Mark 6
6
1An neterier iken, an neterua imwanena, an tan ieremim min netakamairoupen in.
2An nian ausim neterua, netererwowun mametikun le nimwa ahwak; neremim nevin netakairou netakamaisak ton mamani, mama, Wus uk ramos ihia nar min uk? An neta nalbakauan kenofen kam wus uk, mene nesanenan min uk kamol le nelimin?
3Resolan moma wus uk karpenter, neri Meri, mene pia Jems mene Joses mene Judas mene Saimon? An resolan moma noinen uk katar min? An netakaipitetel lan.
4An Iesu netereni to ilar, moma, Resolan moma kasaniapkisan profeta mero imwanena mene le neki neraman mene le nimwa tahan.
5An riakis ton moma terol narepuk iken, mero ramehlaupen nelimin le neremim nowanevin kamaremis, mamol ut ilar.
6Neterasak mero in ka nuparhienan tenilar rika. Neterakavan le nauanu iken min mametikun.
7An neteraunin ton tan ieremim min katilum katilum mekiu, an netererwowun mahmaliatou ilar kiu kiten, an neterofen kam ilar nesanenan to nanumun tat min.
8An netereni to ilar moma tesarosan nar ker to suatu, mero kasikin am tesarosan bred wa karam wa mani le katouf.
9Mero takaruan le nelikin ilar kameviu, an, Tenesarviuan kamiar le kot kiu.
10An netereni to ilar, Takama iken ker nakaruan le nimwa ker, amairik iken mairoatis nian teneparier iken.
11An takama nauanu ker resiran kamiar mesairouan kamiar, takama tenakarier iken, ahipel atagatag nemapten lahau le nelikimiar to ilar.
12An netakarier mamatikun mama neremim takaleleg.
13An netakahiliatou nanumun tat min nevin, an netakatepi nerem kamaremis nevin le nihinar, mamarol ut ilar.
14An ieremera Herod netererou, mero in ka netigen kehninatin, an netereni moma, Jon ierem ramol nebaptisoan reknermig le neki nerem kamaremis, an mero in ka le nar uk nesanenan min uk kamarol nar lan.
15Mero nevin netakani mama, In Ilaija; an nevin netakani mama, In profeta kama ker le profeta min.
16Mero Herod netererou netereni, Jon ierem iemerakru tenkapa in reknermig.
17Mero in ka Herod in atu rehmal ruan mehiapatin Jon kalis kahlau le nimwa iakis, mero in ka le Herodias nuai Filip nohran mero in ka ramir in.
18Mero in ka Jon rameni to Herod, moma, Resmatuan tonik moma tenekir nuai nohram.
19An Herodias neteramakin Jon, an rolkeikei moma terhwapnin in, an riakis ton.
20Mero in ka Herod ramagnin Jon mero in ka rhinatin moma in ieremim matu mausim, an neteramahmena in, an metererou in, an nekin neteramol tipil kam in, an netererou in le nagienan.
21An nian ut neterua, an le nian te naitan tahan Herod neterol nauganan to neremera tahan mene neremera le soldier min mene nerem asul le Kalili.
22An beresuas, neri Herodias, neterua mamako, an neterol ut neki Herod mene nerem kamaiwata ilar min to nauganan. An ieremera netereni to beresuas, Ahrapkinpa tonio nar nakolkeikei an tiapofena kam ik.
23An neteros nowanavel ton, Takama tenakahrapkinpa nar ker tonio, tiapofena kam ik, meroatis takeri niko tahak.
24An neterier mameni to inen, Tiakahrapkinpen neta? An netereni, Tenkapa Jon ierem ramol nebaptisoan.
25An ihwe am neteruan hwaihwai to ieremera netererhapuk mameni, Iakolkeikei moma towek tenakofa kam io tenkapa Jon, ierem ramol nebaptisoan, le nevigenar.
26An ieremera nekin neteramahma puk aken, mero in ka le nowanavel min tahan mene nerem kamaiwata ilar min to nauganan, resolkeikeian moma terenhiau in.
27An ihwe am ieremera neterhalipen soldier ker, netereni ton moma teros tenkapa mua. An neteruan merakru tenkapa le nimwa iakis, an neteros tenkapa mua le nevigenar.
28An neterofen in kam beresuas, an beresuas neterofen in kam inen.
29An tan ieremim min netakairou netakarua maros nubalakin, an netakaihlau in le nepag.
30An apostelo min netakarhwafugen ilar min to Iesu, an netakaiusito in kam in naremnar min ilar kamarol mene nar min alar kamatikun.
31An netereni to ilar, Arua kamiar pusen am to nar leluan maimig tahman iken. Mero in ka neremim ribor kamarua mamaruan, an ilar kasarosan nian resolan moma to nauganan.
32An netakaruan le bot to nar leluan ilar pusen am.
33An neremim netakaihm ilar kamaruan, an nevin netakarhinatin ilar, an netakaribat marhwafugen iken kamasipe le nauanu min, an netakaiupan in ilar marua.
34An neterier neterahm nahuto ribor, an nekin neterasak in ilar, mero in ka karol kama sip min kasarosan ierem terasig ilar; an netererwowun mametikun ilar le nar min ribor.
35An neterapinap tan ieremim min netakarua ton mamani, mama, Nar leluan uk, an raknapinap.
36Halita ra ilar moma takaruan le neki ten mene nauanu iken min uk maros to ilar nemri nar takarkin.
37Mero neteraram mameni to ilar, Kamiar arofen kam ilar nar takarkin. An netakani ton, Tiakaruan maros nemri bred le peni 200, marofen kam ilar takarkin?
38An netereni to ilar, Bred kuhu nakaros? Aruan ru maihm. An netakarhinatin netakani, Katilum mene nam kiu.
39An netereni to ilar moma neremim petum takaiwata le nelin pusen pusen min le numanar mira.
40An netakaiwata le nelin min nevin 100, nevin 50.
41An neteros bred katilum mene nam kiu, neteretaget le neai mameni vivi, an netererkahl bred, neterofen kam tan ieremim min moma takarofen kam ilar, an neteroti nam mil le ilar min.
42An ilar petum netakarugan marhepus.
43Netakaiuiak nemusmusin karam katilum katilum mekiu karet, mene le nam.
44An nerem kamarkin bred ilar neremim aken 5,000.
45Ihwe am neterakeikei kam tan ieremim min moma takaisua le bot, maiupan maruan le televinpen to Bethsaida, mero in terefhaliatou nahuto.
46An neterauietuin ilar, neteruan le towar moma terahwak.
47An lehnaiu neterua an bot ramarik le neluki tehe, an in pusen am le ten.
48An neterahm ilar kamailekutamta le nasuean mero in ka kamatik etuatu nemetag, an le naitan ierem rol kuer lapin neterakava to ilar mamaliwak le tehe, an neterama terapita le ilar;
49Mero netakaihm in ramaliwak le tehe, netakama in nanumutil, an netakamaisak apahm.
50Mero in ka ilar petum kamaihm, an tipil neterakahmo ilar. An ihwe am neterakar pen le ilar, an netereni to ilar, Aigien, Io apa, asarigenan.
51Neteret muan to ilar le bot; nemetag neteram; an nanumun ilar neterakamuka aken le ilar min.
52Mero in ka kamesarhinatinan le bred; mero nekin ilar remiakis.
53An netakareukafugen marua le ten Kenesaret, an netakaihlau us.
54An netakaruat le bot, an ihwe am neremim netakarhinatin in.
55An netakamari akmakam le ten petum ka, an netakarwowun mamarpuk nerem kamaremis le nihmawa marua iken kamairou mama in iken.
56An iken min petum ramakavan iken, le nauanu wa le nauanu asul, wa le ten, ilar kamahituk nerem kamaremis imaim; an netakamaikeikei kam in mama to kariap am nuhiefi nar rakava lan; an nerem kamariap in kenol ut petum ilar.
Поточний вибір:
Mark 6: LEN1902
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.
Mark 6
6
1An neterier iken, an neterua imwanena, an tan ieremim min netakamairoupen in.
2An nian ausim neterua, netererwowun mametikun le nimwa ahwak; neremim nevin netakairou netakamaisak ton mamani, mama, Wus uk ramos ihia nar min uk? An neta nalbakauan kenofen kam wus uk, mene nesanenan min uk kamol le nelimin?
3Resolan moma wus uk karpenter, neri Meri, mene pia Jems mene Joses mene Judas mene Saimon? An resolan moma noinen uk katar min? An netakaipitetel lan.
4An Iesu netereni to ilar, moma, Resolan moma kasaniapkisan profeta mero imwanena mene le neki neraman mene le nimwa tahan.
5An riakis ton moma terol narepuk iken, mero ramehlaupen nelimin le neremim nowanevin kamaremis, mamol ut ilar.
6Neterasak mero in ka nuparhienan tenilar rika. Neterakavan le nauanu iken min mametikun.
7An neteraunin ton tan ieremim min katilum katilum mekiu, an netererwowun mahmaliatou ilar kiu kiten, an neterofen kam ilar nesanenan to nanumun tat min.
8An netereni to ilar moma tesarosan nar ker to suatu, mero kasikin am tesarosan bred wa karam wa mani le katouf.
9Mero takaruan le nelikin ilar kameviu, an, Tenesarviuan kamiar le kot kiu.
10An netereni to ilar, Takama iken ker nakaruan le nimwa ker, amairik iken mairoatis nian teneparier iken.
11An takama nauanu ker resiran kamiar mesairouan kamiar, takama tenakarier iken, ahipel atagatag nemapten lahau le nelikimiar to ilar.
12An netakarier mamatikun mama neremim takaleleg.
13An netakahiliatou nanumun tat min nevin, an netakatepi nerem kamaremis nevin le nihinar, mamarol ut ilar.
14An ieremera Herod netererou, mero in ka netigen kehninatin, an netereni moma, Jon ierem ramol nebaptisoan reknermig le neki nerem kamaremis, an mero in ka le nar uk nesanenan min uk kamarol nar lan.
15Mero nevin netakani mama, In Ilaija; an nevin netakani mama, In profeta kama ker le profeta min.
16Mero Herod netererou netereni, Jon ierem iemerakru tenkapa in reknermig.
17Mero in ka Herod in atu rehmal ruan mehiapatin Jon kalis kahlau le nimwa iakis, mero in ka le Herodias nuai Filip nohran mero in ka ramir in.
18Mero in ka Jon rameni to Herod, moma, Resmatuan tonik moma tenekir nuai nohram.
19An Herodias neteramakin Jon, an rolkeikei moma terhwapnin in, an riakis ton.
20Mero in ka Herod ramagnin Jon mero in ka rhinatin moma in ieremim matu mausim, an neteramahmena in, an metererou in, an nekin neteramol tipil kam in, an netererou in le nagienan.
21An nian ut neterua, an le nian te naitan tahan Herod neterol nauganan to neremera tahan mene neremera le soldier min mene nerem asul le Kalili.
22An beresuas, neri Herodias, neterua mamako, an neterol ut neki Herod mene nerem kamaiwata ilar min to nauganan. An ieremera netereni to beresuas, Ahrapkinpa tonio nar nakolkeikei an tiapofena kam ik.
23An neteros nowanavel ton, Takama tenakahrapkinpa nar ker tonio, tiapofena kam ik, meroatis takeri niko tahak.
24An neterier mameni to inen, Tiakahrapkinpen neta? An netereni, Tenkapa Jon ierem ramol nebaptisoan.
25An ihwe am neteruan hwaihwai to ieremera netererhapuk mameni, Iakolkeikei moma towek tenakofa kam io tenkapa Jon, ierem ramol nebaptisoan, le nevigenar.
26An ieremera nekin neteramahma puk aken, mero in ka le nowanavel min tahan mene nerem kamaiwata ilar min to nauganan, resolkeikeian moma terenhiau in.
27An ihwe am ieremera neterhalipen soldier ker, netereni ton moma teros tenkapa mua. An neteruan merakru tenkapa le nimwa iakis, an neteros tenkapa mua le nevigenar.
28An neterofen in kam beresuas, an beresuas neterofen in kam inen.
29An tan ieremim min netakairou netakarua maros nubalakin, an netakaihlau in le nepag.
30An apostelo min netakarhwafugen ilar min to Iesu, an netakaiusito in kam in naremnar min ilar kamarol mene nar min alar kamatikun.
31An netereni to ilar, Arua kamiar pusen am to nar leluan maimig tahman iken. Mero in ka neremim ribor kamarua mamaruan, an ilar kasarosan nian resolan moma to nauganan.
32An netakaruan le bot to nar leluan ilar pusen am.
33An neremim netakaihm ilar kamaruan, an nevin netakarhinatin ilar, an netakaribat marhwafugen iken kamasipe le nauanu min, an netakaiupan in ilar marua.
34An neterier neterahm nahuto ribor, an nekin neterasak in ilar, mero in ka karol kama sip min kasarosan ierem terasig ilar; an netererwowun mametikun ilar le nar min ribor.
35An neterapinap tan ieremim min netakarua ton mamani, mama, Nar leluan uk, an raknapinap.
36Halita ra ilar moma takaruan le neki ten mene nauanu iken min uk maros to ilar nemri nar takarkin.
37Mero neteraram mameni to ilar, Kamiar arofen kam ilar nar takarkin. An netakani ton, Tiakaruan maros nemri bred le peni 200, marofen kam ilar takarkin?
38An netereni to ilar, Bred kuhu nakaros? Aruan ru maihm. An netakarhinatin netakani, Katilum mene nam kiu.
39An netereni to ilar moma neremim petum takaiwata le nelin pusen pusen min le numanar mira.
40An netakaiwata le nelin min nevin 100, nevin 50.
41An neteros bred katilum mene nam kiu, neteretaget le neai mameni vivi, an netererkahl bred, neterofen kam tan ieremim min moma takarofen kam ilar, an neteroti nam mil le ilar min.
42An ilar petum netakarugan marhepus.
43Netakaiuiak nemusmusin karam katilum katilum mekiu karet, mene le nam.
44An nerem kamarkin bred ilar neremim aken 5,000.
45Ihwe am neterakeikei kam tan ieremim min moma takaisua le bot, maiupan maruan le televinpen to Bethsaida, mero in terefhaliatou nahuto.
46An neterauietuin ilar, neteruan le towar moma terahwak.
47An lehnaiu neterua an bot ramarik le neluki tehe, an in pusen am le ten.
48An neterahm ilar kamailekutamta le nasuean mero in ka kamatik etuatu nemetag, an le naitan ierem rol kuer lapin neterakava to ilar mamaliwak le tehe, an neterama terapita le ilar;
49Mero netakaihm in ramaliwak le tehe, netakama in nanumutil, an netakamaisak apahm.
50Mero in ka ilar petum kamaihm, an tipil neterakahmo ilar. An ihwe am neterakar pen le ilar, an netereni to ilar, Aigien, Io apa, asarigenan.
51Neteret muan to ilar le bot; nemetag neteram; an nanumun ilar neterakamuka aken le ilar min.
52Mero in ka kamesarhinatinan le bred; mero nekin ilar remiakis.
53An netakareukafugen marua le ten Kenesaret, an netakaihlau us.
54An netakaruat le bot, an ihwe am neremim netakarhinatin in.
55An netakamari akmakam le ten petum ka, an netakarwowun mamarpuk nerem kamaremis le nihmawa marua iken kamairou mama in iken.
56An iken min petum ramakavan iken, le nauanu wa le nauanu asul, wa le ten, ilar kamahituk nerem kamaremis imaim; an netakamaikeikei kam in mama to kariap am nuhiefi nar rakava lan; an nerem kamariap in kenol ut petum ilar.
Поточний вибір:
:
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
Published by the British and Foreign Bible Society in 1902, reprinted in 1935.