Những câu Kinh Thánh phổ biến từ Luk 8

Chia sẻ

Ndô mèyo y’avôswi gô ntyèngè mbya, ne waô wi re, waô jogo p’igamba n’ôrèm̃’ômbya w’ôgôre, wi piga nyô, ayaṉ’ilônda n’isoliṉa.

Mèyo y’avôswi gô gare y’arèndè, ne waô wi re, waô jogo p’igamba, wi kèndaga, aragô n’inaka, n’igumba, n’igeṽa ny’em̃èṉo ziṉo, ko w’awondiz’ilônda.

Waô gw’idô ne waô wi re, gô jogo waô igamba, wi bonga nyô ni mbya, ndô wi zele n’ôramba, wi bekelya vo mw’ôlingô, ndô gw’egômbe z’isoryô wi fwinya ni nyum̃a.

N’awulinyi yè waô inè: Ibekelyi saṉi si re gweṉi? N’agôtyô waô n’itya am̃ama, n’awulyaṉi waô inè: Sambô wiṉo mande, e sômbya vangaṉ’ômpunga ni mbeṉe, ko yô jogiṉô yè?

Waô gô mpoṉo ne waô wi re jogo pa; vovo bye Satan, arômb’igamba avila gw’irèm̃i yaô, waô vende bekelya azungiṉô.

Konde zel’ezom̃a jumbuṉô pa zi re z’awôm̃unyô, ge ôsam̃u wi ntyorya wi re w’amyô awôm̃wa gô bwe.

Gw’ayeṉi ômwantô inè, e pa jumbuṉô, aṽyeṉi ntantam̃iṉaga avôswa gw’agôlô mè, arakilya gw’azô m’aṉaga waôdu ntiṉa y’abwatè na yè, ni nt’ajingô yè v’igamba ny’agwaṉa. Awulinyô yè ne Yesu inè: ’Mwam̃, ibekelyi so si re wè sungiṉa pa; gèndaga n’am̃ènjè.

Aṽyeṉi waô gôre yè, ayèm̃è, awulya inè: Rera, rera, azwè pera! Aṉongwi yè, aleg’ômpunga n’ibenda si mbeṉe, n’avoṉi yô, alimbiṉ’ôdèmbè.