Yohanes KPƆKPLƆYIƉEME
KPƆKPLƆYIƉEME
Nyanyui la abe ale si Yohanes ŋlɔe ene ɖe Yesu fia abe Mawu ƒe Nya mavɔ si “va zu amegbetɔ, eye wònɔ agbe le mía dome” la ene. Abe ale si agbalẽa ŋutɔ gblɔe ene la, woŋlɔ Nyanyui sia ale be ame siwo axlẽe la naxɔ ase be Yesue nye Xɔla kple Mawu Vi si ŋugbe Mawu do, eye ame si ke xɔ edzi se la, akpɔ agbe (20.31).
Le agbalẽa ƒe kpɔkplɔyiɖeme me la, Yohanes ɖee fia be Mawu ƒe Nya lae nye Yesu. Agbalẽa ƒe akpa gbãtɔ ƒo nu le dzesi vovovo siwo Yesu wɔ la ŋu. Dzesi siawoe ɖee fia be Yesue nye Xɔla kple Mawu Vi si ŋugbe Mawu do la. Akpa sia ɖe nufiafia siwo le dzesiawo me la hã ɖe go, eye wògaƒo nu le ale si ame aɖewo xɔ Yesu dzi se, heva zu eyomedzelawo, ke ame bubuwo ya tsi tre ɖe eŋu, eye wogbe be yewomaxɔ edzi ase o la ŋu. Ta 13-17 ƒo nu le ale si Yesu kple eƒe nusrɔ̃lawo zɔ kplíkplikpli hafi wova lée la ŋu. Etɔ asi dzadzraɖo si wòwɔ kple dzideƒonya siwo wògblɔ na eƒe nusrɔ̃lawo hafi wolée la dzi. Agbalẽa ƒe ta mamlɛawo ƒo nu le Yesu léle, ʋɔnudɔdrɔ̃e, ekaklã ɖe ati ŋu, ku, tsitretsitsi kple ale si wòɖe eɖokui fia eƒe nusrɔ̃lawoe la ŋu.
Wode nyɔnu si wolé, wòle ahasi wɔm la (8.1-11) ƒe ŋutinya kpɔtɔtɔ [ ] me, elabe mele mawunyagbalẽ gbãtɔ siwo gɔme woɖe la dometɔ geɖewo me o. Gawu la, gɔmeɖeɖe bubu aɖewo ya dee teƒe bubuwo.
Yohanes te gbe ɖe edzi be agbe mavɔ nye Mawu ƒe nunana si to Kristo dzi va. Enye nunana si dze egɔme fifia, eye ame siwo xɔa Yesu be enye mɔ la, nyateƒe la kple agbe la la, kpɔa nunana sia. Nu vevi ɖeka, si míagade dzesii le Yohanes ƒe agbalẽa ŋu lae nye ale si Yesu tsɔ gbe sia gbe nuwo ɖe gbɔgbɔmenuwo gɔmee. Nu siawo ƒe ɖewoe nye: tsi, abolo, kekeli, alẽkplɔla kple eƒe alẽwo, wainti kple eƒe kutsetse.
Agbalẽa ƒe nyatiwo
Kpɔkplɔyiɖeme 1.1-18
Yohanes mawutsilenamela kple Yesu ƒe nusrɔ̃la gbãtɔwo 1.19-51
Yesu ƒe dɔwɔwɔ le dutoƒo 2.1—12.50
Yesu ƒe ŋkeke mamlɛtɔ le Yerusalem kple le dua godo 13.1—19.42
Aƒetɔ la ƒe tsitretsitsi kple eɖokuiɖeɖefia 20.1-31
Nuwunyawo: Yesu gaɖe eɖokui fia le Galilea hã 21.1-25
Поточний вибір:
Yohanes KPƆKPLƆYIƉEME: EB14
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
EƲEGBE BIBLIA © The Bible Society of Togo, 2014.
Yohanes KPƆKPLƆYIƉEME
KPƆKPLƆYIƉEME
Nyanyui la abe ale si Yohanes ŋlɔe ene ɖe Yesu fia abe Mawu ƒe Nya mavɔ si “va zu amegbetɔ, eye wònɔ agbe le mía dome” la ene. Abe ale si agbalẽa ŋutɔ gblɔe ene la, woŋlɔ Nyanyui sia ale be ame siwo axlẽe la naxɔ ase be Yesue nye Xɔla kple Mawu Vi si ŋugbe Mawu do, eye ame si ke xɔ edzi se la, akpɔ agbe (20.31).
Le agbalẽa ƒe kpɔkplɔyiɖeme me la, Yohanes ɖee fia be Mawu ƒe Nya lae nye Yesu. Agbalẽa ƒe akpa gbãtɔ ƒo nu le dzesi vovovo siwo Yesu wɔ la ŋu. Dzesi siawoe ɖee fia be Yesue nye Xɔla kple Mawu Vi si ŋugbe Mawu do la. Akpa sia ɖe nufiafia siwo le dzesiawo me la hã ɖe go, eye wògaƒo nu le ale si ame aɖewo xɔ Yesu dzi se, heva zu eyomedzelawo, ke ame bubuwo ya tsi tre ɖe eŋu, eye wogbe be yewomaxɔ edzi ase o la ŋu. Ta 13-17 ƒo nu le ale si Yesu kple eƒe nusrɔ̃lawo zɔ kplíkplikpli hafi wova lée la ŋu. Etɔ asi dzadzraɖo si wòwɔ kple dzideƒonya siwo wògblɔ na eƒe nusrɔ̃lawo hafi wolée la dzi. Agbalẽa ƒe ta mamlɛawo ƒo nu le Yesu léle, ʋɔnudɔdrɔ̃e, ekaklã ɖe ati ŋu, ku, tsitretsitsi kple ale si wòɖe eɖokui fia eƒe nusrɔ̃lawoe la ŋu.
Wode nyɔnu si wolé, wòle ahasi wɔm la (8.1-11) ƒe ŋutinya kpɔtɔtɔ [ ] me, elabe mele mawunyagbalẽ gbãtɔ siwo gɔme woɖe la dometɔ geɖewo me o. Gawu la, gɔmeɖeɖe bubu aɖewo ya dee teƒe bubuwo.
Yohanes te gbe ɖe edzi be agbe mavɔ nye Mawu ƒe nunana si to Kristo dzi va. Enye nunana si dze egɔme fifia, eye ame siwo xɔa Yesu be enye mɔ la, nyateƒe la kple agbe la la, kpɔa nunana sia. Nu vevi ɖeka, si míagade dzesii le Yohanes ƒe agbalẽa ŋu lae nye ale si Yesu tsɔ gbe sia gbe nuwo ɖe gbɔgbɔmenuwo gɔmee. Nu siawo ƒe ɖewoe nye: tsi, abolo, kekeli, alẽkplɔla kple eƒe alẽwo, wainti kple eƒe kutsetse.
Agbalẽa ƒe nyatiwo
Kpɔkplɔyiɖeme 1.1-18
Yohanes mawutsilenamela kple Yesu ƒe nusrɔ̃la gbãtɔwo 1.19-51
Yesu ƒe dɔwɔwɔ le dutoƒo 2.1—12.50
Yesu ƒe ŋkeke mamlɛtɔ le Yerusalem kple le dua godo 13.1—19.42
Aƒetɔ la ƒe tsitretsitsi kple eɖokuiɖeɖefia 20.1-31
Nuwunyawo: Yesu gaɖe eɖokui fia le Galilea hã 21.1-25
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
EƲEGBE BIBLIA © The Bible Society of Togo, 2014.