If you would like a copy of this version please contact info@davaraudiobibles.org

Nahali New Testament, CC-BY-SA-4.0, The Love Fellowship. Nahali New Testament, CC-BY-SA-4.0, Davar Partners International, The Love Fellowship, 2023.

Nahali New Testament

Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.

एक हफ्ता बाद दिह ओवतो यीशु पतरस एने याकूब तान बाहाक यूहन्ना न्या हेरी लीईल, एने ताह एकांतात उचो डोंगरापोर लीन गीयो ताहरी तानकेरीन ओगाण तान रुपाम एनो एने तान मूय सूर्याहोस चोमेकना एने तान फाडका उजवाडाहोच धोवल्यो एईय गीया. एने मुसा एने एलिया ताहेरी वातू केरतालून ताह देखा.
ता टायीमा पतरस यीशुह कियील, “हे प्रभु, आमरा न्या रेणे हाजो हि. जर तारी ईच्छा रेंय तर मी न्या तीन मंडप बोनावन्यू, एक तारे केरता एक मुसा करता एने एक एलिया केरता.” तो बोलतालुच एने एक उजळलेल्या वादलापोर ताह आच्छादुन टाकील एने ता वाद्लामरीन जो शब्द आवा, “हा मारो परम प्रिय सोरो हि या मी प्रसन्न हि, तान होमलू. चेलाह हे होयलू मुयापूर पोडील एने जादा बियीन गीया.” यीशु ताह आहने आवीन स्पर्श किरील, एने केयो, “उठो, बिऊ मा.” तेवी तास आपणा डोला उगडीन यीशुह सोडीन कुणीहुच देखील नाहं.
ताहेरया तो बोयडापोररीन उतरणु एता तेवी यीशु ताह हि आज्ञा आपील जो, “ताहवोर माणहान सोरो मुरील मायरीन उठाडीते, जाईतांहुंजा जो तुमूह पेल्ला तो कुणबी केहू मा.” ता उपेर ता चेलाह ताह फुसील, का “शास्त्री का केणु कि एलियान पेल्ला आवणो जरुरी हि” तान उत्तर आपील एलिया आवी एने आखोज हूदरी. पुण मी तुमूह किथु कि, एलिया आवीन गीयो एने माणहान ताह ओलखिल नाहं पुण जोहलो जुवी तोहोलो तान हेरी किरील ओहला रीतीमाय माणहान सोरो पुण तानकेरीन हेरी दुख सोसेल. तेवी चेला समजील कि तान आमुफायरीन यूहन्ना बाप्तिस्मा आपणारा विषयी कियील हि.


तेवी ता गेर्दीन आहने पोचील, तेवी एक माणुह ताफाय आवील एने मांडा टेकिन केणेंन लागिल. हे प्रभु मारो सोरापूर दया केर कारण फेफरे करी आवी एने ताह जुलुम त्रास एतो एने पोशा पोशा आकठाम एने पोशा पोशा पाण्यामाय पोडीन जाथू. मी ताह तारो चेलापोर लावील एता पुण तो ताह हाजो नाहं केरूह शकले. यीशु उत्तर आपील अरे हे अविश्वासी एने कुटील पिडी मी केवीउर त्याहेरी रेहू? केवीउर तुमरो सोसू? ताह न्या मार हेर्यो लावो. ओवतो यीशु दुष्ट आत्मा जुल्यो, तेवी तो तामायरीन निकलीन गीया एने तान घटकेरीन सोरो हाजो एनो.
ओवतो चेला एकांती यीशु हेऱ्यो आवीन कियेल आमूह दुष्ट आत्मा का काढता आवा नाहं? तो ताह कियील तुमरो कमीथोडा विश्वासमरीन कारण मी तुमूह खेरीच किथु का जर तुमरो माय राईन दाणान ओलोक विश्वास एतो तर ज्याह डोंगराह यारीन तोथा हरके इही तुमूह कियील तो हरकले तुमूह कायीच असाध्य एय नाहं. पुण जी जाती बिना प्रार्थना एने उपास नाह निकलती.


तो गलीला माय एक्ठाच जमाना रेतालान यीशु ताह कियील माणहान सोरो माणहान आथे देरीन आपण्यू हि. तो ताह जीवे देती एने तिसऱ्या एक दिह तो उठाडील जाहो तेवी तो जुलुम दुखी एय गीयो.

ओवतो तो कफर्णहुम नगर आविलपोर, मंदिर पट्टी रुपयो वसूल केरणारा पतरसान माय आवीन कियेल तुमरो गुरु मंदिरान पट्टी रुपयो आपतेन नाहं काय? तान कियील होव आपणु ओवतो पतरस घेराम आविलपोर तो बोलणे पेलूच यीशु कियील, शिमोन, तुवाह काय लागीह? पृथ्वी पोरिनाला राजे जकात केव्ही केर कुणीपोरीन लेनो? स्वताहा सोरापोररीन कि परक्यांपासून? पतरस से एय तान कियील ताह यीशु ताह कियील तर सोरा मोकलो हेते. तेभी आपु ताह अडथळा नाहा केरीन तू जाइन गलील ने समुद्रा माय गळ टाक एने पेल्लाचने उपेर आवी तो मासू देरीन तान मूय उघड म्हणजे तुवाह दुय रुपयाह नाणे सापडीलील ते लीन मार बद्दल एने तारो बद्दल ताह आप.

Nghe मत्ती 17