Yohane 10
10
To ɔmɛ a he abɛ ɔ
1“Anɔkuale mi i ngɛ nyɛ dee ke: Nɔ nɛ gui sinya a nya nɛ e kɛ se to ɔmɛ a tsu ɔ mi se mohu e guu he kpa kɛ kuɔ ɔ, juɔ kɛ ojofialɔ ji lɛ. 2Se nɔ nɛ guu sinya a nya kɛ sɛɛ mi ɔ, to ɔmɛ a hyɛlɔ ji lɛ. 3Lɛ, sinya nya hyɛlɔ ɔ bliɔ haa, nɛ to ɔmɛ nuɔ e gbi, nɛ e kɛ lɛ nitsɛ e to ɔmɛ a biɛ tsɛɛ mɛ, nɛ e kɛ mɛ jee kpo. 4Nɛ ke e bli e to ɔmɛ ɔ, e nyɛɛ a hɛ mi, nɛ to ɔmɛ nyɛɛ e se, ejakaa a le e gbi. 5Se nɔ kpa a, a be e se nyɛɛe, se mohu a maa tu fo kɛ je e ngɔ, ejakaa a li ni kpahi a gbi.”
6Yesu bu mɛ abɛ nɛ ɔ, se mɛɛ lɛɛ a nui munyu nɛ e kɛ mɛ ngɛ tue ɔ sisi.
Yesu ji tohyɛlɔ kpakpa
7Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ. 8Nihi tsuo nɛ sɛ ye hlami kɛ ba a, juɔhi kɛ ojo fiali ji mɛ; se to ɔmɛ bui mɛ tue hulɔ. 9Imi ji sinya a nɛ. Imi lɛɛ, ke nɔ ko gu ye mi kɛ sɛ mi ɔ, a ma he e yi wami, nɛ e maa sɛ mi nɛ e maa je kpo, nɛ e ma na niyeni. 10Juɔ bɛ gu, se jumi kɛ nɔ gbemi kɛ hɛmi kpatami he e baa ngɛ; imi lɛɛ i ba benɛ pee nɛ a na wami nɛ a na nɛ e be nɔ.
11“Imi ji to hyɛlɔ kpakpa a nɛ. To hyɛlɔ kpakpa a ngɔɔ e klaa ngɔ fɔɔ si ngɛ e to ɔmɛ a nane mi. 12Se nɔ nɛ ji apafono nɛ e pi to ɔmɛ a hyɛlɔ, nɔ nɛ to ɔmɛ pi e nihi ɔ, naa kaa ogbetee ma, nɛ e siɔ to ɔmɛ nɛ e tuu fo, nɛ ogbetee, ɔ ba nuu mɛ nɛ e gbɛɛ to ɔmɛ fiaa. 13Apafono ɔ tuu fo, ejakaa apafono ji lɛ, nɛ to ɔmɛ a he nɔ dɔɛ lɛ. 14Imi ji tohyɛlɔ kpakpa a nɛ, nɛ i le ye tohi, nɛ ye to ɔmɛ hu le mi, 15kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi. 16I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.
17“Enɛ ɔ he nɛ Tsɛ ɔ suɔ mi ɔ nɛ, ejakaa i ngɔɔ ye wami ngɔ fɔɔ si, konɛ ma kpale ngɔ. 18Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”
19Munyu nɛ ɔmɛ a he je ɔ, mi gbami kpale ba Yudafo ɔmɛ a kpɛti ekohu. 20Nɛ a ti nihi fuu ke: “Mumi yayami ngɛ e mi, nɛ e nu godo; mɛni he je nyɛ ngɛ lɛ tue bue?” 21Ni komɛ hu ke: “Nɔ nɛ mumi yayami ngɛ e mi nya mi munyuhi ji nɛ ɔ lo? Anɛ mumi yayami ma nyɛ hɛ yuyuilɔ hɛngmɛ ma bli lo?”
Yudafo ɔmɛ kua Yesu
22Be su nɛ a ngɛ sɔlemi tsu he tsukɔmi kaimi nyami ligbi yee ngɛ Yerusalem, nɛ fiɛ be ʼi. 23Nɛ Yesu ngɛ si slae ngɛ sɔlemi we ɔ ngɛ Salomo ablanaa a nɔ. 24Kɛkɛ nɛ Yudafo ɔmɛ ba bua wo e he, nɛ a de lɛ ke: “Kɛ yaa su mɛni be o ma ha wa yi mi maa jɔɔ wɔ kɔsikɔsi peemi ngɛ o he? Ke mo ji Kristo ɔ de wɔ paa.” 25Yesu he nɔ ke: “I de nyɛ nɛ nyɛ he we yi. Ni tsumihi nɛ i tsuɔ ngɛ Tsaatsɛ biɛ mi ɔ, kɔlɔ ɔmɛ lɛ ngɛ ye he odase yee; se nyɛ he we yi, 26mɛni he je ɔ, nyɛ pi ye to ɔmɛ eko. 27Ye to ɔmɛ nuɔ ye gbi, nɛ i le mɛ, nɛ a nyɛɛ ye se, 28nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ. 29Tsaatsɛ nɛ ngɔ mɛ ha mi ɔ pe nihi tsuo, nɛ nɔ ko be nyɛe nɛ e ma kpɔ mɛ ngɛ Tsaatsɛ dɛ. 30Imi kɛ Tsaatsɛ tsuo ɔ, kake ʼi.”
31Kɛkɛ nɛ Yudafo ɔmɛ kukuɔ tɛ ekohu nɛ a maa fia lɛ. 32Yesu he nɔ ke: “I tsɔɔ nyɛ ni tsumi kpakpahi fuu nɛ je Tsaatsɛ ngɔ. Te jamɛ a ni tsumi ɔmɛ a ti nɔ́ nɛ he nɛ nyɛ maa fia mi tɛ ngɛ ɔ nɛ?” 33Yudafo ɔmɛ he nɔ nɛ a de lɛ ke: “Tsa pi ni tsumi kpakpa ko he nɛ wa maa fia mo tɛ ngɛ ɔ, se mohu musu bɔmi he je, ejakaa mo nɛ nɔmlɔ ji mo ɔ, o tsɛɔ o he ke Mawu.” 34Yesu he nɔ ke: “Anɛ a ngmɛ́ ngɛ nyɛ Mlaa mi ke: ‘I ke, mawuhi ji nyɛ’ ɔ lo? 35Ke e tsɛ nihi nɛ Mawu munyu ɔ ba a ngɔ ɔ tete ke mawuhi, nɛ ngmami ɔ yi lakpa a, 36nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo? 37Ke i tsu we Tsaatsɛ ni tsumihi ɔ lɛɛ nyɛ ko he mi ye; 38se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.” 39Lɔ ɔ he ɔ, a ngɛ hlae ekohu nɛ a nu lɛ, se e je a dɛ.
40Yesu pue nɔ kɛ ho Yordan se ya ekohu, he nɛ Yohane baptisi ngɛ kekle ɔ, nɛ e ya hi lejɛ ɔ. 41Nɛ nihi fuu ba e ngɔ nɛ a ke: “Yohane pee we okadi ko mohu, se nihi tsuo nɛ Yohane de ngɛ nyumu nɛ ɔ he ji anɔkuale.” 42Nɛ nihi fuu he e nɔ ye ngɛ lejɛ ɔ.
Đang chọn:
Yohane 10: DAN77
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Dangme New Testament © United Bible Societies, 1977.
Yohane 10
10
To ɔmɛ a he abɛ ɔ
1“Anɔkuale mi i ngɛ nyɛ dee ke: Nɔ nɛ gui sinya a nya nɛ e kɛ se to ɔmɛ a tsu ɔ mi se mohu e guu he kpa kɛ kuɔ ɔ, juɔ kɛ ojofialɔ ji lɛ. 2Se nɔ nɛ guu sinya a nya kɛ sɛɛ mi ɔ, to ɔmɛ a hyɛlɔ ji lɛ. 3Lɛ, sinya nya hyɛlɔ ɔ bliɔ haa, nɛ to ɔmɛ nuɔ e gbi, nɛ e kɛ lɛ nitsɛ e to ɔmɛ a biɛ tsɛɛ mɛ, nɛ e kɛ mɛ jee kpo. 4Nɛ ke e bli e to ɔmɛ ɔ, e nyɛɛ a hɛ mi, nɛ to ɔmɛ nyɛɛ e se, ejakaa a le e gbi. 5Se nɔ kpa a, a be e se nyɛɛe, se mohu a maa tu fo kɛ je e ngɔ, ejakaa a li ni kpahi a gbi.”
6Yesu bu mɛ abɛ nɛ ɔ, se mɛɛ lɛɛ a nui munyu nɛ e kɛ mɛ ngɛ tue ɔ sisi.
Yesu ji tohyɛlɔ kpakpa
7Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ. 8Nihi tsuo nɛ sɛ ye hlami kɛ ba a, juɔhi kɛ ojo fiali ji mɛ; se to ɔmɛ bui mɛ tue hulɔ. 9Imi ji sinya a nɛ. Imi lɛɛ, ke nɔ ko gu ye mi kɛ sɛ mi ɔ, a ma he e yi wami, nɛ e maa sɛ mi nɛ e maa je kpo, nɛ e ma na niyeni. 10Juɔ bɛ gu, se jumi kɛ nɔ gbemi kɛ hɛmi kpatami he e baa ngɛ; imi lɛɛ i ba benɛ pee nɛ a na wami nɛ a na nɛ e be nɔ.
11“Imi ji to hyɛlɔ kpakpa a nɛ. To hyɛlɔ kpakpa a ngɔɔ e klaa ngɔ fɔɔ si ngɛ e to ɔmɛ a nane mi. 12Se nɔ nɛ ji apafono nɛ e pi to ɔmɛ a hyɛlɔ, nɔ nɛ to ɔmɛ pi e nihi ɔ, naa kaa ogbetee ma, nɛ e siɔ to ɔmɛ nɛ e tuu fo, nɛ ogbetee, ɔ ba nuu mɛ nɛ e gbɛɛ to ɔmɛ fiaa. 13Apafono ɔ tuu fo, ejakaa apafono ji lɛ, nɛ to ɔmɛ a he nɔ dɔɛ lɛ. 14Imi ji tohyɛlɔ kpakpa a nɛ, nɛ i le ye tohi, nɛ ye to ɔmɛ hu le mi, 15kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi. 16I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.
17“Enɛ ɔ he nɛ Tsɛ ɔ suɔ mi ɔ nɛ, ejakaa i ngɔɔ ye wami ngɔ fɔɔ si, konɛ ma kpale ngɔ. 18Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”
19Munyu nɛ ɔmɛ a he je ɔ, mi gbami kpale ba Yudafo ɔmɛ a kpɛti ekohu. 20Nɛ a ti nihi fuu ke: “Mumi yayami ngɛ e mi, nɛ e nu godo; mɛni he je nyɛ ngɛ lɛ tue bue?” 21Ni komɛ hu ke: “Nɔ nɛ mumi yayami ngɛ e mi nya mi munyuhi ji nɛ ɔ lo? Anɛ mumi yayami ma nyɛ hɛ yuyuilɔ hɛngmɛ ma bli lo?”
Yudafo ɔmɛ kua Yesu
22Be su nɛ a ngɛ sɔlemi tsu he tsukɔmi kaimi nyami ligbi yee ngɛ Yerusalem, nɛ fiɛ be ʼi. 23Nɛ Yesu ngɛ si slae ngɛ sɔlemi we ɔ ngɛ Salomo ablanaa a nɔ. 24Kɛkɛ nɛ Yudafo ɔmɛ ba bua wo e he, nɛ a de lɛ ke: “Kɛ yaa su mɛni be o ma ha wa yi mi maa jɔɔ wɔ kɔsikɔsi peemi ngɛ o he? Ke mo ji Kristo ɔ de wɔ paa.” 25Yesu he nɔ ke: “I de nyɛ nɛ nyɛ he we yi. Ni tsumihi nɛ i tsuɔ ngɛ Tsaatsɛ biɛ mi ɔ, kɔlɔ ɔmɛ lɛ ngɛ ye he odase yee; se nyɛ he we yi, 26mɛni he je ɔ, nyɛ pi ye to ɔmɛ eko. 27Ye to ɔmɛ nuɔ ye gbi, nɛ i le mɛ, nɛ a nyɛɛ ye se, 28nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ. 29Tsaatsɛ nɛ ngɔ mɛ ha mi ɔ pe nihi tsuo, nɛ nɔ ko be nyɛe nɛ e ma kpɔ mɛ ngɛ Tsaatsɛ dɛ. 30Imi kɛ Tsaatsɛ tsuo ɔ, kake ʼi.”
31Kɛkɛ nɛ Yudafo ɔmɛ kukuɔ tɛ ekohu nɛ a maa fia lɛ. 32Yesu he nɔ ke: “I tsɔɔ nyɛ ni tsumi kpakpahi fuu nɛ je Tsaatsɛ ngɔ. Te jamɛ a ni tsumi ɔmɛ a ti nɔ́ nɛ he nɛ nyɛ maa fia mi tɛ ngɛ ɔ nɛ?” 33Yudafo ɔmɛ he nɔ nɛ a de lɛ ke: “Tsa pi ni tsumi kpakpa ko he nɛ wa maa fia mo tɛ ngɛ ɔ, se mohu musu bɔmi he je, ejakaa mo nɛ nɔmlɔ ji mo ɔ, o tsɛɔ o he ke Mawu.” 34Yesu he nɔ ke: “Anɛ a ngmɛ́ ngɛ nyɛ Mlaa mi ke: ‘I ke, mawuhi ji nyɛ’ ɔ lo? 35Ke e tsɛ nihi nɛ Mawu munyu ɔ ba a ngɔ ɔ tete ke mawuhi, nɛ ngmami ɔ yi lakpa a, 36nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo? 37Ke i tsu we Tsaatsɛ ni tsumihi ɔ lɛɛ nyɛ ko he mi ye; 38se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.” 39Lɔ ɔ he ɔ, a ngɛ hlae ekohu nɛ a nu lɛ, se e je a dɛ.
40Yesu pue nɔ kɛ ho Yordan se ya ekohu, he nɛ Yohane baptisi ngɛ kekle ɔ, nɛ e ya hi lejɛ ɔ. 41Nɛ nihi fuu ba e ngɔ nɛ a ke: “Yohane pee we okadi ko mohu, se nihi tsuo nɛ Yohane de ngɛ nyumu nɛ ɔ he ji anɔkuale.” 42Nɛ nihi fuu he e nɔ ye ngɛ lejɛ ɔ.
Đang chọn:
:
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Dangme New Testament © United Bible Societies, 1977.