GÉNESIS 42
42
Josej wauqesnin rinku Egiptoman
1Jacobqa Egiptopi trigo rantinapaj kasqanta yachaytawan, wawasninman nerqa: Imata kaypi ruwashankichej uyaykichejta qhawanakuspari? 2Willawanku Egiptopi trigo rantikunapaj kasqanta. Rispa trigota rantimuychej mikhunanchejpaj jaqaymanta, ama yarqhaywan wañunanchejpaj.
3Chaymanta Josej chunka wauqesnin Egiptoman rerqanku trigota rantikoj. 4Jacobqa mana munarqachu Josej sullk'an Benjamín rinanta. Pay yuyarqa imapis paywan kananta. 5Israelpa wawasnenqa rerqanku wajkuna risharqanku chaykunawan, imaraykuchus tukuynin Canaán jallp'apipis manapuni mikhuna karqachu.
6Chaypacha Joseqa Egiptopi kamachisharqa, trigotataj tukuynejmanta jamojkunaman vendesharqa. Wauqesnintaj chayaytawan ñaupaqenman qonqoriykukorqanku, pampaman umankuta chayachinankukama. 7Josetaj rikuytawan rejserqapacha wauqesninta, paytaj manapis rejsishanmanchu jina karqa; taporqataj paykunata manchay phiñasqa: Maymanta qankuna jamunkichej? Paykunataj, trigota rantikoj jamuyku Canaanmanta, nispa nerqanku.
8Joseqa rejserqa wauqesninta, paykunataj manapuni rejserqankuchu payta. 9Chaymantataj Joseqa yuyarikorqa paykunamanta mosqokusqasninta. Paykunamantaj nerqa: Qankuna qhawarajkuna kankichej. Qankunaqa imayna rijch'ajchus kay llajta kasqanta qhawarajlla jamunkichej? 10Paykunataj nerqanku: Manapuni wiraqochíy! Noqayku kamachisniykeqa trigota rantikojlla jamuyku. 11Tukuyniyku kayku uj runaj wawasnillan. Noqaykoqa mana ima sajratapis ruwayta yachaykuchu. Manapuni jayk'ajpis qhawaraspa puriytayachaykuchu.
12Josetaj nerqa: Ajá manapuni, manapuni. Qankunaqa imayna rijch'ajchus kay llajta kasqanta qhawaraj jamunkichej, nispa.
13Paykunataj kuticherqanku: Kamachisniykeqa kayku chunka iskayniyoj wauqes, uj tatayojlla, jamushaykutaj Canaanmanta. Sullk'a kaj wauqeyku tataykuwan qhepakun, ujnin kajtaj chinkapun, mana rikhurinchu.
14Joseqa ujtawan nillarqataj: Chayta niniña. Qankunaqa qhawarajkunapuni kankichej. 15Kunanqa kaywan yachasunchej á: Noqa jurani faraompa sutimpi, kaymanta mana llojsinkichejchu, chay sullk'a kaj wauqeykichejta chayachimunaykichejkama. 16Ujnillaykichej rinkichej payta pusarimoj. Wakinniykichejtaj kaypi presos qhepakunkichej. Chaypi yachasunchej cheqatapunichus parlankichej manachus chayta, mana jina chayqa qhawarajkunapuni kankichej. Chaypaj faraonqa kayllapi kashan.
17Jinamanta paykunata enteronkuta kinsa diata carcelman wisq'acherqa. 18Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj. 19Sichus qankuna cheqan runas kankichej chayqa, ujnin wauqeykichejta carcelman saqeychej; wakintaj ripuychej, trigota apakuychej familiasniykichej mikhunankupaj. 20Jinaspataj chay sullk'a wauqeykichejta pusamuwankichej, chaypi yachasunchej sichus cheqata parlankichej manachus chayta. Manachayqa wañunkichej. Paykunataj yastá nerqanku. 21Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.
22Chaymanta Rubén paykunaman nerqa: Chayrayku noqaqa nerqaykichej ama ima sajratapis Joseta ruwanachu, nispa: qankunataj mana kasuwarqankichejchu, kunanqa yachaychej á llakiyninman chayanchej, wañuyninman chayanchej.
23Paykunataj mana yacharqankuchu, José parlasqankuta entiendesqanta, imaraykuchus Josej egipcio parlayta parlasqanta chaypi uj runaqa hebreo parlayman tijrarqa. 24Qayllankumanta ithiriytawantaj Joseqa maytapuni waqarikorqa. Kutirimuspataj paykunaj chaupinkumanta Simeonta presocharparerqa. 25Chaymantataj kamachisninman nerqa: Costalesninkuman trigota junt'arachipunankuta, qolqe pagasqankutataj sapa ujpa costalesnillankumantaj churaykuspa siraykunankuta. Qoqawistataj churapunankuta ñampi mikhunankupaj. Ajinata ruwarqanku paykunapaj. 26Chaymanta paykunaqa riporqanku burrosninkuman trigota chajnariykukuspa.
27Chay ch'isitaj uj cheqaman chayaspa, ujnin kajqa costalninta phaskarasqa burroman trigota qorinampaj, paytaj chaypi qolqenta tarikapusqa costalampa simimpi. 28Wauqesninmantaj nerqa: Qhawariychej qolqeyta kutichipuwasqanku! Kayqa kaypi kashan!, nispa. Tukuyninkutaj chayta rikuspa mayta mancharikorqanku, paykunapurataj ninakorqanku: Imatataj Dios ruwashawanchejri?, nispa.
29Canaán jallp'aman chayaspataj tatanku Jacobman willarqanku imachus paykunawan kasqanta chay risqankupi, nispa:
30Egiptopi kamachej wiraqocheqa may phiñasqa parlawayku, niwaykutaj llajtankuman qhawaraj risqaykuta. 31Noqaykutaj niyku allin runas kasqaykuta, nitaj ni jayk'aj qhawaraspa purisqaykuta; 32chantapis chunka iskayniyoj uj runaj wawasnillan kasqaykuta; uj wauqeyku manaña noqaykuwanchu kasqanta, sullk'a kaj wauqeykutaj qanwan Canaampi qhepakusqanta. 33-34Jinata nejtiykutaj niwayku: Ajá, kaypi yachasaj qankuna allin runas kasqaykichejta. Kayman saqeychej ujnin wauqeykichejta, qankunataj ripuychej, trigotawan apaychej familiasniykichej mikhunankupaj; qankunataj pusamuwankichej sullk'a kaj wauqeykichejta. Ajinapi yachasaj qankuna cheqamanta sumaj allin runas kasqaykichejta, mana qhawarajkunachu kasqaykichejta. Chaymantataj kacharipusaj kay uj wauqeykichejta, jinamanta kay llajtapi purinaykichejpaj, ama pipis ch'atasunaykichejpaj.
35Costalesninkumanta sapa uj trigota jich'ashaspa, Josej wauqesnenqa qolqesninkuta tarikaporqanku wayaqetaspi watasqasta trigomanta qorqanku chay qolqesta sapa ujninku. Chay wayaqetasta qolqenkutawan rikukapuspataj mancharerqanku, jinallataj tatankupis. 36Chaymanta Jacobqa paykunaman nerqa: Qankunaqa saqeshawankichej mana wawasniyojta. Joseqa manaña noqanchejwanchu, Simeompis manallañataj kaypichu. Kunanqa Benjamintañatajchu qhechuwankichej! Kay tukuy ima contraypi!
37Chaymantaqa Rubenñataj tatanman nerqa: Noqa cuentayoj kasaj Benjaminniykimanta, noqa kutichimpusqayki. Mana kutichimpusqayki chayqa, iskaynin wawasniyta wañuchinki.
38Jacobtaj nerqa: Benjaminneyqa mana qankunawan renqachu. Wauqen José wañupun, kunanqa payllaña qhepakun. Sichus ñanta rishajtiykichej imanakunman chayqa, qankuna juchayoj kankichej kay machu achachi llakiywan wañunampaj.
Поточний вибір:
GÉNESIS 42: QCHSB
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Qheshwa Biblia DC © Sociedades Bíblicas Unidas, 1986.
GÉNESIS 42
42
Josej wauqesnin rinku Egiptoman
1Jacobqa Egiptopi trigo rantinapaj kasqanta yachaytawan, wawasninman nerqa: Imata kaypi ruwashankichej uyaykichejta qhawanakuspari? 2Willawanku Egiptopi trigo rantikunapaj kasqanta. Rispa trigota rantimuychej mikhunanchejpaj jaqaymanta, ama yarqhaywan wañunanchejpaj.
3Chaymanta Josej chunka wauqesnin Egiptoman rerqanku trigota rantikoj. 4Jacobqa mana munarqachu Josej sullk'an Benjamín rinanta. Pay yuyarqa imapis paywan kananta. 5Israelpa wawasnenqa rerqanku wajkuna risharqanku chaykunawan, imaraykuchus tukuynin Canaán jallp'apipis manapuni mikhuna karqachu.
6Chaypacha Joseqa Egiptopi kamachisharqa, trigotataj tukuynejmanta jamojkunaman vendesharqa. Wauqesnintaj chayaytawan ñaupaqenman qonqoriykukorqanku, pampaman umankuta chayachinankukama. 7Josetaj rikuytawan rejserqapacha wauqesninta, paytaj manapis rejsishanmanchu jina karqa; taporqataj paykunata manchay phiñasqa: Maymanta qankuna jamunkichej? Paykunataj, trigota rantikoj jamuyku Canaanmanta, nispa nerqanku.
8Joseqa rejserqa wauqesninta, paykunataj manapuni rejserqankuchu payta. 9Chaymantataj Joseqa yuyarikorqa paykunamanta mosqokusqasninta. Paykunamantaj nerqa: Qankuna qhawarajkuna kankichej. Qankunaqa imayna rijch'ajchus kay llajta kasqanta qhawarajlla jamunkichej? 10Paykunataj nerqanku: Manapuni wiraqochíy! Noqayku kamachisniykeqa trigota rantikojlla jamuyku. 11Tukuyniyku kayku uj runaj wawasnillan. Noqaykoqa mana ima sajratapis ruwayta yachaykuchu. Manapuni jayk'ajpis qhawaraspa puriytayachaykuchu.
12Josetaj nerqa: Ajá manapuni, manapuni. Qankunaqa imayna rijch'ajchus kay llajta kasqanta qhawaraj jamunkichej, nispa.
13Paykunataj kuticherqanku: Kamachisniykeqa kayku chunka iskayniyoj wauqes, uj tatayojlla, jamushaykutaj Canaanmanta. Sullk'a kaj wauqeyku tataykuwan qhepakun, ujnin kajtaj chinkapun, mana rikhurinchu.
14Joseqa ujtawan nillarqataj: Chayta niniña. Qankunaqa qhawarajkunapuni kankichej. 15Kunanqa kaywan yachasunchej á: Noqa jurani faraompa sutimpi, kaymanta mana llojsinkichejchu, chay sullk'a kaj wauqeykichejta chayachimunaykichejkama. 16Ujnillaykichej rinkichej payta pusarimoj. Wakinniykichejtaj kaypi presos qhepakunkichej. Chaypi yachasunchej cheqatapunichus parlankichej manachus chayta, mana jina chayqa qhawarajkunapuni kankichej. Chaypaj faraonqa kayllapi kashan.
17Jinamanta paykunata enteronkuta kinsa diata carcelman wisq'acherqa. 18Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj. 19Sichus qankuna cheqan runas kankichej chayqa, ujnin wauqeykichejta carcelman saqeychej; wakintaj ripuychej, trigota apakuychej familiasniykichej mikhunankupaj. 20Jinaspataj chay sullk'a wauqeykichejta pusamuwankichej, chaypi yachasunchej sichus cheqata parlankichej manachus chayta. Manachayqa wañunkichej. Paykunataj yastá nerqanku. 21Chanta paykuna ukhu ninakusharqanku: Cheqamanta noqanchejqa wauqenchejta mana allintachu ruwarqanchej, juchallikorqanchej. Mayta waqashajtin mana payta khuyakorqanchejchu, may jinata waqashajta rikushaspa. Chayrayku kunanqa noqanchejmanñataj kay llakiy chayamuwanchej.
22Chaymanta Rubén paykunaman nerqa: Chayrayku noqaqa nerqaykichej ama ima sajratapis Joseta ruwanachu, nispa: qankunataj mana kasuwarqankichejchu, kunanqa yachaychej á llakiyninman chayanchej, wañuyninman chayanchej.
23Paykunataj mana yacharqankuchu, José parlasqankuta entiendesqanta, imaraykuchus Josej egipcio parlayta parlasqanta chaypi uj runaqa hebreo parlayman tijrarqa. 24Qayllankumanta ithiriytawantaj Joseqa maytapuni waqarikorqa. Kutirimuspataj paykunaj chaupinkumanta Simeonta presocharparerqa. 25Chaymantataj kamachisninman nerqa: Costalesninkuman trigota junt'arachipunankuta, qolqe pagasqankutataj sapa ujpa costalesnillankumantaj churaykuspa siraykunankuta. Qoqawistataj churapunankuta ñampi mikhunankupaj. Ajinata ruwarqanku paykunapaj. 26Chaymanta paykunaqa riporqanku burrosninkuman trigota chajnariykukuspa.
27Chay ch'isitaj uj cheqaman chayaspa, ujnin kajqa costalninta phaskarasqa burroman trigota qorinampaj, paytaj chaypi qolqenta tarikapusqa costalampa simimpi. 28Wauqesninmantaj nerqa: Qhawariychej qolqeyta kutichipuwasqanku! Kayqa kaypi kashan!, nispa. Tukuyninkutaj chayta rikuspa mayta mancharikorqanku, paykunapurataj ninakorqanku: Imatataj Dios ruwashawanchejri?, nispa.
29Canaán jallp'aman chayaspataj tatanku Jacobman willarqanku imachus paykunawan kasqanta chay risqankupi, nispa:
30Egiptopi kamachej wiraqocheqa may phiñasqa parlawayku, niwaykutaj llajtankuman qhawaraj risqaykuta. 31Noqaykutaj niyku allin runas kasqaykuta, nitaj ni jayk'aj qhawaraspa purisqaykuta; 32chantapis chunka iskayniyoj uj runaj wawasnillan kasqaykuta; uj wauqeyku manaña noqaykuwanchu kasqanta, sullk'a kaj wauqeykutaj qanwan Canaampi qhepakusqanta. 33-34Jinata nejtiykutaj niwayku: Ajá, kaypi yachasaj qankuna allin runas kasqaykichejta. Kayman saqeychej ujnin wauqeykichejta, qankunataj ripuychej, trigotawan apaychej familiasniykichej mikhunankupaj; qankunataj pusamuwankichej sullk'a kaj wauqeykichejta. Ajinapi yachasaj qankuna cheqamanta sumaj allin runas kasqaykichejta, mana qhawarajkunachu kasqaykichejta. Chaymantataj kacharipusaj kay uj wauqeykichejta, jinamanta kay llajtapi purinaykichejpaj, ama pipis ch'atasunaykichejpaj.
35Costalesninkumanta sapa uj trigota jich'ashaspa, Josej wauqesnenqa qolqesninkuta tarikaporqanku wayaqetaspi watasqasta trigomanta qorqanku chay qolqesta sapa ujninku. Chay wayaqetasta qolqenkutawan rikukapuspataj mancharerqanku, jinallataj tatankupis. 36Chaymanta Jacobqa paykunaman nerqa: Qankunaqa saqeshawankichej mana wawasniyojta. Joseqa manaña noqanchejwanchu, Simeompis manallañataj kaypichu. Kunanqa Benjamintañatajchu qhechuwankichej! Kay tukuy ima contraypi!
37Chaymantaqa Rubenñataj tatanman nerqa: Noqa cuentayoj kasaj Benjaminniykimanta, noqa kutichimpusqayki. Mana kutichimpusqayki chayqa, iskaynin wawasniyta wañuchinki.
38Jacobtaj nerqa: Benjaminneyqa mana qankunawan renqachu. Wauqen José wañupun, kunanqa payllaña qhepakun. Sichus ñanta rishajtiykichej imanakunman chayqa, qankuna juchayoj kankichej kay machu achachi llakiywan wañunampaj.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Qheshwa Biblia DC © Sociedades Bíblicas Unidas, 1986.