Yauhaas 5
5
Kev Khu Mob Ntawm Lub Paag Dlej
1Tomqaab ntawd, Yexus txawm moog rua sau lub nroog Yeluxalees kws yog moog koom cov Yudais ib qho kevcai. 2Nyob ze-ze ntawm lub Roojvaag Yaaj huv lub nroog Yeluxalees muaj ib lub paag dlej#5:2: Nyob ze-ze ntawm lub Roojvaag Yaaj … muaj ib lub paag dlej; lossis Ze-ze ntawm lub Paag Dlej Yaaj … muaj ib qhov chaw. kws muaj tsib lub tsev nraim tshaav nyob puagncig lub paag dlej; qhov chaw ntawd lug Henplais hu ua Npexathas.#5:2: Npexathas; tej phoo ntawv qub kws xuas teg sau, muaj Npethexadas. 3Muaj ib cov tuabneeg mob coob-coob tuaj pw huv tej tsev nraim tshaav ntawd, xwsle cov dligmuag, cov cegtawv, hab cov tuagteg tuagtaw. 4#5:4: Tej phoo ntawv qub kws xuas teg sau, ntxiv nqai 3b-4 nuav rua: Puab tuaj nyob ntawd tog lub paag dlej ndlaas. 4 Ruaqhov nyob-nyob tug Tswv ib tug timtswv pheej nqeg lug rua huv lub paag dlej hab dlu lub paag dlej ntawd. Thaus dlej ndlaas, leejtwg kws xub nqeg moog rua huv lub paag dlej, txawm nwg yuav mob yaam mob twg los nwg tej mob kuj zoo huv tuabsi. 5Nyob rua ntawd, muaj ib tug txivneej kws mob tau pebcaug-yim xyoo lawm. 6Yexus pum nwg pw ntawd, hab Yexus paub tas tug txivneej ntawd tub mob tau ntev lug lawm; yogle ntawd, Yexus txhaj nug nwg has tas, “Koj puas xaav zoo?”
7Nwg teb Yexus has tas, “Tug Tswv, thaus dlej ndlaas tsi muaj leejtwg paab tuav kuv moog rua huv lub paag dlej; thaus kuv taabtom yuav nqeg moog, lwmtug tub xub nqeg ua kuv ntej moog lawm.”
8Yexus has rua nwg tas, “Cale sawvtseeg, nqaa koj dlaim lev hab moog kev.” 9Taamsim ntawd, tug txivneej ntawd txawm cale zoo hlo; nwg txawm nqaa hlo nwg dlaim lev hab pib moog kev lawm.
Nub kws muaj tej xwm nuav yog nub Xanpataus, 10yogle ntawd, cov Yudais tej numtswv txhaj has rua tug txivneej kws zoo mob ntawd has tas, “Nubnua yog nub Xanpataus, koj nqaa koj dlaim lev taug kev mas txhum peb txuj Kevcai lawm.” #Nehemi 13:19; Yelemi 17:21
11Nwg teb puab has tas, “Tug tuabneeg kws khu kuv zoo has rua kuv kuas kuv cale nqaa kuv dlaim lev hab moog kev.”
12Puab nug nwg has tas, “Tug txivneej twg yog tug kws has kuas koj ua le nuav?”
13Tabsis tug txivneej kws zoo mob ntawd tsi paub tas Yexus yog leejtwg, ruaqhov muaj tuabneeg coob-coob nyob ntawd, hab Yexus tub moog rua lwmqhov lawm.
14Tomqaab ntawd, Yexus moog ntsib tug txivneej ntawd huv lub Tuamtsev hab has rua nwg tas, “Koj noog Kuv has, nwgnuav koj tub zoo lawm; yogle ntawd, koj yuav tau tseg tsi xob ua txhum lawm, nyobtsaam koj raug kev txomnyem heev dlua qub.”
15Tes tug txivneej ntawd txawm tawm moog hab qha rua cov Yudais tej numtswv paub tas tug kws khu nwg zoo mob yog Yexus. 16Yogle ntawd, puab txawm tuavhuv ua phem rua Yexus, vim Nwg khu tug txivneej ntawd rua nub Xanpataus. 17Yexus teb puab has tas, “Kuv Txiv yeej ua num tsi su le, yogle ntawd, Kuv yeej yuav ua ib yaam nkaus hab.”
18Qhov kws Yexus has le nuav txhaj ua rua cov Yudais tej numtswv yimfuab xaav muab Yexus tua povtseg; tsi yog qhov kws Nwg ua txhum Nub Xanpataus txuj kevcai xwb, tabsis Nwg tseem has tas Vaajtswv yog kag Nwg Txiv hab, qhov ntawd yog suav tau has tas Nwg sisluag zog le Vaajtswv.
Leejtub Lub Fwjchim
19Yexus teb puab has tas, “Kuv qha tseeb rua mej has tas, Leejtub yeej tsi laam ua ib yaam dlaabtsi lawvle Nwg lub sab; Nwg tsuas ua lawvle tej kws Nwg pum Nwg Txiv ua nkaus xwb. Leejtxiv ua yaam twg, Leejtub kuj yuav ua yaam ntawd hab. 20Ruaqhov Leejtxiv hlub Leejtub hab Nwg yeej qha ibpuas tsaavyaam kws Nwg ua rua Leejtub pum. Nwg tseem yuav qha tej num kws luj dlua tej nuav rua Leejtub pum, hab tej ntawd tseem yuav ua rua mej hajyam xaav tsi thoob. 21Leejtxiv tsaa cov tuabneeg kws tuag lawm sawv rovqaab lug tau txujsa lecaag, tes Leejtub xaav pub txujsa rua leejtwg los yeej tau ib yaam nkaus le ntawd. 22Leejtxiv tsi txavtxim rua leejtwg, tabsis Nwg tsaa Nwg Leejtub ua tug muaj cai txavtxim puvntoob, 23kuas txhua tug txhaj fwm Leejtub ib yaam le puab fwm Leejtxiv. Tug kws tsi fwm Leejtub, tug ntawd yeej tsi fwm Leejtxiv tug kws khaiv Leejtub lug hab.
24“Kuv qha tseeb rua mej tas, tug kws noog Kuv tej lug hab ntseeg tug kws khaiv Kuv lug, tug ntawd txhaj tau txujsa ntev dlhawv moog ibtxhis. Nwg yuav tsi raug txavtxim, tabsis nwg tub hlaa dlhau txuj kev tuag moog tau txujsa lawm. 25Kuv qha tseeb rua mej has tas, lub sijhawm taabtom lug hab tub lug txug lawm, cov tuabneeg kws tuag lawm yuav nov Vaajtswv tug Tub lub suab, hab txhua tug kws nov yuav cajsa rovqaab lug. 26Leejtxiv tugkheej yog lub hauvpaug txujsa lecaag, Nwg tsaa Nwg Leejtub ua lub hauvpaug txujsa ib yaam nkaus le ntawd. 27Hab Leejtxiv tsaa Leejtub ua tug muaj cai txavtxim, ruaqhov Nwg yog Tuabneeg Leejtub.
28“Mej tsi xob xaav tsi thoob rua Kuv tej lug nuav; ruaqhov lub sijhawm taabtom lug, thaus ntawd cov tuabneeg kws tuag lawm yuav nov Leejtub lub suab, 29puab yuav tawm huv puab tej qhovntxaa lug: cov tuabneeg kws ua zoo yuav sawv rov lug tau txujsa, hab cov tuabneeg kws ua phem yuav sawv rov lug raug kev txavtxim. #Dani 12:2
Ua Timkhawv Txug Yexus
30“Kuv ua tsi tau ib yaam dlaabtsi lawvle Kuv lub sab xaav; Kuv tsuas txavtxim lawvle Vaajtswv qha rua Kuv xwb, yogle ntawd, Kuv yeej txavtxim ncaajnceeg, ruaqhov Kuv tsi ua lawvle Kuv lub sab nyam, tabsis Kuv tsuas ua lawvle tug kws khaiv Kuv lug lub sab nyam xwb.
31“Yog Kuv rov ua timkhawv rua Kuv, tes Kuv tej lug yeej tsi tseeb. 32Tabsis yeej muaj ib tug ua timkhawv rua Kuv, hab Kuv paub tas tej lug timkhawv kws nwg ua rua Kuv ntawd yeej yog lug tseeb xwb. 33Mej khaiv tuabneeg moog cuag Yauhaas, hab Yauhaas yeej ua timkhawv has tas tej lug kws Kuv has puavleej tseeb. #Yauh 1:19-27; 3:27-30 34Tsi yog Kuv xaav kuas tuabneeg ua Kuv tug timkhawv, tabsis Kuv has le nuav sub mej txhaj yuav dlim tau mej lub txim.
35“Yauhaas zoole lub teeb kws taws cig hab pumkev laamlug, ua rua mej txaussab tau ib nyuas ntu thaus kws mej nyob huv qhov kaaj ntawd. 36Tabsis Kuv muaj ib tug ua timkhawv rua Kuv kws tseem luj dlua Yauhaas tej lug timkhawv ntawd hab: tej kws Kuv ua, yog tej num kws Leejtxiv muab rua Kuv ua, tej nuav ua timkhawv rua Kuv hab qha tau has tas Leejtxiv yog tug kws khaiv Kuv lug. 37Hab Leejtxiv tug kws khaiv Kuv lug, Nwg yeej ua timkhawv rua Kuv ib yaam nkaus. Mej yeej ibtxwm tsi tau nov Nwg lub suab lossis pum Nwg lub ntsejmuag, #Math 3:17; Malak 1:11; Lukas 3:22 38hab mej yeej tsi khaws Nwg tej lug ca rua nruabsab, vim mej tsi ntseeg tug kws Nwg khaiv lug.
39“Mej mobsab kawm Vaajtswv tej Lug, vim mej xaav tas nyob huv Txujlug ntawd mej yuav nrhav tau txujsa ntev dlhawv moog ibtxhis; Vaajtswv tej Lug ntawd tub yog has txug Kuv ntaag! 40Tabsis mej ho tsi kaam lug cuag Kuv kuas mej tau txujsa.
41“Kuv tsi ntshaw tuabneeg tej kev qhuas. 42Tabsis Kuv paub tas mej yog cov tuabneeg zoo lecaag hab Kuv paub tas mej yeej tsi muaj lub sab hlub Vaajtswv hlo le. 43Kuv lug ntawm Kuv Txiv lub npe, los mej yeej tsi leeg yuav Kuv; tabsis thaus muaj dlua lwmtug kws nwg lug ntawm nwg tugkheej xwb, mej ho leeg yuav nwg. 44Mej ntshaw kuas lwmtug qhuas mej kawg le, tabsis mej ho tsi ntshaw kuas tug kws yog Vaajtswv qhuas mej; yogle ntawd, mej yuav ua lecaag ntseeg Kuv? 45Mej tsi xob xaav tas Kuv yog tug kws yuav kom mej rua Kuv Leejtxiv. Mauxes, tug kws mej casab rua, yog tug kws yuav kom mej. 46Yog mej yeej ntseeg Mauxes tej lug tag, mej yeej yuav ntseeg Kuv, ruaqhov Mauxes tau sau has txug Kuv. 47Tabsis mej tub tsi ntseeg tej lug kws Mauxes sau le, mej yuav ua lecaag ntseeg tej lug kws Kuv has?”
Поточний вибір:
Yauhaas 5: HNJ2022
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2022 United Bible Societies. All rights reserved.
Yauhaas 5
5
Kev Khu Mob Ntawm Lub Paag Dlej
1Tomqaab ntawd, Yexus txawm moog rua sau lub nroog Yeluxalees kws yog moog koom cov Yudais ib qho kevcai. 2Nyob ze-ze ntawm lub Roojvaag Yaaj huv lub nroog Yeluxalees muaj ib lub paag dlej#5:2: Nyob ze-ze ntawm lub Roojvaag Yaaj … muaj ib lub paag dlej; lossis Ze-ze ntawm lub Paag Dlej Yaaj … muaj ib qhov chaw. kws muaj tsib lub tsev nraim tshaav nyob puagncig lub paag dlej; qhov chaw ntawd lug Henplais hu ua Npexathas.#5:2: Npexathas; tej phoo ntawv qub kws xuas teg sau, muaj Npethexadas. 3Muaj ib cov tuabneeg mob coob-coob tuaj pw huv tej tsev nraim tshaav ntawd, xwsle cov dligmuag, cov cegtawv, hab cov tuagteg tuagtaw. 4#5:4: Tej phoo ntawv qub kws xuas teg sau, ntxiv nqai 3b-4 nuav rua: Puab tuaj nyob ntawd tog lub paag dlej ndlaas. 4 Ruaqhov nyob-nyob tug Tswv ib tug timtswv pheej nqeg lug rua huv lub paag dlej hab dlu lub paag dlej ntawd. Thaus dlej ndlaas, leejtwg kws xub nqeg moog rua huv lub paag dlej, txawm nwg yuav mob yaam mob twg los nwg tej mob kuj zoo huv tuabsi. 5Nyob rua ntawd, muaj ib tug txivneej kws mob tau pebcaug-yim xyoo lawm. 6Yexus pum nwg pw ntawd, hab Yexus paub tas tug txivneej ntawd tub mob tau ntev lug lawm; yogle ntawd, Yexus txhaj nug nwg has tas, “Koj puas xaav zoo?”
7Nwg teb Yexus has tas, “Tug Tswv, thaus dlej ndlaas tsi muaj leejtwg paab tuav kuv moog rua huv lub paag dlej; thaus kuv taabtom yuav nqeg moog, lwmtug tub xub nqeg ua kuv ntej moog lawm.”
8Yexus has rua nwg tas, “Cale sawvtseeg, nqaa koj dlaim lev hab moog kev.” 9Taamsim ntawd, tug txivneej ntawd txawm cale zoo hlo; nwg txawm nqaa hlo nwg dlaim lev hab pib moog kev lawm.
Nub kws muaj tej xwm nuav yog nub Xanpataus, 10yogle ntawd, cov Yudais tej numtswv txhaj has rua tug txivneej kws zoo mob ntawd has tas, “Nubnua yog nub Xanpataus, koj nqaa koj dlaim lev taug kev mas txhum peb txuj Kevcai lawm.” #Nehemi 13:19; Yelemi 17:21
11Nwg teb puab has tas, “Tug tuabneeg kws khu kuv zoo has rua kuv kuas kuv cale nqaa kuv dlaim lev hab moog kev.”
12Puab nug nwg has tas, “Tug txivneej twg yog tug kws has kuas koj ua le nuav?”
13Tabsis tug txivneej kws zoo mob ntawd tsi paub tas Yexus yog leejtwg, ruaqhov muaj tuabneeg coob-coob nyob ntawd, hab Yexus tub moog rua lwmqhov lawm.
14Tomqaab ntawd, Yexus moog ntsib tug txivneej ntawd huv lub Tuamtsev hab has rua nwg tas, “Koj noog Kuv has, nwgnuav koj tub zoo lawm; yogle ntawd, koj yuav tau tseg tsi xob ua txhum lawm, nyobtsaam koj raug kev txomnyem heev dlua qub.”
15Tes tug txivneej ntawd txawm tawm moog hab qha rua cov Yudais tej numtswv paub tas tug kws khu nwg zoo mob yog Yexus. 16Yogle ntawd, puab txawm tuavhuv ua phem rua Yexus, vim Nwg khu tug txivneej ntawd rua nub Xanpataus. 17Yexus teb puab has tas, “Kuv Txiv yeej ua num tsi su le, yogle ntawd, Kuv yeej yuav ua ib yaam nkaus hab.”
18Qhov kws Yexus has le nuav txhaj ua rua cov Yudais tej numtswv yimfuab xaav muab Yexus tua povtseg; tsi yog qhov kws Nwg ua txhum Nub Xanpataus txuj kevcai xwb, tabsis Nwg tseem has tas Vaajtswv yog kag Nwg Txiv hab, qhov ntawd yog suav tau has tas Nwg sisluag zog le Vaajtswv.
Leejtub Lub Fwjchim
19Yexus teb puab has tas, “Kuv qha tseeb rua mej has tas, Leejtub yeej tsi laam ua ib yaam dlaabtsi lawvle Nwg lub sab; Nwg tsuas ua lawvle tej kws Nwg pum Nwg Txiv ua nkaus xwb. Leejtxiv ua yaam twg, Leejtub kuj yuav ua yaam ntawd hab. 20Ruaqhov Leejtxiv hlub Leejtub hab Nwg yeej qha ibpuas tsaavyaam kws Nwg ua rua Leejtub pum. Nwg tseem yuav qha tej num kws luj dlua tej nuav rua Leejtub pum, hab tej ntawd tseem yuav ua rua mej hajyam xaav tsi thoob. 21Leejtxiv tsaa cov tuabneeg kws tuag lawm sawv rovqaab lug tau txujsa lecaag, tes Leejtub xaav pub txujsa rua leejtwg los yeej tau ib yaam nkaus le ntawd. 22Leejtxiv tsi txavtxim rua leejtwg, tabsis Nwg tsaa Nwg Leejtub ua tug muaj cai txavtxim puvntoob, 23kuas txhua tug txhaj fwm Leejtub ib yaam le puab fwm Leejtxiv. Tug kws tsi fwm Leejtub, tug ntawd yeej tsi fwm Leejtxiv tug kws khaiv Leejtub lug hab.
24“Kuv qha tseeb rua mej tas, tug kws noog Kuv tej lug hab ntseeg tug kws khaiv Kuv lug, tug ntawd txhaj tau txujsa ntev dlhawv moog ibtxhis. Nwg yuav tsi raug txavtxim, tabsis nwg tub hlaa dlhau txuj kev tuag moog tau txujsa lawm. 25Kuv qha tseeb rua mej has tas, lub sijhawm taabtom lug hab tub lug txug lawm, cov tuabneeg kws tuag lawm yuav nov Vaajtswv tug Tub lub suab, hab txhua tug kws nov yuav cajsa rovqaab lug. 26Leejtxiv tugkheej yog lub hauvpaug txujsa lecaag, Nwg tsaa Nwg Leejtub ua lub hauvpaug txujsa ib yaam nkaus le ntawd. 27Hab Leejtxiv tsaa Leejtub ua tug muaj cai txavtxim, ruaqhov Nwg yog Tuabneeg Leejtub.
28“Mej tsi xob xaav tsi thoob rua Kuv tej lug nuav; ruaqhov lub sijhawm taabtom lug, thaus ntawd cov tuabneeg kws tuag lawm yuav nov Leejtub lub suab, 29puab yuav tawm huv puab tej qhovntxaa lug: cov tuabneeg kws ua zoo yuav sawv rov lug tau txujsa, hab cov tuabneeg kws ua phem yuav sawv rov lug raug kev txavtxim. #Dani 12:2
Ua Timkhawv Txug Yexus
30“Kuv ua tsi tau ib yaam dlaabtsi lawvle Kuv lub sab xaav; Kuv tsuas txavtxim lawvle Vaajtswv qha rua Kuv xwb, yogle ntawd, Kuv yeej txavtxim ncaajnceeg, ruaqhov Kuv tsi ua lawvle Kuv lub sab nyam, tabsis Kuv tsuas ua lawvle tug kws khaiv Kuv lug lub sab nyam xwb.
31“Yog Kuv rov ua timkhawv rua Kuv, tes Kuv tej lug yeej tsi tseeb. 32Tabsis yeej muaj ib tug ua timkhawv rua Kuv, hab Kuv paub tas tej lug timkhawv kws nwg ua rua Kuv ntawd yeej yog lug tseeb xwb. 33Mej khaiv tuabneeg moog cuag Yauhaas, hab Yauhaas yeej ua timkhawv has tas tej lug kws Kuv has puavleej tseeb. #Yauh 1:19-27; 3:27-30 34Tsi yog Kuv xaav kuas tuabneeg ua Kuv tug timkhawv, tabsis Kuv has le nuav sub mej txhaj yuav dlim tau mej lub txim.
35“Yauhaas zoole lub teeb kws taws cig hab pumkev laamlug, ua rua mej txaussab tau ib nyuas ntu thaus kws mej nyob huv qhov kaaj ntawd. 36Tabsis Kuv muaj ib tug ua timkhawv rua Kuv kws tseem luj dlua Yauhaas tej lug timkhawv ntawd hab: tej kws Kuv ua, yog tej num kws Leejtxiv muab rua Kuv ua, tej nuav ua timkhawv rua Kuv hab qha tau has tas Leejtxiv yog tug kws khaiv Kuv lug. 37Hab Leejtxiv tug kws khaiv Kuv lug, Nwg yeej ua timkhawv rua Kuv ib yaam nkaus. Mej yeej ibtxwm tsi tau nov Nwg lub suab lossis pum Nwg lub ntsejmuag, #Math 3:17; Malak 1:11; Lukas 3:22 38hab mej yeej tsi khaws Nwg tej lug ca rua nruabsab, vim mej tsi ntseeg tug kws Nwg khaiv lug.
39“Mej mobsab kawm Vaajtswv tej Lug, vim mej xaav tas nyob huv Txujlug ntawd mej yuav nrhav tau txujsa ntev dlhawv moog ibtxhis; Vaajtswv tej Lug ntawd tub yog has txug Kuv ntaag! 40Tabsis mej ho tsi kaam lug cuag Kuv kuas mej tau txujsa.
41“Kuv tsi ntshaw tuabneeg tej kev qhuas. 42Tabsis Kuv paub tas mej yog cov tuabneeg zoo lecaag hab Kuv paub tas mej yeej tsi muaj lub sab hlub Vaajtswv hlo le. 43Kuv lug ntawm Kuv Txiv lub npe, los mej yeej tsi leeg yuav Kuv; tabsis thaus muaj dlua lwmtug kws nwg lug ntawm nwg tugkheej xwb, mej ho leeg yuav nwg. 44Mej ntshaw kuas lwmtug qhuas mej kawg le, tabsis mej ho tsi ntshaw kuas tug kws yog Vaajtswv qhuas mej; yogle ntawd, mej yuav ua lecaag ntseeg Kuv? 45Mej tsi xob xaav tas Kuv yog tug kws yuav kom mej rua Kuv Leejtxiv. Mauxes, tug kws mej casab rua, yog tug kws yuav kom mej. 46Yog mej yeej ntseeg Mauxes tej lug tag, mej yeej yuav ntseeg Kuv, ruaqhov Mauxes tau sau has txug Kuv. 47Tabsis mej tub tsi ntseeg tej lug kws Mauxes sau le, mej yuav ua lecaag ntseeg tej lug kws Kuv has?”
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2022 United Bible Societies. All rights reserved.