Yohana 1
1
Wac ma kwo
1I cakirok, wac oyido nitie; go oyido nitie gi Were, aka wac no oyido obedo Were won. 2Wok i cakirok go oyido nitie gi Were. 3Gi go Were ocweyo gimoro je manitie, ongoye gima nitie ma go ama k'ocweyo. 4Gimoro je manitie olimo kwo i go aka kwo no oyido a lero pa ji. 5Lero no liel i mudho aka mudho kinyal neko.
6 #
Mat 3:1; Mar 1:4; Luk 3:1-2 Dhano moro obino, ma Were ooro, nyinge Yohana. 7Go obino paka jamikwenda ma luwo ri lero no, ŋey ji je jowoyey luwo i go. 8Go am'oyido k'obedo lero no, to jamikwenda ma luwo ri lero ayin. 9Lero mar'adieri ma miyo ji je lero, won am'onwaŋo labino i piny. 10Go obedo i piny, ma cakirok mere owok bonge, to piny k'oŋeyo go. 11Go obino i piny pere won, to ji pere jok'ojolo go. 12To jono je ma jojolo go ma joyeyo i nyinge, omiyo jo meni ma lokirok nyithindho pa Were. 13Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won. 14Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri. 15Yohana obedo paka jamikwenda pere m'okoko ka waco ni, “Me a ŋat'atieko luwo kwoŋe ni, ‘Ŋata luwan cen loyan swa gi dwoŋ, rupiri go otelo bedo ran.’ ” 16Adieri, wajoje watieko nwaŋo nema wi nema kwoŋ ŋaŋo pere. 17Kole Cik obino luwo i cingi Musa, to nema kodi adieri obino riwan luwo bongi Yesu Kristo. 18Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.
Mikwenda pa Yohana Jakibatisa
(Mat 3:1-12; Mar 1:1-8; Luk 3:1-18)
19Me a gima Yohana owaco munyo Joyuda ma Yerusalem jooro jocway ri Were i wi migam kanyacel gi Jolevi penjo go ni, “To in iŋa?” 20Yohana k'okwero dwoko, to waco kamaler ni, “Aŋat'akibedo Kristo.” 21#Mal 3:2; Cik 18:15-18To jopenjo go ni, “To in iŋa won? In Elia?” Go odwoko ni, “Akibedo go.” Jopenjo go kendo ni, “Ibedo jatuci wac Were?” Ana go ni, “Be!” 22Gikenyo jowaco ni, “Ere waci riwan ŋat'ibedo to. Waripo dwoko wac ri joma jooro wan. Iwaco aŋo ma mako kwoŋin iwon.” 23#Isa 40:3Ana Yohana ni,
“Abedo dwondi ŋata koko i thim ni,
‘Tir win royo pa Rwoth wowoth'iye!’ ”
(Me a gima jatuci wac Were Isaya owaco.)
24Jofarisayo ama jodhiro jomikwenda no. 25Jopenjo Yohana ni, “K'ikibedo Kristo kosa Elia kosa jatuci wac Were, to raŋo m'ibatisa ji?” 26Yohana odwoko ni, “An abatisa kodi pi; to i dier win ka ocungo ŋata wikuya. 27Go luwo ŋeyan, aka akiripi kada gonyo thol war pere.” 28Gigipiny me je otimere i Bethania loka ma jwom Yordan kama go oyido batisa iye ji.
29Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny! 30Me a ŋat'oyido aluwo kwoŋe munyo awaco ni, ‘Moro luwo ŋeyan, aka loyan gi dwoŋ rupiri go ama otelo bedo ran.’ 31An won oyido akuya go, t'abino timo tic ma kibatisa ji kodi pi ŋey go wonenere kamaler ri Joisiraili.”
32Me a mikwenda ma Yohana omiyo, “Aneno Cuny Maleŋ oloro wok i polo to pie kwoŋe. 33An oyido akuya go, to Were m'ooran kibatisa ji kodi pi am'owaco ran ni, ‘Ŋat'inonen Cuny Maleŋ loro piny to pie kwoŋe, meno a ŋata ripo kibatisa ji gi Cuny Maleŋ.’ 34Atieko neno gi tito ri ji ni ŋati me won a Wod Were.”
Jofonjirok pa Yesu marapena
35Yawere mere Yohana onwaŋo ocungo kenyo kodi jofonjirok pere ario; 36aka munyo oneno Yesu wotho, owaco ni, “Neni Nyathi rombo pa Were!” 37Jofonjirok ario no jowinjo munyo go waco ameno to joluwo Yesu. 38Yesu owire to neno jono munyo joluwo go, to penjo jo ni, “Wiyenyo aŋo?” Jodwoko ni, “Rabi, ibedo kune?” (Rabi, nyaka ni jafonji). 39Go odwoko ni, “Biye neni win.” Gikenyo jokidho gine to joneno kama go bed'iye, to jocowo ndelo no bonge (ato onwaŋo obedo kapa sawa apar m'othieno).
40Acel kwoŋ j'ario ma jowinjo gima Yohana owaco, to joluwo Yesu, obedo Andereya, omin Simon Petero. 41Gikenyo Andereya onwaŋo Simon, omin go, to waco rigo ni, “Wanwaŋo Mesiya.” (Wac me dwoŋ mere ni Kristo). 42Gikenyo go okelo Simon bongi Yesu. Yesu oneno go to waco ni, “Kere ilwoŋin ni Simon, wod pa Yona? Pama nyingin bino bedo Kefas.” (Kefas me rom gi Petero, aka dwoŋ mere ni, “Tele.”)
Yesu lwoŋo Filipo gi Nathanel
43Yawere mere Yesu otimo can ma kidho Galili, to nwaŋo Filipo to waco rigo ni, “Luwan!” 44(Filipo onwaŋo wok Bethsayida, tindi ma Andereya kodi Petero bende onwaŋo jowok'iye.) 45Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.” 46To Nathanel penjo ni, “Bende nitie gimaber manyalo wok Nazareth?” Filipo odwoko ni, “Ere biye neni.”
47Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!” 48Nathanel openjo go ni, “Iŋeyan nedi?” Ana Yesu, “Anenin munyo ibedo i tiendi makuyu, mafodi Filipo k'obino lwoŋin.” 49Nathanel odwoko ni, “Jafonji, ibedo Wod Were! In a Kere pa Joisiraili!” 50Yesu owaco ni, “Iyeyo nyaka rupiri awaco rin nike anenin munyo ibedo i tiendi makuyu? Ibino neno gigipiny madongo maloyo me!” 51Aka Yesu owaco rigo ni, “Adieri awaco rin, ibino neno munyo polo oyawere kareno jomalaika pa Were joidho malo aka joloro piny wi Wod Dhano.”
Поточний вибір:
Yohana 1: DHOPE
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Dhopadhola DC Bible © Bible Society of Uganda, 2018.
Yohana 1
1
Wac ma kwo
1I cakirok, wac oyido nitie; go oyido nitie gi Were, aka wac no oyido obedo Were won. 2Wok i cakirok go oyido nitie gi Were. 3Gi go Were ocweyo gimoro je manitie, ongoye gima nitie ma go ama k'ocweyo. 4Gimoro je manitie olimo kwo i go aka kwo no oyido a lero pa ji. 5Lero no liel i mudho aka mudho kinyal neko.
6 #
Mat 3:1; Mar 1:4; Luk 3:1-2 Dhano moro obino, ma Were ooro, nyinge Yohana. 7Go obino paka jamikwenda ma luwo ri lero no, ŋey ji je jowoyey luwo i go. 8Go am'oyido k'obedo lero no, to jamikwenda ma luwo ri lero ayin. 9Lero mar'adieri ma miyo ji je lero, won am'onwaŋo labino i piny. 10Go obedo i piny, ma cakirok mere owok bonge, to piny k'oŋeyo go. 11Go obino i piny pere won, to ji pere jok'ojolo go. 12To jono je ma jojolo go ma joyeyo i nyinge, omiyo jo meni ma lokirok nyithindho pa Were. 13Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won. 14Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri. 15Yohana obedo paka jamikwenda pere m'okoko ka waco ni, “Me a ŋat'atieko luwo kwoŋe ni, ‘Ŋata luwan cen loyan swa gi dwoŋ, rupiri go otelo bedo ran.’ ” 16Adieri, wajoje watieko nwaŋo nema wi nema kwoŋ ŋaŋo pere. 17Kole Cik obino luwo i cingi Musa, to nema kodi adieri obino riwan luwo bongi Yesu Kristo. 18Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.
Mikwenda pa Yohana Jakibatisa
(Mat 3:1-12; Mar 1:1-8; Luk 3:1-18)
19Me a gima Yohana owaco munyo Joyuda ma Yerusalem jooro jocway ri Were i wi migam kanyacel gi Jolevi penjo go ni, “To in iŋa?” 20Yohana k'okwero dwoko, to waco kamaler ni, “Aŋat'akibedo Kristo.” 21#Mal 3:2; Cik 18:15-18To jopenjo go ni, “To in iŋa won? In Elia?” Go odwoko ni, “Akibedo go.” Jopenjo go kendo ni, “Ibedo jatuci wac Were?” Ana go ni, “Be!” 22Gikenyo jowaco ni, “Ere waci riwan ŋat'ibedo to. Waripo dwoko wac ri joma jooro wan. Iwaco aŋo ma mako kwoŋin iwon.” 23#Isa 40:3Ana Yohana ni,
“Abedo dwondi ŋata koko i thim ni,
‘Tir win royo pa Rwoth wowoth'iye!’ ”
(Me a gima jatuci wac Were Isaya owaco.)
24Jofarisayo ama jodhiro jomikwenda no. 25Jopenjo Yohana ni, “K'ikibedo Kristo kosa Elia kosa jatuci wac Were, to raŋo m'ibatisa ji?” 26Yohana odwoko ni, “An abatisa kodi pi; to i dier win ka ocungo ŋata wikuya. 27Go luwo ŋeyan, aka akiripi kada gonyo thol war pere.” 28Gigipiny me je otimere i Bethania loka ma jwom Yordan kama go oyido batisa iye ji.
29Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny! 30Me a ŋat'oyido aluwo kwoŋe munyo awaco ni, ‘Moro luwo ŋeyan, aka loyan gi dwoŋ rupiri go ama otelo bedo ran.’ 31An won oyido akuya go, t'abino timo tic ma kibatisa ji kodi pi ŋey go wonenere kamaler ri Joisiraili.”
32Me a mikwenda ma Yohana omiyo, “Aneno Cuny Maleŋ oloro wok i polo to pie kwoŋe. 33An oyido akuya go, to Were m'ooran kibatisa ji kodi pi am'owaco ran ni, ‘Ŋat'inonen Cuny Maleŋ loro piny to pie kwoŋe, meno a ŋata ripo kibatisa ji gi Cuny Maleŋ.’ 34Atieko neno gi tito ri ji ni ŋati me won a Wod Were.”
Jofonjirok pa Yesu marapena
35Yawere mere Yohana onwaŋo ocungo kenyo kodi jofonjirok pere ario; 36aka munyo oneno Yesu wotho, owaco ni, “Neni Nyathi rombo pa Were!” 37Jofonjirok ario no jowinjo munyo go waco ameno to joluwo Yesu. 38Yesu owire to neno jono munyo joluwo go, to penjo jo ni, “Wiyenyo aŋo?” Jodwoko ni, “Rabi, ibedo kune?” (Rabi, nyaka ni jafonji). 39Go odwoko ni, “Biye neni win.” Gikenyo jokidho gine to joneno kama go bed'iye, to jocowo ndelo no bonge (ato onwaŋo obedo kapa sawa apar m'othieno).
40Acel kwoŋ j'ario ma jowinjo gima Yohana owaco, to joluwo Yesu, obedo Andereya, omin Simon Petero. 41Gikenyo Andereya onwaŋo Simon, omin go, to waco rigo ni, “Wanwaŋo Mesiya.” (Wac me dwoŋ mere ni Kristo). 42Gikenyo go okelo Simon bongi Yesu. Yesu oneno go to waco ni, “Kere ilwoŋin ni Simon, wod pa Yona? Pama nyingin bino bedo Kefas.” (Kefas me rom gi Petero, aka dwoŋ mere ni, “Tele.”)
Yesu lwoŋo Filipo gi Nathanel
43Yawere mere Yesu otimo can ma kidho Galili, to nwaŋo Filipo to waco rigo ni, “Luwan!” 44(Filipo onwaŋo wok Bethsayida, tindi ma Andereya kodi Petero bende onwaŋo jowok'iye.) 45Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.” 46To Nathanel penjo ni, “Bende nitie gimaber manyalo wok Nazareth?” Filipo odwoko ni, “Ere biye neni.”
47Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!” 48Nathanel openjo go ni, “Iŋeyan nedi?” Ana Yesu, “Anenin munyo ibedo i tiendi makuyu, mafodi Filipo k'obino lwoŋin.” 49Nathanel odwoko ni, “Jafonji, ibedo Wod Were! In a Kere pa Joisiraili!” 50Yesu owaco ni, “Iyeyo nyaka rupiri awaco rin nike anenin munyo ibedo i tiendi makuyu? Ibino neno gigipiny madongo maloyo me!” 51Aka Yesu owaco rigo ni, “Adieri awaco rin, ibino neno munyo polo oyawere kareno jomalaika pa Were joidho malo aka joloro piny wi Wod Dhano.”
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Dhopadhola DC Bible © Bible Society of Uganda, 2018.