छाप्‍लाङाना चिनारि
ना नुना खाबोर युहान्‍नाङा छेप्‍टुना ए॥ ना छाप्‍लाङि युहान्‍नाङा येसु माङ्‌हाङ्‌ङाना लाट्‌निना रिङ्, हिट्‌नुङ् “ना रिङ् याप्‌मि लिसाउङ् आनि माझाङि युङे” नुङ् छेप्‍टुएसुए॥ येसु डोक् माङ्‌हाङ् छा हिट्‌नुङ् चामारसिङा चोक्‍बालाक् काहिङ्‌मेप्‍बा डाङ्‌बा ए॥ ना नुना खाबोर पोढाँ काचोक्‌चिङा येसु चामारसिङा चोक्‍बालाक् काहिङ्‌मेप्‍बा डाङ्‌बा हिट्‌नुङ् माङ्‌हाङ् छा ए नुङ् बिस्‍वास ओचोगु हिट्‌नुङ् हिट्‌ना बिस्‍वासलाम्‍मा हिट्‌नागाँ चोला ओटोगु नुङ् छेप्‍बालाक् ए॥
माङ्‌हाङ्‌ङाना रिङ् हिट्‌नुङ् येसु ठिक् एना॥ ना नुना खाबोरङाना पाइलेना खान्‍डाङा डोङ् ठोङ्‌डिगा टोॽवाचि बारेङि माट्‌टुटु, ना रिङ्‌ङा येसु डोक् माङ्‌हाङ् छा हिट्‌नुङ् चामारसिङा चोक्‍बालाक् काहिङ्‌मेप्‍बा डाङ्‌बा नुङ् पारचिन्‍दा चोगुटु॥ हिट्‌नुङ्‌ना टाङ्‌बाङाना डोङ् ठोङ्‌डिना टोॽवाङा पाक् रिङ् ठाहा टोक्‌युक्‍ना हिट्‌नागा बारेङि उन्‍ङाना उपादेसङा पारचिन्‍दा चोगुटु॥ पाइलेना खान्‍डाङा आम्‍टेप्‍मा याप्‌मिचिङा येसुङि बिस्‍वास ओचोगुङ् ओचेला उलिसे, टरो आरुङाम्‍बाक् बिरोध ओचोगुए हिट्‌नुङ् उन्‌ङि बिस्‍वास ओचोग्‍वाट्‌टुन्‍ना रिङ् माट्‌टुटु॥ तेरा नुङ् सात्‍रो आध्‍याएङि येसु उन् ओलाबुना युसा ओचेलाचिलोक् चोगुना साङ्‌गाति हिट्‌नुङ् खाप्‍चेङि सिमा नुङ्‌ना पाइले चेलाचि आँट् पिडुचिगा रिङ्‌ङाना बिसाएङि छेप्‍टेसे॥ हिट्‌नुङ् आरु आध्‍याएङि येसु ओलाबुना हिट्‌नुङ् उन्‍ङाना निङ्‌ग्‍वा छिक्‍माना, उन् खाप्‍चेङि सियाना, फेरि उहिङ्‌ग्‍वाट् लिसाउङ् कोबाना रिङ् हिट्‌नुङ् ओचेलाचिङि ठेट्‌टाना बारेङि छेप्‍टेसे॥
लाट्‌निना चोलाम्‍टे खिरिस्‍टलाम्‍मा टोगुम्‍टुम्॥ ना बारदान येसु डोक् लाम्‍बो, सात्‍ते लोक् चोला नुङ् बिस्‍वास काचोक्‍बाङा एडोक् ओटोगुटु॥ ना नुना खाबोरङि हाङ्‌साङाना बारेङि चुवा, चालेपा, व्‍हाङ्, गोठाले लोक् ठुँबा, आङ्‌गुरङाना उभुङ्‌मा हिट्‌नुङ् उसाङाना बारेङि मुन्‍डुम् छेप्‍टेसे॥
बिसाए-सुचि
उटुम्‌ङिना रिङ् १:१-१८
बाप्‌टिस्‍मा कापिबा युहान्‍ना हिट्‌नुङ् येसु ओचेलाचि १:१९-५१
येसुङाना ओसेवा २:१–१२:५०
यरुसलेमङि युङाना लेम्‍बा १३:१–१९:४२
येसु सियानालाम्‍मा उहिङ्‌ग्‍वाट् लिसाना हिट्‌नुङ् ठेट्‌टाना २०:१-३१
उन् फेरि गालिलङि ठेट्‌टाना २१:१-२५

Nghe युहान्‍ना छाप्‍लाङाना चिनारि