CHABANGCHAM 40
40
Joseph Niu Kavangkyga Bammai Mang Ramba Dinbo
1Pakak khat saiga, Egypt mai wangpiugu jaw thinpao nai pagu taruak khuakpaose chawang khuga kamao kam mide. 2Paniu sibo chakampao kania situ palung pommide. 3Sichiujiu Joseph tu khai bambo chawangtu khuanbo charipigu kavangky gase panai tudi khai mide. 4Paliu hai pating thengjiu kavangky gase bam khangde, siga charipi siniu Joseph tu paliu vangleng kumjiu kamkhaide.
5Naikhat nchun kavangky gase jaw thinpao nai taruak khuakpaose panai mang mansude, paramba hai tam-tamme. 6Joseph niu nsuanse panai khuga wangbo tingga, panai khangnia lung magenthiu bambo paniu ngaode. 7Paniu panai khuga maniu-e, “Thainai dekamjiu nanai lung haijiukha chariu jiulo?”
8Panainiu paokakge, “Anai khangniase chamang man-e, sichiujiu parambase mai khatniudi dinkhaira haiga hajiu-e.”
Joseph niu din-e. “Chamang ramba chalipadbo hai Tingwang niu pikhaibo-e. Nanai mangse akhuga dinkhailo.”
9Sijengniu jaw thinpao siniu dinsude, “Amang lamsu mumsiken khattu ngao-e. 10Sichiujiu pake sum gase paniuse padgapboga, papense padmide khatdi mumsyse minnuang mide. 11Siga Iniu chawang piangse thinlujiu mumsyse thunkhai lujiu chawang leng pikhaijiu bamniu-e.”
12Joseph niu din-e, “Sibo ramba sira, pake sumse jeng sum leng-e. 13Pasumbo naise chawangniu natu kuak khaijiu natu phut khai mine, khatdi nabamse pikhai lanne. Nangniu karaiga jaw thinpao thiujiu bambo tingga kumjiu, nangniu papiangse patu pilan rabo-e. 14Chiudi wahina naleng suimibo tingga, lungsajiu atu maningtao khaijiu chawang khuga atu dintao khailo sichiujiu kavangky haigasu atu lupadra nkha khailo. 15Atu hai Hebrew mai dih gasu minwangbo-e, Egypt dih haigadi kavangky gahai ngutrabo leng I wakhatdi kamaobo kam makge.”
16Taruak khuakpao siniu, jaw thinpao mang ramba chalipadbo hai maji-e chiubo siluboga, paniu Joseph khuga din-e, “I di amang khat manbo-e. Iniu taruak takam sum apeeriga singlujiu ponkinniu-e. 17Takam nribo gase chawang leng khuak lubo pajat tam-tambo taruak bamme, sise nthingnadungniu wang tiubam niu-e.”
18Joseph niu paokakge, “Sibo ramba sira haichiu-e: takam sumse jeng sum leng-e. 19Pasumbo naise chawangniu natu phutpadjiu, napi dang mine! Sichiujiu paniu naphawse buitungga maseng khaine, siga thingnadung siniu najanse wang tiu sune.”
20Sichiujiu jeng sum saiga, chawanggu manabo tingmik naise, chawangniu pagu chakampaodung hinatu maluang katiu tiu-e; siga paniu pagu jaw thinpao nai taruak khuakpao situ phut khaijiu, panaitu mathiu suangga puiwang-e.
21Paniu jaw thinpao situ karaiga pangamse pikhai lande, 22Chiudi paniu taruak khuakpao situra kamshat mide. Joseph niu dinkhai mibo kumgapjiu haise padmide. 23Chiudi jaw thinpao siniu Joseph tu mangai-jing mide, paniu palamga maningtaota mide.
Поточний вибір:
CHABANGCHAM 40: LIANBSI
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.
CHABANGCHAM 40
40
Joseph Niu Kavangkyga Bammai Mang Ramba Dinbo
1Pakak khat saiga, Egypt mai wangpiugu jaw thinpao nai pagu taruak khuakpaose chawang khuga kamao kam mide. 2Paniu sibo chakampao kania situ palung pommide. 3Sichiujiu Joseph tu khai bambo chawangtu khuanbo charipigu kavangky gase panai tudi khai mide. 4Paliu hai pating thengjiu kavangky gase bam khangde, siga charipi siniu Joseph tu paliu vangleng kumjiu kamkhaide.
5Naikhat nchun kavangky gase jaw thinpao nai taruak khuakpaose panai mang mansude, paramba hai tam-tamme. 6Joseph niu nsuanse panai khuga wangbo tingga, panai khangnia lung magenthiu bambo paniu ngaode. 7Paniu panai khuga maniu-e, “Thainai dekamjiu nanai lung haijiukha chariu jiulo?”
8Panainiu paokakge, “Anai khangniase chamang man-e, sichiujiu parambase mai khatniudi dinkhaira haiga hajiu-e.”
Joseph niu din-e. “Chamang ramba chalipadbo hai Tingwang niu pikhaibo-e. Nanai mangse akhuga dinkhailo.”
9Sijengniu jaw thinpao siniu dinsude, “Amang lamsu mumsiken khattu ngao-e. 10Sichiujiu pake sum gase paniuse padgapboga, papense padmide khatdi mumsyse minnuang mide. 11Siga Iniu chawang piangse thinlujiu mumsyse thunkhai lujiu chawang leng pikhaijiu bamniu-e.”
12Joseph niu din-e, “Sibo ramba sira, pake sumse jeng sum leng-e. 13Pasumbo naise chawangniu natu kuak khaijiu natu phut khai mine, khatdi nabamse pikhai lanne. Nangniu karaiga jaw thinpao thiujiu bambo tingga kumjiu, nangniu papiangse patu pilan rabo-e. 14Chiudi wahina naleng suimibo tingga, lungsajiu atu maningtao khaijiu chawang khuga atu dintao khailo sichiujiu kavangky haigasu atu lupadra nkha khailo. 15Atu hai Hebrew mai dih gasu minwangbo-e, Egypt dih haigadi kavangky gahai ngutrabo leng I wakhatdi kamaobo kam makge.”
16Taruak khuakpao siniu, jaw thinpao mang ramba chalipadbo hai maji-e chiubo siluboga, paniu Joseph khuga din-e, “I di amang khat manbo-e. Iniu taruak takam sum apeeriga singlujiu ponkinniu-e. 17Takam nribo gase chawang leng khuak lubo pajat tam-tambo taruak bamme, sise nthingnadungniu wang tiubam niu-e.”
18Joseph niu paokakge, “Sibo ramba sira haichiu-e: takam sumse jeng sum leng-e. 19Pasumbo naise chawangniu natu phutpadjiu, napi dang mine! Sichiujiu paniu naphawse buitungga maseng khaine, siga thingnadung siniu najanse wang tiu sune.”
20Sichiujiu jeng sum saiga, chawanggu manabo tingmik naise, chawangniu pagu chakampaodung hinatu maluang katiu tiu-e; siga paniu pagu jaw thinpao nai taruak khuakpao situ phut khaijiu, panaitu mathiu suangga puiwang-e.
21Paniu jaw thinpao situ karaiga pangamse pikhai lande, 22Chiudi paniu taruak khuakpao situra kamshat mide. Joseph niu dinkhai mibo kumgapjiu haise padmide. 23Chiudi jaw thinpao siniu Joseph tu mangai-jing mide, paniu palamga maningtaota mide.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Liangmai Naga (Re-Edited) - Masanbo Bible
Copyright © 2014 by The Bible Society of India
Used by permission. All rights reserved worldwide.