Популярні біблійні вірші з Tutui Makasososak 11

Поділитись

Basa boe ma Ana kokolak nae, “Basa hatahori dae-bafok kara iar hatahori nusak esa, ma pake dedeꞌak esa. Hata fo ara taok hatematak ia, ia bei fo kada ue makasososak. Mbila-beinesak, mete ma basa sara rakaesa dadi reu esa, sama leo hatematak ia, neu ko ara bisa tao hata a mesan. Malole lenak Ita konda fo tao dedeꞌan nara esak matan, mita fo sira esa ta nala esa dedeꞌan bali.”

Basa sara rala harak rae, “Wee! Toranoo nggara ein! Mai fo ita tambaririik kota moꞌok esa. Ita muste tao batu mbilas, boe ma ita hotun losa natea. Ma ita totodo batu mbilas raa pake ter. Basa boe ma ita tambaririik manara mandema esa, suꞌun losa lalai, mita fo ita hambu nade kokoak. Mita fo ita dadi teu hatahori nusa moꞌok esa, hae tabingga-baꞌek.”

Huu naa de ara foi kota naa, nade Babel, (fo sangga sama leo dedeꞌa deꞌek esa sosoa-ndandaan ‘panggananaa’), nahuu MANETUALAIN tao babalik sira dedeꞌan ma tao sasarak kasa reni sudi bee reu, ndule dae-bafok ia.

Lele uluk, basa hatahorir rai dae-bafok kokolak pake kada dedeꞌak esak ka.

Boe ma MANETUALAIN konda mai titino soba kota naa no manaran, fo ara rambaririik kana.

Basa boe ma MANETUALAIN konda fo tao babalik sira dedeꞌan. No dalak naa, Ana tao hatahori dae-bafok kara raa sasarak reni basa mamanak kara rai dae-bafok ia reu. De ara ta rambaririik rakandoo kota naa ena bali.