Mathiu 24
24
1An Iesu neterier le nimwa ahwak makavan, an tan ieremim min netakarua ton moma takatikun in le nimwa min te nimwa ahwak.
2Mero neteraram menipen to ilar, Nesaihman naremnar min uk? Nuparhien tiakani to kamiar, kapiel min tesaiwatean le ilar min mero tepelakhiau petum in.
3An neterowata le touar Oliv min, an tan ieremim min netakarua ton ilar pusen am mamani, Ani to kamar moma tohnan nar min uk kapol? An neta nar pusupus teretikun le nuean taham mene naunin nian le ten uk?
4An Iesu neteraram menipen to ilar, Tenakamaihmena moma ieremim ker tereseuhiatinan kamiar.
5Mero in ka neremim ribor teparua le netigok mamani, Io Kristo, an takareuhiatin neremim ribor.
6An tenepairo neluakenan mene nakaran te neluakenan, tenakamaihmena mama tenesariginan; mero in ka nar min uk terakeikei mua, mero resolan moma naunin nian.
7Mero in ka nahuto mil tepiaho ilau min, an niko mil tepiaho ilau min, an noumus terapavan mene mig le ten nevin.
8Mero naremnar min uk nerwowunan nahmean.
9Loanian ka tepauraipen kamiar le nahmean, an teparhwapnin kamiar, an neremim petum tepaimakin kamiar mero in ka netigok.
10Loanian ka neremim ribor tepaipitetel, an ker terepaurai ker, an ker terepomakin ker.
11An neremim ribor tepareiwa mama ilar profeta min, an tepareuhiatin neremim ribor.
12An mero in ka tehwaga tat teribor nolkeikeian te neremim rapus terepesuas.
13Mero ierem terail tumutum le naunin kapos miuh in.
14An nakaran uk te niko tepausito in le ten min petum to hninatinan to neremim petum, an loanian ka naunin terepua.
15An takama tenakaihm nelikunan asul ramail le ten ausim, nar kameni le Daniel profeta (pas ierem ramahwin hrinatin).
16Loanian ka pas nerem Judia kaikam marit le touar.
17Ierem le hnagen nimwa pas rapas natitean moma teros nar ker le nimwa tahan.
18An ierem le nasuman pas rapas nelelegpenan mun moma teros nar ituga tahan.
19Mero awe to neberan kamasinen mene neberan kamamarofen nahmean loanian ka.
20Mero tenakaihwak moma nakaman temiar teresuean le nowa nelulu wa le nian ausim.
21Mero in ka loanian ka nahmean asul terepua, nahmean rika rol mok lan le nerwowunan nar mua le nian uk, an ker mun rol mok lan teresuean.
22An takama nian ka kamesolan rerparup, ieremim ker tepesosmiuhan. Mero in ka nerem kamahmpen ilar nepenian ka kamol rerparup.
23Loanian ka takama ker tereni to kamiar, Ahm ru, Kristo ikenuk, wa, Kristo ikenan, tenesanian nuparhienan lan.
24Mero in ka neremim tepairmig mamareiwa moma ilar Kristo min mene profeta min, an teparol nar pusupus ribor mene nar ut aken moma takareuhiatin asgavin nerem kamahmpen ilar.
25Ahm ru, iemaupan meni to kamiar.
26Mero in ka takama tepani to kamiar, Ahm ru, in leluan, tenesarieran; Ahm ru, in imwa, tenesanian nuparhienan lan.
27Mero in ka rolkoma nesiapumelan tersibat an kamahm in paha, rol mok lan nuean te Neri Ieremim.
28Iken nubalakin iken an iken kueria min teparhwafugen iken.
29An ihwe am nahmean te nian min un rua mua, mit repapinap, an mouk teresofenan hnakakan tahan, an mahau min tepeisas le neai, an nesanenan te neai repasiouh.
30An loanian ka kapahm nar pusupus te Neri Ieremim le neai, an loanian ka nahuto min petum le ten uk tepaisak an tepaihm Neri Ieremim rakava le napua le neai le nesanenan mene le navitan asul.
31An terefhalipen nagelo min tahan le naiu asul, an teparhwafugen nerem kamahmpen ilar tahan le nemetag kuer le nuhiefin neai to takerin.
32An le nihm airo hnoan nakaran. Takama nelimin terameravi an neteretik merukmeruk le numalin, nakarhinatin moma menkat iwaket.
33Rol mok lan kamiar mun takama tenakaihm naremnar min uk, tenakarhinatin moma in iwaket, le nausilua.
34Nuparhien tiakani to kamiar moma nerem uk tesarikean loanian naremnar min uk tapol.
35Neai ne ten tikiaka mero nakaran tahak teresikean.
36An ieremim ker reshinatinan nian ka mene aur ka, mene nagelo min le neai mene Nerin, mero in am Remin.
37Mero in ka rolkoma nian taha Noa, rol mok lan nuean taha Neri Ieremim.
38Mero in ka rolkoma ilar loanian ka paupan le iapiwan netakarkin maramnum, an kamairoe an mamaiviu beravin to nerikan mairoatis le nian noa neteruan le niko.
39An kamesarhinatinan mairoatis loanian ka iapiwan rua mapkita ilar, rol mok lan nuean te Neri Ieremim.
40Loanian ka ieremim mil kiu le nasuman ker kamosit an kapas ker.
41Beravin kiu kamuoaiesesan le kapiel, ker kamosit an kapas ker.
42Arit; mero in ka nakatiktik nian Ieremera temiar terua lan.
43Mero nakarhinatin nar uk moma takama ieremera le nimwa remhinatin lapin iakihla terua lan, ramemait an teresapasan tahan nimwa khapu.
44Mero in uk kamiar mun tenakamarit, mero in ka nian ker nekimiar reshoan Neri Ieremim terepua.
45An pehe iolatkokun ut nar mene ialbakau, ierem ieremera tahan ramol in reremera le neremim tahan moma teraugan ilar le nian min.
46Iolatkokun nar keikei ka ieremera tahan terepua an mahm in rakamol nar uk.
47Nuparhien tiakani to kamiar, terepol in reremera le naremnar min tahan.
48Mero takama iolatkokun tat nar ka tereni le nekin, Ieremera tahak ramamarik tahman;
49An netererwowun moho nolatkokun nar tahan, an mamaugan mamamnum ilar nerem mamaipus;
50Ieremera te iolatkokun nar ka terepua le nian in nekin reshoan mene le aur retiktik in lan,
51An tereperai ita in an terepofen nemrin tahan le neki nerem kamaiusit ilar. Iken nasakan mene nikisan nelutil.
Поточний вибір:
Mathiu 24: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.
Mathiu 24
24
1An Iesu neterier le nimwa ahwak makavan, an tan ieremim min netakarua ton moma takatikun in le nimwa min te nimwa ahwak.
2Mero neteraram menipen to ilar, Nesaihman naremnar min uk? Nuparhien tiakani to kamiar, kapiel min tesaiwatean le ilar min mero tepelakhiau petum in.
3An neterowata le touar Oliv min, an tan ieremim min netakarua ton ilar pusen am mamani, Ani to kamar moma tohnan nar min uk kapol? An neta nar pusupus teretikun le nuean taham mene naunin nian le ten uk?
4An Iesu neteraram menipen to ilar, Tenakamaihmena moma ieremim ker tereseuhiatinan kamiar.
5Mero in ka neremim ribor teparua le netigok mamani, Io Kristo, an takareuhiatin neremim ribor.
6An tenepairo neluakenan mene nakaran te neluakenan, tenakamaihmena mama tenesariginan; mero in ka nar min uk terakeikei mua, mero resolan moma naunin nian.
7Mero in ka nahuto mil tepiaho ilau min, an niko mil tepiaho ilau min, an noumus terapavan mene mig le ten nevin.
8Mero naremnar min uk nerwowunan nahmean.
9Loanian ka tepauraipen kamiar le nahmean, an teparhwapnin kamiar, an neremim petum tepaimakin kamiar mero in ka netigok.
10Loanian ka neremim ribor tepaipitetel, an ker terepaurai ker, an ker terepomakin ker.
11An neremim ribor tepareiwa mama ilar profeta min, an tepareuhiatin neremim ribor.
12An mero in ka tehwaga tat teribor nolkeikeian te neremim rapus terepesuas.
13Mero ierem terail tumutum le naunin kapos miuh in.
14An nakaran uk te niko tepausito in le ten min petum to hninatinan to neremim petum, an loanian ka naunin terepua.
15An takama tenakaihm nelikunan asul ramail le ten ausim, nar kameni le Daniel profeta (pas ierem ramahwin hrinatin).
16Loanian ka pas nerem Judia kaikam marit le touar.
17Ierem le hnagen nimwa pas rapas natitean moma teros nar ker le nimwa tahan.
18An ierem le nasuman pas rapas nelelegpenan mun moma teros nar ituga tahan.
19Mero awe to neberan kamasinen mene neberan kamamarofen nahmean loanian ka.
20Mero tenakaihwak moma nakaman temiar teresuean le nowa nelulu wa le nian ausim.
21Mero in ka loanian ka nahmean asul terepua, nahmean rika rol mok lan le nerwowunan nar mua le nian uk, an ker mun rol mok lan teresuean.
22An takama nian ka kamesolan rerparup, ieremim ker tepesosmiuhan. Mero in ka nerem kamahmpen ilar nepenian ka kamol rerparup.
23Loanian ka takama ker tereni to kamiar, Ahm ru, Kristo ikenuk, wa, Kristo ikenan, tenesanian nuparhienan lan.
24Mero in ka neremim tepairmig mamareiwa moma ilar Kristo min mene profeta min, an teparol nar pusupus ribor mene nar ut aken moma takareuhiatin asgavin nerem kamahmpen ilar.
25Ahm ru, iemaupan meni to kamiar.
26Mero in ka takama tepani to kamiar, Ahm ru, in leluan, tenesarieran; Ahm ru, in imwa, tenesanian nuparhienan lan.
27Mero in ka rolkoma nesiapumelan tersibat an kamahm in paha, rol mok lan nuean te Neri Ieremim.
28Iken nubalakin iken an iken kueria min teparhwafugen iken.
29An ihwe am nahmean te nian min un rua mua, mit repapinap, an mouk teresofenan hnakakan tahan, an mahau min tepeisas le neai, an nesanenan te neai repasiouh.
30An loanian ka kapahm nar pusupus te Neri Ieremim le neai, an loanian ka nahuto min petum le ten uk tepaisak an tepaihm Neri Ieremim rakava le napua le neai le nesanenan mene le navitan asul.
31An terefhalipen nagelo min tahan le naiu asul, an teparhwafugen nerem kamahmpen ilar tahan le nemetag kuer le nuhiefin neai to takerin.
32An le nihm airo hnoan nakaran. Takama nelimin terameravi an neteretik merukmeruk le numalin, nakarhinatin moma menkat iwaket.
33Rol mok lan kamiar mun takama tenakaihm naremnar min uk, tenakarhinatin moma in iwaket, le nausilua.
34Nuparhien tiakani to kamiar moma nerem uk tesarikean loanian naremnar min uk tapol.
35Neai ne ten tikiaka mero nakaran tahak teresikean.
36An ieremim ker reshinatinan nian ka mene aur ka, mene nagelo min le neai mene Nerin, mero in am Remin.
37Mero in ka rolkoma nian taha Noa, rol mok lan nuean taha Neri Ieremim.
38Mero in ka rolkoma ilar loanian ka paupan le iapiwan netakarkin maramnum, an kamairoe an mamaiviu beravin to nerikan mairoatis le nian noa neteruan le niko.
39An kamesarhinatinan mairoatis loanian ka iapiwan rua mapkita ilar, rol mok lan nuean te Neri Ieremim.
40Loanian ka ieremim mil kiu le nasuman ker kamosit an kapas ker.
41Beravin kiu kamuoaiesesan le kapiel, ker kamosit an kapas ker.
42Arit; mero in ka nakatiktik nian Ieremera temiar terua lan.
43Mero nakarhinatin nar uk moma takama ieremera le nimwa remhinatin lapin iakihla terua lan, ramemait an teresapasan tahan nimwa khapu.
44Mero in uk kamiar mun tenakamarit, mero in ka nian ker nekimiar reshoan Neri Ieremim terepua.
45An pehe iolatkokun ut nar mene ialbakau, ierem ieremera tahan ramol in reremera le neremim tahan moma teraugan ilar le nian min.
46Iolatkokun nar keikei ka ieremera tahan terepua an mahm in rakamol nar uk.
47Nuparhien tiakani to kamiar, terepol in reremera le naremnar min tahan.
48Mero takama iolatkokun tat nar ka tereni le nekin, Ieremera tahak ramamarik tahman;
49An netererwowun moho nolatkokun nar tahan, an mamaugan mamamnum ilar nerem mamaipus;
50Ieremera te iolatkokun nar ka terepua le nian in nekin reshoan mene le aur retiktik in lan,
51An tereperai ita in an terepofen nemrin tahan le neki nerem kamaiusit ilar. Iken nasakan mene nikisan nelutil.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.