Популярні біблійні вірші з San Mateo 28

Поділитись

Ta⁴nquion¹³, ti⁴ncha³ˀao³ nca³tsˀi³ na⁴xi⁴na³nta¹, ti⁴qui³njaon³ cho⁴ta⁴ tˀa³tsˀan⁴, ta⁴te²ntao¹³ cao⁴ jan³ˀain¹-le⁴ Nˀai³, cao⁴ tsˀe⁴ ˀnti¹, cˀoa⁴ cao⁴ tsˀe⁴ Espíritu Santo. Ta⁴co²ya³-lao⁴³ nca³ ca²ta³si¹tjo³son² nca³yi³je³ cjoa⁴ xi³ an³ tsa³cˀe³ne²³-no³. Coe⁴-ni³ an³ ti²jna⁴cao⁴-no³ nca³ jon² nca³ntsjai² ni⁴čhjin³, sa³ˀnta³ nca³ cjoe⁴tˀa³ son³ˀnte³-vi⁴. Cˀoa⁴ ca²ta³ma³.

Cˀia⁴ nca³ Jesús ji³nčhoa³tˀa³čhian³-le⁴, tsa³cja¹cao⁴: Nca³yi³je³ cjoa⁴te¹xo³ma³ qui³tsˀai²-na³ ncˀa³jmi³, cˀoa⁴ i⁴ son³ˀnte³.

Qui³nchja⁴ je² a²ncje⁴, qui³tso²-le⁴ ya¹nchjin¹-ve⁴: A³li² vi³jcon³-jion²³ nca³ jon², nca⁴ an³ ˀve³ nca³ ti³ma³fa³sjai³-nio¹³ Jesús xi³ qui³sˀe³jna³tˀa³ cro². A³li² i⁴ ti¹jna³, nca⁴ ca²fa³ˀa¹ya³-ni³le⁴ jo³ qui³tso²: Nčhoao¹³, cho¹tsaon³ ˀnte³ jña³ nca³ qui³sˀe³jna³.

Cˀia⁴ Jesús qui³tso²-le⁴: A³li² vi³jcon³-jion²³, ta⁴nquin¹ ni²qui³nčhˀoao¹³ ntsˀe³, jme¹-ni³ nca³ coai⁴-si¹ni³ ya⁴ Galilea, cˀoa⁴ ya⁴ scoe⁴-na³.

Cˀia⁴ nca³ coan³xco¹ cao⁴ cho⁴ta⁴jchi¹nca³, tsa³cjao¹ya³-ni³, cˀoa⁴ tse³ taon⁴ qui³tsjoa³-le⁴ je² so³nta²do⁴, qui³tso²-le⁴: Cˀoi⁴tˀin²-lao⁴³: Je² cho⁴ta⁴-le⁴ ja³ˀai³ nca³ njion², cˀoa⁴ qui³si³che¹ cˀia⁴ nca³ ti³sa³yo³fai²⁴-jin⁴. Cˀoa⁴ tsa² je²-vi⁴ cjoi⁴nčhˀoe¹ gobernador, jin⁴-jin⁴ si⁴cˀe¹jyo¹ˀai³⁴-jin⁴, cˀoa⁴ si⁴ca³tio¹nta³-lai²⁴jin⁴ nca³ jon². Cˀia⁴ je² qui³scoe¹ taon⁴-ve⁴, cˀoa⁴qui³sˀin³ jo³-sˀin² nca³ tsa³ca³co¹ya³-le⁴. Cˀoa⁴ je² en¹-ve⁴ qui³son² jin³-le⁴ cho⁴ta⁴ judíos sa³ˀnta³ ntˀai⁴-vi⁴.