Популярні біблійні вірші з Noo Ean 15

Поділитись

Mish y billey-feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Jean-jee tannaghtyn aynym’s, as mish ayndiuish. Myr nagh vod y banglane mess y ymmyrkey jeh hene, mannagh vel eh tannaghtyn ayns y villey-feeyney: chamoo oddys shiuish, mannagh jean shiu tannaghtyn aynym’s.

My nee shiu tannaghtyn aynym’s, as my ghoan’s tannaghtyn ayndiuish, shirree shiu cre sailliu, as bee eh jeant er nyn son.

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Graih smoo na shoh cha vel ec dooinney erbee, na dooinney dy scarrey rish e vioys son e chaarjyn.

Dy chooilley vanglane aynym’s nagh vel gymmyrkey mess, t’eh dy ghoaill ersooyl: as dy chooilley vanglane ta gymmyrkey mess, t’eh dy phollal, dy vod eh ve ny s’messoil.

Shoh my harey, Shiu dy chur graih yn derrey yeh da’n jeh elley, myr ta mish er ve graihagh erriuish.

Liorish shoh ta my Ayr er ny ghloyraghey, shiu dy chur magh lane mess, as shoh myr vees shiu ny ynseydee aym’s.

Mish y billey-feeyney firrinagh, as my Ayr yn eirinnagh.

Mannagh vel dooinney tannaghtyn aynym’s t’eh tilgit magh myr banglane, as t’eh fioghey; as t’ad dyn deiy as dyn dilgey ad ayns yn aile, as t’ad er nyn lostey.

Ny goan shoh ta mee er loayrt riu, dy vod y boggey aym’s ve er-mayrn ayndiu, as dy vod y boggey euish v’er ny yannoo magh.

My nee shiu my annaghyn y reayll, nee shiu tannaghtyn ayns my ghraih: eer myr ta mish er vreayll annaghyn my Ayrey, as tannaghtyn ayns y ghraih echeysyn.

Ny reddyn shoh ta mish dy harey diu, dy vod shiu ve graihagh yn derrey yeh er y jeh elley.

Dy beagh shiuish jeh’n theihll, veagh y seihll graihagh er e vooinjer hene: agh son nagh vel shiu jeh’n theihll, agh dy vel mish er reih shiu ass y theihll, shen-y-fa ta dwoaie ec y theihll erriu.