Những câu Kinh Thánh phổ biến từ मत्ती 9

Chia sẻ

ताह़लू तिन्हीं अपणे चेलेयां नैं ग्लाया, “मते खेत पकी गियो हन, अपर मजदूर घट हन। इसतांई खेते दे मालके नैं विणती करा कि सैह़ अपणे खेतां च कम्म करणे तांई होर मजदूर घल्ली दैं।”

इसतांई तुहां जाई नैं इसदा मतलब सीखी लेआ। मैं बलिदान नीं अपर दया चांह़दा। क्जोकि मैं धर्मियां जो नीं, अपर पापियां जो सदणा आया ऐ तांजे पापी उद्धार पान।”

जाह़लू तिन्हीं भीड़ा जो दिख्या तां तिसियो लोकां पर तरस आया, क्जोकि सैह़ तिन्हां भेड्डां साइआं थे जिन्हां दा कोई रखवाल़ा नीं होयैं, सैह़ बेचैन कने भटकेयो थे।

एह़ सुणी करी यीशु तिन्हां नैं ग्लाणा लग्गा, “बैद भले चंगेया तांई नीं अपर बमारां तांई जरूरी हुंदे हन।

यीशु गलील प्रदेसे दे सारे सैहरां कने ग्रां च घूमदा रेह्आ कने तिन्हां दे आराधनालयां च सिक्षा दिंदा, कने परमात्मे दे राज्जे दा सुसमाचार प्रचार करदा, कने हर किस्मां दियां बमारियां कने कमजोरियां जो दूर करदा रेह्आ।