Aepa Gemae 10
10
Noa aginago vayaʼai apakimae
1Noaʼa ve mafaʼne anagaʼamo Semiʼagi Hamuʼagi Yefetiʼagi huʼa mafaʼne anagaʼapimogi apakimo haneʼniye. Alopa aniʼmo heno hano hutegeʼapaekeʼmo mafaʼnemo aliʼa apateʼnae. 2Yefetiʼa ve mafaʼne anagaʼmogi apakiʼapimo Gomaʼagi Magogaʼagi Mataiʼagi Yavaniʼagi Tumoʼagi Misekiʼagi Tilasiʼagi huʼa maiʼnae. 3Goma mafaʼne anagaʼmogi apakiʼapimo Asakenasiʼagi Lifatiʼagi Togamaʼagi huʼa maiʼnae. 4Yavani mafaʼne anagaʼmogi apakiʼapimo Elisaʼagi Tasisiʼagi Kitimiʼagi Nonanimiʼagi huʼa maiʼnae. 5Ani nofi vayaʼmo solovala ani haigilegamo neʼmaiya vayaʼai apakinago vayane. Ani vayaʼmo Yefeti aginago vayaʼai mafaʼne anagamae. Apakaemo aliʼa fako huʼa apamete apamete huʼa alu nofi vaya alu nofi vayaʼmo koʼapile koʼapileʼmo maiʼneʼa alu apake alu apakemo aiʼa maiʼnae.
6Hamu ve mafaʼne anagaʼamogi apakiʼapimo Kusiʼagi Isipiʼagi Putiʼagi Kenaniʼagi huʼa maiʼnae. 7Kusi ve mafaʼne anagaʼmogi apakiʼapimo Semaʼagi Havilaʼagi Sapataʼagi Lamaʼagi Sapatekaʼagi huʼa maiʼnae. Lama mafaʼnelaʼmogani anakiʼanimo Sepaʼe Nenaniʼeʼmo maiʼnaʼae. 8Kusiʼa mago mafaʼneʼamo Nimalotiʼae. Nimalotiʼa ma mopafatiʼmo hogoteno lokiya vekamo maiʼniye. 9Ala kava neʼmo aulagaleʼmo afela afumo lokiya kava huno nehaeya vekamo maiʼniye. Vayaʼmogi ala apaki vayaʼaifeʼmo huʼapaeʼmo, Ala kava neʼmo aulagaleʼmo afela afumo lokiya kava huno nehaeya vekamo Nimalotikana huʼa maiʼnae, huʼa huʼnae. 10Nimalotiʼa kini vekamo maiteno aepa faino Sina kotegamo Mameli taonifi maiʼnaya vayaʼaitenagi Eleki taonifi maiʼnaya vayaʼaitenagi Akati taonifi maiʼnaya vayaʼaitenagi Kalana taonifi maiʼnaya vayaʼaitenagi huno yagaino apateʼniye. 11-12Nimalotiʼa ani kotetiʼmo ataleno Asiliya kotegamo uno maiʼneno Niniva taonigi Lehomoti taonigi Kala taonigi Leseni taonimogi huno kiʼniye. Niniva taoniʼe hogote taonimo Kala taoniʼeʼmo hanetegeno folagapiʼmo Leseni taonimo haneʼniye. 13-14Isipiʼmo mafaʼne anagaʼmogi apakiʼapimo Lutimiʼagi Anamimiʼagi Lehamimiʼagi Napatuhimiʼagi Patalusimiʼagi Kasaluhimiʼagi huno alino apateʼniye. Ani vayaʼmo Filisatini nofi vayanagi Kapatoli nofi vayanagi huʼa apakinago vayaʼmo maiʼnae.
15Kenaniʼmo Saitoniʼmo alino ateteno Hetiʼmo alino ateʼniye. 16#Aep 15:19-21Ani kava huno Kenanipatiʼmo Yemu nofi vayanagi Amo nofi vayanagi Gigasi nofi vayanagi 17Hivi nofi vayanagi Aka nofi vayanagi Sini nofi vayanagi 18Avati nofi vayanagi Yema nofi vayanagi Hamati nofi vayanagi huʼa aginago vayaʼmo maiʼnae. Henagaʼamo Kenani nofi vayaʼmo magoʼe huʼa kaeʼa atagu faeʼnae. 19Kenani nofi vayaʼai hakuʼapimo Saitoni taoniletiʼmo hanelinuno Kela taonimo katetiʼmo hanelinuno Gesa taoniletiʼmo hanelinuno Sotomi taonimo katetiʼmo hanelinuno Gomola taonilegatiʼmo hanelinuno Atama taonilegatiʼmo hanelinuno Yemovimi taoniletiʼmo hanelinuno muga Lasa taonileʼmo uʼniye. 20Ani nofi vayaʼmo Hamu aginago vayaʼmo maiʼnae. Apakaemo aliʼa fako huʼa alu nofi vaya alu nofi vayaʼmo alu kote alu koteʼmo maiʼneʼa alu apake alu apakemo aiʼa maiʼnae.
21Semiʼeʼmo mafaʼne anagaʼamo alino apateʼniye. Semiʼmo Yefeti nepuʼamoʼmo maiʼneno muki Ima nofi vayaʼai apakinago vekamo maiʼniye. 22Semi mafaʼne anagaʼmo Elamiʼagi Asuʼagi Afakasatiʼagi Lutaʼagi Alamuʼagi huʼa maiʼnae. 23#Yop 1:1Elami mafaʼne anagaʼmo Usiʼagi Huluʼagi Getaʼagi Masiʼagi huʼa maiʼnae. 24#Lu 3:35Afakasatiʼa Salaʼmo alino ateʼnigenoʼaeʼmo Salaʼa Emeʼmo alino ateʼniye. 25Emeʼa lole mafaʼnelaʼmo Pelekiʼe Yokataniʼeʼmo alino anateʼniye. Pelekiʼmo maiʼniya afinaʼmo muki vayaʼmo aliʼa fako huʼa apaote apaote huʼa maiʼnayaʼmofeʼmo agiʼamo Pelekiʼae huʼa ateʼnae. Ani agimo aepaʼamo aliʼa fako huʼa apaote apaote huʼa maiʼnae. Inagi konagaʼamo agiʼamo Yokataniʼae. 26-29Yokatani mafaʼne anagaʼmo Amonatiʼagi Selepiʼagi Hasamavetiʼagi Yelaʼagi Hatolamiʼagi Usaliʼagi Nikalaʼagi Opaʼagi Amimaeloʼagi Semaʼagi Ofiʼagi Havilaʼagi Yomaʼagi huno alino apateʼniye. Muki mani mafaʼne anagaʼmo Yokatani mafaʼnemo maiʼnae. 30Maiʼnaya koʼmo Mesa haopalegatiʼmo hanelino yegemo haine neʼeya haopalega Sefa aveleʼmo uʼniye. 31Ani vayaʼmo Semi aginago vayaʼmo maiʼnae. Apakaemo alu nofi vaya alu nofi vayaʼmo aliʼa fako huʼa alu kote alu koteʼmo maiʼneʼapaeʼmo apakeʼapifati apakeʼapifatiʼmo aiʼa kege huʼa maiʼnae.
32Mani vayaʼmo Noa mafaʼne anagapati vayaʼmo maiʼnae. Alopa aniʼmo heno hano hutegeʼapaeʼmo ani nofi vayapatikeʼmo alu nofi vaya alu nofi vayaʼmo afole aiteʼa ma mopafiʼmo maiʼnae.
Поточний вибір:
Aepa Gemae 10: kyg2013
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.