JOHANA 17
17
Saet ne bo Jesu
1Kimwa Jesu ng’alechu; ak konyal kipsengwet, ak kole, Baba, kagonyo sait; itoror Wering’ung’, si kotororin Werit; 2ko u ye kiigochi inendet kimnatet koboi bik tugul, si kobiit kogochi sobondab koigeny tugul che kiigochi inendet. 3Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu. 4Kiatororin eng’ ng’ony, amu kaagesu boisiet ne kiigona ayai. 5Ak nguno, ee Baba, itorora eng’ inyendet inyege eng’ torornatet ne kiatinye kemi tuwai kotom kobiit ng’ony.
6Kiaborji kaineng’ung’ bik che kiigona eng’ ng’ony: ki cheguk, ak kiigona; ak kigorib ng’olyondeng’ung’. 7Kagonai nguno kole bunun tuguk tugul che kiigona; 8amu kiagochi ichek ng’alek che kiigona ak kigotaach, ak kigonai iman kole kiabunu ole imi, ak kigoyan kole kiiyokwa.
9Asae agobo ichek: masae agobo ng’ony, ago agobo ichek che kiigona; amu cheguk: 10ak tuguk tugul chechuk ko cheguk, ak cheguk ko chechuk: ak kiitorora eng’ ichek. 11Ak ma amite ng’ony, ago mi ng’ony chu, ak anyone ole imi. Baba ne Tilil, rib eng’ kaineng’ung’ ichek che kiigona, si kobiit koek agenge, ko u achek. 12Kiarib eng’ kaineng’ung’ ichek che kiigona, ye kota kemi ak ichek: kiarib ichek, ama bet agot agenge eng’ ichek, kobate weritab luset; si kobiit kosulda sirutiet. 13Ak kanyonjin nguno; ak amwae tuguchu eng’ ng’ony, si kobiit kosulda boiboiyennyu eng’ ichek. 14Kiagochi ng’olyondeng’ung’; ak kawech ng’ony ichek, amu ma bo ng’ony, ko u ye ma bo ng’ony ane. 15Masae ale imut ichek eng’ ng’ony, ago ale irib ichek eng’ inendet ne ya. 16Ma bo ng’ony ichek, ko u ye ma bo ng’ony ane. 17Itilil ichek eng’ imanit: imanit ng’olyondeng’ung’. 18Ko u ye kiiyokwa anyo ng’ony, ko u noto kaayokte ichek koba ng’ony. 19Ak atabanige agobo ichek si kobiit kitaban ichek eng’ imanit.
20Amasae agobo chu kityo, ago asae agobo ichek che tun iyana amu ng’olyondenywa; 21si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa. 22Ak kaagochi ichek torornatet ne kiigona; si kobiit koek agenge ko u ye ki agenge achek; 23ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.
24Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony. 25Ee Baba ne bo imanda, kima kongenin ng’ony, ago kiangenin; ak kigonai chu kole, kiiyokwa; 26ak kiang’ang’ji ichek kaineng’ung’, ak ta ang’ang’jini; si kobiit kotebe ichek chamnyet ne kiichamena, ak ane eng’ ichek.
Поточний вибір:
JOHANA 17: BUKUIT
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
God's word open for all
©Bible Society of Kenya, 2020
JOHANA 17
17
Saet ne bo Jesu
1Kimwa Jesu ng’alechu; ak konyal kipsengwet, ak kole, Baba, kagonyo sait; itoror Wering’ung’, si kotororin Werit; 2ko u ye kiigochi inendet kimnatet koboi bik tugul, si kobiit kogochi sobondab koigeny tugul che kiigochi inendet. 3Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu. 4Kiatororin eng’ ng’ony, amu kaagesu boisiet ne kiigona ayai. 5Ak nguno, ee Baba, itorora eng’ inyendet inyege eng’ torornatet ne kiatinye kemi tuwai kotom kobiit ng’ony.
6Kiaborji kaineng’ung’ bik che kiigona eng’ ng’ony: ki cheguk, ak kiigona; ak kigorib ng’olyondeng’ung’. 7Kagonai nguno kole bunun tuguk tugul che kiigona; 8amu kiagochi ichek ng’alek che kiigona ak kigotaach, ak kigonai iman kole kiabunu ole imi, ak kigoyan kole kiiyokwa.
9Asae agobo ichek: masae agobo ng’ony, ago agobo ichek che kiigona; amu cheguk: 10ak tuguk tugul chechuk ko cheguk, ak cheguk ko chechuk: ak kiitorora eng’ ichek. 11Ak ma amite ng’ony, ago mi ng’ony chu, ak anyone ole imi. Baba ne Tilil, rib eng’ kaineng’ung’ ichek che kiigona, si kobiit koek agenge, ko u achek. 12Kiarib eng’ kaineng’ung’ ichek che kiigona, ye kota kemi ak ichek: kiarib ichek, ama bet agot agenge eng’ ichek, kobate weritab luset; si kobiit kosulda sirutiet. 13Ak kanyonjin nguno; ak amwae tuguchu eng’ ng’ony, si kobiit kosulda boiboiyennyu eng’ ichek. 14Kiagochi ng’olyondeng’ung’; ak kawech ng’ony ichek, amu ma bo ng’ony, ko u ye ma bo ng’ony ane. 15Masae ale imut ichek eng’ ng’ony, ago ale irib ichek eng’ inendet ne ya. 16Ma bo ng’ony ichek, ko u ye ma bo ng’ony ane. 17Itilil ichek eng’ imanit: imanit ng’olyondeng’ung’. 18Ko u ye kiiyokwa anyo ng’ony, ko u noto kaayokte ichek koba ng’ony. 19Ak atabanige agobo ichek si kobiit kitaban ichek eng’ imanit.
20Amasae agobo chu kityo, ago asae agobo ichek che tun iyana amu ng’olyondenywa; 21si kobiit koek ichek tugul agenge; ko u ye imi inye Baba, eng’ ane, ak ane eng’ inye, si kobiit koteb ichek eng’ achek: si kobiit koyan ng’ony kole kiiyokwa. 22Ak kaagochi ichek torornatet ne kiigona; si kobiit koek agenge ko u ye ki agenge achek; 23ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.
24Baba, amache ale kotebi kobota eng’ ole ami, ichek che kiigona; si kobiit kogeer torornatennyu ne kiigona; amu kiichama kotom kelumda ng’ony. 25Ee Baba ne bo imanda, kima kongenin ng’ony, ago kiangenin; ak kigonai chu kole, kiiyokwa; 26ak kiang’ang’ji ichek kaineng’ung’, ak ta ang’ang’jini; si kobiit kotebe ichek chamnyet ne kiichamena, ak ane eng’ ichek.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
God's word open for all
©Bible Society of Kenya, 2020