palilamap
Yohanes ponekona, Yesusti yubu ka'ero neleptopne nhon wamog. Mome eneag whingag sip nimi nhon si Yohanes maghag pelengehiropne poneko sembe mome toro pibog aghana, eldamne sembe ambatsiog kom. Mome toro pibogne Yohanesna nhon, maghag pelengehiropne Yohanesna nhon a'ero wamdek. Mome toro pibogne ponekori eldamne si leptaog kom aghana, “Yesusti o'ona senelamneogne,” aro eldamne sembe mome toro pibog (Yohanes 13:23; 19:26; 20:2; 21:7,20) .
Yohanesti mome toro pibog yubu eneko, “Yubu Walinge Tomne,” alamangpa, Matiusap Markusap Lukasapti mome toro pibek yubu saog uro wamla. Sin wilindi nangdi mome toro palilamek nena, “Allahri samenag Israel nimiag salag pibogne Yesus pere agha sunup taog,” aro uro yabiogha ambatto yubu walinge el nembahiek. Wene aro ambatsiek aghana, Yohanesti seneraglamog nena, “Yubu ene ambarelamsine andarina, sin mome kemero yubu ka'elamik nimiri Allah Elme Yesusag wana palilamikne toman taulbahileba, kamag wamukang,” aro Yohanesti mome toro pibog (20:31) . Mome alnirobag tolamogti, “Yesusna Allahri ya'ag urop Yubu wamlange sembe nimiri sik senelamukang,” aro pibog. “Allah Yubu wamla aghana, mog so'oag nimi taogne nunag lag taog,” aro ambatsiog.
Yohanesti mome toro pibog yubu ene pogtoba phende saog wamla. Mome whingag sipna (2:1—11:44) , Yesusti Allah yubu ambarelamsiogne sembe Yohanesti wilnibaogti, saekpare nenero pibog. Yahudi nimiri seneraglamek nena, “Allahri imap so'oap sunulamogti, saek sum uro yabin taneogna komobaog saog uro, a'iliroba saekne anam tan komag komoban koma wamla,” aro seneraglamekpa, sin sembe a'iliroba saekpare aneko nubunge wamla. Ane sembe Yohanesti yubu eneko sunsunum nenelamogti, “Yesus Allah Elme wamla,” aro elag mikiba pibogne kekneba saekpare sembe mome toro pibog (2:1-11; 4:43-54; 5:1-9; 6:1-15; 6:16-25; 9:1-12; 11:38-44) . Yesusag mikiba pibogne kekneba saekpare uro yabiogne toman agha, “Allahri nunag undo-undo lag nembatsiog,” aro Yohanesti el nenero mome toro pibog. Allahri Yesus sembe lag nembatsiogne haingdi ibek nimiri sik sembaheng aghana, kembaek nimi tanekori a'ep tangom agha nenneri sik senelamekpa, nenneri sik senelamek komne sembe babe Yohanesti mome toro pibog.
Mome wailag sip yubuna (11:45—21:25) , Yesus tebanep sum peram talamogpa, elap eldi yubu ka'ero neleptop nimiap yubu lero ulamekne sembe babe, Yesusag uro yabiogne sembe babe Yohanesti mome toro pibog. Yesusti likiptop yubuag agha eldamne sembe tibin nembarelamsiogti, maghap (4:13-14) , kwaneng rotiap (6:48-51) , ina sereknaap (10:7-9) , haing anggur kal tamap (15:1-6) , yogneap tanekoag sunuro eldamne sembe ambatsiogpa, Yohanesti nunag tipto mome toro pibog. Yohanesti ni mome toro pibog yubu eneko toman agha, “Allahri wepto poghogne Yesusag wana palilamik nimi taulbahileba, kamag wamukang,” aro mome toro pibog.
Yohanesti mome tobog yubu lomag wamlange
1:1-51 - Yesus Allah Yubu ya'ag uropne wamlange sembe
2:1—11:44 - Allahri mikiba Yesusag pibogpa, kekneba saekpare ulamogha
11:45—19:42 - Yesus tebanep sum peram talamogpa, as Yerusalem peramag wamogha
20:1-31 - Teptop nimiag agha Yesus kamag nembaogpa, nimi whingag lag taogha
21:1-25 - Galilea so'oag eldi yubu ka'ero neleptop nimi whingag Yesus lag taogha

Слухайте Yohanes Yohanesti mome tobogne sembe tibin nenerop yubu palilamap