IRPHUTNA 19
19
Sodom khua sualzia
1Khan, vântîrtôn inhni khohloi tiang Sodom khua an tunga; Lota chu Sodom khua dâimitzînga a lei toia: Lota’n a hmuhaia, lômhai hrangin a ngîra; khûksadelin chubai a mûkhaia; 2“khan lungkham takin puhaio, nin sinthotu ina hin irngam unglân, nin ke nin kut irsûkin zân riak unglân, zîng nôka nin thoi le nin fena hranga la fe ta roi,” a tia. Khannisianlân anni’n chu, “Ni no ni, keini chu kholaidunga riak kin ti,” an tia. 3Khannisianlân a ngênhai hrai sikin, an zuia, a ina an lûta, bu anh a suanga, bu anh tuitak fâkin an oma.
4Khannisianlân, an zâl mân Sodom khuaa mi, bunglu bungdop, a lian a chînin an irhuala; 5#Roi 19.22-24 Khan Lota kuanga khan, “A vuana ni ina mi hong lûthai kha khôn mo an om? anni kin irpôlpuihai theina hrangin kin kuang zuang tuanghai ro,” an tia.
6Khan, Lota chu mikot a van honga a enhaia, in a khâr nôka. 7Khan, “Urênghaio lungkham takin hi angpa hrai hin chu sual no roi ba! 8irngai roi, pasal la irpôlpui ngai loi nâi dôngmate inhni ki nei: lung nin kham unglân, anni hi nangni kuta nin izo zôt lôhai roi, a sa nin iti angin ompuihai roi; hi mihai chunga vai hin ite dengintheihai no roi, khasikin kêng ki ina an hong irngam,” a tia.
9Khan anni’n chu, “Irkhâi zel ro,” an tia. Khanchu, “Hi mi hi mo, hitaka om hranga hong lût, roirêltu chang nuam a la ni sa rêk: atûn chu annihai nêkin, nangma chunga kêng nang kin isoisak ual hrang,” an tia. Khan, Lota kha inkhâr insiatin an irbuanpuia. 10Khannisian, mihai khan an selhaia, Lota chu in sûnga an kai lûta in an khârkhuma; 11#2 Rng 6.18 khan inkhâr kôla omhai, a chîn a lianhai mit an incho pehaia: khanchu inkhâr hmu thei loiin an siahai ta.
Lota’n Sodom khua a suaksan
12Khan, mi inhnihai khan Lota kuang, “Hi mihai ti no hi ni irnâipui mo an la om? Nâipasal, nupang, ni moi ni mâk murdi hruai suakhaiin lân, hi khua hi suaksan ta roi, 13Rengpa inhriatin an sualzia an thang tâk sikin, hi khua hi insiat hrang kin ni ta: insiatpai hrangin Rengpa’n a ni zuang itîr a ni,” an tia. 14Khanchu, Lota chu a suaka, a mâkpahai a va hrilhaia; “Thoi unglân, hi khua hi suaksan ta roi, Rengpa’n hi khua hi a ihâl hrang a ni ta,” a tia. Khannisianlân a mâkhaiin chu taksôn loiin fiamthu angin an lâka.
15Khan zîng kôl a hong irsalin chu, “Thoiin lân, ni dôngma le ni nâi dôngmate inhnihai hi hruaihai ro; khano’nchu, hi khua siatna hin thina nin ti,” tiin Lota chu an tuar tâka. 16Khannisianlân irhnot loiin, ar ial maia; khanchu Rengpa’n lung an khamhai sikin, a kut leh a dôngma, a nâihai kuta chelin kho pên tiang an hnûk dokhaia, an siahai ta. 17Khan hiang hi a nia, kho pên tiang an om zoiin, “Ni hring theina hrangin intân ta ro; ni hnung khom irhei no ro, phâizôla khom hin irngam viat no’n lân, tâng tiang intân ro; khano’nchu ni ithi sa hrang kêng,” an tia. 18Khannisian Lota’n “Ka pu hiang bâk hin chu ni no ri se ba. 19Irngai ro, ni sintho hin chu ni mit ki itung mo ni ma. Nangma khonzâna chu a liana, kha khonzâna kha ki chunga hin ni saninzôkin nin lang pe’n lân, so tânga son chu intân thei no ning; thil saloi tongin ki ithi hrang kêng. 20#2 Pet 2.7 Irngai ro, so khua chînte so kêng intâna tung lat theina anaitak a ini; kho chînte ni khomsian ki zôk theina hrangin so son nin tântir ro,” a tia.
21Khan anni khan, “Irngai ro, hi thil ni iti khom hi nang ki pom pe, khua ni iti khom so nang hâl pe no ning. 22Irhnotin lân, so son van tân ro, ni tung mâka chu ite la ti thei ual no ning,” a tia. Khasikin kha kho’rhming khom kha Zoar#19.22: Zoar ti omzia chu Hebraiin “A chînte” tihna a ni. an ti ta.
Sodom le Gomora kângsiat thu
23Lota’n Zoar khua a tung tena chu, irnêng chung chu misa a hong ir-al suak tâka, 24#Mt 10.15; 11.23-24; Lk 10.12; 17.29; 2 Pet 2.6; Jud 1.7 khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira; 25khanchu kha khua le phâizôl lian dôr le a mi omhai le thil ite mông thei loiin a hâl irhmang zit tâka. 26#Lk 17.32 A dôngma chu Lota hnunga omin a hnung tiang a’rheia, lungmichi a chang zel tâka.
27Khan Abrahama chu zînga a thoiin Rengpa kôla a ngîrna hmuna a fea; 28khan Sodom le Gomora phâizôl murdihai chu a thîra, a ena; kha rama meikhû kha hâlirhmang chit angin a khû irzâm hlut hlutin a oma. 29Khan hiang hi a nia, Pathianin phâizôl a hâl irhmang laia, Lota omna hmun kha Pathianin Abrahama kha an hriat maia, Lota chu irhmangna hmun ata a sansuak a ni.
Moab le Amon-hai suakna bul
30Khan Lota kha Zoar khua ata a suaka, tânga a oma; a nâi dôngmatehai inhni leh Zoar khuaa om ngam mahaia: an parêngin rôla an oma. 31Khan a unu’n a sangnu kuang khan, “Ei pa laka hi a tar tâka, irnêng chunga hin dân ang taka ni’rpôlpui hrang lak pasal inkhat lua om ta mahaia; 32tho ei pa hi uain in intir ei ta, irchi ei pung theina hrangin zâlpui ei ti,” an tia. 33Khanchu kha ni zân chu uain an in intira: a unu kha a pa kôla lûtin a va zâlpuia, an pa’n a zâlpui khom inhre loiin a thoi nôka.
34Khanchu zîng nôka chu a unu’n, a sangnu kuang khan, “Irngai ro, mizân zân khan ei pa ki zâlpuia, a vuan zân khom uain in intir ei ta; nangma lûtin lân, ei pa irchi pung hrangin va zâlpui ro,” a tia. 35Khan hi nî zân khom hin an pa chu uain an in intira: a sangnu kha a va lûta a pa leh an zâlsuama, a zâlpui le a thoi nôk khom inhre loiin. 36Khaang khan Lota nâinuhaiin an pa irpôlpuiin nâi an vonga; 37a unu’n nâipasal a neia, a’rhming chu Moab a tia: hi mi hi atûna Moab-hai irchibul chu a ni. 38Khan, a sangnu khomin nâipasal a neia, a’rhming chu Ben-amona#19.38: Ben-amona ti hi Hebraiin “Ki mihai nâipa” tihna a ni. a tia, hi mi hi atûn laia Amona-hai irchibul hi a ni.
موجودہ انتخاب:
IRPHUTNA 19: HRACLBSI
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
IRPHUTNA 19
19
Sodom khua sualzia
1Khan, vântîrtôn inhni khohloi tiang Sodom khua an tunga; Lota chu Sodom khua dâimitzînga a lei toia: Lota’n a hmuhaia, lômhai hrangin a ngîra; khûksadelin chubai a mûkhaia; 2“khan lungkham takin puhaio, nin sinthotu ina hin irngam unglân, nin ke nin kut irsûkin zân riak unglân, zîng nôka nin thoi le nin fena hranga la fe ta roi,” a tia. Khannisianlân anni’n chu, “Ni no ni, keini chu kholaidunga riak kin ti,” an tia. 3Khannisianlân a ngênhai hrai sikin, an zuia, a ina an lûta, bu anh a suanga, bu anh tuitak fâkin an oma.
4Khannisianlân, an zâl mân Sodom khuaa mi, bunglu bungdop, a lian a chînin an irhuala; 5#Roi 19.22-24 Khan Lota kuanga khan, “A vuana ni ina mi hong lûthai kha khôn mo an om? anni kin irpôlpuihai theina hrangin kin kuang zuang tuanghai ro,” an tia.
6Khan, Lota chu mikot a van honga a enhaia, in a khâr nôka. 7Khan, “Urênghaio lungkham takin hi angpa hrai hin chu sual no roi ba! 8irngai roi, pasal la irpôlpui ngai loi nâi dôngmate inhni ki nei: lung nin kham unglân, anni hi nangni kuta nin izo zôt lôhai roi, a sa nin iti angin ompuihai roi; hi mihai chunga vai hin ite dengintheihai no roi, khasikin kêng ki ina an hong irngam,” a tia.
9Khan anni’n chu, “Irkhâi zel ro,” an tia. Khanchu, “Hi mi hi mo, hitaka om hranga hong lût, roirêltu chang nuam a la ni sa rêk: atûn chu annihai nêkin, nangma chunga kêng nang kin isoisak ual hrang,” an tia. Khan, Lota kha inkhâr insiatin an irbuanpuia. 10Khannisian, mihai khan an selhaia, Lota chu in sûnga an kai lûta in an khârkhuma; 11#2 Rng 6.18 khan inkhâr kôla omhai, a chîn a lianhai mit an incho pehaia: khanchu inkhâr hmu thei loiin an siahai ta.
Lota’n Sodom khua a suaksan
12Khan, mi inhnihai khan Lota kuang, “Hi mihai ti no hi ni irnâipui mo an la om? Nâipasal, nupang, ni moi ni mâk murdi hruai suakhaiin lân, hi khua hi suaksan ta roi, 13Rengpa inhriatin an sualzia an thang tâk sikin, hi khua hi insiat hrang kin ni ta: insiatpai hrangin Rengpa’n a ni zuang itîr a ni,” an tia. 14Khanchu, Lota chu a suaka, a mâkpahai a va hrilhaia; “Thoi unglân, hi khua hi suaksan ta roi, Rengpa’n hi khua hi a ihâl hrang a ni ta,” a tia. Khannisianlân a mâkhaiin chu taksôn loiin fiamthu angin an lâka.
15Khan zîng kôl a hong irsalin chu, “Thoiin lân, ni dôngma le ni nâi dôngmate inhnihai hi hruaihai ro; khano’nchu, hi khua siatna hin thina nin ti,” tiin Lota chu an tuar tâka. 16Khannisianlân irhnot loiin, ar ial maia; khanchu Rengpa’n lung an khamhai sikin, a kut leh a dôngma, a nâihai kuta chelin kho pên tiang an hnûk dokhaia, an siahai ta. 17Khan hiang hi a nia, kho pên tiang an om zoiin, “Ni hring theina hrangin intân ta ro; ni hnung khom irhei no ro, phâizôla khom hin irngam viat no’n lân, tâng tiang intân ro; khano’nchu ni ithi sa hrang kêng,” an tia. 18Khannisian Lota’n “Ka pu hiang bâk hin chu ni no ri se ba. 19Irngai ro, ni sintho hin chu ni mit ki itung mo ni ma. Nangma khonzâna chu a liana, kha khonzâna kha ki chunga hin ni saninzôkin nin lang pe’n lân, so tânga son chu intân thei no ning; thil saloi tongin ki ithi hrang kêng. 20#2 Pet 2.7 Irngai ro, so khua chînte so kêng intâna tung lat theina anaitak a ini; kho chînte ni khomsian ki zôk theina hrangin so son nin tântir ro,” a tia.
21Khan anni khan, “Irngai ro, hi thil ni iti khom hi nang ki pom pe, khua ni iti khom so nang hâl pe no ning. 22Irhnotin lân, so son van tân ro, ni tung mâka chu ite la ti thei ual no ning,” a tia. Khasikin kha kho’rhming khom kha Zoar#19.22: Zoar ti omzia chu Hebraiin “A chînte” tihna a ni. an ti ta.
Sodom le Gomora kângsiat thu
23Lota’n Zoar khua a tung tena chu, irnêng chung chu misa a hong ir-al suak tâka, 24#Mt 10.15; 11.23-24; Lk 10.12; 17.29; 2 Pet 2.6; Jud 1.7 khan Rengpa’n Sodom le Gomora khua chunga khan irvâna Rengpa kuang ata meiri-al ropuivânsâng angin an thotira; 25khanchu kha khua le phâizôl lian dôr le a mi omhai le thil ite mông thei loiin a hâl irhmang zit tâka. 26#Lk 17.32 A dôngma chu Lota hnunga omin a hnung tiang a’rheia, lungmichi a chang zel tâka.
27Khan Abrahama chu zînga a thoiin Rengpa kôla a ngîrna hmuna a fea; 28khan Sodom le Gomora phâizôl murdihai chu a thîra, a ena; kha rama meikhû kha hâlirhmang chit angin a khû irzâm hlut hlutin a oma. 29Khan hiang hi a nia, Pathianin phâizôl a hâl irhmang laia, Lota omna hmun kha Pathianin Abrahama kha an hriat maia, Lota chu irhmangna hmun ata a sansuak a ni.
Moab le Amon-hai suakna bul
30Khan Lota kha Zoar khua ata a suaka, tânga a oma; a nâi dôngmatehai inhni leh Zoar khuaa om ngam mahaia: an parêngin rôla an oma. 31Khan a unu’n a sangnu kuang khan, “Ei pa laka hi a tar tâka, irnêng chunga hin dân ang taka ni’rpôlpui hrang lak pasal inkhat lua om ta mahaia; 32tho ei pa hi uain in intir ei ta, irchi ei pung theina hrangin zâlpui ei ti,” an tia. 33Khanchu kha ni zân chu uain an in intira: a unu kha a pa kôla lûtin a va zâlpuia, an pa’n a zâlpui khom inhre loiin a thoi nôka.
34Khanchu zîng nôka chu a unu’n, a sangnu kuang khan, “Irngai ro, mizân zân khan ei pa ki zâlpuia, a vuan zân khom uain in intir ei ta; nangma lûtin lân, ei pa irchi pung hrangin va zâlpui ro,” a tia. 35Khan hi nî zân khom hin an pa chu uain an in intira: a sangnu kha a va lûta a pa leh an zâlsuama, a zâlpui le a thoi nôk khom inhre loiin. 36Khaang khan Lota nâinuhaiin an pa irpôlpuiin nâi an vonga; 37a unu’n nâipasal a neia, a’rhming chu Moab a tia: hi mi hi atûna Moab-hai irchibul chu a ni. 38Khan, a sangnu khomin nâipasal a neia, a’rhming chu Ben-amona#19.38: Ben-amona ti hi Hebraiin “Ki mihai nâipa” tihna a ni. a tia, hi mi hi atûn laia Amona-hai irchibul hi a ni.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.