Rom 10
10
1Nawutih khälo, Isawlael khäl koong kulung dukäng mawt kulung hlü mäi awlaw Hnadaga khäka kei ni huih suh kotong, anih la ngulai känäng ähläh büneyal hnäng hmawna. 2Anih krong äng kei ni sawksi kepek, Hnadaga krong äng anih a mawmawt ini nah ei mäi khäh, äini ni ngen känäng hiyah. 3Mawng lawm äng Hnadaga la khrawng khäla konghmuh sang ting tak äm anih la äi lawm hmawt u. Anih la Hnadaga hmawi mawh a konghmuh sang ini thäneyeih koong anih la anih käh lawm dä poh eyeih saw ini hno ei. Äi koong Hnadaga la iba hi khrawnga konghmuh sang ting lawkei äm, äi lawm anih la ngei u. 4Krito la konghmuh sang ini thäneyeih koong Mosi käh thung hluih däk. Äihi tua Ani a ula yumei äm äi khäl dä Hnadaga hmawi mawh a konghmuh sang ini thäneyeih saw.
Hang hang koong awkhiyawt
5Thung sumei tila konghmuh sang näthänei saw khrang Mosi la ni yok hüt, “Mawng khrawng thung läk chetei äm, äi khrawng la äi thung äng sawk büneyei.” 6Äini uyum äng iba Hnadaga hmawi mawh a konghmuh sang näthänei äm, äi krong kiyam la ni huih hawu, Nini lung äng ni huih hawuvai chu, “U hawn pre a chetai äm?#Ditarnomi 30:12 Ni kheu nawphawh ngal khaw ni, Hawn pre känäng Krito a khomalaih koong u hawn pre a chetaih saw äm?” 7“Hiyah thän hawuvai chu, ‘U luhdül äng käh thuktih vawm äng komaih saw äm?’”#Ditarnomi 30:12 Äi kheu nawkrawnal khaw ni thänei, dütih khäl duk känäng ula Krito a ädäma olo alaih saw äm? 8Äini ni krong la i hawu äm? “Äi chok hawu nang kena nang mongkhok la nang lung äng mäi khäh.”#Ditarnomi 30:14 Äi chok hawu che yumsaw khrang, äi keinih khrawng khäla kinihiyawk tun. 9Äi kheu che ni, nang dä Yĕsu a Boi ting nomong khok äng nawkhawmei khaw awlaw nulung dukäng Hnadaga la Ani a düsaw känäng henal ting nuyumei khaw, äihi nang ngulai känäng awkhiyawt nübüneyalai. 10Iyaäm khrawng la ulung dukäng ini yumsaw äng dä Hnadaga la konghmuh sang ting lawkei saw awlaw omong khok äng awkhawmei saw äng dä ngulai känäng awkhiyawtal saw. 11Kiyam la hawu, “Ula Krito khrung äng yum äm äila che hiyawh ei bünei hnawh.”#Aijaya 28:16 12Yudi awlaw Yudi hiyahtih äng iha okhoih mäyah, iyaäm hang hang käh Boi che hngat dä. Ani a panei tih khäl kheni a Ani la anih khrung äng awbawng pisih läi pek. 13Kiyam äng mäi khäh, “Awkhiyawt büneyalaih koong u khälla Boi a ini panei äm, äi khälla awkhiyawt ini büneyei.”#Joel 2:32 14Äini Ani khrung äng uyum tawei hawmah tih la Ani a iba ini paneiyeih saw äm? Awlaw u khälla Ani kheu yaw hawm u äm, iba anih la Ani a ini yumeyeih saw äm? Awlaw sidawng hiyawktih mäyah khaw, anih la iba ini yawkaih saw äm? 15Awlaw anih a hngat la ha te u hi, iba sidawng hiyawktih khälla sidawng ini hiyawkaih saw äm? Kiyam äng yoei bala mäi, “Utih la awpiyaw sidawng pawi ini hiyawkäm anih käh kho mawt sopha khäh.”#Aijaya 52:7 16Äini hang hang la äi sidawng pawi äng ngei hüt u. Hnadaga sidawng hiyawktih Aijaya la hawu, “Boi o, keinih kini hiyawk hüt saw sidawng pawi ula yumei hütäm?”#Aijaya 53:1 17Äihi ini hmuh, Hnadaga kheu ni khin saw äng dä uyum lo saw. Awlaw Krito krong sidawng hiyawk hmuei saw äng dä äi kheu nini khin lah saw.
18Äini kei kawhawu, Isawlael khälla sidawng yaw hüt u ei? Ä, anih la ini yawk lah hüt khäh. Kiyam la äi krong äng hawu,
“Anih käh kheu luhdül khe a khrih ei chak khäh.
Anih käh kheu luhdül atum saw täh chet.”#Sam 19:4
19Kei awlaw kawhawu, “Isawlael khälla äi kheu yawchu hüt u ei? Mosi la täkchah hawu hüt:
Yapsaw ting süp chu saw yapa sumeingala,
kei nangnih a kanang selei sawkai.
Awlaw mäktih yapsaw sumeingala
nangnih nini man kanang thouhwai”
20Äi pänäng Aijaya la sengkhri äng hawu,
“Kei a usuiyah tih khälla kei a khrawng bün hüt.
Kei krong ihiyahtih khäl khäka Kei a khrawng awhmawt hmawna anih khäka kopoh ei.”#Aijaya 65:1
21Äini Isawlael khäl krong äng Hnadaga la hawu, “Ngeiyahtih la deng mäitih khrawng khäl pawta Kei hnüp thiya kukut phrah nei ngala kämäi.”#Aijaya 65:2
Поточний вибір:
Rom 10: CSH
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
©️2025 Bible Students Fellowship of Bangladesh
Rom 10
10
1Nawutih khälo, Isawlael khäl koong kulung dukäng mawt kulung hlü mäi awlaw Hnadaga khäka kei ni huih suh kotong, anih la ngulai känäng ähläh büneyal hnäng hmawna. 2Anih krong äng kei ni sawksi kepek, Hnadaga krong äng anih a mawmawt ini nah ei mäi khäh, äini ni ngen känäng hiyah. 3Mawng lawm äng Hnadaga la khrawng khäla konghmuh sang ting tak äm anih la äi lawm hmawt u. Anih la Hnadaga hmawi mawh a konghmuh sang ini thäneyeih koong anih la anih käh lawm dä poh eyeih saw ini hno ei. Äi koong Hnadaga la iba hi khrawnga konghmuh sang ting lawkei äm, äi lawm anih la ngei u. 4Krito la konghmuh sang ini thäneyeih koong Mosi käh thung hluih däk. Äihi tua Ani a ula yumei äm äi khäl dä Hnadaga hmawi mawh a konghmuh sang ini thäneyeih saw.
Hang hang koong awkhiyawt
5Thung sumei tila konghmuh sang näthänei saw khrang Mosi la ni yok hüt, “Mawng khrawng thung läk chetei äm, äi khrawng la äi thung äng sawk büneyei.” 6Äini uyum äng iba Hnadaga hmawi mawh a konghmuh sang näthänei äm, äi krong kiyam la ni huih hawu, Nini lung äng ni huih hawuvai chu, “U hawn pre a chetai äm?#Ditarnomi 30:12 Ni kheu nawphawh ngal khaw ni, Hawn pre känäng Krito a khomalaih koong u hawn pre a chetaih saw äm?” 7“Hiyah thän hawuvai chu, ‘U luhdül äng käh thuktih vawm äng komaih saw äm?’”#Ditarnomi 30:12 Äi kheu nawkrawnal khaw ni thänei, dütih khäl duk känäng ula Krito a ädäma olo alaih saw äm? 8Äini ni krong la i hawu äm? “Äi chok hawu nang kena nang mongkhok la nang lung äng mäi khäh.”#Ditarnomi 30:14 Äi chok hawu che yumsaw khrang, äi keinih khrawng khäla kinihiyawk tun. 9Äi kheu che ni, nang dä Yĕsu a Boi ting nomong khok äng nawkhawmei khaw awlaw nulung dukäng Hnadaga la Ani a düsaw känäng henal ting nuyumei khaw, äihi nang ngulai känäng awkhiyawt nübüneyalai. 10Iyaäm khrawng la ulung dukäng ini yumsaw äng dä Hnadaga la konghmuh sang ting lawkei saw awlaw omong khok äng awkhawmei saw äng dä ngulai känäng awkhiyawtal saw. 11Kiyam la hawu, “Ula Krito khrung äng yum äm äila che hiyawh ei bünei hnawh.”#Aijaya 28:16 12Yudi awlaw Yudi hiyahtih äng iha okhoih mäyah, iyaäm hang hang käh Boi che hngat dä. Ani a panei tih khäl kheni a Ani la anih khrung äng awbawng pisih läi pek. 13Kiyam äng mäi khäh, “Awkhiyawt büneyalaih koong u khälla Boi a ini panei äm, äi khälla awkhiyawt ini büneyei.”#Joel 2:32 14Äini Ani khrung äng uyum tawei hawmah tih la Ani a iba ini paneiyeih saw äm? Awlaw u khälla Ani kheu yaw hawm u äm, iba anih la Ani a ini yumeyeih saw äm? Awlaw sidawng hiyawktih mäyah khaw, anih la iba ini yawkaih saw äm? 15Awlaw anih a hngat la ha te u hi, iba sidawng hiyawktih khälla sidawng ini hiyawkaih saw äm? Kiyam äng yoei bala mäi, “Utih la awpiyaw sidawng pawi ini hiyawkäm anih käh kho mawt sopha khäh.”#Aijaya 52:7 16Äini hang hang la äi sidawng pawi äng ngei hüt u. Hnadaga sidawng hiyawktih Aijaya la hawu, “Boi o, keinih kini hiyawk hüt saw sidawng pawi ula yumei hütäm?”#Aijaya 53:1 17Äihi ini hmuh, Hnadaga kheu ni khin saw äng dä uyum lo saw. Awlaw Krito krong sidawng hiyawk hmuei saw äng dä äi kheu nini khin lah saw.
18Äini kei kawhawu, Isawlael khälla sidawng yaw hüt u ei? Ä, anih la ini yawk lah hüt khäh. Kiyam la äi krong äng hawu,
“Anih käh kheu luhdül khe a khrih ei chak khäh.
Anih käh kheu luhdül atum saw täh chet.”#Sam 19:4
19Kei awlaw kawhawu, “Isawlael khälla äi kheu yawchu hüt u ei? Mosi la täkchah hawu hüt:
Yapsaw ting süp chu saw yapa sumeingala,
kei nangnih a kanang selei sawkai.
Awlaw mäktih yapsaw sumeingala
nangnih nini man kanang thouhwai”
20Äi pänäng Aijaya la sengkhri äng hawu,
“Kei a usuiyah tih khälla kei a khrawng bün hüt.
Kei krong ihiyahtih khäl khäka Kei a khrawng awhmawt hmawna anih khäka kopoh ei.”#Aijaya 65:1
21Äini Isawlael khäl krong äng Hnadaga la hawu, “Ngeiyahtih la deng mäitih khrawng khäl pawta Kei hnüp thiya kukut phrah nei ngala kämäi.”#Aijaya 65:2
Поточний вибір:
:
Позначайте
Копіювати
Порівняти
Поділитись
Хочете, щоб ваші позначення зберігалися на всіх ваших пристроях? Зареєструйтеся або увійдіть
©️2025 Bible Students Fellowship of Bangladesh