ಯೋಹಾನೆ ಪುಸ್ತಕದ ಪೊಲಬು
ಪುಸ್ತಕದ ಪೊಲಬು
ಯೋಹಾನೆ ಬರೆತಿ ಸುವಾರ್ತೆ ಯೇಸು ಕ್ರಿಸ್ತನ ಜೀವನೊನು ತೆರಿಪಾವುನ ಪೊಸ ಒಡಂಬಡಿಕೆದ ನಾಲ್ ಪುಸ್ತಕೊಲೆಡ್ ಒಂಜಾದುಂಡು. ಉಂದು ಪ್ರತಿ ಒಂಜಿಲಾ ಸುವಾರ್ತೆ, ಶುಭ ಸಂದೇಶ ಅಂದ್‌ದ್ ಪುದರ್ ಪಡೆಯಿನವು ಆದುಂಡು. ಮತ್ತಾಯೆ, ಮಾರ್ಕೆ, ಲೂಕೆ ಬೊಕ್ಕ ಯೋಹಾನೆ ಯೇಸು ಸ್ವಾಮಿ ಪುನರುತ್ಥಾನ ಆಯಿ ಬೊಕ್ಕ ಬರೆಯಿನವು ಆದುಂಡು. ಯೋಹಾನೆ ಬರೆತಿನ ಸುವಾರ್ತೆ ಸುಮಾರ್ ಕ್ರಿಸ್ತೆ ಪುಟ್ಟುದು ಸೊನ್ಪ ವರ್ಸೊಡ್ದು ಬೊಕ್ಕ ಬರೆತಿನವು ಆದುಪ್ಪೊಡು. ಈ ಪುಸ್ತಕೊಡು ಅಪೊಸ್ತಲೆ ಆದುಪ್ಪು ಯೋಹಾನೆ ಬರೆತೆ ಅಂದ್‌ದ್ ಬರೆತ್‌ಜಿಡಲಾ ಈ ಸುವಾರ್ತೆದ ಶೈಲಿ ಅಪೊಸ್ತಲೆ ಆದುಪ್ಪು ಯೋಹಾನೆ ಬರೆತಿ ಪತ್ರಿಕೆ 1, 2, 3, ಬರೆತಿ ಲೆಕ್ಕನೇ ಉಂಡು. ಚರಿತ್ರೆ ಪನ್ಪಿಲೆಕ್ಕ ಆ ಸಮಯೊಡು ಯೋಹಾನೆ ಎಫೆಸೊಡು ಇತ್ತಿನೆಡ್ದ್, ಆಯೆ ಎಫೆಸೊಡೇ ಈ ಸುವಾರ್ತೆನ್‌ ಬರೆತೆ.
ಯೇಸು ಜೀವೊಡುಪ್ಪು ದೇವೆರೆ ಮಗೆ, ಆಯೆ ಕ್ರಿಸ್ತೆ ಅಂದ್‌ದ್ ಜನೊಕುಲು ನಂಬುಲೆಕ್ಕ ಈ ಪುಸ್ತಕ ಬರೆಪಿನ ಉದ್ದೇಶ ಆದುಂಡು ಯೋಹಾನೆ 20:31. ಉಂದೆನ್ ನಂಬಿನೆಟ್ಟ್ ಎಂಕ್ಲೆಗ್ ಆಯ ಪುದರ್‌ಡ್ ಜೀವ ತಿಕ್ಕುಂಡು. ಈ ಪುಸ್ತಕ ಯೆಹೂದ್ಯೆರೆಗ್, ಪಿದಯಿದ ಜನೊಕುಲೆಗ್ಲಾ ಬರೆತಿನವು ಆದುಂಡು. ಯೋಹಾನನ ಸುವಾರ್ತೆ ಒರಿದಿನ ಮೂಜಿ ಸುವಾರ್ತೆಲೆಡ್ದ್ ಒಂತೆ ಬೇತೆನೆ ಆದುಂಡು. ಆಯೆ ಯೇಸು ಪಂಡಿನ ಉಪಕತೆಲೆಗ್ ಹೆಚ್ಚ್ ಒತ್ತು ಕೊರಂದೆ ಯೇಸು ಮಲ್ತಿನ ಅಚ್ಚಿರದ ಕಾರ್ಯೊಲೆಗ್ ಒತ್ತು ಕೊರ್ತೆ. ಅತ್ತಂದೆ ಮುಖ್ಯ ವಿಷಯೊಲಾಯಿನ ಆಯನ ದೀಕ್ಷಾಸ್ನಾನ ಬೊಕ್ಕ ಶೋಧನೆದ ವಿಷಯೊನ್ಲಾ ಯೋಹಾನೆ ಬರೆತಿಜೆ.
ಅದ್ಯಾಯದ ರೂಪೊಲು
ಸುರುತ್ತ ಪಾತೆರ (1:1-18)
ಯೋಹಾನನ ಶಿಷ್ಯೆರ್ ಬೊಕ್ಕ ಯೇಸುನ ಸುರುತ್ತ ಶಿಷ್ಯೆರ್ (1:19-51)
ಯೇಸುನ ಸೇವೆ (2:1—12:50)
ಯೆರೂಸಲೇಮುಲಾ ಕಡೆತ ದಿನೊಕುಲುಲಾ (13:1—19:42)
ಪುನರುತ್ಥಾನ (20:1-31)
ಗಲಿಲಾಯೊಡು ಕಡೆತ ದರ್ಶನ (21:1-25)
Поточний вибір:
ಯೋಹಾನೆ ಪುಸ್ತಕದ ಪೊಲಬು: ತುಳು
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
New Life Literature