Những câu Kinh Thánh phổ biến từ T. LŪKÖS 12

Chia sẻ

Lēntöheichṙen yī-ö inrē, tön hĕng heuh yin min öt lōnuvö tö yanīhih ngòh Kūön Tarik

Chöh ngam pūlngö Ò pöri yī-ö urĕh; ngaich ṙūöhtuṙen min në chehen, nö in yīö.

Ngaich ngö ṙô Anga-aṅ tö cha, Haṙēmngenre yin, kē-ĕngre ui im yinikhanga; pò ngih nômö ngòh tarik nö öt i ṙôken nup chehen mi-in ò.

Pòn yē chūök nup chehen yīö in e min ngam ellōn yīö inrē

Achīö ap öre tö paṙūtalōn tö yīö, öp tö kô-òren nö ṙūölö rôta nômöre?

Ngaich ngö ṙô Anga-aṅ tö yik mahaköp, Lökten Chin ngö ṙô tö yīö, Uh yin paṙūtalōn im nômö yīö, tö nup nya-aṅkūö yīö min; ui rēhĕn paṙūtalōn im alaha, tö hilā yīö min.

Kaheūki nun minë keūyö nö ṙòkhöre. Uh yin pa-ekūö; mööklö ṙôken ṙāi yin tö töṙōl nòng röchö.

Ui pa-ekūö, tökūöṅnen pököre; tön tölöök an nö lōn ngam Yöng yīö nö kē-ĕkūö yīö tö ngam pūlngö.

Yē ngëiṅchkö në chehechōn, töttameūich, ötrēhĕn nö hamūl; në töt urôhòv chūök nya-aṅkūö, ötrēhĕn nö chūöku tī tö patī; ngam Tēv pöri maha-aṅhaṅl u. Mööḵlö yin yī-ö tö në chehechōn.

Ui afēken nya-aṅkūöre, ui afēken òkre inrē, ui rēhĕn katöngalōn.

Yē ngam Tēv pöri nö ngatī hilātī tö minë chōn, në töng tötaheui, ngaich huṙöichlöre, kavalhötvö anū-ö ngaich, nö i rit tanīöyö i ṙôkhöl tī Ang min tö hilā yīö, Ō yī-ö tö kūöṅnen mikah?

Rö-ö pöri nö tö hanyāti, öp töthameuktu min; ane inrē öt töhayunngörevö, öp töt ankahen min.