Mose I, NYA TSƆƆMI
NYA TSƆƆMI
Womi nɛ ɔ biɛ Genesis ɔ sisi tsɔɔmi ji sisije. Sanehi nɛ ngɛ womi nɛ ɔ mi ji je mi bɔmi he sane, nɔmlɔ adesa je hé, bɔ nɛ yayami kɛ nɔ́ nami ba je ɔ mi, kɛ blɔ nɛ Mawu guu nɔ nɛ e kɛ nɔmlɔ adesa hii si. Womi nɛ ɔ ngɛ mi dlami enyɔ:
1. Yi 1-11 Je ɔ bɔmi, kɛ blema sanehi nɛ kɔɔ nɔmlɔ adesa he: Adam kɛ Hawa, Kain kɛ Habel, Noa kɛ nyu kpekpemi ɔ, kɛ Babilon mɔ ɔ.
2. Yi 12-50 Israel bi ɔmɛ a nɛmɛ ɔmɛ a he sane. Kekleekle nɔ ji Abraham. Abraham hemi kɛ yemi kle, nɛ e buɔ Mawu tue. Sanehi nɛ ba ngɛ Abraham se ɔ kɔɔ e bi Isak, kɛ e bibi Yakob, kɛ Yakob bimɛ nyɔngma kɛ enyɔ ɔmɛ a he. Yakob biɛ kake hu ji Israel, nɛ e bimɛ ɔmɛ ji nihi nɛ ba to Israel wɛtso nyɔngma kɛ enyɔ ɔmɛ sisi. Yakob bi Yosef he sane, kɛ bɔ nɛ Yakob kɛ e bimɛ kpa amɛ, kɛ mɛ hu a yihi kɛ a bimɛ, kɛ a weku kɛ nina je Kanaan kɛ ya doma ngɛ Egipt ɔ, ji womi nɛ ɔ mi sane pɔtɛɛ ko.
E ngɛ mi kaa nimli adesahi a he sanehi lɛ a ngma ngɛ womi nɛ ɔ mi, se nɔ́ titli nɛ jeɔ kpo ngɛ mi ji Mawu ní tsumi. Womi nɛ ɔ sisije ɔ yeɔ odase kaa je ɔ, Mawu lɛ bɔ. Womi ɔ nyagbe ɔ hu siwo ko ngɛ lejɛ ɔ, nɛ tsɔɔ kaa Mawu maa na e ma a mɔbɔ daa. Kɛ je sisije kɛ ya si nyagbe ɔ, nɔ pɔtɛɛ he munyu nɛ a ngma ngɛ womi nɛ ɔ mi ji Mawu. Lɛ ji nɔ nɛ kojoɔ yayami peeli, nɛ e gblaa a tue. Lɛ ji nɔ nɛ nyɛɛɔ e ma a hɛ mi; lɛ nɛ e piɛɔ a he, nɛ e hlaa a nɔ yami. A ngma blema womi nɛ ɔ nɛ a kɛ tsɔɔ wɔ ma ko a hemi kɛ yemi. A pee nɔ́ nɛ ɔ, konɛ yi nɔhi nɛ maa nyɛɛ se ɔ, mɛ hu a ba na kikɛmɛ a hemi kɛ yemi nɛ ɔ, nɛ a pɛtɛ he.
Bɔ nɛ a dla womi ɔ mi ha
A bɔ je ɔ, kɛ nɔmlɔ adesa 1.1—2.25
Yayami, kɛ nɔ́ nami sisije 3.1-24
Kɛ je Adam nɔ, kɛ ya su Noa nɔ 4.1—5.32
Noa kɛ nyu kpekpemi ɔ 6.1—10.32
Babilon mɔ ɔ 11.1-9
Kɛ je Shem nɔ kɛ ya su Abram nɔ 11.10-32
Blematsɛmɛ ɔmɛ: Abraham, Isak, kɛ Yakob 12.1—35.29
Esau nina 36.1-43
Yosef kɛ e nyɛmimɛ ɔmɛ 37.1—45.28
Israel bi ɔmɛ ngɛ Egipt 46.1—50.26
Đang chọn:
Mose I, NYA TSƆƆMI: Dangme
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bible in Dangme © Bible Society of Ghana, 2018.