KUZOYA 2
2
1Niko huwu mlungunyi na ndoenyi kukamerelwa kuumbwa, na vose viko andenyi kwaro. 2Nao ituku ja mfungade Mlungu ukahora nyuma ya kumeria kazi rake rose oreribonyereghe.#Waeb. 4.4,10#Kuf. 20.11 3Niko Mlungu ukajirasimia ituku ja mfungade, ukajielesha; angu kwa ijo, Mlungu orehorieghe kufuma kwa kazi rake rose reumba. 4Huwu niko mlungunyi na ndoenyi koreumbiloghe.
Mbuwa ya Edeni
Iji BWANA Mlungu orebonyereghe mlungunyi na ndoenyi, 5ndekorekoghe na mudi ghungi ndoenyi, hata mbeu ringi ndererebukieghe, kwa kukaia BWANA Mlungu nderekoghe wanyesha vua ingi ndoenyi, hata ndekorekoghe na mndungi oilima ndoe anduangi; 6ela machi ghikabuka ndoenyi na kuinyoshera ndoe.
7Niko BWANA Mlungu ukam'bonya mdamu wa teri kufuma kwa ndoe, ukamfuria miruke ya irangi mbuonyi kwake, na mdamu ukakaia mundu uko moyo.#1 Wakor. 15.45 8Nao BWANA Mlungu ukawa mbuwa chia ra mashariki ya Edeni; ukammbika aho uo mundu orem'bonyereghe. 9BWANA Mlungu ukabonya ndoe ibuse midi ighokie mesonyi, na sena iboie kwa vindo, ukawika na mudi ghwa irangi ghadi na ghadi ya mbuwa; na mudi ghomanya mecha na mawiwi wokoni.#Wuf. 2.7; 22.2,14
10Moda ghukafuma aho Edeni ghonyoshera iyo mbuwa, na kufuma aho ghukawaghanyika na kuwuya meda ina. 11Moda ghwa imbiri ni Pishoni, nigho ghuidiriagha isanga ja Havila, angu kuko na dhahabu; 12nayo dhahabu ya isanga ijo yaboie; sena koko na marumba, ghiwangwagha bedola, na magho ghiboie gha zoghori ghiwangwagha Shohamu. 13Moda ghwa kawi ni Gihoni, nigho ghuidiriagha isanga ja Kushi. 14Moda ghwa kadadu ni Tigrisi, ugho ghuidiriagha mashariki ya Ashuru. Na moda ghwa kana ni Eufrate.
15BWANA Mlungu ukamdwa na kummbika uo mundu andenyi ya iyo mbuwa ya Edeni uilime na kuilindia. 16Nao BWANA Mlungu ukamlaghira uo mundu ukimzera, “Kwadima kuja matunda gha midi yose ya mbuwenyi, 17ela matunda gha ghuja mudi ghomanya mecha na mawiwi kuseje, angu ituku kujagha matunda gharo, kuchafwa.”
18Nao BWANA Mlungu ukaghamba, “Si nicha uo mundu uduo uekeri, nicham'bonyera mtesia umfwanagha putu.” 19BWANA Mlungu ukabonya nyamandu rose na nyonyi ra mbeonyi, ukamredia uo mundu uzighane na kuwona ngera uriwanga wada, na irina uo mundu orejiwangieghe kula nyamandu iko moyo, nijo jeni jerewurieghe irina jake. 20Uo mundu ukarineka marina mfugho rose, na nyonyi rose, na nyamandu ra isakenyi rose; ela kwa iro rose, ndekorewonekieghe ingi ifwane emtesia uo mundu anduangi. 21BWANA Mlungu ukamredia uo mundu dilo nyingi, nao uko dilonyi, Mlungu ukamfunya luwaru lumu, ukachura nyama wulalo ghwaro; 22na luwaru ulo BWANA Mlungu orelufunyireghe kwa uo mundu ukalubonya muka na kumredia uo mundu. 23Nao uo mundu ukaghamba,
“E, ola da niko.
Uhu ni iindi ja maindi ghapo,
na nyama ya nyama rapo;
uchawangwa ‘Muka’
kwa kukaia odefunywa kwa mndwawomi.”
24Kwa huwu mundu wadamsigha ndee na mae, na kumazirana na mkake, nawo wadawuya mumbi ghumweri.#Mat. 19.5; Mk. 10.7-8; 1 Wakor. 6.16; Waef. 5.31 25Na uo mundu na mkake werekoghe duu, sena ndewerekoghe na waya ghungi anduangi.
Đang chọn:
KUZOYA 2: TAITA
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©Bible Society of Kenya, 1997
All rights reserved.
KUZOYA 2
2
1Niko huwu mlungunyi na ndoenyi kukamerelwa kuumbwa, na vose viko andenyi kwaro. 2Nao ituku ja mfungade Mlungu ukahora nyuma ya kumeria kazi rake rose oreribonyereghe.#Waeb. 4.4,10#Kuf. 20.11 3Niko Mlungu ukajirasimia ituku ja mfungade, ukajielesha; angu kwa ijo, Mlungu orehorieghe kufuma kwa kazi rake rose reumba. 4Huwu niko mlungunyi na ndoenyi koreumbiloghe.
Mbuwa ya Edeni
Iji BWANA Mlungu orebonyereghe mlungunyi na ndoenyi, 5ndekorekoghe na mudi ghungi ndoenyi, hata mbeu ringi ndererebukieghe, kwa kukaia BWANA Mlungu nderekoghe wanyesha vua ingi ndoenyi, hata ndekorekoghe na mndungi oilima ndoe anduangi; 6ela machi ghikabuka ndoenyi na kuinyoshera ndoe.
7Niko BWANA Mlungu ukam'bonya mdamu wa teri kufuma kwa ndoe, ukamfuria miruke ya irangi mbuonyi kwake, na mdamu ukakaia mundu uko moyo.#1 Wakor. 15.45 8Nao BWANA Mlungu ukawa mbuwa chia ra mashariki ya Edeni; ukammbika aho uo mundu orem'bonyereghe. 9BWANA Mlungu ukabonya ndoe ibuse midi ighokie mesonyi, na sena iboie kwa vindo, ukawika na mudi ghwa irangi ghadi na ghadi ya mbuwa; na mudi ghomanya mecha na mawiwi wokoni.#Wuf. 2.7; 22.2,14
10Moda ghukafuma aho Edeni ghonyoshera iyo mbuwa, na kufuma aho ghukawaghanyika na kuwuya meda ina. 11Moda ghwa imbiri ni Pishoni, nigho ghuidiriagha isanga ja Havila, angu kuko na dhahabu; 12nayo dhahabu ya isanga ijo yaboie; sena koko na marumba, ghiwangwagha bedola, na magho ghiboie gha zoghori ghiwangwagha Shohamu. 13Moda ghwa kawi ni Gihoni, nigho ghuidiriagha isanga ja Kushi. 14Moda ghwa kadadu ni Tigrisi, ugho ghuidiriagha mashariki ya Ashuru. Na moda ghwa kana ni Eufrate.
15BWANA Mlungu ukamdwa na kummbika uo mundu andenyi ya iyo mbuwa ya Edeni uilime na kuilindia. 16Nao BWANA Mlungu ukamlaghira uo mundu ukimzera, “Kwadima kuja matunda gha midi yose ya mbuwenyi, 17ela matunda gha ghuja mudi ghomanya mecha na mawiwi kuseje, angu ituku kujagha matunda gharo, kuchafwa.”
18Nao BWANA Mlungu ukaghamba, “Si nicha uo mundu uduo uekeri, nicham'bonyera mtesia umfwanagha putu.” 19BWANA Mlungu ukabonya nyamandu rose na nyonyi ra mbeonyi, ukamredia uo mundu uzighane na kuwona ngera uriwanga wada, na irina uo mundu orejiwangieghe kula nyamandu iko moyo, nijo jeni jerewurieghe irina jake. 20Uo mundu ukarineka marina mfugho rose, na nyonyi rose, na nyamandu ra isakenyi rose; ela kwa iro rose, ndekorewonekieghe ingi ifwane emtesia uo mundu anduangi. 21BWANA Mlungu ukamredia uo mundu dilo nyingi, nao uko dilonyi, Mlungu ukamfunya luwaru lumu, ukachura nyama wulalo ghwaro; 22na luwaru ulo BWANA Mlungu orelufunyireghe kwa uo mundu ukalubonya muka na kumredia uo mundu. 23Nao uo mundu ukaghamba,
“E, ola da niko.
Uhu ni iindi ja maindi ghapo,
na nyama ya nyama rapo;
uchawangwa ‘Muka’
kwa kukaia odefunywa kwa mndwawomi.”
24Kwa huwu mundu wadamsigha ndee na mae, na kumazirana na mkake, nawo wadawuya mumbi ghumweri.#Mat. 19.5; Mk. 10.7-8; 1 Wakor. 6.16; Waef. 5.31 25Na uo mundu na mkake werekoghe duu, sena ndewerekoghe na waya ghungi anduangi.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©Bible Society of Kenya, 1997
All rights reserved.