Luk 19
19
Zasey
1Andza ŋga me fuləkwey ba a Zeriko, Yezu tazlarada ha wuraw ana. 2Arka, ndaw ana daha a zəlamar Zasey, ŋga na bay ma ndaw me tsekeley dzaŋgal hay, ŋga zleley aha. 3A səpey aha ma ŋga ka nəkada ɗagay Yezu ana na way? Amana, a slafa ma nəkada kakay, zləna, kavəday ma ndaw hay ma kusa hiya na, hərway ma mey na ŋga degwele ha. 4Ŋga ma hway ka mey, me tsəley a vəɗe tek, ma ŋga ka da nəkada Yezu ma da daway ta slam ana. 5Andza ma Yezu me husey ka slam ana na, ma tsakafada dey, ma ləvar: «Zasey, harɗawa tsam tsam, hərway teseɗey na, a saya ma da ndzey da 'ay ɗek. 6Arka Zasey ma harɗawa tsam tsam, ma ŋgəla ta wuiya ha. 7Andza ma nəkadama andza ha na, ndaw hay tabiyaha ma gwaŋguɗam mey, ma ləvam: «Nəkafama, a da fuləkwey a da ndzey na, da 'ay ndaw ma ŋgəsa ha.» 8Ama Zasey me lətsey, ma ləvar a Bay’ərlam Yezu: «Nəkafa Bay’ərlam ɗaw, rita ma zleley ɗaw i vəladatara a ndaw mbarga na hay, kendzey i ka buwey ndaw ba na, i madara andza ha, andza ha dey faɗ.» 9Arka Yezu me ləvey hərway ŋga: «Teseɗey na, me buwey ka sawa ba a veɗ 'ay a neney, hərway ŋga na tiyatsa na, bəzey ma Abraham. 10Hərway ma mey na, Bəzey ma Ndaw a sawa na, ma da səpey, ma buwata ndaw ma zəɗaya ba na hay.»
Guma ma mala ha te meley ana ma bay daha ta gawla ma 'ay ŋga hay
(Mt 25.14-30)
11Andza ndaw hay a dzəkafama ha sləmay ka guma ŋga na na, Yezu me tsey bəzay ma guma asləta ma mala ha ta meley ana sa; hərway ŋga bəse ta Zeruzalem, hərway ma mey ka taya na, waya Slala ma Bay'ərlam a da ɓawa vaw deŋe ka slam ana tsa. 12Ŋga me ləvey tok: «Bəzey ma bay ana daha me lətsey, ma daway a wuraw dəreŋ, ma ka da vahəmərawa 'ar da ɗəma, arka a dəba na na ka da mawa. 13Ŋga me zəley gawla ŋga hay kurow, ŋga me zəgey milioŋ asləta, ma wanəkadatara; ma ləvatar: ‹Mbəɗadama har kasl ka ma da mawa ɗaw.› 14Ama tok na, ŋga na na, a datar 'ar a ndaw ma wuraw aŋga na hay, kakay; ma kuyamar ndaw hay a bəzay, ma ka ləvam: ‹La wuɗam ka da tərandar bay la ha zlay.› 15Arka andza ma mawa ŋga ka vahəmərawa 'ar tsoy na, ŋga ma zəlatərawa gawla ma 'ay ŋga na hana ma wanəkatar sumkwo na hay ka tsakay ŋga; ma ŋga ka sərada kwa way way a da kada ta sumkwo ŋga na na teŋgey teŋgey. 16Na tsəfəmey ana ma sawa ka tsakay ŋga, me ləvey: ‹Bay ɗaw, gabal eɗek ana temere na na, ma sadərawa milioŋ.› 17Ŋga ma ləvar: ‹Yawa gawla ma 'ay hayna, me mbəɗey sler kakay ana da tek ketekwəɗey kah ma gəladərawa na, ekəɗey, wey wuraw hay kurow.› 18Ma tsetsew ana ma gurey ma ləvar: ‹Bay ɗaw, gabal temere ɗek ana ma vəladaya na na, i ma ndzafadərawa gabal temere zlam.› 19Ma ləvar a ndaw ma tsetsew ana andza ha satsa: ‹Ekəɗey kah na wey wuraw hay zlam.› 20Ndaw naŋgar ma sawa ma ləvar: ‹Bay ɗaw, gabal temere ɗek ana ŋga na na, ŋga kəɗey, i ma pada ma mbəza ha da petekeɗ, 21hərway i ka wasadaka ba, kavəday kah na ndaw həma ha, kah ka pey tek ka slam ana kakay tsana, ka zəgey tek kava tsa; kah ka sləkey tek ka slam ana kakay tsana, ka tsuwey tek kava tsa.› 22Ŋga ma ləvar: ‹Gawla ɗey haya kakay ana, i kadaka sariya ɗek ana na, ta guma ɗek a neney ma tsərawa na, ka sərada ha, yah na ndaw həma ha, ka slam ana i ka pey tek kava kakay tsana, i zəgey tsa, i ka sləkey tek ka slam ana kakay tsana, i tsuwey tek kava tsa sana. 23Azlakwa ka padaya sumkwo ɗaw ana a bank kakay na, ka mey? Ma da mawa ɗaw andza neney na, i da təɓa sumkwo ɗaw ta riba ha kava.› 24Arka ŋga ma ləvatar a ndaw na ka slam ana hay: ‹Təɓadəmarawa gabal aŋga temere na, vəladəmara a ndaw ta milioŋ ana.› 25Taya ma ləvamar: ‹Bay, ŋga na, ma ŋga milioŋ daha, seŋgey!› 26‹I ləvakwar: ma ndaw ana tek aŋga daha na, a da vəlamar adiya, ama, ma ndaw ana dakay na, kwa na daha na na, a da təɓadəmara ba. 27Arka ma ndaw dugwan a ɗaw hay tey na, ndaw aŋga na ma wuɗam i ka wata zlay ana hay na, hələmatərawa ka sləna, sləmatara ɗay ba ma dey ɗaw ana.» 28A dəba ma guma ŋga neney na, Yezu me kəley ka mey, me tsəley a Zeruzalem.
Yezu a fuləkwey a Zeruzalem andza Ndaw Bay'ərlam ma vahara 'ar ana
(Mt 21.1-11, 15-17; Mk 11.1-10; Zŋ 12.12-16)
29Arka andza a husey aha a wuraw ma Betəfazey ta Betani, 'ar a mamba ma na ma ləvam ma Tetəɗez na, ŋga me slərey gawla ŋga hay tsew. 30Ŋga ma ləvatar: «Dawam a wuraw ana taɗay ka mey ana, andza ka fuləkwam aha na, ka da ndzafam bəzey zuŋgow ma raha, kwa ndaw ka ndzey ka 'arra tsaray kakay. Pasəkəmərawa, sadəmərawa. 31Haɗaw ndaw ka tsəhafakwar ba: ‹Ɗagay, ka pasəkafama mey na›, mbəɗamar kava: ‹Hərway Bay’ərlam Yezu a wuɗey.›» 32Ndaw na ŋga ma sləradata na hay ma dawam na, ma ndzafama tek ana hay, andza na ma Yezu ma ləvatar ana. 33Andza a pasəkama ha bəzey ma zuŋgow ana na, ndaw ma zuŋgow ana hay ma ləvəmatar: «Ɗagay ka pasəkafama ka bəzey zuŋgow ana mey?» 34Taya ma mbəɗam kava: «Hərway Bay’ərlam Yezu a wuɗey.» 35Taya ma sadəmərawa zuŋgow ana a Yezu tok. Andza taya ma ɓaɓətafama zana ta hay ba ka dəba ŋga na na, taya ma ndzadama Yezu ka 'arra tok. 36Arka andza a daw aha na, ma ɓaɓətam zana ta hay ka buwal. 37Arka mazlambar aha a husam aha ka me hərɗey ma mamba ma Tetəɗez, andza gawla ŋga hay ma kusa hiya ka maslətaha vam vamma na, ma rəha hiya ta wuiya na, taya ma təɗafama ma səmbərama Bay ma Bəla ta me wudey aha, hərway ma ɗeɗew ma Yezu me key tabiyaha, taya ma nəkadəmərawa na hay. 38Taya ma ləvam: «Ndaw a neney ma sawa na na, ma pəsa mey aha ba, ŋga na Bay ɗuhwa ha, da me zəley ma Bay’ərlam! Zozoy da 'ərlam me wezley dey ŋga tsaŋ da mekekəle ma 'ərlam!.» 39Fariziyeŋ hay nekəɗey da walaŋ ma ndaw ma kusa hiya na hay, ma ləvamar a Yezu: «Miter, katar say a gawla ɗek ana hay!» 40Ŋga me mbəɗey kava: «I ləvakwar, haɗaw taya ka ndzam ba tete na, ma da wudey na, ŋgwa hay.»
Yezu a tuwafa ka Zeruzalem
41Andza a husey aha a wuraw ana, andza ŋga ma nəkada na, ŋga ma tuwafa. 42Ŋga me ləvey: «Akwa kah tiyatsa kah səradərawa ba da meney a neney me ndzefey zozoy teŋgey na, amana wuiya, ka kəzlafəkawa ba ka slam dey ɗek. 43Ayaw, ŋga ɗek na pas ana hay a da saməwa, ndaw dugwan eɗek hay a da tsarzlafəməka megədəber, a da dzaɗəmaka, a da ɗawaləmaka, a da ŋgaɗətsəmaka ta sləna ta sləna. 44a da kərəmaka kah ana ta wawa ɗek ahay dzay, da wuzlah a ɗek ana, a da gərəmaka ha ŋgwa ma tsarzlaha ka 'ar ma ŋgwa naŋgar na dakay, kavəday ma mey na, kah ka sərafa ka har ana, ma səmawa ma da nəkəkaɓa na kakay.»
A harəmata ndaw ma filaw hay da 'Ay me key Kuley
(Mt 21.12-13; Mk 11.15-19; Zŋ 2.13-16)
45Arka Yezu me fuləkwey a 'Ay me key Kuley, ma zlar ma haratərawa ndaw me key filaw hay ba da huɗa. 46Ŋga ma ləvatar: Ma winda ha na: 'Ay ɗaw na, a da ndzey na 'ay me ɗuley mey aha, ama kuray na tərey a radama tek a kwar zlazlam ma katsala hay aha.» 47Ŋga ka pas ka pas da 'Ay me key Kuley ana a tatəkadata ndaw hay. Baba ɗuhwa na me key kuley ana hay, ndaw me sesəkey mewey hay ta bay ma səkway hay a səpam ma zəɗadəmara 'ar ba. 48Amana, ka ndzafafama tek ata na, ma wuɗam ma kamar ana, kakay, hərway səkway tabiyaha ma ndza hiya me dzəkey sləmay ka huɗa mey ŋga.
موجودہ انتخاب:
Luk 19: MOF
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Le Nouveau Testament en langue Mofu © 2007 Alliance Biblique du Cameroun
Luk 19
19
Zasey
1Andza ŋga me fuləkwey ba a Zeriko, Yezu tazlarada ha wuraw ana. 2Arka, ndaw ana daha a zəlamar Zasey, ŋga na bay ma ndaw me tsekeley dzaŋgal hay, ŋga zleley aha. 3A səpey aha ma ŋga ka nəkada ɗagay Yezu ana na way? Amana, a slafa ma nəkada kakay, zləna, kavəday ma ndaw hay ma kusa hiya na, hərway ma mey na ŋga degwele ha. 4Ŋga ma hway ka mey, me tsəley a vəɗe tek, ma ŋga ka da nəkada Yezu ma da daway ta slam ana. 5Andza ma Yezu me husey ka slam ana na, ma tsakafada dey, ma ləvar: «Zasey, harɗawa tsam tsam, hərway teseɗey na, a saya ma da ndzey da 'ay ɗek. 6Arka Zasey ma harɗawa tsam tsam, ma ŋgəla ta wuiya ha. 7Andza ma nəkadama andza ha na, ndaw hay tabiyaha ma gwaŋguɗam mey, ma ləvam: «Nəkafama, a da fuləkwey a da ndzey na, da 'ay ndaw ma ŋgəsa ha.» 8Ama Zasey me lətsey, ma ləvar a Bay’ərlam Yezu: «Nəkafa Bay’ərlam ɗaw, rita ma zleley ɗaw i vəladatara a ndaw mbarga na hay, kendzey i ka buwey ndaw ba na, i madara andza ha, andza ha dey faɗ.» 9Arka Yezu me ləvey hərway ŋga: «Teseɗey na, me buwey ka sawa ba a veɗ 'ay a neney, hərway ŋga na tiyatsa na, bəzey ma Abraham. 10Hərway ma mey na, Bəzey ma Ndaw a sawa na, ma da səpey, ma buwata ndaw ma zəɗaya ba na hay.»
Guma ma mala ha te meley ana ma bay daha ta gawla ma 'ay ŋga hay
(Mt 25.14-30)
11Andza ndaw hay a dzəkafama ha sləmay ka guma ŋga na na, Yezu me tsey bəzay ma guma asləta ma mala ha ta meley ana sa; hərway ŋga bəse ta Zeruzalem, hərway ma mey ka taya na, waya Slala ma Bay'ərlam a da ɓawa vaw deŋe ka slam ana tsa. 12Ŋga me ləvey tok: «Bəzey ma bay ana daha me lətsey, ma daway a wuraw dəreŋ, ma ka da vahəmərawa 'ar da ɗəma, arka a dəba na na ka da mawa. 13Ŋga me zəley gawla ŋga hay kurow, ŋga me zəgey milioŋ asləta, ma wanəkadatara; ma ləvatar: ‹Mbəɗadama har kasl ka ma da mawa ɗaw.› 14Ama tok na, ŋga na na, a datar 'ar a ndaw ma wuraw aŋga na hay, kakay; ma kuyamar ndaw hay a bəzay, ma ka ləvam: ‹La wuɗam ka da tərandar bay la ha zlay.› 15Arka andza ma mawa ŋga ka vahəmərawa 'ar tsoy na, ŋga ma zəlatərawa gawla ma 'ay ŋga na hana ma wanəkatar sumkwo na hay ka tsakay ŋga; ma ŋga ka sərada kwa way way a da kada ta sumkwo ŋga na na teŋgey teŋgey. 16Na tsəfəmey ana ma sawa ka tsakay ŋga, me ləvey: ‹Bay ɗaw, gabal eɗek ana temere na na, ma sadərawa milioŋ.› 17Ŋga ma ləvar: ‹Yawa gawla ma 'ay hayna, me mbəɗey sler kakay ana da tek ketekwəɗey kah ma gəladərawa na, ekəɗey, wey wuraw hay kurow.› 18Ma tsetsew ana ma gurey ma ləvar: ‹Bay ɗaw, gabal temere ɗek ana ma vəladaya na na, i ma ndzafadərawa gabal temere zlam.› 19Ma ləvar a ndaw ma tsetsew ana andza ha satsa: ‹Ekəɗey kah na wey wuraw hay zlam.› 20Ndaw naŋgar ma sawa ma ləvar: ‹Bay ɗaw, gabal temere ɗek ana ŋga na na, ŋga kəɗey, i ma pada ma mbəza ha da petekeɗ, 21hərway i ka wasadaka ba, kavəday kah na ndaw həma ha, kah ka pey tek ka slam ana kakay tsana, ka zəgey tek kava tsa; kah ka sləkey tek ka slam ana kakay tsana, ka tsuwey tek kava tsa.› 22Ŋga ma ləvar: ‹Gawla ɗey haya kakay ana, i kadaka sariya ɗek ana na, ta guma ɗek a neney ma tsərawa na, ka sərada ha, yah na ndaw həma ha, ka slam ana i ka pey tek kava kakay tsana, i zəgey tsa, i ka sləkey tek ka slam ana kakay tsana, i tsuwey tek kava tsa sana. 23Azlakwa ka padaya sumkwo ɗaw ana a bank kakay na, ka mey? Ma da mawa ɗaw andza neney na, i da təɓa sumkwo ɗaw ta riba ha kava.› 24Arka ŋga ma ləvatar a ndaw na ka slam ana hay: ‹Təɓadəmarawa gabal aŋga temere na, vəladəmara a ndaw ta milioŋ ana.› 25Taya ma ləvamar: ‹Bay, ŋga na, ma ŋga milioŋ daha, seŋgey!› 26‹I ləvakwar: ma ndaw ana tek aŋga daha na, a da vəlamar adiya, ama, ma ndaw ana dakay na, kwa na daha na na, a da təɓadəmara ba. 27Arka ma ndaw dugwan a ɗaw hay tey na, ndaw aŋga na ma wuɗam i ka wata zlay ana hay na, hələmatərawa ka sləna, sləmatara ɗay ba ma dey ɗaw ana.» 28A dəba ma guma ŋga neney na, Yezu me kəley ka mey, me tsəley a Zeruzalem.
Yezu a fuləkwey a Zeruzalem andza Ndaw Bay'ərlam ma vahara 'ar ana
(Mt 21.1-11, 15-17; Mk 11.1-10; Zŋ 12.12-16)
29Arka andza a husey aha a wuraw ma Betəfazey ta Betani, 'ar a mamba ma na ma ləvam ma Tetəɗez na, ŋga me slərey gawla ŋga hay tsew. 30Ŋga ma ləvatar: «Dawam a wuraw ana taɗay ka mey ana, andza ka fuləkwam aha na, ka da ndzafam bəzey zuŋgow ma raha, kwa ndaw ka ndzey ka 'arra tsaray kakay. Pasəkəmərawa, sadəmərawa. 31Haɗaw ndaw ka tsəhafakwar ba: ‹Ɗagay, ka pasəkafama mey na›, mbəɗamar kava: ‹Hərway Bay’ərlam Yezu a wuɗey.›» 32Ndaw na ŋga ma sləradata na hay ma dawam na, ma ndzafama tek ana hay, andza na ma Yezu ma ləvatar ana. 33Andza a pasəkama ha bəzey ma zuŋgow ana na, ndaw ma zuŋgow ana hay ma ləvəmatar: «Ɗagay ka pasəkafama ka bəzey zuŋgow ana mey?» 34Taya ma mbəɗam kava: «Hərway Bay’ərlam Yezu a wuɗey.» 35Taya ma sadəmərawa zuŋgow ana a Yezu tok. Andza taya ma ɓaɓətafama zana ta hay ba ka dəba ŋga na na, taya ma ndzadama Yezu ka 'arra tok. 36Arka andza a daw aha na, ma ɓaɓətam zana ta hay ka buwal. 37Arka mazlambar aha a husam aha ka me hərɗey ma mamba ma Tetəɗez, andza gawla ŋga hay ma kusa hiya ka maslətaha vam vamma na, ma rəha hiya ta wuiya na, taya ma təɗafama ma səmbərama Bay ma Bəla ta me wudey aha, hərway ma ɗeɗew ma Yezu me key tabiyaha, taya ma nəkadəmərawa na hay. 38Taya ma ləvam: «Ndaw a neney ma sawa na na, ma pəsa mey aha ba, ŋga na Bay ɗuhwa ha, da me zəley ma Bay’ərlam! Zozoy da 'ərlam me wezley dey ŋga tsaŋ da mekekəle ma 'ərlam!.» 39Fariziyeŋ hay nekəɗey da walaŋ ma ndaw ma kusa hiya na hay, ma ləvamar a Yezu: «Miter, katar say a gawla ɗek ana hay!» 40Ŋga me mbəɗey kava: «I ləvakwar, haɗaw taya ka ndzam ba tete na, ma da wudey na, ŋgwa hay.»
Yezu a tuwafa ka Zeruzalem
41Andza a husey aha a wuraw ana, andza ŋga ma nəkada na, ŋga ma tuwafa. 42Ŋga me ləvey: «Akwa kah tiyatsa kah səradərawa ba da meney a neney me ndzefey zozoy teŋgey na, amana wuiya, ka kəzlafəkawa ba ka slam dey ɗek. 43Ayaw, ŋga ɗek na pas ana hay a da saməwa, ndaw dugwan eɗek hay a da tsarzlafəməka megədəber, a da dzaɗəmaka, a da ɗawaləmaka, a da ŋgaɗətsəmaka ta sləna ta sləna. 44a da kərəmaka kah ana ta wawa ɗek ahay dzay, da wuzlah a ɗek ana, a da gərəmaka ha ŋgwa ma tsarzlaha ka 'ar ma ŋgwa naŋgar na dakay, kavəday ma mey na, kah ka sərafa ka har ana, ma səmawa ma da nəkəkaɓa na kakay.»
A harəmata ndaw ma filaw hay da 'Ay me key Kuley
(Mt 21.12-13; Mk 11.15-19; Zŋ 2.13-16)
45Arka Yezu me fuləkwey a 'Ay me key Kuley, ma zlar ma haratərawa ndaw me key filaw hay ba da huɗa. 46Ŋga ma ləvatar: Ma winda ha na: 'Ay ɗaw na, a da ndzey na 'ay me ɗuley mey aha, ama kuray na tərey a radama tek a kwar zlazlam ma katsala hay aha.» 47Ŋga ka pas ka pas da 'Ay me key Kuley ana a tatəkadata ndaw hay. Baba ɗuhwa na me key kuley ana hay, ndaw me sesəkey mewey hay ta bay ma səkway hay a səpam ma zəɗadəmara 'ar ba. 48Amana, ka ndzafafama tek ata na, ma wuɗam ma kamar ana, kakay, hərway səkway tabiyaha ma ndza hiya me dzəkey sləmay ka huɗa mey ŋga.
موجودہ انتخاب:
:
سرخی
شئیر
کاپی
کیا آپ جاہتے ہیں کہ آپ کی سرکیاں آپ کی devices پر محفوظ ہوں؟ Sign up or sign in
Le Nouveau Testament en langue Mofu © 2007 Alliance Biblique du Cameroun