Популярні біблійні вірші з Zɛnɛse 18

Поділитись

Mɛni da káa naa gbanaŋɔ̂ɔi Yâwɛɛ ma? Kóraŋ tɔnɔ à tɛ̀ɛ ŋa pâi pâi pôlu ípɔ. Ǹyaŋ ínɛnîi Seera a pâi lóŋ-surɔ̂ŋ maa sɔlɔ ƃôi.”

Nya ƃe Seera è ɣɛ̀lɛ goi pere ǹyɛɛi, “Ŋa nâa pɔlɔ, ŋásurɔ̂ŋ a pɔlɔ, ŋa pɔ̂ri lóŋ kâai?”

Eberaɣɛ̃ɛ ŋɔsuui a pâi kɛ̂i a lɔii-ŋuŋ kɛ́tɛ. Ǹɔii-ŋuŋ-ŋai kélee da pâi lûwa sɔlɔ ƃôi zârai.

Nya ƃe Eberaɣɛ̃ɛ è lɛ̀ɣɛ Yâwɛɛ kɔlɛ, ǹyɛɛ mai, “Ƃa pâi dɔ̃yâ-ƃelai su karâi da ŋwana-lɔ̂ɔ-ƃelai gîe ma? À kɛ̀ ǹyaŋ tɔ̃yâ-ƃela buu lɔ́ɔlu (500) da kɛ̀ taa tɔnɔ su, ƃa pâi nàa su karâi, ífe pâi naa malôŋ kâai dɔ̃yâ-ƃela buu lɔ́ɔlui mɛ̂ni ma, nyii-ŋai díkaa naai?

Nya ƃe Yâwɛɛ è mò ma ǹyɛɛi, “A kɛ̀ ŋà tɔ̃yâ-ƃela buu lɔ́ɔlu kàa Sodɔŋ, gɛ̀ ní ŋa pâi naa malôŋ kâai dímɛni ma.”