Популярні біблійні вірші з Tin Deic Douh 26

Поділитись

Oix zuqc yiem naaiv norm deic-bung, yie ziouc caux meih yiem yaac ceix fuqv bun meih, weic zuqc yie oix zorqv naaiv deix yietc zungv deic-bung bun meih caux meih nyei zeiv-fun yietc liuz yiem. Yie oix ei jienv yie caux meih nyei die, Apc^laa^ham, houv jiex ngaengc waac zoux ziangx.

Yie oix bun meih nyei zeiv-fun hiaangx daaih ndongc gu'nguaaic lungh nyei hleix camv, yaac zorqv naaiv deix yietc zungv deic-bung bun ninh mbuo. Lungh ndiev maanc guoqv mienh yaac oix weic meih nyei zeiv-fun duqv fuqv, weic zuqc Apc^laa^ham muangx yie nyei waac yaac ei jienv yie paaiv nyei jauv, caux yie nyei leiz-latc, yie nyei lingc caux leiz.”

I^sakc ziouc leih nqoi wuov norm dorngx aengx ganh wetv norm wuom-kuotv. Naaiv nzunc maiv maaih haaix dauh nzaeng aqv. Ninh ziouc cuotv wuov norm wuom-kuotv nyei mbuox heuc Le^hox^mbotc. Ninh gorngv, “Ih zanc ZIOUV bun mbuo maaih dorngx yiem. Mbuo yiem naaiv norm deic-bung haih jaa duqv longx jienv mingh aqv.”

ZIOUV hinc cuotv gorngv mbuox I^sakc, “Maiv dungx mingh yiem I^yipv Deic-Bung. Oix zuqc yiem dongh yie oix mbuox meih yiem nyei deic-bung.

I^sakc ziouc yiem wuov ceix norm ziec-dorngh yaac gorngv cuotv ZIOUV nyei mbuox daaih zaangc. Ninh yaac corng ndopv-liuh yiem wuov norm dorngx. Ninh nyei bou aengx wetv norm wuom-kuotv.