Mak Na kori lengana na omea nira tara marea tana buka de
Na kori lengana na omea nira tara marea tana buka de
Na saurongo talana te marea ia Mak, e tuturiha vahai de: “Na saurongo talana tana rongona ia Jisas Kraes, na Dalena ia God.” Ia Mak e tihisi lengaa ia Jisas e tamania na susuliha te vota mai tatana ia God. Na susulihana ia e tihisi lengaa tana nina sasani ia, mi tana tahu te huru chonira na tarunga sekoseko, mi tana tahu te maurisira na tinoni ocheoche, mi tana tahu te kori kenihua tana hadira seko na tinoni. Ma ia Jisas e kori tovosia ia na Dalena Na Tinoni, te mai me saua na mamaurina me ke ni sivo salana ia nidira seko na tinoni.
Ia Mak e kori luhia ia tana rongona ia Jon Na Tinoni Lesovitabu, ma na nina lesovitabu ia Jisas ma na nina tovotovo ia Setan te tovoa ia Jisas. Bukena, me koria ia tana rongona nina ago ia Jisas te maurisira me sasanira na tinoni. Diadia mi ira hana duli ia ara pada hadovi talanaa ia kalavata na Dalena ia God te sivo mai tana pari de. Mi ira hana hala ia Jisas ara masuhu vania, mara hae savi kalavataa ia. Mi tana kokodena na buka de, ia Mak e koripotona na omea nira te laba vania ia Jisas, tahuna te mate ia tana kros, me mauri visu soha ia tana tolunina na dani.
Na vatana na omea tara marea tana buka de
Na tuturihana nina ago ia Jisas (1:1-13)
Ia Jisas e agosia nina ago i Galili (1:14-9:50)
Ia Jisas e vota i Galili me dia vahai i Jerusalem (10:1-52)
Ia Jisas i Jerusalem (11:1-13:37)
Ia Jisas e mate me mauri visu soha (14:1-16:20)
Позначайте
Поділитись
Копіювати
Хочете, щоб ваші позначення зберігалися на всіх ваших пристроях? Зареєструйтеся або увійдіть
© 2024 (active), Wycliffe Bible Translators, Inc. All rights reserved