Serer Version Eglise luthérienne du Sénégal (Non-Drama)

NQAARIIT NE ROOG

<div class="version vid3751 iso6393srr" data-vid="3751" data-iso6393="srr">
 <div class="book bkLUK">
 <div class="chapter ch21" data-usfm="LUK.21">
 <div class="label">21</div><div class="s1">O tew o &#241;aaw oxe sadaxitna ke ta jegna</div><div class="r">(&#599;eeti Mark 12:41-44)</div><div class="p"> 1Yeesu a wi&#392;aqilooxa, a ga yaal kalal ke a yipaa ci&#8217;it den kam o geekand ole no Mbind Roog ne. 2A ga&#8217;a itam o &#241;aaw o ndool onqaa yip&#8217;ina xa piftin xa &#429;aq. 3Maaga, Yeesu a laya yee:</div><div class="p">&#171;No ndigil, o &#241;aaw o ndool onqene mo&#436;u o yip wiin lakas we fop. 4Yaam lakas we, xaaliis fee da soxla&#8217;eerna a sadaxtu, ndaa o ten o mat, kam o &#241;ak um a cooxta fop ke ta jeg&#8217;ina, ree&#429;na &#241;oowir um.&#187;</div><div class="s1">Yeesu a yegnita njom ne no Mbind Roog ne</div><div class="r">(&#599;eeti Mace 24:1-2; Mark 13:1-2)</div><div class="p"> 5Leng-leng no wiin waa kaa laytoogu a muul a mosu ke fo ci&#8217;it ke mosandoogna Mbind Roog ne, ndaa Yeesu a laya yee:</div><div class="p"> 6&#171;No ke nu nga&#8217;aa ndiiki, xan a jeg a pe, yoqkee muul leng took muul gend um laa yenkeerna.&#187;</div><div class="s1">Ke warna o xew no muukandoong adna</div><div class="r">(&#599;eeti Mace 24:3-14; Mark 13:3-13)</div><div class="p"> 7Daalbe waa a laamtaan ee:</div><div class="p">&#171;O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?&#187;</div><div class="p"> 8Yeesu a doona a den ee:</div><div class="p">&#171;Mbootooxyo o naxel, yaam xan wiin mayu a ngar, a ne&#8217;ooxaa gon es, too xan a lay ee: &#8249;Mi refun&#8250;, too &#8249;Waxtu fee xe matiidaa!&#8250; Kaa koy, ba nu ndeef a den. 9Boo nu nanna coow xire mbaat yo&#8217;nax, ba nu ndiid, yaam keene a wara o eet o fadiid, too sax refkafulee muukandoong ne ndak fo ndak.&#187;</div><div class="p"> 10Maaga a laya a den ee:</div><div class="p">&#171;Xan saax a inooxan saax, maat a inooxan maat, 11too xan a jeg yo&#8217;nax maak no lanq ke fo qeex fo piste na saax a mayu. Xan a jeg tig sa&#599;arnooxu fo xa anddiloor xa maak na asamaan. 12Kaa koy, boo keene fop a helko fo fadaa, xan wiin we a ndoon xa &#421;ay den took nuun, too xan nu &#241;agadilel. Xan nu ngate&#8217;el kam pind a qe&#429; ke, soo &#421;ekel kaso. Xan nu &#421;isel mbaambir no maad we fo gofornoor ke yaam gon es. 13Xan keene fop a dal a nuun, ndax nu mbaagaam o seede&#8217;an. 14&#420;ekyo na yiif nuun ee nu mbaree nqalaat ne nu nqoxtitkaa a qoox nuun,#12:11-12 15yaam xam coox a nuun ke nu mbarna o lay fo o and olaa taxna fa&#241; we nuun mbaagkee o maaf a nuun mbaat da &#421;ur a nuun. 16Xan we ndimna a nuun fo xa te&#595; nuun fo fog nuun fo qaariit nuun a ngod a nuun, too xan a mbarnoor leng-leng na nuun. 17Xan fop a sib a nuun yaam gon es. 18Kaa koy, o biil o leng no xoox nuun sax samkee. 19Na pexey o sa&#429;kel nuun nu muclitkaa xa laaw nuun.&#187;</div><div class="s1">Yaq fa maak fee</div><div class="r">(&#599;eeti Mace 24:15-21; Mark 13:14-19)</div><div class="p"> 20&#171;Ten taxu boo nu nga&#8217;na xiixire we a mbid a Yeerusaleem o kurul-ke&#421;, maaga andyo yee mi&#241;katee too ruudee. 21A koom, waa na ndefkaa no jegel olaa Yudee a mbara o &#392;ufan xa coong axe, we na ndefkaa Yeerusaleem a sutoox, soo we na ndefkaa kam a ko&#421; ale a mba&#241; o ndokiid teen. 22Yaam xan a ndef &#241;aal kaa Roog a rabdinooxkaa, ndax ke bind&#8217;eena fop a fadnoox.#Hoo 9:7 23Ndaw naqad no rew we na ndefkaa fo fud fo no we na mbugko numnaa a koom! Yaam xan a jeg mbiraam maak took lanq ke fo fuux le Roog took xeet feene. 24Xan a mbartel la&#421;, a &#421;isel no mba&#429; ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.&#187;</div><div class="s1">A kar ale no &#420;eenqe no kiin oxe</div><div class="r">(&#599;eeti Mace 24:29-31; Mark 13:24-27)</div><div class="p"> 25&#171;Xan a jeg xa anddiloor no njee&#392; ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxi&#599; yaam &#331;ur-&#331;ur fee no maag ole fo a yag-ee-yag ake.#Es 13:10; Hes 32:7; Yow 3:4; Mb&#241; 6:12-13 26Xan wiin we a nqon yaam diid maak yaa da nqalaataa ke na xewkaa na adna fee fop, yaam xan katil ke na asamaan a yo&#8217;noox. 27Maaga, xan a nga o &#420;eenqe no kiin oxe a garaa took eel, a yoon fa katil fo o ndam o maak.#Da&#241; 7:13; Pi 1:9-11; Mb&#241; 1:7 28Nu nga&#8217;angaa keene fop a xewiidaa, njofdandooxyo ndaxaa&#436;oox, too and ee a bat ale nuun oxe matiidaa.&#187;</div><div class="s1">A naxax ale no ndun ne</div><div class="r">(&#599;eeti Mace 24:32-35; Mark 13:28-31)</div><div class="p"> 29Yeesu a naxooxahina a den ee:</div><div class="p">&#171;&#428;eetyo ndun ne fo taxar lakas ke fop: 30Boo nu nga&#8217;na taxar ke a saqtaa, nu anda yee ndiig ne a matiida. 31Neene itam, boo nu nga&#8217;na keene fop a xew, andyo yee Maat ne Roog a matiida. 32No ndigil, mexe layaa a nuun ee: Wiin we na jamaane fene#21:32 wiin we na jamaane fene Keene kaa tekit ee wiin we na njopirkaa fo keene, nqonkee muk, too keene fop fadnooxee. mbaafkee, too keene fop xewee. 33Xan asamaan fo lanq a mbaaf, ndaa fa lay es faafkee boo muk.&#187;</div><div class="s1">O njirii&#241; a yetax</div><div class="p"> 34&#171;Mbootooxyo boog! Ba a yiif nuun a may fo a &#241;aam a kupu mbaat fo a yer a kupu mbaat fo a qalam ake no &#241;oow ole, ndik bes feene a bet a nuun 35nen mbog, yaam xan a sag we ngenna took lanq ke fop. 36Yetooxyo boog, too nqe&#599;aa waxtu fuu refna, ndax a koom nu njeg doole faa nu nda&#599;itna keene na xewkaa fop, ngeenoox mbaambir no &#420;eenqe no kiin oxe.&#187;</div><div class="p"> 37&#209;aal nuu fad&#8217;ina Yeesu a jangnooga kam Mbind Roog naa, soo no yeng ole ta fe&#8217;ik no Joong olaa no taxar oliiw kaa. 38Mbeet nuu refna, wiin we fop a &#421;ii&#595;iidooga no Mbind Roog naa ndax da nan-gilooxin.</div>
 </div>
 </div>
</div>

Yeesu a wiƈaqilooxa, a ga yaal kalal ke a yipaa ci’it den kam o geekand ole no Mbind Roog ne. A ga’a itam o ñaaw o ndool onqaa yip’ina xa piftin xa ƭaq. Maaga, Yeesu a laya yee:
«No ndigil, o ñaaw o ndool onqene moƴu o yip wiin lakas we fop. Yaam lakas we, xaaliis fee da soxla’eerna a sadaxtu, ndaa o ten o mat, kam o ñak um a cooxta fop ke ta jeg’ina, reeƭna ñoowir um.»


Leng-leng no wiin waa kaa laytoogu a muul a mosu ke fo ci’it ke mosandoogna Mbind Roog ne, ndaa Yeesu a laya yee:
«No ke nu nga’aa ndiiki, xan a jeg a pe, yoqkee muul leng took muul gend um laa yenkeerna.»


Daalbe waa a laamtaan ee:
«O Caajangin oxe, a mban muukandoong ne a fadiidkaa? Ndi o anddiloor olum na lalitkaa waxtu fee keene fop a jegkaa?»
Yeesu a doona a den ee:
«Mbootooxyo o naxel, yaam xan wiin mayu a ngar, a ne’ooxaa gon es, too xan a lay ee: ‹Mi refun›, too ‹Waxtu fee xe matiidaa!› Kaa koy, ba nu ndeef a den. Boo nu nanna coow xire mbaat yo’nax, ba nu ndiid, yaam keene a wara o eet o fadiid, too sax refkafulee muukandoong ne ndak fo ndak.»
Maaga a laya a den ee:
«Xan saax a inooxan saax, maat a inooxan maat, too xan a jeg yo’nax maak no lanq ke fo qeex fo piste na saax a mayu. Xan a jeg tig saɗarnooxu fo xa anddiloor xa maak na asamaan. Kaa koy, boo keene fop a helko fo fadaa, xan wiin we a ndoon xa ƥay den took nuun, too xan nu ñagadilel. Xan nu ngate’el kam pind a qeƭ ke, soo ƥekel kaso. Xan nu ƥisel mbaambir no maad we fo gofornoor ke yaam gon es. Xan keene fop a dal a nuun, ndax nu mbaagaam o seede’an. Ƥekyo na yiif nuun ee nu mbaree nqalaat ne nu nqoxtitkaa a qoox nuun, yaam xam coox a nuun ke nu mbarna o lay fo o and olaa taxna fañ we nuun mbaagkee o maaf a nuun mbaat da ƥur a nuun. Xan we ndimna a nuun fo xa teɓ nuun fo fog nuun fo qaariit nuun a ngod a nuun, too xan a mbarnoor leng-leng na nuun. Xan fop a sib a nuun yaam gon es. Kaa koy, o biil o leng no xoox nuun sax samkee. Na pexey o saƭkel nuun nu muclitkaa xa laaw nuun.»


«Ten taxu boo nu nga’na xiixire we a mbid a Yeerusaleem o kurul-keƥ, maaga andyo yee miñkatee too ruudee. A koom, waa na ndefkaa no jegel olaa Yudee a mbara o ƈufan xa coong axe, we na ndefkaa Yeerusaleem a sutoox, soo we na ndefkaa kam a koƥ ale a mbañ o ndokiid teen. Yaam xan a ndef ñaal kaa Roog a rabdinooxkaa, ndax ke bind’eena fop a fadnoox. Ndaw naqad no rew we na ndefkaa fo fud fo no we na mbugko numnaa a koom! Yaam xan a jeg mbiraam maak took lanq ke fo fuux le Roog took xeet feene. Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»


«Xan a jeg xa anddiloor no njeeƈ ne, na qoor ale fo na xa qoor axe. Xan a jeg naqadilax maak ndeer qeet ke, too xan a njaaxiɗ yaam ŋur-ŋur fee no maag ole fo a yag-ee-yag ake. Xan wiin we a nqon yaam diid maak yaa da nqalaataa ke na xewkaa na adna fee fop, yaam xan katil ke na asamaan a yo’noox. Maaga, xan a nga o Ƥeenqe no kiin oxe a garaa took eel, a yoon fa katil fo o ndam o maak. Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»


Yeesu a naxooxahina a den ee:
«Ƭeetyo ndun ne fo taxar lakas ke fop: Boo nu nga’na taxar ke a saqtaa, nu anda yee ndiig ne a matiida. Neene itam, boo nu nga’na keene fop a xew, andyo yee Maat ne Roog a matiida. No ndigil, mexe layaa a nuun ee: Wiin we na jamaane fene mbaafkee, too keene fop xewee. Xan asamaan fo lanq a mbaaf, ndaa fa lay es faafkee boo muk.»

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun nen mbog, yaam xan a sag we ngenna took lanq ke fop. Yetooxyo boog, too nqeɗaa waxtu fuu refna, ndax a koom nu njeg doole faa nu ndaɗitna keene na xewkaa fop, ngeenoox mbaambir no Ƥeenqe no kiin oxe.»
Ñaal nuu fad’ina Yeesu a jangnooga kam Mbind Roog naa, soo no yeng ole ta fe’ik no Joong olaa no taxar oliiw kaa. Mbeet nuu refna, wiin we fop a ƥiiɓiidooga no Mbind Roog naa ndax da nan-gilooxin.

Слухайте Lik 21