Chivkeeb 7
7
Dej Nyab Ntiajteb
1Vajtswv hais rau Nau-as hais tias, “Koj thiab tagnrho koj tsev tibneeg ciali mus rau hauv lub nkoj. Tagnrho tej neeg uas nyob hauv ntiajteb tiam no, Kuv tsuas pom koj tibleeg xwb thiajli ua lub neej ncajncees. 2Coj tej tsiaj uas huv ib yam xya nkawm nrog koj mus, tiamsis tej tsiaj uas tsis huv ces tsuas coj ib yam ib nkawg xwb. 3Coj tej noog ib yam xya nkawm mus thiab. Ua li no kom thiaj yuav ceev tau txhua yam tsiaj thiab noog kom muaj sia thiab huamvam thoob lub ntiajteb no dua ntxiv. 4Xya hnub saum no Kuv yuav tso nag los plaubcaug hnub plaubcaug hmo rau hauv ntiajteb, kom txhua yam muaj sia uas Kuv tau tsim lawm puastsuaj tag huv tibsi mus.” 5Nau-as thiaj ua txhua yam rawsli Vajtswv tau xaaj tseg lawm.
6Thaum dej nyab ntiajteb Nau-as muaj hnubnyoog 600 xyoo. 7Nau-as thiab nws pojniam, nws cov tub thiab cov nyab, puavleej mus rau hauv lub nkoj kom khiav dhau qhov uas dej yuav nyab. 8Txhua yam tsiaj thiab noog, tej maum tej txiv, tej poj tej lau, tsis hais cov uas huv lossis tsis huv, 9puavleej nrog Nau-as mus rau hauv lub nkoj rawsli Vajtswv tau xaaj tseg lawm. 10Xya hnub tomqab dej nag txawm laublug los nyab ntiajteb.
11Thaum Nau-as muaj hnubnyoog 600 xyoo, txwm nkaus rau hnubtim kaum-xya, lub ob hlis ntuj, hnub ntawd tej qhovdej txhawv txawm tawg pes rhe hauv av tuaj, thiab roojntug txawm qhib hlo ua rau nag laublug saum ntuj los rau hauv ntiajteb. 12Nag los rau hauv ntiajteb tau plaubcaug hnub plaubcaug hmo.
13Tibhnub ntawd Nau-as thiab nws pojniam nrog rau nkawd peb tus tub uas yog Sees, Has, Yafej, thiab nkawd peb tus nyab mus rau hauv lub nkoj. 14Txhua yam tsiaj, tsis hais tsiaj nyeg tsiaj qus, tsiaj loj tsiaj me, tej uas nkag hauv av, thiab txhua yam noog puavleej nrog lawv mus rau hauv lub nkoj huv tibsi. 15Txhua yam tsiaj uas muaj sia, tsis hais tus poj tus lau, tus maum tus txiv, puavleej nrog Nau-as mus rau hauv lub nkoj, 16rawsli Vajtswv tau xaaj tseg lawm. Ces tus TSWV txawm kaw lub qhovrooj nkoj rau lawm.
17Nag yeej los tsis tu li tau plaubcaug hnub, thiab dej huam siab zujzus ua rau lub nkoj nqa hlo ntab yees lawm. 18Dej nyab siab zujzus tuaj, ua rau lub nkoj ntab yees rau saum nplaimdej. 19Dej nyab siab heev, ua rau mus vov tagnrho tej hauv roob siab huv tibsi, 20thiab dej tseem nyab dhau 7 mev ntawm tej hauv roob siab ntawd rau saud lawm thiab. 21Txhua yam uas muaj sia nyob hauv ntiajteb tuag tag, tsis hais nas-noog, tsiaj nyeg tsiaj qus, thiab tej tibneeg huv tibsi. 22Txhua yam uas txawj ua pa nyob hauv ntiajteb tuag tag huv tibsi. 23Tus TSWV muab txhua yam uas muaj sia nyob hauv ntiajteb, tsis hais tibneeg, tsiaj thiab noog, rhuav povtseg tagnrho huv tibsi mus. Tsuas tshuav Nau-as thiab cov uas nrog nws mus rau hauv lub nkoj nkaus xwb.
24Dej yeej tsis nqig li tau 150 hnub.
Đang chọn:
Chivkeeb 7: MWW2022
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2022 United Bible Societies. All rights reserved.
Chivkeeb 7
7
Dej Nyab Ntiajteb
1Vajtswv hais rau Nau-as hais tias, “Koj thiab tagnrho koj tsev tibneeg ciali mus rau hauv lub nkoj. Tagnrho tej neeg uas nyob hauv ntiajteb tiam no, Kuv tsuas pom koj tibleeg xwb thiajli ua lub neej ncajncees. 2Coj tej tsiaj uas huv ib yam xya nkawm nrog koj mus, tiamsis tej tsiaj uas tsis huv ces tsuas coj ib yam ib nkawg xwb. 3Coj tej noog ib yam xya nkawm mus thiab. Ua li no kom thiaj yuav ceev tau txhua yam tsiaj thiab noog kom muaj sia thiab huamvam thoob lub ntiajteb no dua ntxiv. 4Xya hnub saum no Kuv yuav tso nag los plaubcaug hnub plaubcaug hmo rau hauv ntiajteb, kom txhua yam muaj sia uas Kuv tau tsim lawm puastsuaj tag huv tibsi mus.” 5Nau-as thiaj ua txhua yam rawsli Vajtswv tau xaaj tseg lawm.
6Thaum dej nyab ntiajteb Nau-as muaj hnubnyoog 600 xyoo. 7Nau-as thiab nws pojniam, nws cov tub thiab cov nyab, puavleej mus rau hauv lub nkoj kom khiav dhau qhov uas dej yuav nyab. 8Txhua yam tsiaj thiab noog, tej maum tej txiv, tej poj tej lau, tsis hais cov uas huv lossis tsis huv, 9puavleej nrog Nau-as mus rau hauv lub nkoj rawsli Vajtswv tau xaaj tseg lawm. 10Xya hnub tomqab dej nag txawm laublug los nyab ntiajteb.
11Thaum Nau-as muaj hnubnyoog 600 xyoo, txwm nkaus rau hnubtim kaum-xya, lub ob hlis ntuj, hnub ntawd tej qhovdej txhawv txawm tawg pes rhe hauv av tuaj, thiab roojntug txawm qhib hlo ua rau nag laublug saum ntuj los rau hauv ntiajteb. 12Nag los rau hauv ntiajteb tau plaubcaug hnub plaubcaug hmo.
13Tibhnub ntawd Nau-as thiab nws pojniam nrog rau nkawd peb tus tub uas yog Sees, Has, Yafej, thiab nkawd peb tus nyab mus rau hauv lub nkoj. 14Txhua yam tsiaj, tsis hais tsiaj nyeg tsiaj qus, tsiaj loj tsiaj me, tej uas nkag hauv av, thiab txhua yam noog puavleej nrog lawv mus rau hauv lub nkoj huv tibsi. 15Txhua yam tsiaj uas muaj sia, tsis hais tus poj tus lau, tus maum tus txiv, puavleej nrog Nau-as mus rau hauv lub nkoj, 16rawsli Vajtswv tau xaaj tseg lawm. Ces tus TSWV txawm kaw lub qhovrooj nkoj rau lawm.
17Nag yeej los tsis tu li tau plaubcaug hnub, thiab dej huam siab zujzus ua rau lub nkoj nqa hlo ntab yees lawm. 18Dej nyab siab zujzus tuaj, ua rau lub nkoj ntab yees rau saum nplaimdej. 19Dej nyab siab heev, ua rau mus vov tagnrho tej hauv roob siab huv tibsi, 20thiab dej tseem nyab dhau 7 mev ntawm tej hauv roob siab ntawd rau saud lawm thiab. 21Txhua yam uas muaj sia nyob hauv ntiajteb tuag tag, tsis hais nas-noog, tsiaj nyeg tsiaj qus, thiab tej tibneeg huv tibsi. 22Txhua yam uas txawj ua pa nyob hauv ntiajteb tuag tag huv tibsi. 23Tus TSWV muab txhua yam uas muaj sia nyob hauv ntiajteb, tsis hais tibneeg, tsiaj thiab noog, rhuav povtseg tagnrho huv tibsi mus. Tsuas tshuav Nau-as thiab cov uas nrog nws mus rau hauv lub nkoj nkaus xwb.
24Dej yeej tsis nqig li tau 150 hnub.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2022 United Bible Societies. All rights reserved.