Популярні біблійні вірші з Kîam 11

Поділитись

MWATHANI arauga, “Tega, antû baba nî antû bagwatanîrîte na barîaria rûthiomi rûmwe bonthe, na jûjû nîju mwambîrîrio jwa mantû jarîa bakaathithia. Tontû bûû, gûtî ûntû bakeenda kûthithia bûbarema. Njûûni, twîname nao, tûrigicanie rûthiomi rwaao nîkenda gûtî muntû ûkaamenyaga ûrîa ûngî akuuga.”

Baracoka bareerana atîrî, “Njûûni twaake ntûûra na twaake mûnaara jûmûraaja jwitîîtie jûgatongithia îgûrû, nîkenda twicwîîra nkuma na tûtîkeeje kûnyagua nthîgûrûûne kunthe.”

Tontû bûû, antû au areetwa Babeli. Nîkwîthîrwa au nîo MWATHANI aarigicanîîrie rûthiomi rwa nthîgûrû yonthe, na nîo MWATHANI aanyaganîîrie antû bareeta gûntû mwanya mwanya nthîgûrûûne.

Nayo nthîgûrû yonthe îgiiteene rîu yaarî na rûthiomi rûmwe na biugo o bimwe.

MWATHANI nî eenamîre kwona ntûûra îîu na mûnaara jûrîa antû baakîte.

Tontû bûû, MWATHANI arabanyagania nthîgûrûûne kunthe, baratiga gwaka ntûûra îîu.