If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

Lambya - 2015 MWI (NT) Drama

<div class="version vid1607 iso6393lai" data-vid="1607" data-iso6393="lai">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">U Yesu pamaso pa Pilati</div><div class="r">(Mat. 27.1-2, 11-14; Mlko. 15.1; Yoh. 18.28-38)</div><div class="p"> 1Ichilundilo chosi chikanyamuka nukubuka nu Yesu kwa Pilati, 2kuko bakanda pakumutamantila ukuti, &#8220;Tukamwagha umuntu yunuyu akubasovya abantu bitu, akubakanizya pakusonka umusonko kwa Kesale, nukwinena mwene ukuti we Kilisitu, sona we Mwene.&#8221;</div><div class="p"> 3U Pilati akamulalusya akati, &#8220;Nkimba awe we Mwene uwa ba Yuda?&#8221;</div><div class="p">U Yesu akamula akati, &#8220;Wanena we mwene.&#8221;</div><div class="p"> 4Po u Pilati akababuzya abaputi abasongo ni chilundilo icha bantu chila akati, &#8220;Intakumwaghapo ninongwa nayimoyimo umuntu uyu.&#8221;</div><div class="p"> 5Loli bakiyula nkani pakunena bakati, &#8220;Ni vimanyilo vyache akwandizya ivyongo mubantu muchigaba chosi icha Yudeya. Akanda muchigaba icha Galileya, ilelo ali kuno.&#8221;</div><div class="s">U Yesu pamaso pa Helodi</div><div class="p"> 6Bo u Pilati ivwa zinizi, akalalusya akati, &#8220;Nkimba umuntu uyu wamu Galileya?&#8221; 7Bo azimanya ukuti u Yesu akafuma muchigaba chicho chikalaghiliwanga nu Helodi, akamutuma kwa Helodi, yuyo akaba mu Yelusalemu akabalilo kalakala. 8U Helodi akahoboka nkani bo amwennya u Yesu pakuti akivwanga bulo nizya yuyo, sona akamulondagha akabalilo akatali pakumwennya. Akalondagha nkani ukuti amwennye u Yesu akubomba ichika chimo. 9Po u Helodi akamulalusya u Yesu amalalusyo aminji, loli u Yesu atakamwamula. 10Abaputi abasongo na bamanyisi aba Ndaghilo bakiza pantazi nukumutamantila nkani u Yesu. 11U Helodi na basilikali bache ababwite bakamobezya u Yesu nukumutuka. Po bakamuvwika inkazo inyiza nukumutuma sona kwa Pilati. 12Bo zitabombiwe zinizi, pakasi pa Helodi nu Pilati pakaba ubulwani. Loli ukwandila pisiku lilalila bakaba pabumanyani.</div><div class="s">Kwadumuliwa ukuti u Yesu aghoghiwe</div><div class="r">(Mat. 27.15-26; Mlko. 15.6-15; Yoh. 18.39&#8212;19.16)</div><div class="p"> 13U Pilati akabitizya poka abaputi abasongo, na balongozi, sona na bantu bosi 14nukubabuzya ukuti, &#8220;Mwizite nu muntu uyu kukwane ukuti akubasovya abantu. Po ilelo namulalusya pamaso papinyu, loli intakuyaghamo nayimoyimo inongwa mumuntu uyu pavintu vivyo mukumutamantila. 15Wepe u Helodi atakamwaghapo ninongwa, cho chifukwa akamunyosezya kukwitu. Chitalipo nachimochimo chicho umuntu uyu abombite ichakuti angaghoghiwa nacho. 16Po nkwiza pakumusyempa bulo nukumulekezya ukuti abukaye.&#8221;#23.16: Amasimbo ghamo aghakale ghonjelezya: 17 Palusekelo losi ulwa Pasa, u Pilati akizubila pakumusatula umukayidi weka, yuyo abantu bamusala ukuti abasatulile. (Ennya mwa Mlko. 15.6.)</div><div class="p"> 18Abantu bosi bala bakakolomoka nkani ukuti, &#8220;Mughoghe! Tusatulile u Balabasi!&#8221; 19(U Balabasi akaba mujele pachifukwa icha kwandizya ivyongo mukaya akakulu nkani, sona nukughogha abantu.)</div><div class="p"> 20U Pilati akalondagha pakumusatula u Yesu, po akabuka sona pakunenezannya na bantu bala. 21Loli abantu bakakolomoka nkani bakati, &#8220;Mukomele pachipinjika! Mukomele pachipinjika!&#8221;</div><div class="p"> 22U Pilati akababuzya akabutatu akati, &#8220;Nkimba ananga ichoni? Intakuyaghamo nayimoyimo inongwa iyakuti angaghoghiwa nayo. Nkwiza pakumusyempa bulo nukumulekezya ukuti abukaye.&#8221;</div><div class="p"> 23Loli bakendelela pakukolomoka na mazyu agha pamwanya ukuti u Yesu akomeliwe pachipinjika. Pabumalilo ukukolomoka kwabo kukapota. 24Po u Pilati akadumula ukuti chicho abantu bakalondagha cho chicho chibombiwe. 25Akamusatula umuntu yuyo bakamulondagha, yuyo akaba mujele pachifukwa icha kwandizya ivyongo nukughogha abantu, po akamubika u Yesu munyobe zyabo ukuti babombe nawe ukuyana namumo bakalondelagha.</div><div class="s">Bakumukomela u Yesu pachipinjika</div><div class="r">(Mat. 27.32-44; Mlko. 15.21-32; Yoh. 19.17-27)</div><div class="p"> 26Abasilikali ababwite bakamusenda u Yesu nukubuka nawe. Muzila bakakomana nu muntu yumo uwamu Kileni, yuyo akaba we Simoni, yuyo akafumagha mutwaya. Bakamunyamulisya ichipinjika ukuti amukonkaye u Yesu mwisinda.</div><div class="p"> 27Ichilundilo ichikulu icha bantu chikamukonkagha u Yesu. Mumwabo mukaba abakolo bamo babo bakaba ni chitima nu Yesu nukumulilila. 28U Yesu akaghalabukila kukwabo nukubabuzya ukuti, &#8220;Mwe bakolo aba mu Yelusalemu, mutakandililaye. Loli mwililile mwebene na bana binyu. 29Pakuti amasiku ghakwiza ghagho abantu bakwiza pakunena ukuti, &#8216;Basayiwa abakolo babo baghumba, babo batapapitepo nalumo, babo batonkezizyepo nalumo.&#8217; 30#Ubv. 6.16Kalakala kakwiza pakuba kabalilo kako abantu bakwiza pakughabuzya amaghamba ukuti, &#8216;Tuwile,&#8217; nukutubuzya utughamba ukuti, &#8216;Tufise.&#8217; 31Pakuti nanti bakubomba zinizi kwikwi ibisi, po zingaba bulibuli kwikwi ilyumizu?&#8221;</div><div class="p"> 32Bakasenda sona na bantu bamo babili, babo bakaba mavyondongo ukuti baghoghiwe poka nu Yesu. 33Bo bafika pabuzilo bubo bukwitiziwa ukuti, &#8220;Ifupa ilya kumutu.&#8221; Bakamukomela u Yesu pachipinjika palapala poka na mavyondongo mabili ghala, lyoka kunyobe indilo, sona ilinji iya kumongo. 34#Mas. 22.18U Yesu akati, &#8220;Wee Tata ubahobokele pakuti batakuzimanya zizyo bakubomba.&#8221;#23.34: Amasimbo ghamo aghakale ghate na mazyu aghakuti Yesu akati, &#8220;Tata, ubahobokele imbibi zyabo pakuti batakuzimanya zizyo bakubomba.&#8221;</div><div class="p">Bakagabana amenda ghache pakupanga amayele. 35#Mas. 22.18Abantu bakimilila palapala pakwennya bo abalongozi aba Chiyuda bakumobezya u Yesu ukuti, &#8220;Akabapokagha abantu abanji, muleke wepe ipoke mwene nanti we Kilisitu yuyo u Chala akamusala.&#8221; 36#Mas. 22.7Abasilikali ababwite bope bakamobezya. Bakapalamila papipi nawe nukumupa uvinyo uwakusapa ukuti ang'wele 37nukuti, &#8220;Nanti we Mwene uwa ba Yuda, ipoka wemwene.&#8221;</div><div class="p"> 38Pamwanya pachipinjika chache pakasimbiwapo amazyu aghakuti, &#8220;Uyu we Mwene uwa ba Yuda.&#8221;</div><div class="p"> 39Weka uwa mavyondongo yuyo bakamukomela poka nawe akamutuka u Yesu akati, &#8220;Nkimba awe ute we Kilisitu? Ipoka wemwene, sona utupoke naswe bulo!&#8221;</div><div class="p"> 40Loli ilinji likamuchemela likati, &#8220;Nkimba utakumunyila u Chala? Uli pakufundiwa nu lufundo ngati lulo ali pakufundiwa nalo. 41Aswe zitubaghiye ukuti tufundiwe ukuyana na zizyo twabombite; loli umwene atabombite nachimochimo ichibibi.&#8221; 42Po akati, &#8220;Yesu, unkumbuke nanti wafika mu Bumwene bwako!&#8221;</div><div class="p"> 43U Yesu akamubuzya akati, &#8220;Naloli nkukubuzya ukuti ilelo ukwiza pakuba nane ku Buzilo ubwa buhobosu kumwanya.&#8221;</div><div class="s">Ubufwe ubwa Yesu</div><div class="r">(Mat. 27.45-56; Mlko. 15.33-41; Yoh. 19.28-30)</div><div class="p"> 44Bo izuba lyafika pamutu, likaleka pakulama, sona ichisi chikawa muchisu chosi mupaka fili koloko pachamabwila. 45#Ukf. 26.31-33Umwenda ghugho ghukazighila mu Nyumba iya Chala ghukazepuka pakasi na pakasi. 46#Mas. 31.5U Yesu akalila nizyu ilya pamwanya akati, &#8220;Wee Tata nkughubika umuzimu wane munyobe zyako!&#8221; Bo anena zinizi, akazililika.</div><div class="p"> 47Usongo uwa basilikali akennya zizyo zikabombiwa nukumuchindika u Chala ukuti, &#8220;Naloli uyu akaba muntu mugholosu.&#8221;</div><div class="p"> 48Abantu bosi babo bakabungana palapala ukwennya chicho chikabombiwa, bo bennya chicho chikabombiwanga, bakabwela kunyumba zyabo bakwikoma pavifuba vyabo ni chitima. 49#Luk. 8.2-3Abantu bosi babo bakamanyana nu Yesu, poka na bakolo babo bakamukonkagha ukufuma mu Galileya bakimilila pabutalipo ukwennya zinizi.</div><div class="s">U Yesu abikiwa mwipumpa</div><div class="r">(Mat. 27.57-61; Mlko. 15.42-47; Yoh. 19.38-42)</div><div class="p"> 50Kukabako umuntu yumo yuyo akaba we Yosefu, weka uwakabukatila aka balongozi. Akaba muntu mwiza sona mugholosu. 51Atakitinkana ni nyinong'ono, sona ni mbombo zyabo. Akafuma ku Yudeya mukaya aka Alimatiya, po akalindiligha Ubumwene ubwa Chala. 52Akabuka kwa Pilati nukulaba umuvimba uwa Yesu. 53Po akisya umuvimba ghula nukughunnyembetelela ni sanda nukughubika mwipumpa, lilyo likakumbiwa kwibwe, sona batakabombezyapo nalumo. 54Pakaba po pa Chisano, sona Isiku Ilyakutuzya likaba papipi pakwanda.</div><div class="p"> 55Abakolo babo bakamukonkagha u Yesu ukufuma mu Galileya bakabuka nu Yosefu pakwennya ipumpa, sona namumo bakaghubikila umuvimba uwa Yesu. 56#Ukf. 20.10; Ukk. 5.14Bakabwela kunyumba nukuyannya amafuta ni vyakununkila. Loli bakatuzya Pisiku Ilyakutuzya ukuyana ni Ndaghilo izya Mozesi.</div>
 </div>
 </div>
</div>

The copyright is jointly and equally held by:
©️ The Bible Society of Malawi, 2014
©️ The Word for the World International, 2014

Ichilundilo chosi chikanyamuka nukubuka nu Yesu kwa Pilati, kuko bakanda pakumutamantila ukuti, “Tukamwagha umuntu yunuyu akubasovya abantu bitu, akubakanizya pakusonka umusonko kwa Kesale, nukwinena mwene ukuti we Kilisitu, sona we Mwene.”
U Pilati akamulalusya akati, “Nkimba awe we Mwene uwa ba Yuda?”
U Yesu akamula akati, “Wanena we mwene.”
Po u Pilati akababuzya abaputi abasongo ni chilundilo icha bantu chila akati, “Intakumwaghapo ninongwa nayimoyimo umuntu uyu.”
Loli bakiyula nkani pakunena bakati, “Ni vimanyilo vyache akwandizya ivyongo mubantu muchigaba chosi icha Yudeya. Akanda muchigaba icha Galileya, ilelo ali kuno.”

Bo u Pilati ivwa zinizi, akalalusya akati, “Nkimba umuntu uyu wamu Galileya?” Bo azimanya ukuti u Yesu akafuma muchigaba chicho chikalaghiliwanga nu Helodi, akamutuma kwa Helodi, yuyo akaba mu Yelusalemu akabalilo kalakala. U Helodi akahoboka nkani bo amwennya u Yesu pakuti akivwanga bulo nizya yuyo, sona akamulondagha akabalilo akatali pakumwennya. Akalondagha nkani ukuti amwennye u Yesu akubomba ichika chimo. Po u Helodi akamulalusya u Yesu amalalusyo aminji, loli u Yesu atakamwamula. Abaputi abasongo na bamanyisi aba Ndaghilo bakiza pantazi nukumutamantila nkani u Yesu. U Helodi na basilikali bache ababwite bakamobezya u Yesu nukumutuka. Po bakamuvwika inkazo inyiza nukumutuma sona kwa Pilati. Bo zitabombiwe zinizi, pakasi pa Helodi nu Pilati pakaba ubulwani. Loli ukwandila pisiku lilalila bakaba pabumanyani.


U Pilati akabitizya poka abaputi abasongo, na balongozi, sona na bantu bosi nukubabuzya ukuti, “Mwizite nu muntu uyu kukwane ukuti akubasovya abantu. Po ilelo namulalusya pamaso papinyu, loli intakuyaghamo nayimoyimo inongwa mumuntu uyu pavintu vivyo mukumutamantila. Wepe u Helodi atakamwaghapo ninongwa, cho chifukwa akamunyosezya kukwitu. Chitalipo nachimochimo chicho umuntu uyu abombite ichakuti angaghoghiwa nacho. Po nkwiza pakumusyempa bulo nukumulekezya ukuti abukaye.”
Abantu bosi bala bakakolomoka nkani ukuti, “Mughoghe! Tusatulile u Balabasi!” (U Balabasi akaba mujele pachifukwa icha kwandizya ivyongo mukaya akakulu nkani, sona nukughogha abantu.)
U Pilati akalondagha pakumusatula u Yesu, po akabuka sona pakunenezannya na bantu bala. Loli abantu bakakolomoka nkani bakati, “Mukomele pachipinjika! Mukomele pachipinjika!”
U Pilati akababuzya akabutatu akati, “Nkimba ananga ichoni? Intakuyaghamo nayimoyimo inongwa iyakuti angaghoghiwa nayo. Nkwiza pakumusyempa bulo nukumulekezya ukuti abukaye.”
Loli bakendelela pakukolomoka na mazyu agha pamwanya ukuti u Yesu akomeliwe pachipinjika. Pabumalilo ukukolomoka kwabo kukapota. Po u Pilati akadumula ukuti chicho abantu bakalondagha cho chicho chibombiwe. Akamusatula umuntu yuyo bakamulondagha, yuyo akaba mujele pachifukwa icha kwandizya ivyongo nukughogha abantu, po akamubika u Yesu munyobe zyabo ukuti babombe nawe ukuyana namumo bakalondelagha.


Abasilikali ababwite bakamusenda u Yesu nukubuka nawe. Muzila bakakomana nu muntu yumo uwamu Kileni, yuyo akaba we Simoni, yuyo akafumagha mutwaya. Bakamunyamulisya ichipinjika ukuti amukonkaye u Yesu mwisinda.
Ichilundilo ichikulu icha bantu chikamukonkagha u Yesu. Mumwabo mukaba abakolo bamo babo bakaba ni chitima nu Yesu nukumulilila. U Yesu akaghalabukila kukwabo nukubabuzya ukuti, “Mwe bakolo aba mu Yelusalemu, mutakandililaye. Loli mwililile mwebene na bana binyu. Pakuti amasiku ghakwiza ghagho abantu bakwiza pakunena ukuti, ‘Basayiwa abakolo babo baghumba, babo batapapitepo nalumo, babo batonkezizyepo nalumo.’ Kalakala kakwiza pakuba kabalilo kako abantu bakwiza pakughabuzya amaghamba ukuti, ‘Tuwile,’ nukutubuzya utughamba ukuti, ‘Tufise.’ Pakuti nanti bakubomba zinizi kwikwi ibisi, po zingaba bulibuli kwikwi ilyumizu?”
Bakasenda sona na bantu bamo babili, babo bakaba mavyondongo ukuti baghoghiwe poka nu Yesu. Bo bafika pabuzilo bubo bukwitiziwa ukuti, “Ifupa ilya kumutu.” Bakamukomela u Yesu pachipinjika palapala poka na mavyondongo mabili ghala, lyoka kunyobe indilo, sona ilinji iya kumongo. U Yesu akati, “Wee Tata ubahobokele pakuti batakuzimanya zizyo bakubomba.”
Bakagabana amenda ghache pakupanga amayele. Abantu bakimilila palapala pakwennya bo abalongozi aba Chiyuda bakumobezya u Yesu ukuti, “Akabapokagha abantu abanji, muleke wepe ipoke mwene nanti we Kilisitu yuyo u Chala akamusala.” Abasilikali ababwite bope bakamobezya. Bakapalamila papipi nawe nukumupa uvinyo uwakusapa ukuti ang'wele nukuti, “Nanti we Mwene uwa ba Yuda, ipoka wemwene.”
Pamwanya pachipinjika chache pakasimbiwapo amazyu aghakuti, “Uyu we Mwene uwa ba Yuda.”
Weka uwa mavyondongo yuyo bakamukomela poka nawe akamutuka u Yesu akati, “Nkimba awe ute we Kilisitu? Ipoka wemwene, sona utupoke naswe bulo!”
Loli ilinji likamuchemela likati, “Nkimba utakumunyila u Chala? Uli pakufundiwa nu lufundo ngati lulo ali pakufundiwa nalo. Aswe zitubaghiye ukuti tufundiwe ukuyana na zizyo twabombite; loli umwene atabombite nachimochimo ichibibi.” Po akati, “Yesu, unkumbuke nanti wafika mu Bumwene bwako!”
U Yesu akamubuzya akati, “Naloli nkukubuzya ukuti ilelo ukwiza pakuba nane ku Buzilo ubwa buhobosu kumwanya.”


Bo izuba lyafika pamutu, likaleka pakulama, sona ichisi chikawa muchisu chosi mupaka fili koloko pachamabwila. Umwenda ghugho ghukazighila mu Nyumba iya Chala ghukazepuka pakasi na pakasi. U Yesu akalila nizyu ilya pamwanya akati, “Wee Tata nkughubika umuzimu wane munyobe zyako!” Bo anena zinizi, akazililika.
Usongo uwa basilikali akennya zizyo zikabombiwa nukumuchindika u Chala ukuti, “Naloli uyu akaba muntu mugholosu.”
Abantu bosi babo bakabungana palapala ukwennya chicho chikabombiwa, bo bennya chicho chikabombiwanga, bakabwela kunyumba zyabo bakwikoma pavifuba vyabo ni chitima. Abantu bosi babo bakamanyana nu Yesu, poka na bakolo babo bakamukonkagha ukufuma mu Galileya bakimilila pabutalipo ukwennya zinizi.


Kukabako umuntu yumo yuyo akaba we Yosefu, weka uwakabukatila aka balongozi. Akaba muntu mwiza sona mugholosu. Atakitinkana ni nyinong'ono, sona ni mbombo zyabo. Akafuma ku Yudeya mukaya aka Alimatiya, po akalindiligha Ubumwene ubwa Chala. Akabuka kwa Pilati nukulaba umuvimba uwa Yesu. Po akisya umuvimba ghula nukughunnyembetelela ni sanda nukughubika mwipumpa, lilyo likakumbiwa kwibwe, sona batakabombezyapo nalumo. Pakaba po pa Chisano, sona Isiku Ilyakutuzya likaba papipi pakwanda.
Abakolo babo bakamukonkagha u Yesu ukufuma mu Galileya bakabuka nu Yosefu pakwennya ipumpa, sona namumo bakaghubikila umuvimba uwa Yesu. Bakabwela kunyumba nukuyannya amafuta ni vyakununkila. Loli bakatuzya Pisiku Ilyakutuzya ukuyana ni Ndaghilo izya Mozesi.

Nghe Luka 23