Aepa Gemae 8
8
Aniʼmo heno hano huʼniya gemae
1 #
Aep 19:29; Hat 2:24 Gotiʼa Noafenagi muki sipifi lokaeʼa maiʼnaya afugi yagagafaʼefenagi huno agesamo afiʼniye. Gotiʼa yasimo alino ategeno aniteʼmo yasi aliʼnigeno aniʼmo alino laneme laneme uno lamiʼniye. 2#Yop 38:37Mopamo afeʼalumelagati aniʼmo magoʼe huno eno haino omeʼniye. Kokuʼnapatiʼmo ko aiʼniya kaʼmo ago alino akaniʼnigeno magoʼe huno koʼmo oʼaiʼniye. 3Aniʼmo laneme laneme uno lamiʼniye. Vani hataleti fifitiʼa afinaʼmo utegenoʼaeʼmo aniʼmo alagi alino laneno ataleʼniye. 4Seveni kaimo sevetini afinaʼmo sipimo vase vase huno emineno mago avemo agiʼamo Alalati avefiʼmo fai maiʼniye. 5Aniʼmo alino laneme laneme uno nelamitegenoʼaekeʼmo teni kaimo eʼniye. Teni kaimo vani afinakeʼmo avegoʼmo alino afole aiʼniye.
6Fotiʼa afinaʼmo utegenoʼaeʼmo Noaʼa sipifiʼmo yasi kaʼmo alo hu maleʼniya kaʼmo alino yakiʼniye. 7Agaemo anupa namamo agiʼamo laveni namamoʼmo kasaliʼniya yaʼmo neʼneya namamo alino ateʼnigeno halelino uneno nehutegenoʼaeʼmo aniʼmo laneʼniye. 8Noaʼa aniʼmo ago laneʼnifi olaneʼnifi huno agesiyafeʼmo mago kaugoʼyavegana agufa namamo alino ateʼnigeno halelino uʼniye. 9Uʼniyaʼmonanafa aniʼmo olaneʼnigeno hakalesiya yosaeʼmo kahauya hugeteno halate atagineno halelino sipifiʼmo eʼniye. Noaʼa ayaʼmo haya huno atafauno sipifiʼmo ateʼniye. 10Noaʼa mago seveniʼa afinaʼmo agava maiteno halate kaugoʼyavegana agufa namamo alino ateʼnigeno halelino uʼniye. 11Uneʼmo kaugoʼyavegana namamoʼmo olifi yosamo haitamo saufamo aino hakeʼniya haitamo avayafiʼmo hanilino eʼnigenoʼaeʼmo Noaʼa agesa afinoʼaeʼmo, aniʼmo ago laneʼniye, huno agesamo afiʼniye. 12Halate magoʼe huno seveniʼa afinaʼmo maiteno kaugoʼyavegana agufa namamo alino ateʼnigeno halelino uʼniyaʼmonanafa ani afinaʼmo halate atagineno agaetegamo oʼmeʼniye.
13Noaʼa sigisi hataleti vaniʼa kafugaʼamoʼmo vani kaimo vani afinaʼmo aniʼmo ago laneʼnigenoʼaeʼmo Noaʼa nokatoʼmuʼmo atupaletiʼmo alino akai maleʼneno muki haopalegamo aulu heno ageʼniyana mopamo ago alino hau nehigeno ageʼniye. 14Inagi tu kaimo tuveti seveni afinaʼmo muki mopamo ago alagi alino hau huno ataleʼniye.
15Gotiʼa Noafeʼmo ha painoʼaeʼmo, 16Kagaikaʼe akaʼenagi mafaʼne anagakaʼe aʼne anagaʼapiʼenagi hutapa sipifatiʼmo ataletapa emiteyo. 17Muki apauneʼapameʼe yaʼmo namagi pulumakagi afugi yagagafagi huka za apavalelika emikegeʼapao, muki haopalegamo uʼeʼa huʼa apanaʼaumo maleʼa aiʼa atagu faesageno magoʼe huno asole hugiye, huno ha paiʼniye. 18Inagi Noaʼagi mafaʼne anagaʼagi aʼagi mafaʼne anagaʼamogi aʼne anagaʼapigi huʼa sipifatiʼmo emiʼeʼnae. 19Muki alu afu alu afugi yagagafagi namagi huʼa apakaiʼapi apakaiʼapimo aliʼa lokaete lokaete huʼa emiʼeʼnae.
Noaʼa Ala kava netefeʼmo ofalini huʼniya gemae
20 #
Aep 4:4; 13:18; 22:2 Noaʼa yafa hiʼyalamuʼmo maleteno ofalini hisiyafeʼmo muki alagepa afufatinagi namafatinagi huno amagino yafa hiʼyalamuteʼmo kaeno ofalinimo Gotina amiʼniye. 21#Mon 1:9; Aiy 54:9Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve. 22#Sam 74:16-17Ma mopamo afaʼa hanesiya afinaʼmo avina yaʼmo hakalesaya afinaʼmo hanege neʼyaʼmo alisaya afinaʼmo hanege yasi hisiya afinaʼmo hanege amuko hisiya afinaʼmo hanege yege lesiya afinaʼmo hanege ko aisiya afinaʼmo hanege felugamo hanege haniʼilagamo hanege hugiye. Ma mopamo afaʼa hanesiya afinaʼmo muki mani agufa kavaʼamo hano osuno afaʼa hanegaiye, huno aipafiʼmo agesamo afiʼniye.
Поточний вибір:
Aepa Gemae 8: kyg2013
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.
Aepa Gemae 8
8
Aniʼmo heno hano huʼniya gemae
1 #
Aep 19:29; Hat 2:24 Gotiʼa Noafenagi muki sipifi lokaeʼa maiʼnaya afugi yagagafaʼefenagi huno agesamo afiʼniye. Gotiʼa yasimo alino ategeno aniteʼmo yasi aliʼnigeno aniʼmo alino laneme laneme uno lamiʼniye. 2#Yop 38:37Mopamo afeʼalumelagati aniʼmo magoʼe huno eno haino omeʼniye. Kokuʼnapatiʼmo ko aiʼniya kaʼmo ago alino akaniʼnigeno magoʼe huno koʼmo oʼaiʼniye. 3Aniʼmo laneme laneme uno lamiʼniye. Vani hataleti fifitiʼa afinaʼmo utegenoʼaeʼmo aniʼmo alagi alino laneno ataleʼniye. 4Seveni kaimo sevetini afinaʼmo sipimo vase vase huno emineno mago avemo agiʼamo Alalati avefiʼmo fai maiʼniye. 5Aniʼmo alino laneme laneme uno nelamitegenoʼaekeʼmo teni kaimo eʼniye. Teni kaimo vani afinakeʼmo avegoʼmo alino afole aiʼniye.
6Fotiʼa afinaʼmo utegenoʼaeʼmo Noaʼa sipifiʼmo yasi kaʼmo alo hu maleʼniya kaʼmo alino yakiʼniye. 7Agaemo anupa namamo agiʼamo laveni namamoʼmo kasaliʼniya yaʼmo neʼneya namamo alino ateʼnigeno halelino uneno nehutegenoʼaeʼmo aniʼmo laneʼniye. 8Noaʼa aniʼmo ago laneʼnifi olaneʼnifi huno agesiyafeʼmo mago kaugoʼyavegana agufa namamo alino ateʼnigeno halelino uʼniye. 9Uʼniyaʼmonanafa aniʼmo olaneʼnigeno hakalesiya yosaeʼmo kahauya hugeteno halate atagineno halelino sipifiʼmo eʼniye. Noaʼa ayaʼmo haya huno atafauno sipifiʼmo ateʼniye. 10Noaʼa mago seveniʼa afinaʼmo agava maiteno halate kaugoʼyavegana agufa namamo alino ateʼnigeno halelino uʼniye. 11Uneʼmo kaugoʼyavegana namamoʼmo olifi yosamo haitamo saufamo aino hakeʼniya haitamo avayafiʼmo hanilino eʼnigenoʼaeʼmo Noaʼa agesa afinoʼaeʼmo, aniʼmo ago laneʼniye, huno agesamo afiʼniye. 12Halate magoʼe huno seveniʼa afinaʼmo maiteno kaugoʼyavegana agufa namamo alino ateʼnigeno halelino uʼniyaʼmonanafa ani afinaʼmo halate atagineno agaetegamo oʼmeʼniye.
13Noaʼa sigisi hataleti vaniʼa kafugaʼamoʼmo vani kaimo vani afinaʼmo aniʼmo ago laneʼnigenoʼaeʼmo Noaʼa nokatoʼmuʼmo atupaletiʼmo alino akai maleʼneno muki haopalegamo aulu heno ageʼniyana mopamo ago alino hau nehigeno ageʼniye. 14Inagi tu kaimo tuveti seveni afinaʼmo muki mopamo ago alagi alino hau huno ataleʼniye.
15Gotiʼa Noafeʼmo ha painoʼaeʼmo, 16Kagaikaʼe akaʼenagi mafaʼne anagakaʼe aʼne anagaʼapiʼenagi hutapa sipifatiʼmo ataletapa emiteyo. 17Muki apauneʼapameʼe yaʼmo namagi pulumakagi afugi yagagafagi huka za apavalelika emikegeʼapao, muki haopalegamo uʼeʼa huʼa apanaʼaumo maleʼa aiʼa atagu faesageno magoʼe huno asole hugiye, huno ha paiʼniye. 18Inagi Noaʼagi mafaʼne anagaʼagi aʼagi mafaʼne anagaʼamogi aʼne anagaʼapigi huʼa sipifatiʼmo emiʼeʼnae. 19Muki alu afu alu afugi yagagafagi namagi huʼa apakaiʼapi apakaiʼapimo aliʼa lokaete lokaete huʼa emiʼeʼnae.
Noaʼa Ala kava netefeʼmo ofalini huʼniya gemae
20 #
Aep 4:4; 13:18; 22:2 Noaʼa yafa hiʼyalamuʼmo maleteno ofalini hisiyafeʼmo muki alagepa afufatinagi namafatinagi huno amagino yafa hiʼyalamuteʼmo kaeno ofalinimo Gotina amiʼniye. 21#Mon 1:9; Aiy 54:9Kaeʼnigeno ani ofalinimoʼmo haga atumo ailino uno haiʼnigeno Ala kava neʼmoʼa atuʼamo afitenoʼaeʼmo aipafiʼmo agesa afinoʼaeʼmo, halate magoʼe huʼna geʼniletiʼmo vayaʼai kavatefeʼmo mopamo aliʼna hosu huʼna oʼategauve. Muki vayaʼmo aise mafaʼnemo maiʼnaya afinatetiʼmo muki apaipa apakesa neʼafiya yaʼapifiʼmo alagi hosuʼniyaʼmofeʼmogeʼna hemenimo huva agufa kavaʼmo halate magoʼe huʼna muki apauneʼapameʼe yaʼmo aliʼna hano huʼna oʼapatalegauve. 22#Sam 74:16-17Ma mopamo afaʼa hanesiya afinaʼmo avina yaʼmo hakalesaya afinaʼmo hanege neʼyaʼmo alisaya afinaʼmo hanege yasi hisiya afinaʼmo hanege amuko hisiya afinaʼmo hanege yege lesiya afinaʼmo hanege ko aisiya afinaʼmo hanege felugamo hanege haniʼilagamo hanege hugiye. Ma mopamo afaʼa hanesiya afinaʼmo muki mani agufa kavaʼamo hano osuno afaʼa hanegaiye, huno aipafiʼmo agesamo afiʼniye.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2013, Wycliffe Bible Translators, Inc. All rights reserved.