TADPADBO 5
5
Mose Nai Aaron Niu Egypt Mai Wangpiu Khuga Tadbo
1Sichiujiu Mose nai Aaron niu Egypt mai wangpiu khuga tadlujiu dinsude, “Rapiu, Israel mai Rawang niu din-e, ‘Pijiu amaidungtu tadpad lujiu, atu chakhuang thiubogu changee hai ramjingga pikam khailo.’”
2Siga chawang siniu din-e, “Rapiu se saolo? Iniu dekamjiu palad phungjiu Israel maitu pi tadpad khai ralo? Iniu sibo Rapiu situ simakge, Iniu wakamdi Israel maitu pi tadpad raleng suilakge.”
3Mose nai Aaron niu paokakge, “Hebrew mai Rawang papumsiakniu aliu khuga madulen khaibo-e. Aliuniu ramjingga tadpad lujiu, Rapiu, aliu Rawang khuga charathiu khai lura suikhailo. Aliuniu sise kamkhai maksai, paniu aliutu chararenniu maksai chariniu kamshatmi rabo-e.”
4Chawang siniu Mose nai Aaron khuga din-e, “Nanainiu dekamjiu haimaidungtu paliu tienkam ga pi make khaira kam bamjiulo? Sibo vangdung situ pijiu paliu ngam kammi sulo! 5Naliu hai Egypt maidung suang pariak keng mide, Sijengniu tuhoira naliu changam kamra makemi jiuma!”
6-7Sibonai gasu chawangniu Israel maidung haitu magaodi pimakjiu chagamtuse kamra chamtanse pikhai sude: “Paliu ronna wahina piphiu lujiu kamlo. 8Chiudi nda kumjiu chagamtuse pariak nkhin makra paliu khuga dinlo, kang khatnadi nkhinbo suimakge. Paliu ngam kaha jengniu, paliuniu tadlujiu paliu Rawang khuga charathiu raleng kheng bambo-e! 9Paliutu changam hai pitan khaijiu, pi pukhaijiu bamlo, sichiusai paliuniu ka-aratbo cham hai nkingra pawan harabo-e.”
10Kavangdungtu akhijiu paliu masuang pak mariu kinmai siniu wanglujiu Israel mai khuga din-e, “Naliuleng magao pikhai lakde, chiujiu chawang siniu din-e. 11Naliu ronna tadlujiu magaose phiulo, chiudi pariak machambo chagamtuse naliuniu kamrabo-e, chiujiu paniu chamtan pi-e.” 12Sijengniu Egypt dih pakhiangna tadjiu paliuniu magaose phiu sude. 13Sichiujiu karaiga magao pikhaijiu kambambo chagamtu riak nai machamjiu kampadra kavang maitu akhi-taliumai siniu manomjiu kamsude. 14Changam kamra pikhaibo, Israel maidung tadrai mai situ, Egypt maigu kavang akhimai siniu dapsude. Paliuniu haichiu din-e, “Naliuniu karaiga kampadbo chagamtu riak panai dekamjiu macham tami jiulo?”
15Tadraimai siniu chawang khuga tadlujiu haichiu din-e, “Dekamjiu nangniu haikumbo thak aliutu kamkhai jiulo, Pakendibopiu yo? 16Aliutu magao pikhai makge, chiudi chagamtuse kamra aliutu chamtan pikhai-e; Siniu tuhoira aliutu dap masa mide, haise namaidung mao-e.”
17Chawang siniu paokakge, “Naliu hai make-e, khatdi tatien thiuni makge; sijengniu naliuniu tadlujiu Rapiu khuga charathiu khaira khengbo-e. 18Tuhoira malanwang tatien thiu sulo! Naliutu magao wadi pilakge, chiudi karaiga kambo pariak machambo chagamtuse kampad rabo-e.” 19Karaiga paliuniu kampadbo riak panai machamjiu kampadlo chiu dinboga, paliu hai magenthiu rabo mide chiubo tadraimai siniu simide.
20Paliuniu sichiu tadpadboga, paliutu khuanbambo Mose nai Aaron tu adaode. 21Paliuniu Mose nai Aaron khuga din-e, “Nanainiu aliu khuga pathak makbo kamkhaibo jengniu chawang nai pagu chakampaodung siniu aliutu miktun mide, haijengniu, nanaitu Rapiu niu sajai pikhai milo. Aliutu kamshat mira nanainiu kamaobose kamkhai mibo-e.”
Mose Niu Rapiu Khuga Suini Makbo
22Siga Mose niu Rapiu khuga mariwang lanjiu din-e, “Rapiu yo, dekamjiu nangniu namaidungtu haichiu jumao khai jiulo? Dekamra nangniu haiga atu langwang jiulo? 23Iniu chawang khuga tadlujiu naleng dinkhai gapbo ga, paniu paliutu kam mathad sumibo-e. Sichiujiu nangniu paliutu nkha khaira wadi kamkhai makge!”
Поточний вибір:
TADPADBO 5: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
TADPADBO 5
5
Mose Nai Aaron Niu Egypt Mai Wangpiu Khuga Tadbo
1Sichiujiu Mose nai Aaron niu Egypt mai wangpiu khuga tadlujiu dinsude, “Rapiu, Israel mai Rawang niu din-e, ‘Pijiu amaidungtu tadpad lujiu, atu chakhuang thiubogu changee hai ramjingga pikam khailo.’”
2Siga chawang siniu din-e, “Rapiu se saolo? Iniu dekamjiu palad phungjiu Israel maitu pi tadpad khai ralo? Iniu sibo Rapiu situ simakge, Iniu wakamdi Israel maitu pi tadpad raleng suilakge.”
3Mose nai Aaron niu paokakge, “Hebrew mai Rawang papumsiakniu aliu khuga madulen khaibo-e. Aliuniu ramjingga tadpad lujiu, Rapiu, aliu Rawang khuga charathiu khai lura suikhailo. Aliuniu sise kamkhai maksai, paniu aliutu chararenniu maksai chariniu kamshatmi rabo-e.”
4Chawang siniu Mose nai Aaron khuga din-e, “Nanainiu dekamjiu haimaidungtu paliu tienkam ga pi make khaira kam bamjiulo? Sibo vangdung situ pijiu paliu ngam kammi sulo! 5Naliu hai Egypt maidung suang pariak keng mide, Sijengniu tuhoira naliu changam kamra makemi jiuma!”
6-7Sibonai gasu chawangniu Israel maidung haitu magaodi pimakjiu chagamtuse kamra chamtanse pikhai sude: “Paliu ronna wahina piphiu lujiu kamlo. 8Chiudi nda kumjiu chagamtuse pariak nkhin makra paliu khuga dinlo, kang khatnadi nkhinbo suimakge. Paliu ngam kaha jengniu, paliuniu tadlujiu paliu Rawang khuga charathiu raleng kheng bambo-e! 9Paliutu changam hai pitan khaijiu, pi pukhaijiu bamlo, sichiusai paliuniu ka-aratbo cham hai nkingra pawan harabo-e.”
10Kavangdungtu akhijiu paliu masuang pak mariu kinmai siniu wanglujiu Israel mai khuga din-e, “Naliuleng magao pikhai lakde, chiujiu chawang siniu din-e. 11Naliu ronna tadlujiu magaose phiulo, chiudi pariak machambo chagamtuse naliuniu kamrabo-e, chiujiu paniu chamtan pi-e.” 12Sijengniu Egypt dih pakhiangna tadjiu paliuniu magaose phiu sude. 13Sichiujiu karaiga magao pikhaijiu kambambo chagamtu riak nai machamjiu kampadra kavang maitu akhi-taliumai siniu manomjiu kamsude. 14Changam kamra pikhaibo, Israel maidung tadrai mai situ, Egypt maigu kavang akhimai siniu dapsude. Paliuniu haichiu din-e, “Naliuniu karaiga kampadbo chagamtu riak panai dekamjiu macham tami jiulo?”
15Tadraimai siniu chawang khuga tadlujiu haichiu din-e, “Dekamjiu nangniu haikumbo thak aliutu kamkhai jiulo, Pakendibopiu yo? 16Aliutu magao pikhai makge, chiudi chagamtuse kamra aliutu chamtan pikhai-e; Siniu tuhoira aliutu dap masa mide, haise namaidung mao-e.”
17Chawang siniu paokakge, “Naliu hai make-e, khatdi tatien thiuni makge; sijengniu naliuniu tadlujiu Rapiu khuga charathiu khaira khengbo-e. 18Tuhoira malanwang tatien thiu sulo! Naliutu magao wadi pilakge, chiudi karaiga kambo pariak machambo chagamtuse kampad rabo-e.” 19Karaiga paliuniu kampadbo riak panai machamjiu kampadlo chiu dinboga, paliu hai magenthiu rabo mide chiubo tadraimai siniu simide.
20Paliuniu sichiu tadpadboga, paliutu khuanbambo Mose nai Aaron tu adaode. 21Paliuniu Mose nai Aaron khuga din-e, “Nanainiu aliu khuga pathak makbo kamkhaibo jengniu chawang nai pagu chakampaodung siniu aliutu miktun mide, haijengniu, nanaitu Rapiu niu sajai pikhai milo. Aliutu kamshat mira nanainiu kamaobose kamkhai mibo-e.”
Mose Niu Rapiu Khuga Suini Makbo
22Siga Mose niu Rapiu khuga mariwang lanjiu din-e, “Rapiu yo, dekamjiu nangniu namaidungtu haichiu jumao khai jiulo? Dekamra nangniu haiga atu langwang jiulo? 23Iniu chawang khuga tadlujiu naleng dinkhai gapbo ga, paniu paliutu kam mathad sumibo-e. Sichiujiu nangniu paliutu nkha khaira wadi kamkhai makge!”
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.