If you would like a copy of this version please contact info@davaraudiobibles.org

Nyakyusa-Ngonde (Malawi) Bible

<div class="version vid4049 iso6393nyy" data-vid="4049" data-iso6393="nyy">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Ulwitikano pakati na Noa na Kyala</div><div class="p"> 1 # 
 Bwa 1.28
 Umwene Kyala alinkunsaya Noa na banake, alinkubabula alinkuti, &#8220;Moloke, nukwisula nkisu. 2Ifinyamana fyosa ifya nkisu, ninjuni sya mu mpalanga, niswi syosa isya mu nyanja, na fyosa ifi fikwendela ulwanda, fyosa mbapele umwe; ifyene fyo fisakubatilaga umwe, kangi fisakuyaga nulutende nkyeni mmyinu. 3Ifyabumi fyosa ifi fikwenda nkisu fyo fisakuyaga fyakulya fyinu; kangi bo apa nabapele ifibyaligwa fyosa ifibisi, momumo nalilino mbapelile ifindu fyosa ifi. 4#Levi 7.26-27; 17.10-14; 19.26; Kukumbu 12.16,23; 15.23Loli yene yi nyama yo muleke ukulya palikimo nubumi bwake ubu lyo ilopa. 5Buno na pa pilopa lyinu ili lyonigwe pope kwisakuyangapo ukumeleligwa; kwisakuyangapo ukumeleligwa pa finyamana fyosa ifi monile ilopa lyake kangi na pa bandu; pa bumi bwa gwamyabo gwa mundu gwesa uyu bangogile po nisakulondaga ukupyanikisyapo bu bumi bwa mundu. 6#Bwa 1.26; Kuso 20.13Uyu linga ikungoga umundu yo bisakungogaga ba bandu yope; papo Kyala alimpelile umundu nkifwani kyake, yuyo yu Kyala. 7#Bwa 1.28Loli umwe moloke fiyo, mubale mwisule itolo nkisu, nukukilambika.&#8221;</div><div class="p"> 8Umwene Kyala alinkumbula Noa palikimo nabanake aba ali nabo alinkuti, 9&#8220;Keta nikwimika ulwitikano pakati pa myinu na nine, na pakati pali une naba nduyungu lwinu aba bikukongaga pamyinu; 10kangi na pakati pa fyabumi fyosa ifi muli nafyo: injuni, ing'ombe syosa, nifinyamana fya ndisu ifi mwasokile nafyo mu ngalaba. 11Nikwimika ulwitikano pakati pali umwe nanine, ukuti ifya bumi fyosa fyo fitisakupyutigwamo kangi, gope numwelesyo gutisakuyako siku, ukuti gukyonange kangi ikisu. 12Popapo Kyala alinkuyoba alinkuti, Iki kyo kimanyilo ikya lwitikano ulu nimike pakati pali une nanumwe kangi nikya bumi kyosa iki muli nakyo, ukwakufika na kungulilo syosa isi sikwisaga. 13Nikubikaga ipingafula namabingu, lyo likuyaga kimanyilo kya lwitikano ulu lulipo pakati pamyangu nikisu. 14Linga mbikile amabingu pa kisu, lelo ipingafula likuboneka mmabingu gala, 15po nisakukumbukaga ulwitikano lwangu ulu lulipo pakati pamyangu nanumwe, kangi nifya bumi fya luko losa. Gope numwelesyo gutisakwandisya kangi ukufipyuta fyosa ifya bumi. 16Linga ndibwene ipingafula mmabingu nisakukumbuka ulwitikano lwa bwila ulu lulipo pakati pali une ne Kyala nifya bumi fyosa ifya luko nuluko ifi fili pakisu. 17Popapo Kyala alinkumbula Noa alinkuti, Kikiki kyo kimanyilo kya lwitikano ulu nikubika pakati pamyangu nanumwe, kangi nifya bumi fyosa ifi fili pakisu.&#8221;</div><div class="s">Noa na banake</div><div class="p"> 18Abana ba Noa aba basokile mu ngalaba bo aba: Shemu, Hamu na Yafeti. Hamu ali yo gwise gwa Kanani. 19Bo batatu bababa bali bana ba Noa; nduyungu lwabo mo bafumile abandu bosa aba biswile pakisu.</div><div class="p"> 20Noa, umundu undimamigunda yula, yo ali ntasi ukubyala imipiki gya mafilu. 21Bo anwile ubwalwa bwa mafilu alinkwenda nukugala, alinkulambalala pasi nnyumba yake unsita kufwala nimyenda. 22Umwene Hamu ugwise gwa Kanani bo ambwene ugwise ali bwasi itolo, alinkusoka panja ukwakubabula abamyabo babili bala. 23Popapo Shemu na Yafeti balinkwega umwenda balinkugubika pa fibega fyabo, balinkwendela kyanyumanyuma balinkwakumfwika ugwisabo, uyu akafwele nakamo, balinkuketa amaso kubungi bo bikumfwika, balinkusita nukunketa ugwisabo uyu akafwele nakamo. 24Lelo bo ubugale bumalike Noa, alinkusipilika isi alimbombile umwanake unnandi kuli bosa. 25Alinkuyoba alinkuti,</div><div class="q">&#8220;Agunigwege itolo Kanani;</div><div class="q">ayege ntumwa ku bamyabo bosa.&#8221;</div><div class="p"> 26Kangi alinkuti,</div><div class="q">&#8220;Kyala Untwa gwangu ansayege Shemu;</div><div class="q">ukuti Kanani yo ayege ntumwa gwake.</div><div class="q"> 27Kyala akipelege kyelefu ikisu kya Yafeti,</div><div class="q">kangi ubwitugalo bwake buyege nnyumba ya Shemu;</div><div class="q">Kanani yo ayege ntumwa gwabo.&#8221;</div><div class="p"> 28Bo gumalike umwelesyo, Noa alinkugona ifyinja aba mia batatu namalongo mahano (350); 29popapo alinkufwa bo ali nifyinja aba mia bahano na bana, namalongo mahano (950).</div>
 </div>
 </div>
</div>

BAIBULO INONGWA INUNU © Bible Society of Malawi, 2017.

Umwene Kyala alinkunsaya Noa na banake, alinkubabula alinkuti, “Moloke, nukwisula nkisu. Ifinyamana fyosa ifya nkisu, ninjuni sya mu mpalanga, niswi syosa isya mu nyanja, na fyosa ifi fikwendela ulwanda, fyosa mbapele umwe; ifyene fyo fisakubatilaga umwe, kangi fisakuyaga nulutende nkyeni mmyinu. Ifyabumi fyosa ifi fikwenda nkisu fyo fisakuyaga fyakulya fyinu; kangi bo apa nabapele ifibyaligwa fyosa ifibisi, momumo nalilino mbapelile ifindu fyosa ifi. Loli yene yi nyama yo muleke ukulya palikimo nubumi bwake ubu lyo ilopa. Buno na pa pilopa lyinu ili lyonigwe pope kwisakuyangapo ukumeleligwa; kwisakuyangapo ukumeleligwa pa finyamana fyosa ifi monile ilopa lyake kangi na pa bandu; pa bumi bwa gwamyabo gwa mundu gwesa uyu bangogile po nisakulondaga ukupyanikisyapo bu bumi bwa mundu. Uyu linga ikungoga umundu yo bisakungogaga ba bandu yope; papo Kyala alimpelile umundu nkifwani kyake, yuyo yu Kyala. Loli umwe moloke fiyo, mubale mwisule itolo nkisu, nukukilambika.”
Umwene Kyala alinkumbula Noa palikimo nabanake aba ali nabo alinkuti, “Keta nikwimika ulwitikano pakati pa myinu na nine, na pakati pali une naba nduyungu lwinu aba bikukongaga pamyinu; kangi na pakati pa fyabumi fyosa ifi muli nafyo: injuni, ing'ombe syosa, nifinyamana fya ndisu ifi mwasokile nafyo mu ngalaba. Nikwimika ulwitikano pakati pali umwe nanine, ukuti ifya bumi fyosa fyo fitisakupyutigwamo kangi, gope numwelesyo gutisakuyako siku, ukuti gukyonange kangi ikisu. Popapo Kyala alinkuyoba alinkuti, Iki kyo kimanyilo ikya lwitikano ulu nimike pakati pali une nanumwe kangi nikya bumi kyosa iki muli nakyo, ukwakufika na kungulilo syosa isi sikwisaga. Nikubikaga ipingafula namabingu, lyo likuyaga kimanyilo kya lwitikano ulu lulipo pakati pamyangu nikisu. Linga mbikile amabingu pa kisu, lelo ipingafula likuboneka mmabingu gala, po nisakukumbukaga ulwitikano lwangu ulu lulipo pakati pamyangu nanumwe, kangi nifya bumi fya luko losa. Gope numwelesyo gutisakwandisya kangi ukufipyuta fyosa ifya bumi. Linga ndibwene ipingafula mmabingu nisakukumbuka ulwitikano lwa bwila ulu lulipo pakati pali une ne Kyala nifya bumi fyosa ifya luko nuluko ifi fili pakisu. Popapo Kyala alinkumbula Noa alinkuti, Kikiki kyo kimanyilo kya lwitikano ulu nikubika pakati pamyangu nanumwe, kangi nifya bumi fyosa ifi fili pakisu.”

Abana ba Noa aba basokile mu ngalaba bo aba: Shemu, Hamu na Yafeti. Hamu ali yo gwise gwa Kanani. Bo batatu bababa bali bana ba Noa; nduyungu lwabo mo bafumile abandu bosa aba biswile pakisu.
Noa, umundu undimamigunda yula, yo ali ntasi ukubyala imipiki gya mafilu. Bo anwile ubwalwa bwa mafilu alinkwenda nukugala, alinkulambalala pasi nnyumba yake unsita kufwala nimyenda. Umwene Hamu ugwise gwa Kanani bo ambwene ugwise ali bwasi itolo, alinkusoka panja ukwakubabula abamyabo babili bala. Popapo Shemu na Yafeti balinkwega umwenda balinkugubika pa fibega fyabo, balinkwendela kyanyumanyuma balinkwakumfwika ugwisabo, uyu akafwele nakamo, balinkuketa amaso kubungi bo bikumfwika, balinkusita nukunketa ugwisabo uyu akafwele nakamo. Lelo bo ubugale bumalike Noa, alinkusipilika isi alimbombile umwanake unnandi kuli bosa. Alinkuyoba alinkuti,
“Agunigwege itolo Kanani;
ayege ntumwa ku bamyabo bosa.”
Kangi alinkuti,
“Kyala Untwa gwangu ansayege Shemu;
ukuti Kanani yo ayege ntumwa gwake.
Kyala akipelege kyelefu ikisu kya Yafeti,
kangi ubwitugalo bwake buyege nnyumba ya Shemu;
Kanani yo ayege ntumwa gwabo.”
Bo gumalike umwelesyo, Noa alinkugona ifyinja aba mia batatu namalongo mahano (350); popapo alinkufwa bo ali nifyinja aba mia bahano na bana, namalongo mahano (950).

سنیں UBWANDILO 9