SGK 43
43
Bɛnzamɛn a wo Ezipti
1Bòo lɛ n tɔn kaka koe Kanaan gána nɛ. 2Zakɔba a nɛnyaanan nə bɔ ka *belee mɛn nɛ Ezipti gána nɛ, a minin bɛ́ ǹ nə́ bɛ bii ǹ nə́ nya ǹ mɛn waáraa, Zakɔba pɛ a nɛnyaanan lɛn nɛ: «Ka wusoo ka wo bǎã lɛ nɛ, ka màn-bii kɔ́n pii, ka da kɔ wɔ la.»
3Zudaa ná a lɛ si kɛnɛn: «Giĩ lɛ pɛ wɔ-n foaãnɛ, mà a baran wɔ yɛ a yɔrɔ-a doo, bɛ̀ wɔ diɛ̃ kɛ ná a ba kun ka wɔ-n wa. 4Bɛ̀ ń tá re lɛ koe, n wɔ diɛ̃ lɛ dia kun ka wɔ nɛ, wɔ á woe màn-bii lɛ pii, wɔ da kɔ n la. 5Sɛnɛ, bɛ̀ n ba li n dia wa, wɔsɛn ba re woe wa. A giala, giĩ lɛ pɛ wɔ nɛ mà a baran wɔ yɛ a yɔrɔ-a doo, bɛ̀ wɔ diɛ̃ kɛ ná a ba kun ka wɔ-n wa.»
6Zakɔba tɔ́n pɛ ǹ nɛ: «Ka sii la ma la. Wàa na á baa, ka á pii giĩ lɛ nɛ, mà kasɛn diɛ̃ kɔsɔ tan?»
7Ǹ ná a lɛ si:
– Giĩ lɛ na á nɔ̀n da wɔ la tiɛ̃tiɛ̃ nɛ, wɔsɛn dinin laanka wɔa kion minin wɔ paǹ li. Á nɔ̀n da wɔ la kɛnɛn: «Kaa díi yii á tɔn koo ya? Ka diɛ̃ tan ya?» Wɔ doamaa nɛ, wɔ bɛa nɔ̀n diɛn kɛn lɛn binyəə kɔ la. Sɛnɛ, wɔa boe la wɔ dɔ̃, mà a n die wusii a pɛ wɔ nɛ, mà wɔ wɔ diɛ̃ lɛ kũ, wɔ da-n wa.
8Zudaa tɔ́n pɛ ǹ di Zakɔba nɛ: «Toa nɛ lɛ wo kun ka wɔ nɛ. A giala, bɛ̀ wɔ tá li wɔ la, yǎa wɔ yui wɔ woe. Màn mɛn bɛ́ toɛ, wɔ dininmaan nɛ, n dinmaa laanka wɔa nɛnyaanan nɛ, wɔ baran gã wa. 9Ma din tá n mìi koɛ a sii li. Bɛ̀ má n bɔyaa nɛ, má daa kɔ n la wa, n nɔ̀n da ma din la ka a sii ni. Bɛ̀ ma da nɛ ń yii yɛ wa, a zɛ̀rɛ n ma ganaa biikoo tumaa li. 10Bɛ̀ wɔ bie wɔ́ n lɔlɔɔ kɛnɛn wa, bɛ̀ wɔ́ woo, wɔ́ n bɔyaa gunyin paa kanna.»
11Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ. 12Ka bɛ́ ka wɔrɔ mɛn yɛ kaa boroon lɛn nɛ, bɛ̀ ka bɛ́ ǹ lɛ buĩ, ka wusoo ka wo ne ka koa. Kɔntan, min na á sã, á ǹ kaa a nɛ. Ka bɛ miã wɔrɔ ti a ganaa ka wo ne. 13Ka ka diɛ̃ lɛ kũ, ka wusoo ka wo giĩ lɛ li. 14Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»
Zozɛfu laanka n dɔɔ̃nɔn kɔn yɛ paabaa ǹ wɔ
15Ǹ nə́ bǐɛ̃baa ǹ màn lɛ saa, ǹ nə́ wɔrɔ kɔsɔ dɔ saa, ǹ nə́ Bɛnzamɛn kũ, ǹ nə́ woo Zozɛfu li Ezipti gána nɛ. 16Zozɛfu bɛ́ á Bɛnzamɛn yɛ, á pɛ a kion mìilandɛnaa nɛ: «Minin kɛn kũ n wo ǹ ne piɛ, n tɔɔ goon dɛ n zɛnaa. A giala, ǹ tá re penleen màn bii kun ka ma nɛ.»
17Zozɛfu màn mɛn pɛ giĩ lɛ nɛ, giĩ lɛ zɛnaa miɛ̃, á minin lɛn kũ, á woo ǹ ne Zozɛfu a piɛ. 18Ǹ bɛ́ ǹ nə́ wɔ ǹ nɛ Zozɛfu a kion, nyɛ́ɛ nə́ ǹ kũ. Maǹ nə́ goã pii: «Ǹ wɔrɔ mɛn kaa wɔa belee boroon ne, wɔa da lɛlɛ lɛ li, bɛ lɛ a boo ne. Maǹ nə́ daa ka wɔ nɛ, màn mɛn bɛ́ toɛ, ǹ fuu nyaa wɔ nɛ, ǹ yoo wɔ gialaa, ǹ wɔ dɛ ka bɛ̀rɛn bɛ́ lɔn, ǹ wɔa dundunun kɛn si.» 19Ǹ bɛ́ re we kion lɛ nɛ ǹ mɛn waáraa, ǹ nə́ n zɔ̃ ǹ nə́ dɔ Zozɛfu a kion mìilandɛnaa lɛ li, ǹ nə́ pɛ nɛ: 20«Dɛnaagiĩ, kaarɛ. Wɔsɛn nə́ daa màn-bii pii kànaa lɛlɛ. 21Wɔa bɔyaa biikoo li, wɔlɔ bɛ́ á tii wɔ ganaa bǎã mɛn nɛ, wɔ́ golee. Wɔ́ wɔa belee boroon lɛ bũ, didie ná a wɔrɔ yɛ a belee lalan. A din wɔrɔ lɛ nɛ, wɔ́ wusoo wɔ daa nɛ. 22Sɛnɛ, wɔrɔ kɔsɔ dɔ tá wɔ lon, wɔ á re belee pii ni. Min mɛn wusoo, á wɔsɛn wɔrɔn lɛn kaa wɔa belee boroon lɛn nɛ, wɔ ba bɛa dɛnaa doɛ̃ wa.»
23Giĩ lɛ tɔ́n pɛ ǹ nɛ: «Ka baran n dinin yiri lɔlɔkɔn wa, ka baran nyɛ́ɛ baa wa. Ka dinin Lawa, ka digolon Lawa na á naforo kaa kaa belee boroon lɛn nɛ. Kaa wɔrɔ lɛ dɔ ma li.»
Bɛ kio, á Simiɔn bɔ á kɔ ǹ la. 24Á ǹ kũ á woo ǹ ne Zozɛfu a kion, á daa ka mu ni, mà ǹ nə n gòãn pii, á buu kɔ ǹ dundunun la, mà ǹ sɔ̃. 25Ǹ bɛ́ re bǐɛ̃ biɛ Zozɛfu la ka mànan mɛnɛn nɛ, ǹ nə́ bɛn yɔrɔ bɔ ǹ nə́ ǹ koa, ǹ nə́ n yii da a daa la penleen ne. A giala, ǹ nə́ bɔ a siére-a, mà maǹ die màn bii walan. 26Zozɛfu bɛ́ á daa piɛ, ǹ da ka màn mɛn nɛ, mà maǹ die goe ne, ǹ nə́ bɛ saa kion ǹ nə́ kɔ la, ǹ nə́ kaa tán a giulun, yǎa ǹ nə́ dɔ tán ka kɔ̃. 27Zozɛfu fòo da ǹ nɛ. Bɛ kio, á pɛ: «Ka giĩ gole mɛn boo da mà ka di ni, á kaka? Á tɔn a tan?»
28Ǹ ná a lɛ si kɛnɛn: «N Bɛ̀rɛgiĩ, wɔ di lɛ á kaka. Á tɔn a tan.»
Ǹ nə́ n kuməə, ǹ nə́ kaa tán a giulun. 29Zozɛfu bɛ́ á n yii saa lon, á ǹ diɛ̃, a din dannɛ Bɛnzamɛn yɛ, á pɛ: «Ka bɛ́ ka ka diɛ̃ boɛɛn mɛn boo da ma-n lɛlɛ, a din nə ke? Lawa die a n dɔ n lɛ, maa nɛ!»
30Zozɛfu bɛ́ á n diɛ̃ lɛ yɛ, a sii wɔ a ganaa parsiini, wuu-pɛ sii goã a ganaa. Á n nanaa á woo a din a waa ǹ kion, á wuu pɛ walan. 31Bɛ kio, á n yii pii, á soo. A bɛ́ á boo la, á si a ganaa, á tɔ́n pɛ: «Ka da ka màn-bii ni.» 32Ǹ nə́ Zozɛfu a màn-bii kɔ la a gɔrɔn, ǹ nə́ ǹ dɔɔ̃nɔn lɛn dɔn wɔ kɔ ǹ la ǹ gɔrɔn. Ezipti minin mɛnɛn dɔn bɛ́ màn bii kun ni, ǹ nə́ bɛn dɔn wɔ kɔ ǹ la ǹ gɔrɔn. A giala, mà Ezipti minin doamaa bie, ǹ màn bii kun ka *Ebrəə minin ni wa. Ǹ soɛ̃ nɛ. 33Ǹ nə́ Zozɛfu ǹ dɔɔ̃nɔn lɛn koa tán a yɔrɔ-a, a saa goledɛnaa ganaa a wo kiɛɛrɛdɛnaa yaa. Ǹ nə́ goã giɛ kɔn-a ka kaãbaa nɛ. 34Màn-bii mɛn bɛ́ Zozɛfu din giulun, á bɛ goa á kɔ ǹ la. Sɛnɛ, Bɛnzamɛn wɔ gii nə́ n timəə gialakunun kɛn wɔ la gunyin sooro. Bɛ kio, ǹ nə́ yɔ mi, ǹ nə́ n nyɛnyɛɛ kun.
Поточний вибір:
SGK 43: SBPE2011
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
San Bible Protestant Edition © Bible Society of Burkina Faso, 2011.
SGK 43
43
Bɛnzamɛn a wo Ezipti
1Bòo lɛ n tɔn kaka koe Kanaan gána nɛ. 2Zakɔba a nɛnyaanan nə bɔ ka *belee mɛn nɛ Ezipti gána nɛ, a minin bɛ́ ǹ nə́ bɛ bii ǹ nə́ nya ǹ mɛn waáraa, Zakɔba pɛ a nɛnyaanan lɛn nɛ: «Ka wusoo ka wo bǎã lɛ nɛ, ka màn-bii kɔ́n pii, ka da kɔ wɔ la.»
3Zudaa ná a lɛ si kɛnɛn: «Giĩ lɛ pɛ wɔ-n foaãnɛ, mà a baran wɔ yɛ a yɔrɔ-a doo, bɛ̀ wɔ diɛ̃ kɛ ná a ba kun ka wɔ-n wa. 4Bɛ̀ ń tá re lɛ koe, n wɔ diɛ̃ lɛ dia kun ka wɔ nɛ, wɔ á woe màn-bii lɛ pii, wɔ da kɔ n la. 5Sɛnɛ, bɛ̀ n ba li n dia wa, wɔsɛn ba re woe wa. A giala, giĩ lɛ pɛ wɔ nɛ mà a baran wɔ yɛ a yɔrɔ-a doo, bɛ̀ wɔ diɛ̃ kɛ ná a ba kun ka wɔ-n wa.»
6Zakɔba tɔ́n pɛ ǹ nɛ: «Ka sii la ma la. Wàa na á baa, ka á pii giĩ lɛ nɛ, mà kasɛn diɛ̃ kɔsɔ tan?»
7Ǹ ná a lɛ si:
– Giĩ lɛ na á nɔ̀n da wɔ la tiɛ̃tiɛ̃ nɛ, wɔsɛn dinin laanka wɔa kion minin wɔ paǹ li. Á nɔ̀n da wɔ la kɛnɛn: «Kaa díi yii á tɔn koo ya? Ka diɛ̃ tan ya?» Wɔ doamaa nɛ, wɔ bɛa nɔ̀n diɛn kɛn lɛn binyəə kɔ la. Sɛnɛ, wɔa boe la wɔ dɔ̃, mà a n die wusii a pɛ wɔ nɛ, mà wɔ wɔ diɛ̃ lɛ kũ, wɔ da-n wa.
8Zudaa tɔ́n pɛ ǹ di Zakɔba nɛ: «Toa nɛ lɛ wo kun ka wɔ nɛ. A giala, bɛ̀ wɔ tá li wɔ la, yǎa wɔ yui wɔ woe. Màn mɛn bɛ́ toɛ, wɔ dininmaan nɛ, n dinmaa laanka wɔa nɛnyaanan nɛ, wɔ baran gã wa. 9Ma din tá n mìi koɛ a sii li. Bɛ̀ má n bɔyaa nɛ, má daa kɔ n la wa, n nɔ̀n da ma din la ka a sii ni. Bɛ̀ ma da nɛ ń yii yɛ wa, a zɛ̀rɛ n ma ganaa biikoo tumaa li. 10Bɛ̀ wɔ bie wɔ́ n lɔlɔɔ kɛnɛn wa, bɛ̀ wɔ́ woo, wɔ́ n bɔyaa gunyin paa kanna.»
11Ǹ di Zakɔba lɛ tɔ́n pɛ: «Bɛ̀ á miɛ̃, ka gána lɛ a da nɛ sonbore kɔ́n na, ka kaa kaa mànan nɛ, ka wo giĩ lɛ gɔ nɛ. Ka wo ka da gon giĩ kɔɔ̃n kɔnɔn nɛ, ka zoo nyɔɔ nɛ, ka pistaasi laanka amandie nàn nɛ. 12Ka bɛ́ ka wɔrɔ mɛn yɛ kaa boroon lɛn nɛ, bɛ̀ ka bɛ́ ǹ lɛ buĩ, ka wusoo ka wo ne ka koa. Kɔntan, min na á sã, á ǹ kaa a nɛ. Ka bɛ miã wɔrɔ ti a ganaa ka wo ne. 13Ka ka diɛ̃ lɛ kũ, ka wusoo ka wo giĩ lɛ li. 14Lawa Pàãyiidɛnaa die a ka gìĩ da giĩ lɛ nyin ni, a toa Simiɔn laanka Bɛnzamɛn nə n bɔyaa kun ka nɛ. Man die foɛ̃ maa nɛnyaanan lɛn nɛ kɛnɛn, ka ma bin ni ma nɛ yɛ wa!»
Zozɛfu laanka n dɔɔ̃nɔn kɔn yɛ paabaa ǹ wɔ
15Ǹ nə́ bǐɛ̃baa ǹ màn lɛ saa, ǹ nə́ wɔrɔ kɔsɔ dɔ saa, ǹ nə́ Bɛnzamɛn kũ, ǹ nə́ woo Zozɛfu li Ezipti gána nɛ. 16Zozɛfu bɛ́ á Bɛnzamɛn yɛ, á pɛ a kion mìilandɛnaa nɛ: «Minin kɛn kũ n wo ǹ ne piɛ, n tɔɔ goon dɛ n zɛnaa. A giala, ǹ tá re penleen màn bii kun ka ma nɛ.»
17Zozɛfu màn mɛn pɛ giĩ lɛ nɛ, giĩ lɛ zɛnaa miɛ̃, á minin lɛn kũ, á woo ǹ ne Zozɛfu a piɛ. 18Ǹ bɛ́ ǹ nə́ wɔ ǹ nɛ Zozɛfu a kion, nyɛ́ɛ nə́ ǹ kũ. Maǹ nə́ goã pii: «Ǹ wɔrɔ mɛn kaa wɔa belee boroon ne, wɔa da lɛlɛ lɛ li, bɛ lɛ a boo ne. Maǹ nə́ daa ka wɔ nɛ, màn mɛn bɛ́ toɛ, ǹ fuu nyaa wɔ nɛ, ǹ yoo wɔ gialaa, ǹ wɔ dɛ ka bɛ̀rɛn bɛ́ lɔn, ǹ wɔa dundunun kɛn si.» 19Ǹ bɛ́ re we kion lɛ nɛ ǹ mɛn waáraa, ǹ nə́ n zɔ̃ ǹ nə́ dɔ Zozɛfu a kion mìilandɛnaa lɛ li, ǹ nə́ pɛ nɛ: 20«Dɛnaagiĩ, kaarɛ. Wɔsɛn nə́ daa màn-bii pii kànaa lɛlɛ. 21Wɔa bɔyaa biikoo li, wɔlɔ bɛ́ á tii wɔ ganaa bǎã mɛn nɛ, wɔ́ golee. Wɔ́ wɔa belee boroon lɛ bũ, didie ná a wɔrɔ yɛ a belee lalan. A din wɔrɔ lɛ nɛ, wɔ́ wusoo wɔ daa nɛ. 22Sɛnɛ, wɔrɔ kɔsɔ dɔ tá wɔ lon, wɔ á re belee pii ni. Min mɛn wusoo, á wɔsɛn wɔrɔn lɛn kaa wɔa belee boroon lɛn nɛ, wɔ ba bɛa dɛnaa doɛ̃ wa.»
23Giĩ lɛ tɔ́n pɛ ǹ nɛ: «Ka baran n dinin yiri lɔlɔkɔn wa, ka baran nyɛ́ɛ baa wa. Ka dinin Lawa, ka digolon Lawa na á naforo kaa kaa belee boroon lɛn nɛ. Kaa wɔrɔ lɛ dɔ ma li.»
Bɛ kio, á Simiɔn bɔ á kɔ ǹ la. 24Á ǹ kũ á woo ǹ ne Zozɛfu a kion, á daa ka mu ni, mà ǹ nə n gòãn pii, á buu kɔ ǹ dundunun la, mà ǹ sɔ̃. 25Ǹ bɛ́ re bǐɛ̃ biɛ Zozɛfu la ka mànan mɛnɛn nɛ, ǹ nə́ bɛn yɔrɔ bɔ ǹ nə́ ǹ koa, ǹ nə́ n yii da a daa la penleen ne. A giala, ǹ nə́ bɔ a siére-a, mà maǹ die màn bii walan. 26Zozɛfu bɛ́ á daa piɛ, ǹ da ka màn mɛn nɛ, mà maǹ die goe ne, ǹ nə́ bɛ saa kion ǹ nə́ kɔ la, ǹ nə́ kaa tán a giulun, yǎa ǹ nə́ dɔ tán ka kɔ̃. 27Zozɛfu fòo da ǹ nɛ. Bɛ kio, á pɛ: «Ka giĩ gole mɛn boo da mà ka di ni, á kaka? Á tɔn a tan?»
28Ǹ ná a lɛ si kɛnɛn: «N Bɛ̀rɛgiĩ, wɔ di lɛ á kaka. Á tɔn a tan.»
Ǹ nə́ n kuməə, ǹ nə́ kaa tán a giulun. 29Zozɛfu bɛ́ á n yii saa lon, á ǹ diɛ̃, a din dannɛ Bɛnzamɛn yɛ, á pɛ: «Ka bɛ́ ka ka diɛ̃ boɛɛn mɛn boo da ma-n lɛlɛ, a din nə ke? Lawa die a n dɔ n lɛ, maa nɛ!»
30Zozɛfu bɛ́ á n diɛ̃ lɛ yɛ, a sii wɔ a ganaa parsiini, wuu-pɛ sii goã a ganaa. Á n nanaa á woo a din a waa ǹ kion, á wuu pɛ walan. 31Bɛ kio, á n yii pii, á soo. A bɛ́ á boo la, á si a ganaa, á tɔ́n pɛ: «Ka da ka màn-bii ni.» 32Ǹ nə́ Zozɛfu a màn-bii kɔ la a gɔrɔn, ǹ nə́ ǹ dɔɔ̃nɔn lɛn dɔn wɔ kɔ ǹ la ǹ gɔrɔn. Ezipti minin mɛnɛn dɔn bɛ́ màn bii kun ni, ǹ nə́ bɛn dɔn wɔ kɔ ǹ la ǹ gɔrɔn. A giala, mà Ezipti minin doamaa bie, ǹ màn bii kun ka *Ebrəə minin ni wa. Ǹ soɛ̃ nɛ. 33Ǹ nə́ Zozɛfu ǹ dɔɔ̃nɔn lɛn koa tán a yɔrɔ-a, a saa goledɛnaa ganaa a wo kiɛɛrɛdɛnaa yaa. Ǹ nə́ goã giɛ kɔn-a ka kaãbaa nɛ. 34Màn-bii mɛn bɛ́ Zozɛfu din giulun, á bɛ goa á kɔ ǹ la. Sɛnɛ, Bɛnzamɛn wɔ gii nə́ n timəə gialakunun kɛn wɔ la gunyin sooro. Bɛ kio, ǹ nə́ yɔ mi, ǹ nə́ n nyɛnyɛɛ kun.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
San Bible Protestant Edition © Bible Society of Burkina Faso, 2011.