Maarqoos 3
3
Akka Yesus Nama Harkii Kokotta'e Fayyise
(Mat. 12:9-14; Luq. 6:6-11)
1Yesus ammallee Mana Waldeennaa seennaan, nama tokko ka harkii kokotta'e achiitti arge. 2Warrii tokko ka Yesus himachuu fedhe akka innii guyyaa sanbataatiin isa fayyisu ilaalaa jedhee achi tata'ee eege. 3Yesus nama harkii kokottaa'e kaaniin, “Koottii, jidduu tana ejji” jedhe. 4Biyyaan, “Guyyaa Sambataa waan dansaa tolchuun seera moo seeraanii? Kun guyyaa lubbuu fayyisaan moo ka lubbuu ijjeesan?” jedhe. Warrii ammoo isa gula dubbachuu didee callise. 5Tana irratti innii aaree warra mimillatee, marroo jabeenna garaa warraatiif laaleffatee namicha kaanin, “Harka diriirfadhu” jedhe. Innii harka ufii diriirfannaan fayye. 6Fariisootii gad yaatee hojjuma sun jara Herodisii waliin kora tolchitee, akka Yesus ijjeesan walmari'atan.
Akka Gumiin Yesus Gula Yaatee
7Yesus jara ufii waliin gara galaana Galiilaa deebi'ee, waan innii tolche dhageennaan gumiin guddoon biyya Galiilaa, ta Yihudaa, 8ta Yerusaalem, ta Edoomiyaa, ta Yordaanos gamaa, ta dira Xiroostii fi Sidooniilleen walti baatee, isatti dhufte. 9#Mar. 4:1; Luq. 5:1-3 Innii akka gumiin guddoon isa hindadarbine, jara isaatiin, “Hoboloo tokko naa kurfeessaa” jedhe. 10Mar. roo innii nama hedduu fayyiseef namii dhukkuba qabu cuftii isa tuquu fedhee waldhidhibe. 11Jinniin yo isa argite cufa, isa duratti jiddee iyyitee, “Atin ilma Waaqaa” jette. 12Innii ammoo akka isiin nama isa hinbeesimne jabeessee itti seere.
Akka Yesus Ergamtoota Kudhanii lamaa Foohate
(Mat. 10:1-4; Luq. 6:12-16)
13Jennaan Yesus gaara tokko koree, jara fedhu ufiitti yaamee, warrii isatti dhufe. 14Jennaan akka isa waliin taani fi ammallee akka deemanii qoonqoo Waaqaa biyya barsiisaan nama kudhanii lamaa foohatee nama ufii tolfatee, warra foohate kaan, “Ergamtoota” jedhee yaame. 15Ammallee humna jinniin nama keessaa baasanillee isaanii kenne. 16Warrii kudhanii lamaa ka innii foohate kana, Simoon, ka innii, “Phexros” jedhee moggaase; 17Yaaqoobii fi Yoh. aannis, ilmaan Zabdewos ta innii isii lachuu, “Bo'anerges” jedhee moggaase, akkas jechuun “Ilmaan mandiisuu” jechuu. 18Indriiyaas, Filiphos, Bartolomewos, Maatewos, Toomas, Yaaqoob ilma Alfewosii, Taadewos, Simoon nama lafa ufii jabeessu, 19Yihudaa nama lafa Keriyotii ka Yesus gurgurate.
Yesusii Fi Bi'el Zeebul
(Mat. 12:22-32; Luq. 11:14-23; 12:10)
20Jennaan Yesus gara manaa gale. Gumiin guddoon itti baatee isaa fi jarii isaalleen sagaleellee nayaachuu dadhabe. 21Waan kaan dhageennaan fiixaan isaa, “Innii ya maraate” jettee isa fuudhuu dhufte. 22#Mat. 9:34; 10:25 Warrii Seera beeku ka Yerusaalemii dhufe ammoo, “Bi'el Zeebuliitti isa qabate, ammallee humna guddaa jinniitiin jinnii nama keessaa baasa” jedhan. 23Duuba Yesus biyya yaamee, mammaassaan, “Sheexanii akkamiin danda'ee Sheexana baasa? 24Laftii tokko yo ufii gargarii baatee, laftii sun inbaddi. 25Warrii manaa tokkoo yo gargarii ba'ee, warrii sun inbada. 26Ammallee Sheexanii yo silaa waldidee jabeennii isaa qoodamee, innii danda'ee hinjabaatu; sunin muumme isaati” jedhe. 27Yo qaraa isa hidhe malee, namii mana nama jabaa tokko danda'ee cabsee seenee mi'a isaa saamu hinjiru. Yo sun callaa manii isaa saamamuu danda'a. 28Dhugumaa, waan anin isanitti himu, “Cubbuu fi arraba hamaa namii dubbatuullee cufa Waaqii namaa inaraarama, 29#Luq. 12:10 namii ammoo Hafuura Qulqulloo arrabsu cubbuu itti taati malee haga jiruu jireennaa araarama hinargatu” isaaniin jedhe. 30Wantii Yesus akkana jedheef, waan qara biyyitii, “Innii jinnii qaba” jetteef.
Haadha Yesusiitii Fi Obbooleeyyan Isaa Ta Dhugaa
(Mat. 12:46-50; Luq. 8:19-21)
31Jennaan haadhaa fi obbooleeyyan Yesusii dhufanii, ala ejaajjanii, nama isatti erganii yaaman. 32Gumiin isa dhaattuu teteettu, “Laali, haatetii fi obbooleeyyan tantee ala ejaajjanii si gaafachuutti jiraan” jedhaniin. 33Innii, “Haadha tiyyaa fi obbooleeyyan tiyya eennu?” isaaniin jedhe. 34Biyya isa marsitee ciiftu millatee, “Kunoo, haadhaa fi obbooleeyyan tiyya tana. 35Namii fedhii Waaqaa guutuu cuftii obbooleessaa fi haadha tiyya” jedhe.
Поточний вибір:
Maarqoos 3: KakHaa
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть