GENESIS 5
5
Saray Anak nen Adan
(1 Awa. 1:1-4)
1Sikato yay listaan na saray kabyangay boleg nen Adan. (Nen pinalsay Dios so too, ginawa ton kaolibay to. 2Pinalsa to ran laki tan bii, binindisionan to ra, tan tinawag to ra na Katoowan.) 3Nen sanlasus tan talomploy taon nen Adan, walay anak ton laki a kaolibay to, tan inngaran to na Set. 4Kasumpal to ya, nambilay niy Adan na walon lasus taon. Wala ni ray arum ya anak ton lalaki tan bibii, 5tan inatey nen mantaoy siam a lasus tan talomplo.
6Nen sanlasus tan limay taon nen Set, walay anak ton laki a si Enos, 7tan nambilay ni na walon lasus tan pitoy taon. Wala ni ray arum ya anak ton lalaki tan bibii, 8tan inatey nen mantaoy siam a lasus tan labindua.
9Nen siamaploy taon nen Enos, walay anak ton laki a si Kenan, 10tan nambilay ni na walon lasus tan labin limay taon. Wala ni ray arum ya anak ton lalaki tan bibii, 11tan inatey nen mantaoy siam a lasus tan lima.
12Nen pitomploy taon nen Kenan, walay anak ton laki a si Mahalalel, 13tan nambilay ni na walon lasus tan apataploy taon. Wala ni ray arum ya anak ton lalaki tan bibii, 14tan inatey nen mantaoy siam a lasus tan samplora.
15Nen anemaplo tan limay taon nen Mahalalel, walay anak ton laki a si Jared, 16tan nambilay ni na walon lasus tan talomploy taon. Wala ni ray arum ya anak ton lalaki tan bibii, 17tan inatey nen mantaoy walon lasus tan siamaplo tan lima.
18Nen sanlasus tan anemaplo tan duay taon nen Jared, walay anak ton laki a si Enoc, 19tan nambilay ni na walon lasus. Wala ni ray arum ya anak ton lalaki tan bibii, 20tan inatey nen mantaoy siam a lasus tan anemaplo tan dua.
21Nen anemaplo tan limay taon nen Enoc, walay anak ton laki a si Matusalem. 22Kasumpal to ya, nambilay si Enoc na talon lasus taon a kaibiba toy Dios, tan wala ni ray arum ya anak ton lalaki tan bibii. 23Nambilay si Enoc na talon lasus tan anemaplo tan limay taon. 24Nambilay a kaiba toy Dios, insan naandipat, ta inalay Dios.
25Nen sanlasus tan walomplo tan pitoy taon nen Matusalem, walay anak ton laki a si Lamec, 26tan nambilay ni na piton lasus tan walomplo tan duay taon. Wala ni ray arum ya anak ton lalaki tan bibii, 27tan inatey nen mantaoy siam a lasus tan anemaplo tan siam.
28Nen sanlasus tan walomplo tan duay taon nen Lamec, walay anak ton laki 29tan inkuanto, Itdan to itayo na sayan ogaw na inawa ed amin da ray mairap a kimey tayo ed sayan dalin ya insamba na Katawan; kanyan inngaran to na Noe.#5:29 NOE: Say tanul na sayan ngaran kapara toy Hebreon salita a kabaliksan toy inawa. 30Nambilay ni si Lamec na liman lasus tan siamaplo tan limay taon. Wala ni ray arum ya anak ton lalaki tan bibii, 31tan inatey nen mantaoy piton lasus tan pitomplo tan pito.
32Kayariy liman lasus taon nen Noe, nanilalak na taloran lalaki a di Sem, Ham, tan Jafet.
Поточний вибір:
GENESIS 5: PnPV
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Philippine Bible Society New Testament © 1977, Bible © 1983