ಮತ್ತಾಯೆ 2

2
ಮೂಡಾಯಿ ದೇಶದ ಜೊಯಿಸೆರ್
1ಅರಸು ಆಯಿ ಹೆರೋದನ ದಿನೊಕುಲೆಡ್, ಯೂದಾಯದ ಬೇತ್ಲೆಹೇಮು ಪನ್ಪಿ ಊರುಡು ಯೇಸು ಪುಟ್ಟಿನಪಗ ಮೂಡಾಯಿ ದೇಶದ ಜೊಯಿಸೆರ್ ಯೆರೂಸಲೇಮುಗು ಬತ್ತ್‌ದ್, 2“ಯೆಹೂದ್ಯೆರೆಗ್ ಅರಸು ಆದ್ ಪುಟ್ಟಿನಾಯೆ ಓಲುಲ್ಲೆ? ಆಯನ್ ತೋಜಾವುನ ಬೊಳ್ಳಿನ್ ಮೂಡಾಯಿ ದೇಶೊಡು ತೂದು, ಎಂಕುಲು ಆಯಗ್ ಅಡ್ಡಬೂರ್ಯೆರೆ ಬೈದ,” ಪಂಡೆರ್.
3ಉಂದೆನ್ ಕೇಂಡ್ದ್ ಅರಸು ಆಯಿ ಹೆರೋದೆಲಾ ಆಯ ಒಟ್ಟುಗು ಇಡೀ ಯೆರೂಸಲೇಮುದಾಕುಲು ಮಾತೆರ್ ಗಡಿಬಿಡಿ ಆಯೆರ್. 4ಅಪಗ ಅರಸು ಯೆಹೂದ್ಯೆರೆ ಮಾತ ಪ್ರಧಾನಯಾಜಕೆರೆನ್ಲಾ ಪ್ರಜೆತ ಶಾಸ್ತ್ರಿಲೆನ್ಲಾ ಸೇರಾದ್, “ಕ್ರಿಸ್ತೆ ಪುಟ್ಟೊಡಾಯಿನವು ಓಲು?” ಅಂದ್‌ದ್ ಅಕ್ಲೆಡ ಕೇಂಡೆ.
5ಅಕುಲು ಆಯಡ, “ಯೂದಾಯದ ಬೇತ್ಲೆಹೇಮುಡೇ ಅಂದ್‌ದ್ ಪ್ರವಾದಿಲೆನ ಗ್ರಂಥೊಡು ಬರೆತ್ಂಡ್.
6‘ಯೆಹೂದ ಸೀಮೆದ ಬೇತ್ಲೆಹೇಮೋ,
ಯೆಹೂದದ ಮುಖ್ಯ ಪಟ್ಟಣಲೆಡ್, ಈ ಏತ್ ಮಾತ್ರೊಗ್ಲಾ ಎಲ್ಯವು ಅತ್ತ್.
ಒರಿ ಅಧಿಪತಿ ನಿನ ಉಲಯಿಡ್ದ್ ಪಿದಾಡುವೆ.
ಆಯೆ ಎನ ಪ್ರಜೆಕುಲಾಯಿ ಇಸ್ರಾಯೇಲ್ಯೆರೆನ್ ಆಳುವೆ,’” ಪಂಡೆರ್.
7ಅಪಗ ಹೆರೋದೆ ಏರೆಗ್ಲಾ ತೆರಿಯಂದಿಲೆಕ್ಕ ಜೋಯಿಸೆರೆನ್ ಲೆಪ್ಡಾದ್ ಆ ಬೊಳ್ಳಿ ತೋಜಿದ್ ಬತ್ತಿ ಕಾಲೊನು ಅಕ್ಲೆಡ ಸರಿಯಾದ್ ತೆರಿಯೊಂದು, 8“ನಿಕುಲು ಪೋದು ಆ ಬಾಲೆದ ಸಂಗತಿಡ್ ಸರಿಯಾದ್ ವಿಚಾರ ಮಲ್ಪುಲೆ. ಅವು ತಿಕ್ಕಿಬೊಕ್ಕ ಎಂಕ್ ತೆರಿಪಾಲೆ, ಯಾನ್ಲಾ ಬತ್ತ್‌ದ್ ಆ ಬಾಲೆಗ್ ಅಡ್ಡಬೂರ್ವೆ,” ಅಂದ್‌ದ್ ಜೋಯಿಸೆರೆನ್ ಬೇತ್ಲೆಹೇಮುಗು ಕಡಪುಡಿಯೆ.
9ಅಕುಲು ಅರಸುನ ಪಾತೆರೊನು ಕೇಂಡ್ದ್ ಪಿದಾಡ್ನಗ ಮೂಡಾಯಿ ದೇಶೊಡು ತೂಯಿ ಬೊಳ್ಳಿ ಕುಡ ತೋಜಿದ್ ಬತ್ತ್‌ದ್ ಅಕ್ಲೆನ ದುಂಬು ದುಂಬು ಪೋದು ಬಾಲೆ ಇತ್ತಿ ಜಾಗ್‌ದ ಮಿತ್ತ್ ಬತ್ತ್‌ದ್ ಉಂತುಂಡು. 10ಅಕುಲು ಆ ಬೊಳ್ಳಿನ್ ತೂದು ಮಸ್ತ್ ಸಂತೋಷ ಮಲ್ತೆರ್. 11ಬೊಕ್ಕ ಆ ಇಲ್ಲದುಲಯಿ ಪೋದು ಆ ಬಾಲೆನ್ಲಾ ಐತ ಅಪ್ಪೆ ಮರಿಯನ್ಲಾ ತೂದು, ಐಕ್ ಅಡ್ಡಬೂರ್ದು ಆರಾಧನೆ ಮಲ್ತ್‌ದ್ ತನ್ಕುಲೆ ಗಂಟ್‌ನ್ ಗಿರ್ತ್‌ದ್ ಐಕ್ ಬಂಗಾರ, ಲೋಭಾನ, ರಕ್ತಬೋಳಲೆನ್ ಉಡಿಗೆರೆ ಆದ್ ಕೊರಿಯೆರ್.
12ಐಡ್ದ್ ಬೊಕ್ಕ ದೇವೆರ್ ಕನೊಟು ಅಕ್ಲೆಗ್ ತೋಜಿದ್ ಬತ್ತ್‌ದ್, “ನಿಕುಲು ಹೆರೋದ ಕೈತಲ್‌ ಪಿರ ಪೋವೆರೆ ಬಲ್ಲಿ,” ಅಂದ್‌ದ್ ಅಪ್ಪಣೆ ಕೊರಿನೆಡ್ದ್ ಅಕುಲು ಬೊಕ್ಕೊಂಜಿ ಸಾದಿಡ್ದ್ ತನ್ಕುಲೆ ದೇಶೊಗು ಪಿದಾಡ್ದ್ ಪೋಯೆರ್.
ಹೆರೋದೆ ಯೇಸುನು ಕೆರಿಯೆರೆ ಮಲ್ತಿ ಪ್ರಯತ್ನ
13ಅಕುಲು ಪೋಯಿ ಬೊಕ್ಕ ಕರ್ತವ ದೂತೆ ಯೋಸೇಫುಗು ಕನೊಟು ತೋಜಿದ್ ಬತ್ತ್‌ದ್, “ಈ ಲಕ್ಕ್‌ದ್ ಈ ಬಾಲೆನ್ಲಾ ಐತ ಅಪ್ಪೆನ್ಲಾ ಲೆತ್ತೊಂದು ಐಗುಪ್ತ ದೇಶೊಗು ಪಾರ್‌ಪೋದು ಯಾನ್ ನಿಕ್ಕ್ ಪನ್ಪಿ ಮುಟ್ಟ ಅವುಲೇ ಉಪ್ಪುಲ. ಹೆರೋದೆ ಈ ಬಾಲೆನ್ ಕೆರೊಡು ಅಂದ್‌ದ್ ಅವೆನ್ ನಾಡೊಂದುಲ್ಲೆ,” ಪಂಡೆ. 14ಅಪಗನೆ ಆಯೆ ಲಕ್ಕ್‌ದ್ ಆ ಬಾಲೆನ್ಲಾ ಐತ ಅಪ್ಪೆನ್ಲಾ ರಾತ್ರೆಡೇ ಲೆತ್ತೊಂದು ಐಗುಪ್ತೊಗು ಪೋಯೆ. 15ಹೆರೋದೆ ಸೈಪಿನೆಟ್ಟ ಐಗುಪ್ತೊಡೆ ಇತ್ತೆ. ಉಂದೆಡ್ದ್, “ಎನ ಮಗನ್ ಐಗುಪ್ತ ದೇಶದುಲಯಿಡ್ದ್ ಲೆತ್ತೆ,” ಅಂದ್‌ದ್ ಕರ್ತವೆ ಪ್ರವಾದಿಲೆಡ್ದ್ ಪಂಡಿ ಪಾತೆರ ನಡತ್ಂಡ್.
ಬೇತ್ಲೆಹೇಮುಡು ಆಣ್ ಬಾಲೆಲೆನ್ ಕೆರಿನವು
16ಅಪಗ ಹೆರೋದೆ ತನ್ಕ್ ಜೋಯಿಸೆರ್ ಮೋಸ ಮಲ್ತೆರ್ ಅಂದ್‌ದ್ ತೆರಿದ್ ಕೋಪೊಡು ಜನ ಕಡಪುಡ್ದು ತಾನ್ ಜೋಯಿಸೆರೆಡ್ದ್ ತೆರಿಯೊಂಡಿ ಕಾಲೊಗು ಸರಿಯಾದ್ ಬೇತ್ಲೆಹೇಮುಡ್ಲಾ ಐತ ಕೈತಲ್‌ದ ಹಳ್ಳಿಲೆಡ್ಲಾ ರಡ್ಡ್ ವರ್ಸದುಲಯಿದ ಆಣ್ ಬಾಲೆಲೆನ್ ಕೆರ್ಪಾಯೆ.
17ಯೆರೆಮೀಯ ಪನ್ಪಿ ಪ್ರವಾದಿ ಪಂಡಿ ಪಾತೆರೊಲು ಆ ಕಾಲೊಡು ನಡತ್ಂಡ್. ಅವು ದಾನೆಂದ್ಂಡ,
18ರಾಮೊಡು ಬೊಬ್ಬೆ ಕೇಂಡ್.
ಮಸ್ತ್ ಬುಲಿಪಾಟಲಾ ಅರಬಾಯಿಲಾ ಉಂಡಾಂಡ್.
ರಾಹೆಲ್ ತನ ಜೋಕುಲೆಗಾದ್ ಬುಲ್ತು ಬುಲ್ತುದು
ಅಕುಲು ಇಜ್ಜಾಂದೆ ಪೋಯಿನೆಕ್ಕಾದ್ ಸಮಾಧಾನ ಆವಂದೆ ಇತ್ತಲ್ ಪನ್ಪಿನವೇ.
ನಜರೇತ್‌ಗ್ ಪಿರ ಬರ್ಪಿನವು
19ಹೆರೋದೆ ಸೈತಿ ಬೊಕ್ಕ ಐಗುಪ್ತ ದೇಶೊಡು ಕರ್ತವ ದೂತೆ ಯೋಸೇಫುಗು ಕನೊಟು ತೋಜಿದ್ ಬತ್ತ್‌ದ್ ಪಂಡೆ, 20“ಈ ಲಕ್ಕ್‌ದ್ ಬಾಲೆನ್ಲಾ ಐತ ಅಪ್ಪೆನ್ಲಾ ಲೆತ್ತೊಂದು ಇಸ್ರಾಯೇಲ್ ದೇಶೊಗು ಪೋಲ. ಬಾಲೆದ ಪ್ರಾಣೊನು ದೆಪ್ಪೊಡುಂದು ಇತ್ತಿನಾಕುಲು ಸೈತ್ ಪೋಯೆರ್,” 21ಅಪಗ ಯೋಸೇಫು ಬಾಲೆನ್ಲಾ ಐತ ಅಪ್ಪೆನ್ಲಾ ಲೆತ್ತೊಂದು ಇಸ್ರಾಯೇಲ್ ದೇಶೊಗು ಬತ್ತೆ.
22ಆಂಡ ಅರ್ಕೆಲಾಯೆ ತನ ಅಮ್ಮೆ ಆಯಿ ಹೆರೋದನ ಪಗತೆಗ್ ಯೂದಾಯೊನು ಆಳುವೆ ಅಂದ್‌ದ್ ತೆರಿದ್ ಅಡೆಗ್ ಪೋಯೆರೆ ಪೋಡಿಯೆ. ಅಪಗ ಆಯೆ ಕನೊಟು ದೇವೆರೆ ಅಪ್ಪಣೆನ್ ಪಡೆದ್ ಗಲಿಲಾಯದ ಸೀಮೆಗ್ ಪೋಯೆ. 23ಬೊಕ್ಕ ನಜರೇತ್ ಪನ್ಪಿ ಊರುಗು ಬತ್ತ್‌ದ್ ಅಲ್ಪ ಇಲ್ಲ್ ಮಲ್ತ್‌ದ್ ಕುಲ್ಲಿಯೆ. ನೆಡ್ದ್, “ನಜರಾಯೆ ಪನ್ಪಿ ಪುದರ್ ಬರ್ಪುಂಡು,” ಪಂಡ್ದ್ ಪ್ರವಾದಿಲೆಡ್ದ್ ಪನ್ಪಾಯಿನ ಪಾತೆರ ನಡತ್ಂಡ್.

Поточний вибір:

ಮತ್ತಾಯೆ 2: ತುಳು

Позначайте

Поділитись

Копіювати

None

Хочете, щоб ваші позначення зберігалися на всіх ваших пристроях? Зареєструйтеся або увійдіть

Безплатні плани читання та молитовні роздуми до ಮತ್ತಾಯೆ 2

YouVersion використовує файли cookie для персоналізації вашого досвіду. Використовуючи наш вебсайт, ви приймаєте використання файлів cookie, як описано в нашій Політиці конфіденційності