SGK 16
16
Isimayeli a yɛ
1Abramu a lɔ Sarayii lɛ nɛ yɛ Abramu wɔ lɛa wa. Eziptin lɔ goon goã a lɔ lɛ lon bɛ̀rɛ lɛa, a tɔ n Agaara. 2Sarayii tɔ́n pɛ Abramu ni: «Á ke, Dɛnaa bɛ́ á ma kurəə nɛ yɛ ganaa. A bɛ́ miɛ̃, n mɔrɔ maa bɛ̀rɛlɔ lɛ ganaa, kɔntan, ń tá re nɛgiĩ yii bɛ la, masɛ wɔ lɛa.»
Sarayii boo mɛn da á nyaa Abramu ni, Abramu lɛ kɔ bɛ ganaa. 3Sarayii tɔ́n a bɛ̀rɛlɔ Agaara Ezipti min lɛ kũ, á kɔ ǹ zuũ Abramu la lɔ lɛa. Bɛ á zɛnɛɛ, bɛ̀ á giã Kanaan gána nɛ, á dɔ lɛ̀ fù. 4Abramu giã kũ ka Agaara nɛ, yǎa bɛ́ daa á nɔ̀ saa. A bɛ́ á dɔ̃ mà asɛ á nɔ̀ nɛ ǹ mɛn waáraa, a mìinaa lɛ din goã màn kɔ́n lɛa a yɔrɔ-a doo wa. 5Sarayii tɔ́n pɛ Abramu ni: «N din nə ń toa, sɔ kɛ tá n koe masɛ ganaa. Hiĩ, ma din ni má maa bɛ̀rɛlɔ kũ má kɔ n la! A bɛ́ á dɔ̃, mà asɛ á nɔ̀ nɛ ǹ mɛn waáraa, masɛ dinmaa ba màn kɔ́n lɛa a yii li doo wa! Dɛnaa die a bɛ yɔrɔ bɔ masɛ laanka Abramu bii ni!»
6Abramu tɔ́n Sarayii lɛ si á pɛ: «N bɛ̀rɛlɔ lɛ á ke. A nə n wɔ gɔ́ɔ̃ nɛ, bɛ̀ sii mɛn kɔɔ̃n kɔ n ganaa, n bɛ zɛnaa nɛ.»
Sarayii tɔ́n kũ baraa. Agaara nɔmaa á baa si á n bɔ a li, á woo bǎã sɔsɔɔ nɛ.
7Dɛnaa a lon a dia dí-a wole Agaara yɛ mu yala kɔ́n lɛa don, Suuru zii la ǹ mu yala ke. 8Á pɛ Agaara nɛ kɛnɛn: «Sarayii a bɛ̀rɛlɔ Agaara, ma n boe maa, ma n woe maa?»
Agaara ná a lɛ si: «Man baa sii maa mìinaa Sarayii nyɛɛnɛ.»
9Dɛnaa a lon a dia dí-a wole lɛ tɔ́n pɛ nɛ: «Wusoo n wo n mìinaa lɛ li, n nə n din doroo ne. 10Masɛ á re n tɔrɔ mɔnɛɛ parsiini, min ná a re boe la a nimi wa. 11Ń bɛ́ nɔ̀ mɛn nɛ, ma n die yii nɛgiĩ lɛa. Ń die n na a tɔ kɔ Isimayeli (bɛ giala mà "Lawa ma"), a giala, n nɔmaa gɔ́ɔ̃ nɛ, Dɛnaa nə n lɛ-dɛ ma. 12N nɛ lɛ á re goɛ̃ baraa ka don a dundun bɛ́ lɔn. Á die goɛ̃ kɔn ka min tumaa nɛ, min tumaa n die goɛ̃ kɔn ka a dɔ nɛ.»
13Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.» 14Bɛ lɛ nɛ, ǹ nə́ bɛa tù lɛ bíi, mà Lahayi-Royi (bɛ giala mà "Lawa Yiikoonaa mɛn yii bɛ́ ma ganaa, bɛa tù ni"). Bɛa tù lɛ n Kadɛsi kiwi laanka Berɛdi kiwi bii ni.
15 #
Gal 4.22
Agaara nɛgiĩ yɛ Abramu wɔ lɛa. Agaara nɛ mɛn yɛ nɛ, Abramu ná a tɔ kɔ Isimayeli. 16Agaara bɛ́ Isimayeli yii ni ǹ mɛn waáraa, bɛ̀ Abramu lɛ̀ pɔkiwisiwensɔrɔ nɛ.
Поточний вибір:
SGK 16: SBPE2011
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
San Bible Protestant Edition © Bible Society of Burkina Faso, 2011.
SGK 16
16
Isimayeli a yɛ
1Abramu a lɔ Sarayii lɛ nɛ yɛ Abramu wɔ lɛa wa. Eziptin lɔ goon goã a lɔ lɛ lon bɛ̀rɛ lɛa, a tɔ n Agaara. 2Sarayii tɔ́n pɛ Abramu ni: «Á ke, Dɛnaa bɛ́ á ma kurəə nɛ yɛ ganaa. A bɛ́ miɛ̃, n mɔrɔ maa bɛ̀rɛlɔ lɛ ganaa, kɔntan, ń tá re nɛgiĩ yii bɛ la, masɛ wɔ lɛa.»
Sarayii boo mɛn da á nyaa Abramu ni, Abramu lɛ kɔ bɛ ganaa. 3Sarayii tɔ́n a bɛ̀rɛlɔ Agaara Ezipti min lɛ kũ, á kɔ ǹ zuũ Abramu la lɔ lɛa. Bɛ á zɛnɛɛ, bɛ̀ á giã Kanaan gána nɛ, á dɔ lɛ̀ fù. 4Abramu giã kũ ka Agaara nɛ, yǎa bɛ́ daa á nɔ̀ saa. A bɛ́ á dɔ̃ mà asɛ á nɔ̀ nɛ ǹ mɛn waáraa, a mìinaa lɛ din goã màn kɔ́n lɛa a yɔrɔ-a doo wa. 5Sarayii tɔ́n pɛ Abramu ni: «N din nə ń toa, sɔ kɛ tá n koe masɛ ganaa. Hiĩ, ma din ni má maa bɛ̀rɛlɔ kũ má kɔ n la! A bɛ́ á dɔ̃, mà asɛ á nɔ̀ nɛ ǹ mɛn waáraa, masɛ dinmaa ba màn kɔ́n lɛa a yii li doo wa! Dɛnaa die a bɛ yɔrɔ bɔ masɛ laanka Abramu bii ni!»
6Abramu tɔ́n Sarayii lɛ si á pɛ: «N bɛ̀rɛlɔ lɛ á ke. A nə n wɔ gɔ́ɔ̃ nɛ, bɛ̀ sii mɛn kɔɔ̃n kɔ n ganaa, n bɛ zɛnaa nɛ.»
Sarayii tɔ́n kũ baraa. Agaara nɔmaa á baa si á n bɔ a li, á woo bǎã sɔsɔɔ nɛ.
7Dɛnaa a lon a dia dí-a wole Agaara yɛ mu yala kɔ́n lɛa don, Suuru zii la ǹ mu yala ke. 8Á pɛ Agaara nɛ kɛnɛn: «Sarayii a bɛ̀rɛlɔ Agaara, ma n boe maa, ma n woe maa?»
Agaara ná a lɛ si: «Man baa sii maa mìinaa Sarayii nyɛɛnɛ.»
9Dɛnaa a lon a dia dí-a wole lɛ tɔ́n pɛ nɛ: «Wusoo n wo n mìinaa lɛ li, n nə n din doroo ne. 10Masɛ á re n tɔrɔ mɔnɛɛ parsiini, min ná a re boe la a nimi wa. 11Ń bɛ́ nɔ̀ mɛn nɛ, ma n die yii nɛgiĩ lɛa. Ń die n na a tɔ kɔ Isimayeli (bɛ giala mà "Lawa ma"), a giala, n nɔmaa gɔ́ɔ̃ nɛ, Dɛnaa nə n lɛ-dɛ ma. 12N nɛ lɛ á re goɛ̃ baraa ka don a dundun bɛ́ lɔn. Á die goɛ̃ kɔn ka min tumaa nɛ, min tumaa n die goɛ̃ kɔn ka a dɔ nɛ.»
13Agaara tɔ́n nɔ̀n da a din la kɛnɛn: «Min mɛn yii bɛ́ á masɛ yɛ, masɛ yii bɛa Dɛnaa lɛ yɛ sonbore?» Dɛnaa Lawa mɛn boo da nɛ, á tɔ kɔ a ganaa kɛnɛn: «A n Lawa lɛa, Lawa mɛn yii bɛ́ masɛ ganaa.» 14Bɛ lɛ nɛ, ǹ nə́ bɛa tù lɛ bíi, mà Lahayi-Royi (bɛ giala mà "Lawa Yiikoonaa mɛn yii bɛ́ ma ganaa, bɛa tù ni"). Bɛa tù lɛ n Kadɛsi kiwi laanka Berɛdi kiwi bii ni.
15 #
Gal 4.22
Agaara nɛgiĩ yɛ Abramu wɔ lɛa. Agaara nɛ mɛn yɛ nɛ, Abramu ná a tɔ kɔ Isimayeli. 16Agaara bɛ́ Isimayeli yii ni ǹ mɛn waáraa, bɛ̀ Abramu lɛ̀ pɔkiwisiwensɔrɔ nɛ.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
San Bible Protestant Edition © Bible Society of Burkina Faso, 2011.