JOHANA 13
13
Kouni Jesu kelyekab alamlyet
1Ak ye kingo tom koit igortab paska, konai Jesu kole kagoit sainnyi ne wendi eng’ ng’ony kwo ole mi Kwanda, ko kagocham chechik che mi ng’ony, kocham anyun agoi betutab let.
2Ak eng’ saitab amitwogikab lagat, koga konde oindet ng’wektaet muguleldab Judas Iskariot, ne bo gab Simon, 3ko kagonai Jesu kole kagonde Kwanda tuguk tugul eunekyik, ak kole kibunu Jehovah, ak wendi ole mi Jehovah, 4kong’eet eng’ amitwogik, ak konde taban ngoroikyik, ak konam anget ne kiuusegei, kogermenegei. 5Ak korong’ji beek sanit, ak kotoi koun kelyekab alamalyet, ak kouuse anganato kiga kermenegei. 6Konyo anyun ole mi Simon Petero. Yeityo kolenji Petero, Kiptaiyandani, tos iuni inye kelyekyuk? 7Kowolji Jesu inendet kolenji, Kit ne ayae, ko mengen nguno; ago tatun inae. 8Kolenji Petero, Magoi iun kelyekyuk. Kowolji Jesu kolenji, Ngo maunin, ko magiting’ege kiy. 9Kolenji Simon Petero inendet, Kiptaiyandani, ma kelyekyuk kityo, ago eunekyuk agichek ak metinnyu. 10Kolenji Jesu inendet, Inendet ne kagoungei ko ma komachei koungei kogeny, kobate kelyekyik, amu iunot inne: ak ounotin okwek, ago ma okwek tugul. 11Amu kiingen ne kimachei kong’wekta inendet; kimwa amu noto kole, Ma ounotin tugul.
12Ak ye kingo kagoun anyun kelyekwak, ak konem ngoroikyik, ak koteb ng’ony kogeny, kolenji, Tos ongen ne kayaiywok? 13Oguurena Konetindet, ak Kiptaiyat: ak omwae komie; amu a inendet. 14Ngo ane anyun ne a Kiptaiyat ak Konetindet, ne kaun kelyekwok, ko kanyoljok ak okwek ounjige kelyek. 15Amu kaboruok, si oyai ak okwek ko u ne kayaiywok. 16Amwawok, iman, iman, ale, Ma o otwogindet kosiir kiptaiyandannyi; ama o inendet ne kigiyok kosiir inendet ne kiiyogu. 17Ngonai tuguchu, ko oboiboi ngoyai.
18Mamwae agobo okwek tugul: angen che kialewen: ago si kobiit kosulda sirutiet, ne kile, Inendet ne amei makatiandennyu, ko kagong’eet kwariandennyi koyaiywa ne ya. 19Kasib amwawok koboch nguno kotom kosulda, si ye isulda, oyan ole a inendet. 20Amwawok, iman, iman, ale, Inendet ne taachei age tugul ne ayogu ko kataacha; ak inendet ne taacha ko kataach kinendet ne kiiyokwa.
Koboru Jesu ng’wektaindet
21Kingo kagomwa Jesu ko u noto, konyor nyalilda eng’ tamirmiriennyi, ak kobaorian, kole, Amwawok, iman, iman, ale, Ng’wektaa age eng’ okwek. 22Kogeergei anyun alamalyet, ama naei kole, ngo mwaei agobo ng’o. 23Ak kimi meset agenge ne bo alamalyennyi ne kitiiegei tegetab Jesu ne ki chamat eng’ Jesu. 24Kong’wech anyun Simon Petero inendet, kolenji, Mwawech, tos mwaei inendet agobo ng’o? 25Kolenji anyun ne kitiiegei tegetab Jesu, Kiptaiyandani, ng’o noto? 26Kowol Jesu anyun kole, Inendet ne agochini kererutiet, ye kaaburburte. Ak ye kingo kagoburburto kererutiet, kogochi Judas, ne bo gab Simon Iskariot. 27Ak kingo kagotaach kererutiet, kochut Setani inendet. Kolenji Jesu inendet anyun, Yai chokyi ne imache iyai. 28Koma konai chi eng’ che kimi amisiet kole kamwachi inendet agobo nee. 29Amu kilen alak eng’ ichek kalenji Jesu, Ial tuguk che kimachei eng’ igorta, amu kiting’oti Judas lolet; anan ko kalenji kogochi kiy kibanaok. 30Kingo kagotaach anyun inendet kererutiet, komanda ngunoto: ak ki kemoi.
Ng’atutiet ne leel ne bo chamnyet
31Ye kingo kagomanda sang’, komwa Jesu kole, Kagitoror nguno Weritab chi, ak kagitoror Jehovah eng’ inendet; 32ak tun itorori Jehovah inendet eng’ orinnyi; ak kotorori inendet eng’ sainato.
33Lagochu mengech, ta atebye kobotok ne matia. Tun ocheng’a: ak ko u ye kiamwachi Yahudik, alenji, Ole awendi, ko momuchi obwa; amwawok nguno ak okwek ko u noto. 34Agonok ng’atutiet ne leel, ale, ochamnye; ko u ye kiachamak, ochamnye ak okwek. 35Naei bik tugul kole o alamalyennyu, ngochamdosi.
Sib kemwaei kele machei Petero kotiiyo
36Kilenji anyun Simon Petero, Kiptaiyandani, iwendi ano? Kowolji Jesu kolenji, Ole awendi, ko memuchi isubwa nguno; ago tatun isubwa. 37Kolenji Petero, Kiptaiyandani, kalya si mamuchi asubun agot nguno? Agoitoi sobondanyu agobo inye. 38Kowolji Jesu kolenji, Igoitoi sobondang’ung’ agobo ane? Amwaun, iman, iman, ale, Kotom kote kipsoiywet, iesioa konyil somok.
Поточний вибір:
JOHANA 13: BUKUIT
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
God's word open for all
©Bible Society of Kenya, 2020
JOHANA 13
13
Kouni Jesu kelyekab alamlyet
1Ak ye kingo tom koit igortab paska, konai Jesu kole kagoit sainnyi ne wendi eng’ ng’ony kwo ole mi Kwanda, ko kagocham chechik che mi ng’ony, kocham anyun agoi betutab let.
2Ak eng’ saitab amitwogikab lagat, koga konde oindet ng’wektaet muguleldab Judas Iskariot, ne bo gab Simon, 3ko kagonai Jesu kole kagonde Kwanda tuguk tugul eunekyik, ak kole kibunu Jehovah, ak wendi ole mi Jehovah, 4kong’eet eng’ amitwogik, ak konde taban ngoroikyik, ak konam anget ne kiuusegei, kogermenegei. 5Ak korong’ji beek sanit, ak kotoi koun kelyekab alamalyet, ak kouuse anganato kiga kermenegei. 6Konyo anyun ole mi Simon Petero. Yeityo kolenji Petero, Kiptaiyandani, tos iuni inye kelyekyuk? 7Kowolji Jesu inendet kolenji, Kit ne ayae, ko mengen nguno; ago tatun inae. 8Kolenji Petero, Magoi iun kelyekyuk. Kowolji Jesu kolenji, Ngo maunin, ko magiting’ege kiy. 9Kolenji Simon Petero inendet, Kiptaiyandani, ma kelyekyuk kityo, ago eunekyuk agichek ak metinnyu. 10Kolenji Jesu inendet, Inendet ne kagoungei ko ma komachei koungei kogeny, kobate kelyekyik, amu iunot inne: ak ounotin okwek, ago ma okwek tugul. 11Amu kiingen ne kimachei kong’wekta inendet; kimwa amu noto kole, Ma ounotin tugul.
12Ak ye kingo kagoun anyun kelyekwak, ak konem ngoroikyik, ak koteb ng’ony kogeny, kolenji, Tos ongen ne kayaiywok? 13Oguurena Konetindet, ak Kiptaiyat: ak omwae komie; amu a inendet. 14Ngo ane anyun ne a Kiptaiyat ak Konetindet, ne kaun kelyekwok, ko kanyoljok ak okwek ounjige kelyek. 15Amu kaboruok, si oyai ak okwek ko u ne kayaiywok. 16Amwawok, iman, iman, ale, Ma o otwogindet kosiir kiptaiyandannyi; ama o inendet ne kigiyok kosiir inendet ne kiiyogu. 17Ngonai tuguchu, ko oboiboi ngoyai.
18Mamwae agobo okwek tugul: angen che kialewen: ago si kobiit kosulda sirutiet, ne kile, Inendet ne amei makatiandennyu, ko kagong’eet kwariandennyi koyaiywa ne ya. 19Kasib amwawok koboch nguno kotom kosulda, si ye isulda, oyan ole a inendet. 20Amwawok, iman, iman, ale, Inendet ne taachei age tugul ne ayogu ko kataacha; ak inendet ne taacha ko kataach kinendet ne kiiyokwa.
Koboru Jesu ng’wektaindet
21Kingo kagomwa Jesu ko u noto, konyor nyalilda eng’ tamirmiriennyi, ak kobaorian, kole, Amwawok, iman, iman, ale, Ng’wektaa age eng’ okwek. 22Kogeergei anyun alamalyet, ama naei kole, ngo mwaei agobo ng’o. 23Ak kimi meset agenge ne bo alamalyennyi ne kitiiegei tegetab Jesu ne ki chamat eng’ Jesu. 24Kong’wech anyun Simon Petero inendet, kolenji, Mwawech, tos mwaei inendet agobo ng’o? 25Kolenji anyun ne kitiiegei tegetab Jesu, Kiptaiyandani, ng’o noto? 26Kowol Jesu anyun kole, Inendet ne agochini kererutiet, ye kaaburburte. Ak ye kingo kagoburburto kererutiet, kogochi Judas, ne bo gab Simon Iskariot. 27Ak kingo kagotaach kererutiet, kochut Setani inendet. Kolenji Jesu inendet anyun, Yai chokyi ne imache iyai. 28Koma konai chi eng’ che kimi amisiet kole kamwachi inendet agobo nee. 29Amu kilen alak eng’ ichek kalenji Jesu, Ial tuguk che kimachei eng’ igorta, amu kiting’oti Judas lolet; anan ko kalenji kogochi kiy kibanaok. 30Kingo kagotaach anyun inendet kererutiet, komanda ngunoto: ak ki kemoi.
Ng’atutiet ne leel ne bo chamnyet
31Ye kingo kagomanda sang’, komwa Jesu kole, Kagitoror nguno Weritab chi, ak kagitoror Jehovah eng’ inendet; 32ak tun itorori Jehovah inendet eng’ orinnyi; ak kotorori inendet eng’ sainato.
33Lagochu mengech, ta atebye kobotok ne matia. Tun ocheng’a: ak ko u ye kiamwachi Yahudik, alenji, Ole awendi, ko momuchi obwa; amwawok nguno ak okwek ko u noto. 34Agonok ng’atutiet ne leel, ale, ochamnye; ko u ye kiachamak, ochamnye ak okwek. 35Naei bik tugul kole o alamalyennyu, ngochamdosi.
Sib kemwaei kele machei Petero kotiiyo
36Kilenji anyun Simon Petero, Kiptaiyandani, iwendi ano? Kowolji Jesu kolenji, Ole awendi, ko memuchi isubwa nguno; ago tatun isubwa. 37Kolenji Petero, Kiptaiyandani, kalya si mamuchi asubun agot nguno? Agoitoi sobondanyu agobo inye. 38Kowolji Jesu kolenji, Igoitoi sobondang’ung’ agobo ane? Amwaun, iman, iman, ale, Kotom kote kipsoiywet, iesioa konyil somok.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
God's word open for all
©Bible Society of Kenya, 2020