Maatewos 23
23
Akka Yesus Waan Jara Seera Beekuutii Fi Fariisotaa Hime
(Mar. 12:38-39; Luq. 11:43-46; 20:45-46)
1Yesus gumii fi jara ufiitti haasa'ee, 2“Jara seera beekuu fi Fariisootii waan seera Musee himte. 3Tanaaf waan warrii isanitti himu cufa tolchuu maltan, ammoo waan warrii waan nama barsiisu ufii hinguunneef, waan warrii tolchu hintolchinaa. 4Warrii ba'aa ulfoo qaaceera namaa irra kaa'a, ammoo ufii baa'a ulfoo sun qubaalleen tuquu hinfedhu. 5#Mat. 6:1 Waan cufa akka namii warra argu tolchan. Qudhaamii warrii addaaf harkatti hidhatu waan gugurdaa, handaarii wayaa warraalleen waan dhedheeraa. 6Fulaa jilaatti fulaa dadansaa fedhan, manneen Waldeennaa keessaalleetti barcumaa dadansaa fedhan. 7Gabayaa keessatti akka namii ulfeessee nagaa warra fuudhu, ammallee akka namii barsiisaa guddaa warraan jedhu fedhan. 8Ammoo ‘Barsiisaa guddaa’ namii isaniin jechuu hinmale, maaliif isaniin cuftii obbooleeyyan, barsiisaa tokko callaa qabdan. 9Ammallee nama lafa tana irra jiru tokkoolleen Aabboo hinjedhinaa; Abbaan keessan tokko callaa, sulleen ka Waaqaa gubbaa jiruu. 10Yokaan Mooticha namii isaniin jechuu hin malle; Mootichii keessan Kiristoos callaa. 11#Mat. 20:26-27; Mar. 9:35; 10:43-44; Luq. 22:26 Namii isanii cufa irra guddaa ha hojjataa keessan ta'uu. 12#Luq. 14:11; 18:14 Nama ufi guddisu indiqeessan, nama ammoo ufi diqeessu inguddisan” jedhe.
Akka Yesus Kiyiba Isanii Hime
(Mar. 12:40; Luq. 11:39-42,44,52; 20:47)
13Gaargalii keessan jara seera beekuu fi Fariisota! Kiyibdoolee! Isan Mootummaa Waaqaa nama duraa cuftanii, ufiillee induuddan, warra duuduu fedhuullee indhowartan. 14Gaargalii keessan, isanii seera beekuu fi Farisota Kiyibdoolee! Isan nadheen dhiirsii irraa du'e dabsitanii, waan warraa hattanii, kadhachaa teessan kiyibaaf dheeresitan. Mar. roo waan kanattiif nama cufa irra gaargaltan. 15Gaargalii keessan, jara seera beekuu fi Fariisota Kiyibdoolee! Galaana taakkitanii, nama tokko aadaa teessan barsiisuuf lafa fagoo yaatan, innii yo barate marroo lama haga keessaniillee irra ibiddaa male!
16Gaargalii keessan, balloota nama dura yaatu! Yo namii mana Waaqaatiin kakate homaaniti jettanii barsiiftan; ammoo yo innii warqii mana Waaqaa keessa jirtuun kakate akkas wayya jettanii barsiiftan. 17Isan daallee ila hinqamne! Warqii moo Mana Waaqaa ka warqii qulqulleessuutti irra jira? 18Ammallee yo namii waan sooriyoo irratti qalaniin kakate, homaaniti jettanii barsiiftan, ammoo yo innii sooriyoo waan sooriyoo irratti qalan gubbaa teettunin kakate wayya jettan. 19Isan akkam ballaa! sooriyoo moo waan sooriyoo irratti qalan ka sooriyoo qulqulleessutti irra jabduu? 20Tanaaf namii yo waan sooriyoo irratti qalaniin kakate, innii waan sooriyoo irratti qalanii fi waan gubbaa jira cufaan kakate; 21akkasuma namii yo mana Waaqaatiin kakate, isaa fi Waaqaa achi jiraatuulleen kakate; 22#Mat. 5:34 ammallee namii yo Waaqaa gubbaan kakate, innii barcumaa Waaqaatii fi nama irra taa'uulleen ya kakate.
23Gaargalii keessan, jara seera beekuu fi Fariisota, kiyyibdoolee! Qooda kudhaneessoo ka gurbii urgootii fi waan dhibii sagaleen urgeesaniillee Waaqaa baaftanii, barsiisaa isaa jajabduu ta seeraa diddan, ta akka qajeelumaa, naasuu fi dhugaa. Adoo seera dhibiillee hindinnee waan kana guutuu maltan. 24Balloota nama dura yaatu! Tiittee aanaan keessaa fudhattaniitti, gaala ammoo liqimsitan!
25Gaargalii keessan, jara seera beekuu fi Fariisota kiyyibdoolee! Qorii fi muduunuu ala dhixxan, keessa isii ammoo hannaa fi ufi jaalachaan guuttan. 26Fariisaniicha ballaa! Waan muduunu keessa jiraa dhiqii, duuba aliilleen inqulqulla'aa.
27 #
Huji. 23:3
Gaargalii keessan, jara seera beekuu fi Fariisota kiyyibdoolee! Isan akka awwaala nooraa dibanii adeesanii alaan guddoo midhaaguu, ka ammoo keessii isaa lafee fi waan shame qabuu jirtan. 28“Isaniilleen ammoo akkasuma alaan dansaa fakkaattanii, garaan keessan dharaa fi cubbuu qaba” jedhe.
Akka Yesus Dhaanicha Warraa Hime
(Luq. 11:47-51)
29“Gaargalii keessan, jara seera beekuu fi Fariisota kiyyibdoolee! Awwaala mimidhaagaa raagaa tolchitan, waan warra dhugaatiin qaabattan gubbaa jaartan, 30‘Nu yo silaa bara ababoota teennaa jiraanne, akka warraa raagoota hinijjeemnu’ jettan. 31Isan, ‘Nu ilmaan warraa raagoota fixxe’ jettan ufii dhugeesitan. 32Me dura yaa'aa, waan ababootii teessan qara tolchite obaassaa. 33#Mat. 3:7; 12:34; Luq. 3:7 Isan bofaa fi ilmaan bofaati! Muraa hegerii dandeettanii duraa hinbaatan. 34Tanaaf waan anin isanitti himu, anin raagoota, warra qalbii qabuu fi qaalloota isanitti erga, ka garii fixxanii, ka garii mukatti fanniftanii, ka garii Manneen Waldeennaa keessatti lichoon dhaantanii, dira cufa keessaa haatan. 35Dhiigii warra homaa hiyyakinii cuftii mataa keessan gubbaa jira, dhiiga Abeelitii haga dhiiga Zakaariyas ilma Baraakiya, ka isan mana Waaqatii fi waan sooriyoo irratti baasan jidduu lamaanitti ijjeeftan. 36Anin isanitti hima, wantii kunin cuftii mataa dhaloota kanaa gubbaa buuti” isaniin jedhe.
Akka Yesus Yerusaalem Jaalaate
(Luq. 13:34-35)
37“Ee Yerusaalem, Yerusaalem, atin raagota fixxee ergamtoota Waaqii sitti erge dhakaan dhodhoche. Mar. roo hagam anin nama kankee cufa, akka lukkuun ilmoolee ufii koola jalatti guurattu silaa guuruu fedhe, ammoo atin didde. 38Amma warrii kankee ona ta'a. 39Waan anin isanitti himu, ardhaa achi itti deebitanii na hinagartan, haga isan, ‘Waaqii nama maqaa Aabbootiin dhufu ha eebbisu’ jettaniitti” jedhe.
Поточний вибір:
Maatewos 23: KakHaa
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть