If you would like a copy of this version please contact info@davaraudiobibles.org

Dangi New Testament, CC-BY-SA-4.0, The Love Fellowship. Dangi New Testament Audio Bible, CC-BY-SA-4.0, Davar Partners International, The Love Fellowship, 2022.

Dangi New Testament (TLF)

The New Testament in Dhankavi Language © The Word for the World International and Dhankavi Mandli, Khargon, Raykhed, Nandurbar, Maharashtra 2020 

जातु जातु त्यो एक मानसो काजे देख्यु जु जनम रईन आँधवु हतु। हेरेन चेला ओका सी पुछा, “हे गुरू, कुन पाप कर्‍यु हतु कि यु आँधवु जनायु, यु मानसन क ओका आवी–बासन?” ईशु जवाब देदु, “नी ते यु पाप कर्‍यु हतु, नी ओको माय बास; पुन एरकरीन हुयो क यहोव–भगवानन काम ओका प्रकट होय।” जु मखे मकल्यु छे, हामु हेरेन कामन दाहाड़ाम काम करनो जरूरी छे; ची रात आवनेवावी छे जीनाम कोय काम नी कर सके। जव तक हाव जगत मा छे, तव तक अमरकाय प्रकाश छे। यो कयीन त्यो धरती पर थूकलु, आरू तीन थूकसे धरती जारयु, आरू त्यो धरती तीन आंधवान डुवा पर लागाड़ीन त्यो कयो, “जा, शीलोहन ढाबरू मा धुव ले” शीलोहन मतलब मकल्यु छे। त्यो जाईन धुव्यु, आरू देखतु ओसु वापस आयु। तव साथेवावा आरू जा पेहल उका भीख मांगता देख्या हता, कयनो लाग्या, “काय यु त्यो नी, जु भोठि भोठिन भीख मांग्या करे हतु?” काहय मानसे कयो, “यु त्यो छे” दिसरा कयो, “नी, पुन ओका सारको कोय दिसरो छे।” त्यो कयो, “हाव त्योज छे।” तव चाँ उका पूछने लाग्या, “तार डुवा कोसा खुल गया?” त्यो जवाब देदु, “ईशु नावन एक व्यक्ति धरती जारयु, आरू मार डुवा पर लागाड़ीन मखे कयो, शीलोह मा जाईन धुव ले, शेवली कावा हाव गयु आरू धुव्या आरू देखने लाग्या।” चाँ यकाह पूछा, “त्यो क छे?” हेरेने कयो, “हाव नी जानतु।”

मानसे उका जा पेहल आंधवा हुता फरीसियान साथे ली गया। जीन दाहाड़े ईशु धरती जारीन हेरेन डुवा उगड़या हता, त्यो सब्तन दाहाड़ा हता। पछु फरीसिया ने भी उकासे पुछा कि हेरेन डुवा काहनी रीति रईन खुल गया। त्यो ओका सी कयो, “त्यो मारा डुवा पर धरती लागाड़ ्यु, पछु हाव धुव लेदु, आरू हिमी देखतु छे।” ओको पर काहय फरीसि कयनो लाग्या, “यु मानुस यहोवा–भगवानन तरफ से नी, काहकि यु सब्तन दाहाड़ा नी मानता।” दिसरा कयो, “पापी मानुस ओसलो सहलानी कोसो देखाड सकतु छे?” अळते: ओकामा फूट पड़ गय। चाँ उका आंधवा काजे पछा कयो, “हेरेने तारा डुवा खुल्या छे। तु हेरेन विषयमा काय कयता छे?” त्यो कयो, “त्यो भविष्यवक्तु छे।”
पुन यहूदि या विश्वास नी होयु कि त्यो आँधवु हतु आरू हिमी देखतु छे, जव तव हेरेन, जीनान डुवा खुल्या गया हता, त्यो आया–बास बुलावीन त्यो नी पुछा, “काय यु तारू पोर्‍य छे, जीनाक तु कयतु छे कि त्यो आँधवु जनायु हतु? मग हिमी त्यो कोसु देखाये छे?” तारा माय–बास जवाब दिदा, “हामु ते जानता छे कि यु आमरो पोर्‍य छे, आरू आँधवो जनायु हतु; पुन हामु यो नी जानता छे कि हिमी कोसु देखातो छे, आरू नी यो जानता छे कि कुन तेरा डुवा उघड्या। त्यो उगाड़ ़ीयो, ओका सी पुछ लेवु; त्यो आपसा विषय मा आपसु कय देसे।” यी वात तेरा आय ने बास अतरान करीन कयो काहकि चे यहूदि या रईन बीहता हुता; काहकि यहूदि या एकु होय गया हता कि यदि कोय कयो कि त्यो मसीह छे, ते आराधना घर घर रईन काहड़ दिदा जासे। इनान कारण हेरेन आयस–बास कयो, “त्यो उगाड़लो, ओका सी पुछ लेवु।”
तव हेकोने उका मानसो काजे जु आँधवु हतु, दिसरी वार बुलावीन उका कयो, “यहोवा–भगवानन बढ़ाई करू। हामु ते जानता छे कि त्यो मानसु पापी छे।” त्यो जवाब देदु, “हाव नी जानतु कि त्यो पापी छे क नी; हाव एक वात जानतु छे कि हाव आँधवु हतु आरू हिमी देखतु छे।” हेकोने ओका सी पछु कयो, “त्यो तार साथे काय कयो? आरू कोसो करीन तार डुवा खुल्यु?” त्यो ओका सी कयो, “हाव ते तुखे कय त्योक्यु, आरू तु नी सोंब्यु; आरू दिसरी वार काँ सोंबवन्यु चाहतु छे? काय तुमू भी हेरेन चेला होयन्या चाहता छे?” तव चाँ उका बुर–भला कयीन बुल्या, “तुच हेरेन चेलु छे, हामु ते मूसान चेला छे। हामु जानता छे कि यहोवा–भगवान मूसा साथे वात कर्‍यु; पुन इनीये मानसो काजे नी जानता कि कावावु छे।” त्यो ओका सी जवाब देदु, “यो ते विनछळाय वात छे कि तु नी जानतु कि त्यो कावावु छे, तौभी हेरेने मार डुवा खुल देदु। हामु जानता छे कि यहोवा–भगवान पापीन नी सोमवीन छे, पुन यदि कोय यहोवा–भगवानन भक्त रवे आरू हेरेन मरजी पर चालता छे, ते त्यो हेरेन सोमवीन छे। जगन शुरूवात रईन यो कदी सोंबवने मा नी आयो कि त्यो हमेशान आंधवान डुवा खुल गया छे। यदि यु मानुस यहोवा–भगवानन तरफ छे नी रोवतु, ते काहय नी कर सकतु छे।” त्यो उको जवाब देदु, “तु ते बिलकुल पापो मा जनायु छे, तु हामु काय सिकाड़तु छे?” आरू हेकोने उका बाहरते निकाव देदु छे।

जव ईशु सोंब्यु कि हेको उका बाहर निकाव देदु छे, आरू जव उकासे भेंट होयी ते कयो, “काय तु यहोवा–भगवानन पोर्‍या पर विश्वास करे?” त्यो जवाब देदु, “हे पोरबु, त्यो कुन छे, कि हाव उका पर विश्वास करो?” ईशु उका कयो, “तु उका देख्यु भी छे, आरू जु तार साथे वात कर्‍यु छे त्यो त्योच छे।” त्यो कयो, “हे पोरबु, हाव विश्वास करे।” आरू उका पुजा कर्‍या। तव ईशु कयो, “हाव इनीये जग मा नियावन करता आयु छे, ताकि जो नी देखता चो देखे, आरू जो देखता छे चाँ आंधवा होय जाय।” जा फरीसि हेरेन साथे हता हेकोने यी वात सोमवीन ओका सी कयो, “काय हामु भी आंधवा छे?” ईशु ओका सी कयो, “यदि तुमू आंधवा रवता ते पापी नी बनतो; पुन हिमी कयता छे कि हामु देखता छे, एरकरीन तुमरू पाप बवणु रोवतु छे।”

Слухайте यहुन्ना 9